ჩვენებურს ჯერჯერობით ჰაკუჰოს დამარცხების ექვსივე ცდა ჩაუფლავდა [იხილეთ ვიდეო], თუ არ ჩავთვლით ოფიციალურ ვარჯიშებს ან საჩვენებელ ტურნირებს,
აღმოსავლეთის მე-6 მაეგაშირა კოკაი (ლევან ცაგურია) კიუშუს ბაშოს მე-5 მაეგაშირა იოშიკაძესთან ორთაბრძოლით იწყებს. ესენი ერთმანეთის ძველი მოქიშპეები არიან, თანაც თანაბარძალოვანნი - 7:7-ია ურთიერთშეხვედრებში. აღმოსავლეთის მე-10 მაეგაშირა გაგამარუ (თეიმურაზ ჯუღელი) უმაღლეს დივიზიონში მესამედ ჭიდაობს. მისი პირველი მეტოქე მე-9 მაეგაშირა ტოიონოშიმაა, რომელიც იატაკქვეშა ტოტალიზატორში ფსონების დადების გამო დასაჯეს და ძურიოში დააქვეითეს, თუმცა უკან "ერთი ამოსუნთქვით" დაბრუნდა. გასაკვირი არაა, რომ თითქმის დებიუტანტი გაგამარუ იაპონელს პირველად ხვდება.
ცნობილია ქართველთა მეტოქეების ვინაობა კიუშუს ბაშოს მეორე დღესაც. ტოჩინოშინი ოძეკი ჰარუმაფუჯის შეხვდება, კოკაი - მე-7 მაეგაშრა კოტოკასუგას, ხოლო გაგამარუ - მე-10 მაეგაშირა ტოსაიუტაკას. კისრის ტრავმის გამო ბაშოზე ვერ გამოვა უმაღლესი დივიზიონის ყველაზე დაბალი რანგის რიკიში ჰოკუტორიკი (მე-17 მაეგაშირა). ასე რომ, მას ძურიოში დაქვეითება არ ასცდება. შეგახსნებთ, რომ წლის უკანასკნელი ბაშო ფუკუოკას "კოკუსაი ცენტრში" 14-28 ნოემბერს გაიმართება.
I დღე: ჰაკუჰო-ტოჩინოშინი; კოტოოშუ-არანი; ბარუტო-კისენოსატო; ჰარუმაფუჯი-კოტოშოგიკუ; კაიო-ამინიშიკი; ტოჩიოძანი-ასასეკირიუ; კაკურიუ-ჰომაშო; კიტატაიკი-ჰაკუბა; ტაკეკაძე-ვაკანოსატო; იოშიკაძე-კოკაი; ტოკუსეგავა-კოტოკასუგა; კიმურაიამა-ტამავაში; შიმოტორი-კიოკუტენჰო; ტოიონოშიმა-გაგამარუ; ტოსაიუტაკა-მოკონამი; ტოკუტენკუ-ტაკამისაკარი; ბუშუიამა-სოკოკურაი; ტოჩინონადა-გოეიდო; მიაბიამა-კორიუ; კასუგაო-შოტენრო; ოკინოუმი-ვაკაკოიუ.
