ტოკიოში ცნობილი გახდა სექტემბრის ბაშოს პირველი ორი დღის განრიგი. შეგახსენებთ, რომ პროფესიული სუმოს 700 კაციანი ქარავანი (მათ შორის, სამი ქართველით) აკი ბაშოზე 12-26 სექტემბერს იჭიდავებს სუმოს მექა "კოკუგიკანში". მაშ ასე, გაგაცნობთ ჩვენებურთა პირველ მეტოქეებს მაკუუჩის დივიზიონში...
დასავლეთის მე-2 მაეგაშირა ტოჩინოშინი (ლევან გორგაძე) ივლისის ბაშოზე კარიერაში პირველად ასპარეზობდა კომუსუბის ტიტულით, მაგრამ ბაშო 6-9 ბალანსით დაასრულა და ისევ რიგითი მაეგაშირაა. ბაშოს პირველ საბრძოლო დღეს ტოჩინოშინი ოს არანს შეხვდება. არანი, იგივე ალან გაბარაევი ივლისში ბრწყინვალე ასპარეზობის წყალობით
აღმოსავლეთის მე-8 მაეგაშირა კოკაი (ლევან ცაგურია) სექტემბრის ბაშოს მე-7 მაეგაშირა ტოსაიუტაკასთან ბრძოლით იწყებს. 25 წლის ტოსაიუტაკა რეიტინგში ყველაზე მაღლა მე-4 მაეგაშირა ყოფილა. ამ სუმოისტთან ურთიერთშეხვედრებში კოკაი 2:4-ს აგებს. მეორე დღეს "შავი ზღვა" მე-7 მაეგაშირა კიტატაიკის ეჭიდავება.
გაგამარუ (თეიმურაზ ჯუღელი) ელიტაში მეორედ ჭიდაობს, მისი პირველი მეტოქე დასავლეთის მე-15 მაეგაშირა კაკიძოეა, ტანდაბალი ყოფილი კომუსუბი პირველად ივლისის ბაშოზე შეხვდა ქართველს, გაგამარუმ ცუკიდაშის ილეთით მოიგო. მეორე დღეს გაგამარუს მეტოქე მე-17 მაეგაშირა ტოიოძაკურაა. სექტემბრის ბაშოს ტრავმის გამო დასავლეთის მე-8 მაეგაშირა მასაცუკასა დააკლდება. დიდი ჩემპიონი ჰაკუჰო კი კომუსუბი კაკურიუსთან ორთაბრძოლით იწყებს აკი ბაშოს.
ქვემოთ გთავაზობთ ქართველთა ახალ სტატისტიკურ მონაცემებს: ბაშოთა რიცხვს, მოგება წაგებათა ბალანსს, როგორც ჯამში, ისე უმაღლეს დივიზიონში. გაგაცნობთ აგრეთვე ხელახალი აწონვის შედეგებს...
ტოჩინოშინი
ლევან გორგაძე
მე-2 მაეგაშირა
191 სმ, 158 კგ
28 ბაშო (16)
177-132 (102-108)
კოკაი
ლევან ცაგურია
მე-8 მაეგაშირა
190 სმ, 148 კგ
57 ბაშო (41)
384-353 (287-313)
გაგამარუ
თეიმურაზ ჯუღელი
მე-15 მაეგაშირა
185 სმ, 202 კგ
30 ბაშო (2)
143-93 (5-10)
