ყაზახეთის დედაქალაქ ასტანაში ადგილობრივ საჭიდაო სახეობა კაზაკშა კურესში (ყაზახური ჭიდაობა) მსოფლიოს ჩემპიონატი გაიმართა, რომელშიც მონაწილეობა ქართველმა ძიუდოისტმა გურამ თუშიშვილმაც მიიღო და ვიცე-ჩემპიონობა მოიპოვა.
მძიმე წონაში ევროპის ჩემპიონმა ქართველმა ძიუდოისტმა ასტანის ტურნირში ფინალამდე გზა იოლად განვლო, გადამწყვეტი შეხვედრა კი ადგილობრივ მოჭიდავესთან - აიბეკ ნუგიმაროვთან დათმო. აღსანიშნავია, რომ ფინალში ყაზახი სპორტსმენის გამარჯვებას ბევრი არ მოელოდა და მათ შორის თავად ნუგიმაროვიც, რომელმაც წარმატება საკმაოდ ემოციურად გამოხატა.
ფინალური შეხვედრის შემდეგ გურამმა კომენტარი გააკეთა:
"ვულოცავ აიბეკს. მარცხში მხოლოდ საკუთარ თავს ვადანაშაულებ - ფინალურ შეხვედრაში ზედმეტად თავდაჯერებული გამოვედი. კაზაკშა კურესის ტურნირში პირველად არ ვმონაწილეობ. სპორტის ეს სახეობა საკმაოდ ჰგავს ძიუდოს და ძალიან მიყვარს. სხვათა შორის, კაზაკშა კურესს ჩვენს ეროვნულ სახეობას - ქართული ჭიდაობასაც ძალიან ვამსგავსებ".
ყაზახურ ჭიდაობაში გამართულ ჩემპიონატში მონაწილეობა 38 ქვეყნის 42-მა მოჭიდავემ მიიღო. ტურნირის საპრიზო ფონდი 30 მლნ ტენგეს (დაახლოებით 90 ათასი აშშ დოლარი) შეადგენდა.
15:05 09-09-2017
გურამ თუშიშვილი ყაზახურ ჭიდაობაში მსოფლიოს ვიცე-ჩემპიონია [VIDEO]
AutoSharing Option
მკითხველის კომენტარები / 4 /
მოწონებების მიხედვით
თარიღის მიხედვით
ამოსმულზე მერამდენედ ეცემა, ფრთხილად უნდა იყოს, რამე კონტრილეთიც უნდა შეიმუშაოს. სხვათაშორის რინერსაც უყვარს ეს ილეთი და უნდა უფრთხილდეს
7
2
ამისგან რა მსოფლიო ჩემპიონობას უნდა ელოდო,აგერ ერთი კონკურენტი გამოუჩნდა კიდევ,ასე რომ მუდმივი ბრინჯაო და ვერცხლი ექნება ეგაც თუ არ დაკარგა.
3
11
ყველა კომენტარი
გააკეთეთ კომენტარი
ასევე დაგაინტერესებთ
![თუშიშვილი რინერთან დამარცხდა - გურამი რეპეშაჟიდანაც მოხსნეს [VIDEO]](/pictures/image7/a4ccd6611999cadf43d1c4c95c584039.png "თუშიშვილი რინერთან დამარცხდა - გურამი რეპეშაჟიდანაც მოხსნეს [VIDEO]")
![გურამ თუშიშვილი მსოფლიო ჩემპიონატის ფინალში დამარცხდა [VIDEO]](/pictures/image7/740ec085e077a1d2296c7bfb0a5e1337.jpg "გურამ თუშიშვილი მსოფლიო ჩემპიონატის ფინალში დამარცხდა [VIDEO]")
უძრავი ქონება
79.00 k
240.00 k
სიახლეები
პოპულარული
