ქართველმა ახალგაზრდა "ბერძენ-რომაელებმა" ყაზახეთში სამი ბრინჯაო მოიპოვეს

AutoSharing Option
ახალგაზრდა "ბერძენ-რომაელთა" შორის სამმა მოქმედმა ქართველმა მსოფლიოს ჩემპიონმა იჭიდავა ყაზახეთის ქალაქ სემეიში ბოლატ ტურლუხანოვის მემორიალზე და სამივემ ბრინჯაოს მედალი მოიპოვა - რამაზ ზოიძემ (66), გელა ბოლქვაძემ (75) და ზვიად პატარიძემ (130).

აღსანიშნავია, რომ ეს იყო უფროსთა ტურნირი და საკმაოდ წარმომადგენლობითიც - 12 გუნდი მონაწილეობდა, მათ შორის, ისეთი ძლიერებიც, როგორებიც არიან მასპინძელი ყაზახეთი, სომხეთი, ირანი, რუსეთი, კორეა და სხვები, ჩვენი სამეული კი ჯერ ისევ ახალგაზრდული ასაკისაა.

აღსანიშნავია, რომ პატარიძეს ბრინჯაოს მედლის მოსაპოვებლად სულ 12 წამი დასჭირდა.

შეგახსენებთ, რომ მან წლეულს დუბლი
შეასრულა, ხოლო ევროპის პირველობაზე გამარჯვების შემდეგ კარგი ჭიდაობისთვის "ახალგაზრდა ლომი" უწოდეს.

(იბეჭდება მცირე ცვლილებით)
ყოველდღიური სპორტული გაზეთი "ლელო"
მკითხველის კომენტარები / 0 /
კომენტარი ჯერ არ გაკეთებულა.

სიახლეები პოპულარული