საქართველოს ახალგაზრდულ ჩემპიონატზე ძიუდოში შიდა ქართლი ზედიზედ მესამედ გახდა გუნდურ ჩათვალაში გამარჯვებული (3 ოქროს, 2 ვერცხლის და 1 ბრინჯაოს მედალი). წარმატება რეგიონში ძიუდოს ხელახალი აღმავლობის სტიმულად იქცა. ძირითადი კერა კი გორის გურამ პაპიტაშვილის სახელობის ჭიდაობის კომპლექსური სკოლაა. ახალგაზრდულ ჩემპიონატში მოასპარეზე თითქმის ყველა შიდა ქართლელი ამ დარბაზის წარმომადგენელია.
- შიდა ქართლის ნებისმიერი ასაკობრივი ნაკრები გორელებით კომპლექტდება, რაც ჩვენს დარბაზებში მომუშავე სპეციალისტთა დიდი დამსახურებაა. წარმატებები კი იმის მაჩვენებლია, რომ სწორი გზით მივდივართ - ამბობს გორის ჭიდაობის კომპლექსური სკოლის დირექტორი ანზორ თენაძე.
-
- რასაკვირველია ვგეგმავდით, მიუხედავად იმისა, რომ წინა წლებში გამარჯვებული შემადგენლობიდან ასაკის გამო ნაკრებში რამდენიმე ლიდერი აღარ გვყავდა (მაგალითად ევროპის შარშანდელი ჩემპიონი ოთარ კაიდარაშვილი). ისე, ვისზეც იმედს ვამყარებდით, გაგვიმართლა.
- შიდა ქართლის უპირატესობა განსაკუთრებით 66 კგ-ში იყო შესამჩნევი.
- დიახ, გორული ფინალი შედგა. ლაშა შავდათუაშვილმა, ოთარ არჩუაძეს მოუგო. მესამეზე კი ვანიკო თოთლაძე გავიდა, რომელიც ასევე ჩვენთან ვარჯიშობს, თუმცა ახლა თბილისის გუნდის ღირსება დაიცვა. საერთოდ, მსუბუქ წონებში ჩვენთან ძალიან დიდი კონკურენციაა.
- შიდა ქართლის გუნდური გამარჯვება მძიმე წონაში უტა კოკაურის ჩემპიონობამ გადაწყვიტა...
- კოკაური რომ პერსპექტიული ახალგაზრდაა ყველამ იცის. ამ ახალგაზრდულ ჩემპიონატზე იგი ზედიზედ მესამედ დაეუფლა ოქროს მედლს. ნიშანდობლივია, რომ სამივეჯერ ფინალი წმინდა გამარჯვებით დაასრულა. მან ახლახან ქართულ ჭიდობაშიც (ახალგაზრდებს შორის) არავის დაუთმო პირველობა.
- სხვათა შორის ქვემო ქართლი თქვენი ძირითადი კონკურენტი იყო ქართლის გუნდური წარმატებისას...
- ამ რეგიონს საკმაოდ ძლიერი ნაკრების ჰყავს. არც ადრე მოისუსტებდნენ ძიუდოში, მაგრამ სვანების ქვემო ქართლში დასახლების მერე განსაკუთრებით გალიერდნენ.
- შარშანდელმა ჩემპიონატმა ჩხუბისა და აყალამაყალის თანხლებით ჩაიარა...
- წლეულს ყველაფერი ნორმალურად იყო და იმედია, ასე იქნება მომავალშიც.
- როგორ ფიქრობთ, ამაღლდა მსაჯობის დონე?
- უკეთესობა შეიმჩნევა, მაგრამ შეცდომები მაინც იყო, თუმცა ამას ექსცესებიი არ მოჰყოლია. მსაჯთა კომიტეტის ახალდანიშნული თავმჯდომარე ნიკოლოზ ზაუტაშვილი ახალგაზრდა, სწავლული სპეცილისტია, ევროპის ძიუდოს ფედერაციის ლიცენზიას ფლობს და სასიკეთო ძვრებიც დაატყო საქმეს.
რეგიონში ძიუდოს განვითარებაში დიდი წლილი შეაქვს შიდა ქართლის ფედერაციის პრეზიდენტს ბორის გოგიჩაშვილს. მადლიერები ვართ ქალაქის მუნიციპალიტეტის, გუბერნატორის აპარატის, რომლებიც ხელს გვიმართავენ, როგორც ტურნირებზე გამგზავრებაში, ისე მასპინძლობაში.
