ევროპის ზამთრის კურორტებზე გრძელდება სამთო მოთხილამურეთა საერთაშორისო ტურნირები, რომლებშიც ქართველი სპორტსმენებიც მონაწილეობენ.ნინო წიკლაურმა და სუსანა გავამ იტალიაში მოსინჯეს ძალები. Roccaraso-ში წიკლაური გიგანტურ სლალომში 2.59,46-ით 62-ე ადგილზე გავიდა. სამაგიეროდ, სლალომში უკეთ იასპარეზა: ასზე მეტ მონაწილეს შორის 31-ე ადგილი (1.59,87) დაიკავა.
თანაგუნდელს შვიდი საფეხურით ჩამორჩა სუსანა გავა (2.29,04). მთავარი პრიზი ავსტრიელმა შტეფანი ბრუნერმა მოიპოვა. Piancavallo-ში წიკლაურს სლალომში (1.27,06) 27-ე ადგილი ერგო, გავა (1.36,52) კი 56-ე ადგილით დაკმაყოფილდა.
ჯაბა გელაშვილი ავსტრიულ Hinter-stoder-ში უწევდა მეტოქეობას კონკურენტებს. გიგანტურ სლალომში იგი 1.57,97-ით მეთერთმეტე იყო, სლალომში
* * *
9 და 10 მარტს მესტიაში, კერძოდ, ჰაწვალის ფერდობზე გიგანტურ სლალომსა და სლალომში საქართველოს თასის გათამაშების მე-4 ეტაპი გაიმართება.
გამარჯვებულები და პრიზიორები სამ ასაკობრივ ჯგუფში (1999-2000 წწ, 1997-98 წწ, 1996 და უფრო ადრე დაბადებულთა შორის) გამოვლინდებიან. შეჯიბრებაში საქართველოს ნაკრების წევრებიც მიიღებენ მონაწილეობას.
ყოველდღიური სპორტული გაზეთი "ლელო"
