ზაფხულის ბაშოს მესამედი მიილია. მაშინ, როცა ელიტის უმძიმესი სუმოისტი თეიმურაზ ჯუღელი (იგივე გაგამარუ) მეტ-ნაკლები წარმატებით უმკლავდება მეტოქეებს, მეორე ჩვენებური, ლევან გორგაძე (ტოჩინოშინი) ძალიან ცუდად ასპარეზობს.
ლევანმა ზედიზედ ორ დიდ ჩემპიონთან წააგო. ახლა უფრო ტიტულოვან ჰაკუჰოს ვერაფერი დაუპირისპირა და მონღოლთან მე-16 მარცხი იგემა (ამდენივე დაპირისპირებაში). ახლა ტოჩინოშინი ოძეკი კისენოსატოს ხვდება (3-9 ურთიერთშეხვედრებში). ჩვენებურს 0-5 ბალანსი აქვს.
გაგამარუმ ვერ გათვალა და ჯიქურ შეუტია იკიოის. მოწინააღმდეგე გამოეცალა და 206-კილოგრამიანი ქართველი დოჰიოზე დაენარცხა. თეიმურაზს 3-2 ბალანსი აქვს და ახლა დებიუტანტ დაიკიჰოს ეჭიდავება, რომელსაც, ბუნებრივია,
ბაშოს 4 დაუმარცხებელი რიკიში ლიდერობს, მათ შორის, დიდი ჩემპიონი ჰაკუჰო.
ასევე იხილეთ:
ზაფხულის ბაშოზე თეიმურაზ ჯუღელი ყოჩაღობს, ლევან გორგაძე მარცხდება
