ყაზანში მიმდინარე გრან-სლემის ფინალში მსოფლიო ჩემპიონი (-60 კგ) ლუხუმ ჩხვიმიანის მეტოქე რუსეთის სახელით მოასპარეზე რობერტ მშვიდობაძე იქნება. ფინალთან ახლოს იყო ბაგრატ ნინიაშვილიც (-66 კგ), მაგრამ ნახევარფინალში რუს ჩიპანოვთან იპონით დამარცხდა. გამოსვლა ადრევე დაასრულა ტატიანა ლევიცკა-შუკვანმა.
ჩხვიმიანმა პირველ ეტაპზე კამერუნელ ცალას აჯობა. ამის შემდეგ პორტუგალიელი კოსტა ლოპესი დააიპონა. ლუხუმმა მეოთხედფინალიდან ჩეხი დავიდ პულკაბეკი ჩამოიცილა, ფინალში კი რუსი რამაზან აბდულაევის ძლევის შედეგად გავიდა.
ბაგრატ ნინიაშვილმა დღე მოლდოველი დენის ვიერუს ძლევით დაიწყო. შემდეგ იპონით ალბაში დაამარცხა., მეოთხედფინალში მასპინძელი არამ გრიგორიანი მხოლოდ შიდოებით დაამარცხა.
ფინალური ბლოკი 18 საათიდან დაიწყება.
დიდი აღიარება - მსოფლიოში საუკეთესოებად ჩხვიმიანი და გრიგალაშვილი დაასახელეს!
