ქართველმა ბერძენ-რომაელებმა ვერცხლის ორი მედალი მოიპოვეს სტამბოლში დამთავრებულ ვები ემრეს სახელობის "ოქროს დიდ პრიზზე" - ტურნირის მედალოსნები ილია გულბათაშვილი (74) და მიხეილ ქაჯაია (96) გახდნენ. ამასთან, გოდერძი დავითაძემ (55), მარადი სურმანიძემ (60), მარადი აბულაძემ (66), გიორგი ცირეკიძემ (84) და რევაზ ჭელიძემ (120) ბრინჯაოს მედლისთვის იჭიდავეს, მაგრამ დამარცხდნენ და მეხუთეზე დარჩნენ.
გუნდურ ჩათვლაში ჩვენი ნაკრები 42 ქულით მეოთხე აღმოჩნდა და სულ ერთი ქულით ჩამორჩა მეორე-მესამეზე გასულ თურქეთსა და აზერბაიჯანს.
სამწუხაროდ, თურქული ინტერნეტ-მედია და ჭიდაობის საერთაშორისო ფედერაცია ტურნირზე ბევრს არაფერს წერენ. ამიტომ
ქაჯაიამ შარშანაც მიითვალა მოგება რამდენიმე ტიტულოვან მეტოქესთან, ფინალი კი ივან პოდუბნის მემორიალის წლევანდელ ვიცე-ჩემპიონთან, რუს ნიკიტა მელნიკოვთან დათმო.
ორიოდ დღეში ჩვენი ბერძენ-რომაელების მთავარი ნაკრები სოფიაში გაფრინდება, სადაც 3-5 თებერვალს დან კოლოვისა და ნიკიტა პეტროვის მემორიალში იჭიდავებს. ბეგი დარჩიას იქ ქემალ ხარაბაძე (55), ირაკლი ჭოჭუა (60), პაატა ბაკურიძე (66), მანუჩარ კვირკველია, მანუჩარ ცხადაია, ზურაბ დათუნაშვილი (სამივე - 74), ვლადიმერ გეგეშიძე, რევაზ ნადარეიშვილი (ორივე - 84), სოსო ჯაბიძე, სერგო დიხამინჯია (96), სერგო გოგისვანიძე, გურამ ფერსელიძე (120) მიჰყავს.
