ფინეთში ახალგაზრდა ძიუდოისტთა ევროპის ჩემპიონატზე ლაშა ბექაური, ილია სულამინაძე და გელა ზაალიშვილი ოქროს მედლებს დაეუფლნენ, ხოლო მიხეილ ბექაური ბრინჯაოს მედლის მფლობელი გახდა.
ლაშა ბექაურმა (90 კგ) უნგრელ როლანდ გოზს იპონით სძლია.
ილია სულამანიძემ (100 კგ) უკრაინელი ევგენი ვეჰერა იპონით დაამარცხა.
გელა ზაალიშვილმა (+100 კგ) გერმანიის სახელით მოასპარეზე ერიკ აბრამოვს მოუგო.
მიხეილ ბექაურმა (90 კგ) რუსი მანსურ ლორსანოვი დაამარცხა.
სამწუხაროდ, მესამე ადგილისთვის ბრძოლაში საბა ინანეიშვილი (+100 კგ) უნგრელ რიჩარდ სიპოცთან დამარცხდა.
საქართველოს ახალგაზრდულმა ნაკრებმა ტურნირზე 6 ოქროს, 1 ვერცხლის და 2 ბრინჯაოს მედალი მოიპოვა და საერთო გუნდურ ჩათვლაში პირველი ადგილი დაიკავა.
![ბექაურმა მეტოქეს 51 წამში სძლია და ოქროს მედალს დაეუფლა [VIDEO]](/pictures/image7/1eb151987e5a98f43da4ae0ae5040823.png "ბექაურმა მეტოქეს 51 წამში სძლია და ოქროს მედალს დაეუფლა [VIDEO]")
!["ვაიმეე, ბოდიშით რა... ეს რა იყო?" - ბექაური თოფურიას გამარჯვების შემდეგ გაგიჟდა [VIDEO]](/pictures/image7/28563be27b512a27133617e98006a55e.png "\"ვაიმეე, ბოდიშით რა... ეს რა იყო?\" - ბექაური თოფურიას გამარჯვების შემდეგ გაგიჟდა [VIDEO]")
