საქართველო-დაღესტნის საზღვარზე, ლოპოტას ხეობაში, ჩრდილოკავკასიიდან გადმოსული შეიარაღებული ფორმირებების წინააღმდეგ ბრძოლაში საქართველოს სამბისტთა ნაკრების მთავარი მწვრთნელი არჩილ ჩოხელი დაიღუპა. მსოფლიოსა და ევროპის ჩემპიონი, 40 წლის ჩოხელი სპეცსამსახურებში მსახურობდა, ნაკრების მწვრთნელად კი რამდენიმე თვის წინ დაინიშნა.
აღსანიშნავია, რომ მალევე გუნდს მოსკოვში უწევდა ტურნირზე წასვლა, მაგრამ რუსულმა მხარემ სწორედ სამუშაოს გამო ვიზა არ მისცა.
ბოლო ინფორმაციით, ლოპოტას ხეობაში ქართული მხრიდან სამი კაცი დაიღუპა.
