27-28 აგვისტოს უნგრეთის ქალაქმა სომბატჰეიმ ბერძნულ-რომაული სტილით მოჭიდავე ჭაბუკთა მსოფლიოს ჩემპიონატს უმასპინძლა. ხალიჩაზე საქართველოს ნაკრების 9 წევრიც გავიდა და 3-მა მათგანმა კვარცხლბეკამდე მისვლაც შეძლო. უმსუბუქეს წონაში - 42 კილოგრამში მოჭიდავე რამაზ ზოიძე მსოფლიოს ჩემპიონი გახდა, ზურაბ გედეხაური (100 კგ) ვერცხლის მედალს დაეუფლა, ხოლო ლაშა გობაძე (76 კგ) - ბრინჯაოს.საერთო გუნდურ ჩათვლაში საქართველოს ნაკრებმა 42 ქულით მეხუთე ადგილი დაიკავა. ყველაზე მეტი - 65 ქულა აზერბაიჯანმა დააგროვა, მეორე ადგილზე რუსეთი გავიდა, 57 ქულით, ირანელებმა 53 ქულა დააგროვეს, ხოლო სომხებმა - 52.
