ტოკიოში ჩვენგან მხოლოდ ვაჟთა ნაკრები იჭიდავებს ასეთი შემადგენლობით: ბეთქილ შუკვანი (60), შალვა ქარდავა (66), თენგიზ პაპოშვილი (73), გიორგი ბაინდურაშვილი, ავთანდილ ჭრიკიშვილი (81), ვალერი ლიპარტელიანი (90), ნოდარ მეტრეველი (+100).
ვაჟთაგან ხვალ 60 და 66-ის ფალავნები იჭიდავებენ, ზეგ - 73, 81, 90-ის, ტურნირს
დღეს წილისყრაც გაიმართა და გაირკვნენ ჩვენებურთა მეტოქეები. ხვალინდელი წყვილიდან უფრო ქარდავა დაიჩაგრა, თუმცა მას არა მარტო შუკვანთან შედარებით, საერთოდ, ჩვენებურთაგან ყველაზე მეტად არ გაუმართლა - პირველივე წრეში მასპინძელს, მსოფლიოს წლევანდელ ჩემპიონ ჯუნპეი მორიშიტას ხვდება. შედარებით სუსტი მეტოქე ჰყავს შუკვანს - ამერიკელი ნიკოლას კოსორი, პაპოშვილის მოწინააღმდეგე კი უზბეკი ნოვრუზ ჯურაბილოვია.
81-ში ჩვენი დუეტი მეორე წრიდან ჩაებმება ტურნირში, თუმცა დიდად არც ახალგაზრდებში ევროპისა და მსოფლიოს ჩემპიონ ჭრიკიშვილს გაუმართლა - პოლონელ ევროპის ჩემპიონსა და მსოფლიოს პრიზიორ რობერტ კრავჩუკს ეჭიდავება.
ბაინდურაშვილის მეტოქე პორტუგალიელი დიოგო ლიმაა. ლიპარტელიანი კორეელ სოო კეუნ სონგს ეჭიდავება, ამ წყვილში გამარჯვებულს კი მომდევნო წრეში უკვე ელოდება არგენტინელი ჰექტორ კამპოსი. დიდად არც მეტრეველს გაუმართლა - პირველივე შეხვედრას მასპინძელ მასარუ მომოსესთან გამართავს.
ირაკლი თავაძე
