ერთი წონის გარდა, ყველგან გაირკვა საქართველოს ბერძენ-რომაელთა ნაკრების შემადგენლობა, რომელიც 20-22 აპრილს სოფიაში ევროპის სალიცენზიო ტურნირში იასპარეზებს: გოდერძი დავითაძე (55), ფირუზ წულუკიძე (60), ზურაბ დათუნაშვილი (74), რევაზ ნადარეიშვილი (84) და სერგო გოგისვანიძე (120). ჯერჯერობით ღიად მხოლოდ 96 კილოგრამი რჩება, სადაც მწვრთნელები სპორტსმენთა მცირე ტრავმების მოშუშებას და იმ კვირის ბოლოს გასამართ საკონტროლო შეხვედრებს ელოდებიან.
ამ წონაში სამი კანდიდატია - ევროპის ორგზის და მსოფლიოს ჩემპიონი, ოლიმპიური ვერცხლისმედალოსანი რამაზ ნოზაძე, ირაკლი ქაჯაია და ახალგაზრდებში ევროპის ბრინჯაოსმედალოსანი, მსოფლიოს ვიცე-ჩემპიონი სანდრო დიხამინჯია.
მწვრთნელები ლიდერებს, ძირითადად,
აქვე კიდევ ერთხელ შეგახსენებთ თავისუფალი სტილით მოჭიდავეთა სამეულსაც, რომელიც სოფიაში იმავე სალიცენზიო ტურნირში გამოვა: ევროპის ვიცე-ჩემპიონი ვლადიმერ ხინჩეგაშვილი (55), ქვეყნის პრიზიორი ზურაბ იაკობაშვილი (66) და ოლიმპიური პრიზიორი, ევროპისა და მსოფლიოს ჩემპიონი გიორგი გოგშელიძე (96). სოფიაში ლონდონის ოლიმპიადის საგზურებს მხოლოდ ფინალისტები მიიღებენ.
ყოველდღიური სპორტული გაზეთი "ლელო"
