9 მაისს ტოკიოში ქართულ სამეულს უიღბლო დღე ჰქონდა - ყველამ წააგო. ტოჩინოშინმა (ლევან გორგაძე) და კოკაიმ (ლევან ცაგურიამ) მაისის ბაშოზე პირველი მარცხი იგემეს; აი, გაგამარუსთვის (თეიმურაზ ჯუღელი) ეს უკვე მესამე წაგებაა. ყველაზე დასანანი კოკაის ორთაბრძოლა იყო - ქართველი ვეტერანი და მისი მეტოქე ოივატო ერთდროულად გავარდნენ დოჰიოდან, მაგრამ ლევანმა წამით ადრე დააბიჯა ფეხი.
ნაცუ ბაშოს 5 დაუმარცხებელი ლიდერი ჰყავს, რომელთაგან ორი ოძეკი და სამი რიგითი მაეგაშირაა. მათ შორის ერთ-ერთი - მე-4 მაეგაშირა ტოჩიოძანი 10 მაისს გაგამარუს დაეჭიდება.
IV დღე (მნიშვნელოვანი ბრძოლები):
სატურნირო მდგომარეობა
4-0: კოტოშოგიკუ (ოძეკი), კისენოსატო (ოძეკი), ტოჩიოძანი (მაეგაშირა 4), აოიამა (მ 6), კაისეი (მ 12)... 3-1: ტოჩინოშინი (მ 8)... 1-3: გაგამარუ (მ 2)
V დღე (მნიშვნელოვანი წყვილები): ჰაკუჰო-ჰომაშო, კოტოოშუ-ამინიშიკი, კაკურიუ-ტაკაიასუ, ჰარუმაფუჯი-ტოიოჰიბიკი, ბარუტო-არანი, კისენოსატო-მიოგირიუ, კოტოშოგიკუ-ტაკეკაძე, გოეიდო-ტოიონოშიმა, გაგამარუ-ტოჩიოძანი, ტოჩინოვაკა-შოჰოზანი, ტოჩინოშინი-მიაბიამა. ძურიო: კოკაი-ჰომარეფუჯი.
ყოველდღიური სპორტული გაზეთი "ლელო"
