"სან ხოსე შარქსმა" გადალახა კრიზისი და "ვაშინგტონთან" შეხვედრას სამმატჩიანი მოგებათა სერიით შეხვდა. სწორედ ეს მატჩი იყო გუშინდელ სათამაშო დღეს ცენტრალური. დედაქალაქელებს წამყვანი მცველი მაიკ გრინი დააკლდათ, რომელმაც წინა მატჩში "პიტსბურგთან"
ტრავმა მიიღო. ამის გამო "კეპიტალზს" სასწრაფოდ მოუწია ფარმკლუბიდან ტაილერ სლოუნის გამოძახება.
მიუხედავად იმისა, რომ პირველ ორ პერიოდში გოლი არ გასულა, თამაში ძალიან საინტერესოდ ვითარდებოდა. "ზვიგენებმა" კარგად ჩაკეტეს მასპინძლების ლიდერი ალექსანდრ ოვეჩკინი, რის გამოც "ვაშინგტონს" იშვიათად ჰქონდა საგლე მომენტები. ერთ-ერთი ასპროცენტიანი იყო - მეორე პერიოდის ბოლოსკენ დევიდ შტეკელი გავიდა მეკარესთან პირისპირ,
"სან ხოსეს" უფრო ადრე შეეძლო გადაეწყვიტა მატჩის ბედი, მაგრამ ბრწყინვალედ თამაშობდა "კეპიტალზის" ჩეხი მეკარე მიხალ ნოივირტი. სტუმრები იოლად შედიოდნენ მეტოქის ზონაში, იქ კომბინაციებს ათამაშებდნენ, მაგრამ ბოლო ბარიერს ვერ გადიოდნენ. ერთ მომენტში ნოვირტმა ზედიზედ სამი დარტყმა მოიგერია. მაგრამ ასე დიდხანს ვერ გაგრძელდებოდა - 30-ზე მეტი დარტყმის მოგერიების შემდეგ ჩეხმა სწრაფად გაუშვა ორი შაიბა. ჯერ ლოგან კუტური შევარდა "ვაშინგტონის" ზონაში და ფეხებს შუა გაუძვრინა შაიბა ნოივირტს, შემდეგ კი დენ ბოილმა ახლო მანძილიდან გაიტანა. "კეპიტალზი" ბოლოსკენ გააქტიურდა, მაგრამ ანტი ნიემიმ დაამტკიცა, რომ მთელი მატჩის განმავლობაში
უსაქმურობას მისი ყურადღება არ მოუდუნებია. ფინელმა მეკარემ მშვიდად მიითვალა "შათაუტი".
"ვაშინგტონის" გასახარად, წააგო დივიზიონში მისმა მთავარ კონკურენტმა. "ტამპა ბეი" თითქოს დამაჯერებლად აკონტროლებდა "ბაფალოსთან" მატჩს და ორი პერიოდის შემდეგ წინ იყო, მაგრამ მესამეში "ლაითნინგის" თამაში მთლიანად მოიშალა, რამაც ამ გუნდის კარში ხუთი შაიბა მოიტანა! კარგი მატჩი ჩაატარა ფორვარდმა დრიუ სტეფორდმა. ბაფალოელმა ჰეთ-თრიკი შეასრულა და დღის პირველი ვარსკვლავის სტატუსი მოიპოვა.
პლეი ოფის ზონასთან მიახლოებას ცდილობს "ტორონტო". კანადურმა კლუბმა ბოლო ორ დღეში მეორე გამარჯვება მოიპოვა - მან ნიუ იორკში "აილენდერსი" დაამარცხა. მასპინძლებისთვის საინტერესო მომენტი იყო 22 წლის ფინელი მეკარის მიკო კოსკინენის დებიუტი, რომელიც პირველ გუნდში რიკ დიპიეტროს ტრავმის შემდეგ გამოიძახეს. კოსკინენი ამ მატჩში დუბლიორი უნდა ყოფილიყო, მაგრამ მოთელვაზე ტრავმა მიიღო კევინ პოულინმა, ამიტომაც ფინელს მოედანზე გასვლა მოუწია. დებიუტი საუკეთესო ვერ გამოვიდა, რადგან 26 დარტყმიდან მიკომ ხუთი შაიბა გაუშვა და მისმა გუნდმა 2:5 წააგო. "ტორონტოდან" უნდა გამოვყოთ კოლბი არმსტრონგი და დერილ ბოისი - მათ სამ-სამი ქულა მოიპოვეს.
მოულოდნელად წააგო "პიტსბურგმა", რომელიც "კოლამბუსს" მასპინძლობდა. "პიტსბურგის" პრობლემების შესახებ საყოველთაოდ არის ცნობილი, მაგრამ სტუმრების გამარჯვებას (4:1) მაინც არავინ პროგნოზირებდა. აღსანიშნავია "კოლამბუსის" მეკარის სტივ მეისონის კარგი თამაში, რომელმაც 32 დარტყმა მოიგერია და თავის გუნდს ცხრილში "კოლორადოს" გასწრების საშუალება მისცა.
სულ ცოტა ხნის წინ გულშემატკივრები იმაზე ბჭობდნენ - დააღწევდა თუ არა თავს "ნიუ ჯერსი" აღმოსავლეთის ბოლო ადგილს. ახლა კი
ფანები "დევილზის" პლეი ოფში მოხვედრის შანსებს ითვლიან. რა თქმა უნდა, გუნდს ძალიან წაადგა მწვრთნელ ჟაკ ლემერის დაბრუნება, რომელმაც დაალაგა სიტუაცია და ახლა "ნიუ ჯერსი" თამაშს თამაშზე იგებს. ამჯერად მან ოვერტაიმში მოუგო "კაროლინას" - 3:2, მატჩის გმირი კი ახალგაზრდა შვედი მატიას ტედენბი გახდა, რომელმაც ორი შაიბა გაიტანა, მათ შორის - გამარჯვების. "ეშმაკების" პროგრესის მიუხედავად, ისინი ჯერ შორს არიან პლეი ოფის ზონისგან - უახლოეს კონკურენტს "ტორონტოს" ჩამორჩებიან შვიდი ქულით.
ნიუ ჯერსი-კაროლინა 3:2 (ო)
0:0, 1:1, 1:1, 1:0
გოლები: 0:1 სკინერი-19 (კორვო-20, პიტკანენი-21), 1:1 ტედენბი-6 (არნოტი-11, კ. უაიტი-4), 1:2 სკინერი-20 (ე. სტაალი-28, ი. უაიტი-13), 2:2 პალმიერი-5 (კოვალჩუკი-18, კ. უაიტი-5), 3:2 ტედენბი-7 (ზაიაცი-23, ჰედბერგი-1).
აილენდერსი-ტორონტო 3:5
1:2, 1:0, 1:3
გოლები: 0:1 კ. არმსტრონგი-7 (ბოისი-4, ტ. კაბერლე-33), 0:2 როუზილი-1 (შენი-11), 1:2 მოულსონი-19 (ტავარესი-22, პარენტო-20), 2:2 გრაბნერი-17 (მარტინეკი-6, ოკსოპო-3), 2:3 ტ. კაბერლე-3 (კ. არმსტრონგი-11, ბოისი-5), 2:4 კულემინი-20 (კესელი-16), 2:5 სიოსტრიომი-2 (კ. არმსტრონგი-12, ბოისი-6), 3:5 შრემპი-10 (იურჩინა-7, მარტინი-4).
პიტსბურგი-კოლამბუსი 1:4
0:1, 0:2, 1:1
გოლები: 0:1 ნეში-24 (ბრასარი-23, ვორაჩეკი-24), 0:2 პალსონი-5 (უმბერგერი-20, ჰეიდა-10), 0:3 ვორაჩეკი-10 (ნეში-22, ბრასარი-24), 1:3 ტაილერ კენედი-10 (რუპი-5, მარტინი-17), 1:4 ვერმეტი-13 (ჰუსელიუსი-8, უმბერგერი-21).
ვაშინგტონი-სან ხოსე 0:2
0:0, 0:0, 0:2
გოლები: 0:1 კუტური-24 (იგერი-9, ჰასკინსი-6), 0:2 დ. ბოილი-6 (ჰიტლი-27, სეტოგუჩი-9).
ფლორიდა-სტ. ლუისი 1:2
1:0, 0:1, 0:1
გოლები: 1:0 ვიდემანი-8 (უეისი-22, ფროლიკი-21), 1:1 ბეკსი-18 (ენდი მაკდონალდი-11, ბოიესი-23), 1:2 დ'აგოსტინი-12 (სობოტკა-17, ჯეკმენი-9).
ტამპა ბეი-ბაფალო 4:7
1:1, 2:1, 1:5
გოლები: 1:0 ბერგენჰაიმი-9 (ლეკავალიე-17, ბ. კლარკი-14), 1:1 სტეფორდი-18 (ლეოპოლდი-19), 2:1 ლეკავალიე-10 (ჰედმანი-19), 3:1 ბერგენჰაიმი-10 (მელოუნი-23), 3:2 ვანეკი-20 (მ. უებერი-5), 3:3 ლეოპოლდი-11 (ენისი-17), 3:4 ტიმ კონოლი-8 (ენისი-18), 3:5 ვანეკი-21 (მაკორმიკი-8), 3:6 სტეფორდი-19 (შ. მორისონი-3, მ. უებერი-6), 3:7 სტეფორდი-20 (ლეოპოლდი-20, ვანეკი-26), 4:7 ლეკავალიე-11 (სენტ ლუისი-45, სტემკოსი-33).
