"ვანკუვერმა" სტენლის თასის ფინალური სერიის მეხუთე მატჩში "ბოსტონი" ერთადერთი შაიბის წყალობით დაამარცხა. უკვე მომდევნო მატჩში კანადურ კლუბს შეუძლია პირველად თავისი არსებობის ისტორიაში ტიტული გაიფორმოს.ჯერჯერობით გუნდები ასპროცენტიან შედეგს აჩვენებენ საკუთარ მოედანზე. ამასთან, "ბრუინზისგან" განსხვავებით, "კენაქს" ძალიან უჭირს საშინაო შეხვედრებში გამარჯვების მოპოვება - ორჯერ 1:0 და ერთხელ ოვერტაიმში მოგება. "ბოსტონმა" კი უბრალოდ გაანადგურა მეტოქე საკუთარ მოედანზე - 8:1 და 4:0.
ბევრი რამ იყო დამოკიდებული მეხუთე მატჩში მეკარეების თამაშზე. ორი ბოსტონური მატჩის შემდეგ ეჭვქვეშ დადგა "ვანკუვერის" მეკარის რობერტო ლუონგოს სათამაშო ფორმა. ბევრი
"ვანკუვერის" ბოლოდროინდელი წარუმატებლობები, შესაძლოა, მცველ დენ ჰამჰუისის ტრავმასთან ყოფილიყო დაკავშირებული, რომელიც მან პირველ მატჩში
მიიღო. კიდეთ ორი მოთამაშე - ფორვარდი რაიან კესლერი და გერმანელი მცველი კრისტიან ერჰოფი ტრავმებით გადიან მოედანზე. მიუხედავად ამისა, საკუთარი გულშემატკივრების მხარდაჭერით გამხნევებულმა "კენაქსმა" მოახერხა უმნიშვნელოვანესი მატჩის მოგება.
კვლავაც უმაღლეს დონეზე თამაშობდა "ბოსტონის" ბრწყინვალე მეკარე ტიმ ტომასი. მაგალითად, პირველ პერიოდში მან კრის ჰიგინსის ურთულესი დარტყმა მოიგერია, ერთხელ კი აშკარად გაუმართლა, როცა კარი დაკარგა, მაგრამ ტანერ გლასმა ყვანჯი ვერ მოარტყა შაიბას.
უსაქმოდ არც ლუონგო ყოფილა. დაგვამახსოვრდა მისი "სეივები" პირველ პერიოდში, როცა პატრის ბერჟერონი უცვლიდა შაიბას მიმართულებას დენის საიდენბერგის დარტყმის შემდეგ. ერთხელ ლუონგოსაც გაუმართლა - კრის კელის დარტყმული ძელმა მოიგერია.
საბოლოოდ, იღბალი "ვანკუვერის" მხარეს იყო. მესამე პერიოდის დაწყებიდან ოთხი წუთის შემდეგ მასპინძლების ხანგრძლივი იერიშისას კევინ ბიეკსამ ცისფერი ხაზიდან გაისროლა. შაიბა კარს აცდა, მაგრამ ბარიერმა აისხლიტა და კარის კუთხესთან დადარაჯებულ მაქსიმ ლაპიერს მიუვიდა, რომელმაც ახლო კუთხეში გაიტანა. მართალია, მესამე პერიოდში "ბოსტონმა" მეტოქეზე მეტი ზუსტი დარტყმა შეასრულა, მაგრამ "დათვებმა" ღირსეული პასუხის გაცემა ვერ შეძლეს და დამარცხდნენ.
საფინალო შტურმი "ბოსტონს" არ გამოუვიდა და საბოლოოდ, სერიის მეხუთე მატჩი ძალიან დაემსგავსა პირველს: უამრავი ძალისმიერი ილეთი, შეჯახებები და ერთადერთი გატანილი შაიბა მატჩის ბოლო ნაწილში.
მაშ ასე, ხუთ მატჩში მხოლოდ ექვსი გოლის გატანის მიუხედავად, "ვანკუვერმა" სერიაში ანგარიში წაიყვანა და უკვე ხვალ დილით შეუძლია მოიგოს არსებობის ისტორიაში პირველი სტენლის თასი.
ფინალი. V მატჩი
ვანკუვერი-ბოსტონი 1:0
0:0, 0:0, 1:0
გოლი: 1:0 მაქსიმ ლაპიერი-2 (ბიეკსა-5, ტორესი-4).
სერია: 3-2
