26 ნოემბერს მინსკის "სპორტის სასახლე" ოლიმპიურ ჩემპიონ ოლეგ კარავაევის მემორიალს უმასპინძლებს ბერძნულ-რომაულ ჭიდაობაში, რომელშიც მიწვეულნი არიან საქართველოს, აზერბაიჯანის, რუსეთის, უკრაინის, ლიტვის, ყაზახეთის, საფრანგეთის, აშშ-ს და პოლონეთის ნაკრებები. ესაა გუნდური შეჯიბრება, რომელშიც ჩვენები ბოლო წლებში მუდმივად გამოდიან. მინსკი მათთვის ისედაც ნაცნობი ადგილია - ლამის ყოველი პირველხარისხოვანი ტურნირის წინ "სტაიკების ოლიმპიურ ბაზაზე" ატარებენ ერთობლივ წვრთნებს, რადგან იქ სხვებიც სიამოვნებით ჩადიან სავარჯიშოდ და მუდამ ძლიერი შემადგენლობა იყრის ხოლმე თავს. ამჯერად ბეგი დარჩიას ასეთი გუნდი მიჰყავს ბელარუსში: ლაშა გოგიტაძე (55), რევაზ ლაშხი (60), არჩილ
დარჩიას ორი სათადარიგო მონაწილის წაყვანა შეუძლია, თუმცა მხოლოდ ერთი მიჰყავს - კვირკველია, რომელსაც საჭიროებისამებრ იქ გამოიყენებს, სადაც დასჭირდება - 74-ში ან 84-ში. ცხადაია, იგი კვლავაც რჩება 66-ის მოჭიდავედ, თუმცა ამჯერად 74-ში გამოვა, რაც დარჩიას საშუალებას მისცემს, 66-ში თურმანიძე გამოსცადოს. ეს ბიჭი შარშან ძალიან კარგ სეზონს ატარებდა, თუმცა ავადმყოფობამ არც ევროპაზე გამოსვლის საშუალება მისცა და არც - მსოფლიოზე. სამწუხაროდ, მძიმე წონაში ვერ ხერხდება ახალგაზრდებში მსოფლიოს ჩემპიონ შოთა გოგისვანიძის გამოცდა - მას წელი სტკივა და ვერც უახლოეს ხანებში იასპარეზებს.
როცა ეროვნული ნაკრების მთავარი ბირთვი მინსკში იქნება, ზუსტად იმავე პერიოდში - 25-26 ნოემბერს "ფრანგული მარგალიტი" ნიცა ოლიმპიურ ჩემპიონ ანრი დეგლანის მემორიალს უმასპინძლებს სამივე საჭიდაო დისციპლინაში, მაგრამ იქ ჩვენგან მხოლოდ ბერძენ-რომაელები გამოვლენ. ესეც ტრადიციული და ძლიერი შეჯიბრებაა, თუმცა ჩვენები აქამდე დიდად არ სწყალობდნენ. ახლაც ძირითადად ახალგაზრდული გუნდის გაგზავნა იგეგმება, მაგრამ ლაპარაკია ნაკრების რამდენიმე ტიტულოვანი კანდიდატის დამატებაზეც. ეს საკითხი საბოლოოდ მიმდინარე კვირის ბოლოს გაირკვევა.
ყოველდღიური სპორტული გაზეთი "ლელო"
