ტოკიოში NHK-ს თასზე, რომელიც ამავდროულად მსოფლიოს გრან პრის ეტაპიცაა, ელენე გედევანიშვილმა საბოლოოდ მე-5 ადგილი დაიკავა, რაც მის კარიერაში საუკეთესო შედეგია გრან-პრიზე. გასულ თვეში "სკეიტ ამერიკაზე" ელენე მე-7 იყო, პროგრესი ჩანს, თუმცა გრან-პრის ფინალურ ეტაპზე ჩვენებური რომ ვერ მოხვდება, ცხადზე ცხადია. თავისუფალი პროგრამის წინ ქართველი მოციგურავე მე-4 ადგილზე იყო. პროგრამისთვის მან 103,07 ქულა მიიღო, რაც 10 მონაწილეს შორის მე-6 შედეგია. ორივე დისციპლინის ჯამში ელენემ წინ ამერიკელი ეშლი ვაგნერი გაუშვა.
გრან პრი მასპინძელმა აკიკო სუზუკიმ მოიგო
ყოველდღიური სპორტული გაზეთი "ლელო"
