შეხვედრა
ოთხშაიბიანი უპირატესობის მიღების შემდეგ "ბოსტონმა" დაცვიდან თამაში დაიწყო და "ბაფალო" მეტოქის ზონაში დამკვიდრდა. "დათვების" მეკარე ტიმ ტომასი დამაჯერებლად მოქმედებდა, მაგრამ სტეფორდმა რიცხობრივი უპირატესობისას მაინც გაიტანა ერთი შაიბა. ბოლო პერიოდში მასპინძლები ბევრს ეცადნენ სიტუაციის გამოსწორებას, მაგრამ ერთ გოლს დასჯერდნენ, ხოლო როცა მატჩის ბოლოს მეკარე შეცვალეს, ლუჩიჩმა შეხვედრას საბოლოო წერტილი დაუსვა. ტომასს ფანტასტიკური შედეგი აქვს - ამ მეკარემ მეშვიდე მატჩში მიიღო მონაწილეობა და მეშვიდე გამარჯვებას მიაღწია.
უცნაური მატჩი გაიმართა ვაშინგტონში, სადაც სტუმრად "ტორონტო" ჩავიდა. კანადელთა ბოლოდროინდელ პრობლემებს კაპიტნის - დიონ ფანოფის ტრავმა დაემატა. ეს მცველი სამი თვე ვერ შეძლებს თამაშს. მაგრამ მის არყოფნაში "მეიპლ ლივზმა" ხასიათის სიმტკიცე გამოვლინა და 1:3-დან წინ გასვლა მოახერხა - 4:3. "კეპიტალზი" რუსებმა გადაარჩინეს - ალექსანდრ სიომინმა ოვერტაიმში გადაიყვანა შეხვედრა, ბულიტების სერიაში კი გადამწყვეტი გოლი ოვეჩკინმა გაიტანა.
საკმაოდ მძლავრად გამოიყურება "კაროლინა", რომელიც პლეი ოფის ზონასთან ახლოს იმყოფება. ამჯერად "ჰარიკეინზმა" "აილენდერსი" გაანადგურა, რომელიც პროგნოზისამებრ ცხრილის ქვედა ნაწილში ეშვება. საინტერესო იყო ჯონ მაცუმოტოს დუბლი - ეს ჰოკეისტი მხოლოდ მეორე შეხვედრას ატარებდა ლიგაში.
აუცილებლად უნდა აღვნიშნოთ "ატლანტას" მოგება "ფლორიდასთან" - 4:3. კვლავ გამოჩინა თავი შეტევაში დასტინ ბიფულინმა, რომელმაც გოლი და ერთი შედეგიანი პასი ჩაიწერა აქტივში. "პანტერებმა" 55 (!) ზუსტი დარტყმა შეასრულეს მეისონის კარში და მიუხედავად იმისა, რომ "ატლანტას" მეკარემ სამი შაიბა გაუშვა, მატჩის გმირად სწორედ ის უნდა მოვნათლოთ.
მოულოდნელი გამარჯვებები მოიპოვეს "დალასმა" და "ნიუ ჯერსიმ". "ვარკვლავებმა" 5:2 მოუგეს "პიტსბურგს", "ეშმაკებმა" კი სტენლის თასის მფლობელი "ჩიკაგო" დაამარცხეს - 5:3. სეზონში პირველი მარცხი იწვნია "პინგვინების" მეკარე ბრენტ ჯონსონმა, რომელსაც მანამდე ხუთი მატჩი ჰქონდა მოგებული. "დალასმა" პლეი ოფის ზონაში შეაბიჯა, "ნიუ ჯერსი" კი, როგორც იქნა, დაშორდა კონფერენციის ბოლო ადგილს
"პიტსბურგისა" და "დალასის" შეხვედრა ოთხი ხელჩართული ჩხუბითაც იყო გარჩეული. ცალკე უნდა გამოიყოს ბრძოლა "პინგვინების" ლიდერ სიდნი კროსბისა და მეტ ნისკანენს შორის, რომელშიც გამარჯვება "პიტსბურგის" კაპიტანმა მოიპოვა.
"დეტროიტმა" მოდანოსა და აბდელკადერის გოლების წყალობით 2:1 მოუგო "კალგარის" და ეს გუნდი პლეი ოფის ზონაში არ შეუშვა, თავად "რედ უინგზმა" კი ისარგებლა "ჩიკაგოს" მარცხით, თავის დივიზიონში დაწინაურდა და დასავლეთის პირველ სამეულში შევიდა. რთული ორი ქულა მოიპოვა "ფინიქსმა", რომელიც თანდათან ამოდის ცხრილის ქვედა ნაწილიდან. "კოიოტებმა" "ნეშვილი" 4:3 დაამარცხეს და ამ შედეგს ძირითადად ედ ჟოვანოვსკის ჰეთ-თრიკის დახმარებით მიაღწიეს. სხვათა შორის, ეს პირველი ჰეთ-თრიკი იყო მცველებისთვის ამ სეზონში.
რაც შეეხება დღის ბოლო შეხვედრას, იქაც ოვერტაიმის თამაში გახდა საჭირო, არადა, "ანაჰაიმმა" ძალიან ძლიერად დაიწყო "ტამპა ბეისთან" მატჩი - მეტოქეს პირველ პერიოდში მხოლოდ ორჯერ დაარტყმევინა კარში, ხოლო ტეემუ სელიანემ სწრაფი გოლი გაიტანა. თუმცა "ლაითნინგმა" მეორე ტაიმში დაალაგა თამაში და ანგარიშიც გაათანაბრა. მესამე 20-წუთეულში გუნდებმა შაიბები გაცვალეს. თავიდან სტუმრები გავიდნენ წინ, მაგრამ ხუთი წუთით ადრე კაილ პალმიერიმ გაათანაბრა ანგარიში. ეს ახალგაზრდა ამერიკელი პირველ შეხვედრას თამაშობდა ლიგაში. ოვერტაიმში კი "იხვებს" გამარჯვება რაიან გეტცლაფმა მოუტანა, რომელმაც იმავე სელიანეს ბრწყინვალე გადაცემა გამოიყენა. ასაკის მიუხედავად, ფინელი ყველაზე აქტიური იყო ყინულზე.
ბაფალო-ბოსტონი 2:5
0:3, 1:1, 1:1
გოლები: 0:1 მარჩანდი-1, 0:2 პ. ბერჟერონი-2 (მარჩანდი-2, გ. კემპბელი-2), 0:3 ველერი-1 (რაიდერი-4, ხარა-3), 0:4 რაიდერი-3, 1:4 სტეფორდი-4 (ტიმ კონოლი-4, პომინვილი-1), 2:4 სეკერა-1, 2:5 ლუჩიჩი-5 (კრეისი-8, ჰორტონი-5).
კაროლინა-აილენდერსი 7:2
3:0, 2:0, 2:2
გოლები: 1:0 კორვო-2 (სკინერი-6, ლაროუზი-3), 2:0 მაცუმოტო-1 (სამსონოვი-1, კოსტოპულოსი-2), 3:0 ე. სტაალი-4 (სამსონოვი-2, კოსტოპულოსი-3), 4:0 ბ. სუტერი-3, 5:0 ტლუსტი-1 (ჰარისონი-1, ბაბჩუკი-4), 5:1 გრაბნერი-3 (უეიტი-7, ჟერვე-1), 6:1 სკინერი-4 (ე. სტაალი-5, ლაროუზი-4), 6:2 პარენტო-3 (კომო-6, შრემპი-1), 7:2 მაცუმოტო-2 (სამსონოვი-3).
ვაშინგტონი-ტორონტო 5:4 (ბ)
0:1, 3:0, 1:3, 0:0
გოლები: 0:1 კულემინი-3 (გრაბოვსკი-6, გუნარსონი-1), 1:1 მ. გრინი-2 (სიომინი-6, ოვეჩკინი-7), 2:1 ჩიმერა-3 (გორდონი-2, ბრედლი-1), 3:1 ფლიშმანი-4 (ჯ. კარლსონი-6, ლეიჩი-4), 3:2 მ. ბრაუნი-1 (ტ. კაბერლე-5, ჯ. მიტჩელი-1), 3:3 ვერსტეეგი-2 (კომისარეკი-4), 3:4 ბოჟაკი-2 (ტ. კაბერლე-6, ვერსტეეგი-3), 4:4 სიომინი-7 (ლეიჩი-5, ოვეჩკინი-8).
ბულიტები: ოვეჩკინი (ვაშინგტონი).
ფლორიდა-ატლანტა 3:4
1:1, 1:1, 1:2
გოლები: 1:0 გარისონი-1 (ვივერი-2, სტილმანი-4), 1:1 მოდინი-2 (ბიფულინი-7), 1:2 მოდინი-3 (ბულტონი-1), 2:2 რინპრეხტი-2 (მაკეიბი-7, ოლეში-4), 3:2 ალენი-1 (ფროლიკი-3, ვიდემანი-4), 3:3 ბიფულინი-5 (სლეიტერი-1), 3:4 ბერგფორსი-4 (პევერლი-8, ბოგოსიანი-1).
ჩიკაგო-ნიუ ჯერსი 3:5
0:1, 1:1, 2:3
გოლები: 0:1 არნოტი-4 (ელიაში-4), 0:2 ზაიაცი-2 (კოვალჩუკი-4, ლანგენბრუნერი-5), 1:2 ბ. კემპბელი-1 (სტალბერგი-2, სიბრუკი-5), 2:2 პიზანი-1 (სტალბერგი-3, სიბრუკი-6), 2:3 მილზი-1 (ლანგენბრუნერი-6, კოვალჩუკი-5), 2:4 ლანგენბრუნერი-2 (ელიაში-5, ზაიაცი-4), 3:4 სტალბერგი-4 (სკილი-3, ბოინტონი-3), 3:5 ე. გრინი-2.
დალასი-პიტსბურგი 5:2
2:0, 2:1, 1:1
გოლები: 1:0 რობიდასი-2 (მოროუ-2, ბენი-5), 2:0 ბ. რიჩარდსი-4 (ჯ. ნილი-5, ლ. ერიქსონი-5), 2:1 ტაილერ კენედი-3 (ტელბოტი-1), 3:1 ოტი-3 (რობიდასი-4, რიბეირო-10), 4:1 ლ. ერიქსონი-6 (ბულიტი), 5:1 ლ. ერიქსონი-7, 5:2 კუკი-3 (ზ. მიხალეკი-2).
კალგარი-დეტროიტი 1:2
1:0, 0:2, 0:0
გოლები: 1:0 ჯორდანო-1 (იგინლა-6, ტანგეი-5), 1:1 მოდანო-2 (კლირი-3, ბ. სტიუარტი-5), 1:2 აბდელკადერი-1 (დაციუკი-6, ლიდსტრიომი-11).
ანაჰაიმი-ტამპა ბეი 3:2 (ო)
1:0, 0:1, 1:1, 1:0
გოლები: 1:0 სელიანე-6 (პერი-8, ვიშნოვსკი-8), 1:1 ბ. ჯონსი-1 (მელოუნი-6, პურსელი-6), 1:2 სტემკოსი-10 (სენტ ლუისი-8, ლეკავალიე-3), 2:2 პალმიერი-1 (რაიანი-6, ვიშნოვსკი-9), 3:2 გეტცლაფი-5 (სელიანე-8, ლიდმანი-3).
ფინიქსი-ნეშვილი 4:3
1:2, 1:1, 2:0
გოლები: 1:0 ჟოვანოვსკი-1 (ვრბატა-1, ჰანჟალი-1), 1:1 ბუიონი-1 (ტუტუ-4, გოკი-2), 1:2 ს. კოსტიცინი-2 (ტუტუ-5, კლეინი-2), 2:2 ჟოვანოვსკი-2 (ჰანჟალი-2), 2:3 ჰორნკვისტი-4 (კ. უილსონი-4, კ. ო'რაილი-7), 3:3 სტემპნიაკი-4 (ვოლსკი-5, ეკმან-ლარსონი-2), 4:3 ჟოვანოვსკი-3 (რეი უიტნი-4, იენდლი-3).
ყოველდღიური სპორტული გაზეთი
"ლელო"
