საქართველოს რვა წარმომადგენელი მონაწილეობს ბაქოს საჭადრაკო ფესტივალში, რომელიც აზერბაიჯანის დამოუკიდებლობის 20 წლისთავს ეძღვნება. გუშინ მე-6 ტურში მიხეილ მჭედლიშვილი თეთრი ფიგურებით ასპარეზობის რეიტინგფავორიტ შაჰრიარ მამედიაროვს (აზერბაიჯანი) დაუზავდა; ასევე მშვიდობიანად დაშორდნენ ერთმანეთს რაუფ მამედოვი (აზერბიჯანი)-თორნიკე სანიკიძე, მერაბ გაგუნაშვილი-ქალებში ევროპის ექსჩემპიონი ნატალია ჟუკოვა (უკრაინა), სარასადათ ხადემალშარი (ირანი)-სალომე მელია, შაჰინ ჰუსეინოვი (აზერბაიჯანი)-ბაჩანა მორჩიაშვილი.
სამი ჩვენებური კი მეტოქეებს დანებდა: დავით მაღალაშვილი-ემილ სუტოვსკი (ისრაელი) 0:1, აუაზ მამადოვი (აზერბაიჯანი)-გაიოზ ნიგალიძე 0:1, გიგა ყუფარაძე-ორხან აბდულოვი (აზერბაიჯანი) 0:1.
ლიდერთა ჯგუფის წევრებმა - სერგეი ჟიგალკომ (ბელარუსი) და ევგენი რომანოვმა (რუსეთი),
ექვსი ტურის შემდეგ 5,5 ქულით ისევ ჟიგალკო ლიდერობს. მას ნახევარი ქულით ჩამორჩება რომანოვი. ბრუზონმა, ანდრეიკინმა, დრეევმა და სუტოვსკიმ 4,5-4,5 ქულას მოუყარეს თავი. მათ 4-ქულიანთა 13-კაციანი ჯგუფი მოჰყვება, რომელშიც მჭედლიშვილი და სანიკიძეც არიან. მაღალაშვილი, გაგუნაშვილი-3,5-3,5, ნიგალიძე-3, ყუფარაძე-2,5, მორჩიაშვილი, მელია-2-2 ქულა.
ყოველდღიური სპორტული გაზეთი "ლელო"
