დღეს დამოუკიდებელი საქართველოს პირველ ოლიმპიურ ჩემპიონ ზურაბ ზვიადაურის დაბადების დღეა, გუშინ კი მისი პირველი მწვრთნელის - გუგული აბრამიშვილის დაბადების დღე იყო. მეორე წელიწადია, ამ ორი თარიღის აღსანიშნავად ახმეტაში, ზურაბ ზვიადაურის სახელობის ძიუდოს დარბაზში მოზარდ ძიუდოისტთა შორის საერთაშორისო ტურნირი ტარდება. თუმცა წლევანდელი შეჯიბრება ცოტათი განსხვავებული აღმოჩნდა, რადგან ორ ასაკობრივ ჯგუფში გაიმართა - 16-წლამდელებში ზვიადაურის სახელობისა და 23-იანებში აბრამიშვილის სახელობისა. ამჟამად ორგანიზატორები საქართველოს სპორტისა და ახალგაზრდობის საქმეთა სამინისტრო, საქართველოს ძიუდოს ფედერაცია, ახმეტის მუნიციპალიტეტის გამგეობა და ზვიადაურის სახელობის ძიუდოს სკოლა იყვნენ.
უცხოელთაგან შეჯიბრებაში
უშუალოდ ასპარეზობის სპორტულ მხარეს რაც შეეხება, გუშინდელმა დღემ მასპინძელთა უპირატესობით ჩაიარა, თუმცა აზერბაიჯანელებმაც მოიპოვეს რამდენიმე მედალი, ლიტველთა ანგარიშზე კი ერთი ბრინჯაოა.
კვარცხლბეკი.
16-წლიანები. 55 კგ. 1. ბაჩანა ჭიკაიძე (დედოფლისწარო), 2. ჰიდაიატ ჰეიდაროვი (აზერბაიჯანი), 3. გიორგი ზაქაიძე, ლაშა ბუნტური (ორივე - დედოფლისწყარო).
60 კგ. 1. ბაირამ გუსეინოვი, 2. სამირ აკაევი (ორივე - აზერბაიჯანი), 3. დევიდას ტარულისი (ლიტვა), ვანო ჯანიბეგაშვილი (ახმეტა).
66 კგ. 1. ირაკლი გოგებაშვილი (ბოლნისი), 2. ნოვრუზ ნასიროვი (აზერბაიჯანი), 3. ალეკო კობაიძე (დედოფლისწყარო), მიტუშა ონიანი (თბილისი).
+66 კგ. 1. გიორგი ქურდიანი, 2. გიორგი გველესიანი (ორივე - თბილისი), 3. ვანო ჩურჩხელაშვილი, ჯაბა მუმლაძე (ორივე - ახმეტა).
23-წლიანები. 55 კგ. 1. რაშიდ ხალილოვი (აზერბაიჯანი), 2. გიორგი ხუციანიძე, 3. გიორგი ზარაფიშვილი (ორივე - დედოფლისწყარო), სოსო ბაჯიაშვილი (ახმეტა).
60 კგ. 1. ვახტანგ ჩიდრაშვილი (თელავი), 2. გიორგი მახარაშვილი (გურჯაანი), 3. გიორგი ბუნტური, ცოტნე წიკლაური (ორივე - დედოფლისწყარო).
66 კგ. 1. მინდია ლილუაშვილი (ზესტაფონი), 2. ბექა ვიბლიანი (ბოლნისი), 3. ზეზვა არაბული, იაკობ გაზდელიანი (ორივე - თბილისი).
