საკმაოდ საინტერესო მატჩი გაიმართა ნიუ არკში, სადაც ადგილობრივმა "დევილზმა" "ვაშინგტონს" უმასპინძლა. უგოლო პირველი პერიოდის შემდეგ, მასპინძლებმა მეორეში მეტოქის განადგურება დაიწყეს და პირველ ათ წუთში სამჯერ გამოიჩინეს თავი. მაგრამ დედაქალაქელებს დანებება არ უცდიათ და მესამე პერიოდში მათაც სამი უპასუხო შაიბა გაიტანეს. საქმე ბულიტების სერიამდე მივიდა, რომელშიც "ეშმაკებს" გამარჯვება კოვალჩუკისა და ელიაშის ზუსტმა დარტყმებმა მოუტანეს. "ნიუ ჯერსიმ" გაიმყარა მდგომარეობა აღმოსავლეთის პლეი ოფის ზონაში.
"ბოსტონმა" შეურაცხოფა მიაყენა "ფლორიდას" - "დათვებმა" პანტერების" კარში რვა უპასუხო შაიბა გაიტანეს. კლოდ ჟულიენის შეგირდები მხოლოდ ფინალურმა სერიამ შეაჩერა.
ასევე შესანიშნავად გამოიყურებოდა მისი პარტნიორი შეტევით სამეულში პატრის ბერჟერონი - მისი მონაგარი გოლი და ორი შედეგიანი პასი იყო. სულ კი "ბოსტონის" ჰოკეისტებმა 23 ქულა დააგროვეს და მხოლოდ ოთხმა მოთამაშემ დატოვა მოედანი უქულოდ.
აღვნიშნავთ მეკარე ტუუკა რასკის ბრწყინვალე თამაშს, რომელმაც 31 დარტყმა მოიგერია, სეზონში მეორე "შათაუტი შეასრულა და თავის გუნდს ზედიზედ მეექვსე მატჩში მოაგებინა.
"ვინიპეგს" ჰქონდა თავის კონფერენციაში პირველ რვა გუნდში შესვლის შანსი, მაგრამ ეს საქმე "პიტსბურგთან" 1:4 წაგების გამო მომავლისთვის გადადო. "პიტსბურგი" მთელი მატჩის განმავლობაში დომინირებდა, რაზეც დარტყმების შეფარდებაც მოწმობს - 39:19 "პინგვინების" სასარგებლოდ, თუმცა მათ გადამწყვეტ უპირატესობას ბოლო პერიოდში მიაღწიეს.
1:1-ზე "პიტსბურგმა" ბოლო 20-წუთეულის პირველ ხუთ წუთში სამი შაიბა გაიტანა ოდრჟეი პაველეცის კარში. ამ სამი გოლიდან ერთი ჯეიმს ნილს ეკუთვნის, რომელმაც სეზონში თავისი მონაგარი 20 შაიბამდე აიყვანა. ზედიზედ მესამე მოგებით "პინგვინზი" მიუახლოვდა "რეინჯერსსა" და ""ფილადელფიას" - ეს დუეტი მხოლოდ ორი ქულით არის წინ.
წარმატებული გამოვიდა NHL-ში ნაზემ კადრის დაბრუნება. 2009 წლის დრაფტის მეშვიდე ნომერი უკვე ზედიზედ მეორე მატჩია გოლს იტანს, მისმა "ტორონტომ" კი 5:3 დაამარცხა "აილენდერსი". კადრის გარდა, კანადელთა რიგებში უნდა გამოვარჩიოთ მაკარტურისა და კონოლის წყვილი - მათ ოთხი ქულა მიითვალეს.
რაღაც მოიშალა "ნეშვილის" მექანიზმში. ბოლო სამ მატჩში ამ გუნდმა 15 შაიბა გაუშვა. დალასელებმა პირველ პერიოდში სამშაიბიანი ჰანდიკაპი შექმნეს. დარჩენილ 40 წუთში "ნეშვილმა" სცადა თამაშის გადარჩენა, მაგრამ რამდენიც გაუტანა მეტოქეს, ტექსასელებმაც იმდენივეთი უპასუხეს - 6:3.
თანაბარი გამოვიდა მატჩი "ფინიქსსა" და "სენტ ლუისს" შორის, რომელშიც "ბლუზმენებმა" გაიმარჯვეს - 3:2. "სენტ ლუისმა" შთამბეჭდავად ითამაშა შეტევაში - სულ რაღაც 18-ჯერ დაარტყა და სამი შაიბა გაიტანა. "ფინიქსი" აგრძელებს ბრძოლას პლეი ოფის ზონაში მოსახვედრად, "სენტ ლუისმა" კი დაიბრუნა მეორე ადგილი ცენტრალურ დივიზიონში, სადაც "დეტროიტი" დააქვეითა.
ზედიზედ მესამე მატჩი მოიგო "კალგარიმ". ამჯერად "ფლეიმზმა" სტუმრად დაამარცხა "ვანკუვერი" - 3:1. ყველა გოლი მესამე პერიოდში გავიდა. "კალგარის" შვიდი დარტყმა ეყო იმისთვის, რომ სამჯერ აიღო "კენაქსის" კარგი. შესანიშნავ ფორმაშია კერტინ გლენკროსი, რომელმაც შაიბა და საგოლე პასი ჩაიწერა აქტივში და ზედიზედ ხუთი მატჩია უქულოდ არ ტოვებს მოედანს, ამასთან, ბოლო ოთხ მატჩში ხუთი შაიბა გაიტანა.
ზედიზედ ორი მატჩი ჩაატარა "ლოს ანჯელესმა" ახალი მწვრთნელის დერილ სატერის ხელმძღვანელობით და მეორედ ბულიტების სერიაში მონაწილეობა მოუხდა. ამჯერად, "მეფეები" დამარცხდნენ "სან ხოსესთან". რა თქმა უნდა, ჯერ რთულია ახალი დამრიგებლის მუშაობის შეფასება, მაგრამ "კინგზის" თამაში შეტევაში მაინც და მაინც ვერ გვხიბლავს - 26 დარტყმიდან მხოლოდ ერთი გოლი გაიტანა.
ბოსტონი-ფლორიდა 8:0
4:0, 2:0, 2:0
გოლები: 1:0 მარშანი-13 (პ. ბერჟერონი-20, საიდენბერგი-8), 2:0 ლუჩიჩი-12 (პ. ბერჟერონი-21, ჰორტონი-12), 3:0 პუიო-7 (კ. კელი-8), 4:0 საიდენბერგი-1 (კორვო-14, მარშანი-13), 5:0 გ. კემპბელი-3 (მარშანი-14, ფერენსი-12), 6:0 პ. ბერჟერონი-7 (ხარა-15, კრეისი-14), 7:0 მარშანი-14 (ხარა-16, სეგუინი-16), 8:0 მარშანი-15 (სეგუინი-17, მაკუეიდი-3).
ნიუ ჯერსი-ვაშინგტონი 4:3 (ბ)
0:0, 3:0, 0:3, 0:0
გოლები: 1:0 კოვალჩუკი-11 (ფოსტერი-4, ელიაში-17), 2:0 არბორნი-1 (ზაიაცი-1, კოვალჩუკი-16), 3:0 ენრიკე-9 (ტაორმინა-2, პარიზე-17), 3:1 ლეიჩი-8 (ვიდემანი-17, ოვეჩკინი-13), 3:2 ჩიმერა-12 (სიომინი-7), 3:3 ჩიმერა-13 (ლეიჩი-13, სიომინი-8).
ბულიტები გაიტანეს: კოვალჩუკი (ნიუ ჯერსი), ელიაში (ნიუ ჯერსი).
აილენდერსი-ტორონტო 3:5
1:3, 1:1, 1:1
გოლები: 0:1 მაკარტური-10 (ტიმ კონოლი-10, ფანოფი-17), 0:2 კადრი-2 (გრაბოვსკი-8, გარდინერი-9), 0:3 გუნარსონი-1 (ტიმ კონოლი-11, მაკარტური-6), 1:3 ოკსოპო-6 (მოტო-2, ბეილი-7), 2:3 ნილსენი-5 (მოულსონი-12, პარენტო-21), 2:4 კრები-6 (ბოჟაკი-17), 3:4 ტავარესი-11 (პარენტო-22, ჰამონიკი-7), 3:5 ლუპული-16 (კესელი-21).
რეინჯერსი-ფილადელფია 4:2
0:0, 2:0, 2:2
გოლები: 1:0 სტეპანი-8 (ბიკელი-3), 2:0 ფედოტენკო-5 (ბიკელი-4, დუბინსკი-14), 3:0 გაბორიკი-21 (სტრალმანი-4, დელ ზოტო-14), 3:1 მეზაროში-5 (მ. კარლი-15, ჰარტნელი-16), 4:1 კელეჰანი-13 (ჟირარდი-10, დელ ზოტო-15), 4:2 ვან რიმსდიკი-9 (მეზაროში-7, რიდი-10).
კაროლინა-ოტავა 2:1 (ო)
1:1, 0:0, 0:0, 1:0
გოლები: 1:0 ნოდლი-2 (ნეში-1, მაკბეინი-11), 1:1 კუბა-3 (ფოლინო-11, ტარისი-3), 2:1 ტ. რუუტუ-12 (ჰარისონი-9, ი. იოკინენი-17).
ვინიპეგი-პიტსბურგი 1:4
0:1, 1:0, 0:3
გოლები: 0:1 ვიტალე-2 (პიკარი-4), 1:1 ბურმისტროვი-8 (ველერი-20, ე. კეინი-11), 1:2 ჯ. ნილი-20 (მალკინი-25, კუნიტცი-11), 1:3 ჯ. სტაალი-13 (კუნიტცი-12, სალივანი-12), 1:4 დუპუი-10 (ტაილერ კენედი-11).
დალასი-ნეშვილი 6:3
3:0, 1:2, 2:1
გოლები: 1:0 ფიდლერი-4 (დვორაკი-12, სურეი-12), 2:0 ლ. ერიქსონი-12 (დელეი-7, რაიდერი-10), 3:0 ოტი-6 (დელეი-8, რიბეირო-21), 3:1 ჰალიშჩუკი-7 (ჯოფრიონი-3, სმიტსონი-2), 3:2 ერატი-8 (რ. სატერი-19, შ. უებერი-21), 4:2 რიბეირო-5 (მოროუ-10, ოტი-11), 4:3 ლეგუანდი-10 (კ. უილსონი-14, კ. სმიტი-17), 5:3 ბენი-9 (ლ. ერიქსონი-18, რაიდერი-11), 6:3 რაიდერი-13.
ფინიქსი-სენტ ლუისი 2:3
0:0, 1:2, 1:1
გოლები: 0:1 სტინი-12 (პიეტრანჯელო-6), 1:1 დოუნი-9 (კორპიკოსკი-8, როჟსივალი-2), 1:2 დ'აგოსტინი-7 (პოლაკი-8, გრაჩოვი-3), 1:3 არნოტი-7 (რასელი-3, დ'აგოსტინი-7), 2:3 იენდლი-5 (ტორეის-5, კ. ო'რაილი-4).
კოლორადო-ტამპა ბეი 2:1 (ო)
0:1, 1:0, 0:0, 1:0
გოლები: 0:1 კუბინა-2 (ლეკავალიე-12, სან ლუი-14), 1:1 რ. ო'რაილი-8 (ო'ბრაიენი-11, ჰეიდუკი-14), 2:1 დუშენი-12 (ელიოტი-4, ლანდესკოგი-10).
ვანკუვერი-კალგარი 1:3
0:0, 0:0, 1:3
გოლები: 0:1 გლენკროსი-14 (იგინლა-14, ბოუმისტერი-12), 0:2 ბეკლუნდი-3 (სტემპნიაკი-7), 1:2 ჰამჰუისი-3 (ბიეკსა-14, ჰოჯსონი-11), 1:3 ო. იოკინენი-12 (იგინლა-15, გლენკროსი-10).
სან ხოსე-ლოს ანჯელესი 2:1 (ბ)
0:0, 1:1, 0:0, 0:0
გოლები: 1:0 კუტური-15 (ქლოუ-15, მარლო-13), 1:1 მ. რიჩარდსი-13 (კოპიტარი-22, დაუტი-11).
ბულიტები გაიტანეს: ქლოუ (სან ხოსე).
ყოველდღიური სპორტული გაზეთი "ლელო"
