მიმდინარე პლეი ოფის ყველაზე საინტერესო სერიაში სიტუაცია უკიდურესად დაიძაბა - სტენლის თასის მფლობელმა "ჩიკაგომ" სამი წაგების შემდეგ ზედიზედ ორჯერ გაიმარჯვა. თუ "ბლეკჰქოსი" ხვალ შინ მოუგებს "ვანკუვერს", სერიაში ყველაფერს მეშვიდე მატჩი გადაწყვეტს.აღმოსავლეთი
მონრეალი-ბოსტონი 4:5 (ო)
1:0, 2:3, 1:1, 0:1
გოლები: 1:0 სოპელი-1 (კამალერი-4, დეშარნე-1), 1:1 რაიდერი-1 (კაბერლე-1, კელი-1), 2:1 კამალერი-2 (ჯონტა-1, გომესი-3), 3:1 ა.კოტიცინი-2 (პლეკანეცი-1, მოენი-1), 3:2 ფერენსი-1 (მარჩანდი-2, ბერჟერონი-3), 3:3 ბერჟერონი-2 (მარჩანდი-3, საიდენბერგი-2), 4:3 სუბანი-1 (ვიშნიევსკი-2, კამალერი-5), 4:4 კელი-2 (პევერლი-1, რაიდერი-1), 4:5 რაიდერი-2 (კელი-2, პევერლი-2).
სერია: 2-2
ამ სერიაში ყველაფერი
გუშინდელი ცხრა გოლის მიუხედავად, მეკარეების მიმართ პრეტენზია ნაკლებია. თითოეულმა 30-ზე მეტი დარტყმა მოიგერია, რიგ ეპიზოდებში კი ისინი თითქმის უიმედო სიტუაციიდან გამარჯვებული გამოდიოდნენ.
ცნობილია, რომ ამ გუნდების დაპირისპირება ყოველთვის პრინციპულ ხასიათს ატარებს, ამის მიუხედავად, გუშინ ჯამში მხოლოდ სამი გაძევება დაფიქსირდა. პირველ პერიოდში ერთმა ჰოკეისტმა შეძლო თავის გამოჩენა - საშუალო მანძილიდან ბრენტ სოპელმა გაიტანა. სამაგიეროდ, მატჩის მეორე ნაწილი გამოდგა უხვგოლიანი. რაიდერმა 23-ე წუთზე გაათანაბრა, თუმცა თანაბარი ანგარიში დიდი ხანი არ შენარჩუნებულა. კანადელებმა - კამალერიმ და კოსტიცინმა 55 წამის ინტერვალით ორი შაიბა გაუტანეს ტიმ ტომასს.
მატჩის ზუსტად ეკვატორზე ენდრიუ ფერენსმა მარჩანდისა და ბერჟერონის დახმარებით ერთი გოლი გაქვითა, პერიოდის ბოლოსკენ კი თავად ბერჟერონმა გამოიჩინა თავი - 3:3.
გაძევებების მინიმალური რაოდენობის მიუხედავად, პიკეი სუბანმა შანსი ხელიდან არ გაუშვა და რიცხობრივი უპირატესობა გამოიყენა. "ბოსტონი" დამარცხებას კრის კელიმ გადაარჩინა: სწორედ მისმა გოლმა გადაიყვანა შეხვედრა ოვერტაიმში. დამატებითი დროის დაწყებიდან ორი წუთი იყო გასული, როცა იმავე კელიმ კარის უკნიდან იდეალური პასი მიაწოდა რაიდერს და თამაშის ბედიც გადაწყდა.
დასავლეთი
ვანკუვერი-ჩიკაგო 0:5
0:3, 0:2, 0:0
გოლები: 0:1 მარიან ჰოსა-1 (კეიტი-1, კროუფორდი-2), 0:2 კეიტი-3 (რ.ჯონსონი-1, კრუგერი-1), 0:3 კეინი-1 (კეიტი-2, კემპბელი-2), 0:4 მარიან ჰოსა-2 (შარპი-1, ბიკელი-2), 0:5 კეიტი-4 (მარიან ჰოსა-2, შარპი-2).
სერია: 3-2
ასეთი "ჩიკაგო" მაყურებელს დიდი ხანია არ უნახავს. რამდენიმე წამყვანი მოთამაშის წასვლით დასუსტებული ჩემპიონი რეგულარულ ჩემპიონატში საშუალო დონის გუნდის შთაბეჭდილებას ტოვებდა და პლეი ოფში დიდი გაჭირვებით მოხვდა. "ბლეკჰოქსს" სტენლის თასის გათამაშების სტარტიც არ გამოუვიდა: ზედიზედ სამი მატჩი წააგო და კატასტროფის წინაშე დადგა.
და სწორედ ამ ურთულეს მომენტში გარდაიქმნა მთელი გუნდი - ბოლო ორი შეხვედრა სტენლის თასის მფლობელმა 12:2 მოიგო და მინიმუმამდე დაიყვანა სერიაში სხვაობა.
გუშინდელ გამარჯვებაში უდიდესი წვლილი შეიტანეს მცველმა დანკან კეიტმა (2+2) და შეტევითმა დუეტმა: მარიან ჰოსა (1+2) და პატრიკ შარპი (0+2). 36 მოგერიებით და პლეი ოფში მეორე შედეგიანი გადაცემით ხმამაღალი სიტყვა თქვა ჩიკაგოელთა მეკარე კორი კროუფორდმა.
რაც შეეხება მატჩის სიუჟეტს, ის საკმაოდ მარტივად ვითარდებოდა. პირველ 13 წუთში სტუმრებმა სამი გოლი გაიტანეს და მეტოქის აქტიურობის მიუხედავად, თამაში გამარჯვებამდე მიიყვანეს.
ცალკე უნდა აღინიშნოს რობერტო ლუონგოს პრობლემები. ეს ბრწყინვალე მეკარე ზედიზედ მეორედ შეცვალეს, რაც მის არადამაჯერებლობაზე მიუთითებს. გამორიცხული არ არის, რომ შემდეგ მატჩს "ვანკუვერის" მეორე მეკარე - კორი შნაიდერი დაიწყებს.
ლოს ანჯელესი-სან ხოსე 3:6
0:0, 2:3, 1:3
გოლები: 0:1 ქლოუ-3 (ვლასიჩი-1), 0:2 დემერსი-1 (კუტური-2, ჰიტლი-2), 0:3 ქლოუ-4 (კუტური-3, ი.უაიტი-4), 1:3 რიჩარდსონი-2 (რ.სმიტი-3), 2:3 ჯასტინ უილიამსი-2 (უ.მიტჩელი-1), 2:4 ტორნტონი-1 (მარლო-2, უელვუდი-2), 2:5 პაველსკი-3 (ბოილი-3), 2:6 ტ.მიტჩელი-1 (უელვედი-3, ი.უაიტი-5), 3:6 პონიკაროვსკი-1 (ჯ.ჯონსონი-3, ლუისი-2).
სერია: 1-3
"ლოს ანჯელესი" გონს ვერ მოვიდა წინა მატჩში დასანანი წაგების შემდეგ. შეგახსენებთ, რომ სერიის მესამე შეხვედრაში "კინგზი" თანაშტატელს 4:0-ს უგებდა და მაინც მოახერხა წაგება.
როგორც მოსალოდნელი იყო, კალიფორნიული დერბი უხვგოლიანი აღმოჩნდა. მართალია, პირველი პერიოდი "მშრალი" ანგარიშით დასრულდა, სამაგიეროდ, მეორეში ყოველ ოთხ წუთში გადიოდა გოლი. ანგარიში სტუმრებმა გახსნეს - ისინი სამნი შევარდნენ მეტოქის ზონაში, სწრაფი კომბინაცია გაითამაშეს და ქლოუმ ახლო მანძილიდან გაიტანა.
ერთ წუთში, ისევ "ოთხი ოთხზე" თამაშისას ჯეისონ დემერსი დაუდარაჯდა შორეულ კუთხეში შაიბას და გაზარდა "ზვიგენების" უპირატესობა, მატჩის შუაში კი "სან ხოსემ" ზედმეტი ჰოკეისტი გაითამაშა და ქლოუმ დუბლი შეასრულა. უნდა აღვნიშნოთ ლოგან კუტურის ორი საგოლე პასი. ეს ჰოკეისტი აგრძელებს ბრძოლას სეზონის საუკეთესო დებიუტანტის პრიზისთვის.
თუმცა პერიოდის ბოლოს "კინგზმა" რიჩარდსონისა და უილიამსის ორი გოლით ინტრიგა დაუბრუნა შეხვედრას, მაგრამ ბოლომდე თამაში შემობრუნება ვერ შეძლო. მესამე 20-წუთეულის სტარტზე ტორნტონისა და პაველსკის შაიბებმა მასპინძლები უიმედო მდგომარეობაში ჩააგდეს.
