ლეგენდარულმა შვედმა მცველმა ნიკლას ლიდსტრიომმა კარიერის გაგრძელება გადაწყვიტა. "დეტროიტ რედ უინგზის" კაპიტნის კონტრაქტი ამოიწურა, მაგრამ პლეი ოფში წაგებიდან ერთი თვის თავზე 41 წლის ლიდსტრიომმა განაცხადა, რომ ხელშეკრულების ერთი წლით გახანგრძლივების სურვილი აქვს. მან ამის შესახებ უკვე აცნობა კლუბის ხელმძღვანელობას.ახალი კონტრაქტი ჯერ გაფორმებული არ არის, მაგრამ ეს მხოლოდ დროის საკითხია, რადგან "დეტროიტის" ხელმძღვანელობა ოცნებობდა ლიგის ერთ-ერთ საუკეთესო მცველთან თანამშრომლობის გახანგრძლივების შესახებ.
გასულ სეზონში ლიდსტრიომმა რეგულარული ჩემპიონატში 82 მატჩი ჩაატარა და 62 ქულა დააგროვა.
ასე რომ, ლიგამ შეინარჩუნა ერთი სახელოვანი ვეტერანი.
ყოველდღიური სპორტული გაზეთი "ლელო"
