ჭიდაობა

სუმო

12:26 25-03-2018

ჰარუ ბაშო. ფინალური დღე - მეათე გამარჯვება და ოვაციებით დაჯილდოებული ტოჩინოშინი [VIDEO]

AutoSharing Option Yes No

დღეს, ჰარუ ბაშოს ტრადიციული ტურნირის ფინალური დღე გაიმართა და ტოჩინოშინმა ფინალური ბრძოლაც მოიგო.

ტოჩინოშინის მეტოქე კომოსუბი იჩინოჯო იყო, რომელთანაც დადებითი ბალანსი 10:5-ზე ჰქონდა. ორივე მებროლმა თავიდანვე შეძლო ჩაევლოთ ერთმანეთზე მავაშში ხელი, რაღაც მომენტში ფიზიკური უპირატესობით სცადა იჩინოჯიმ ტოჩინოშინის დაძვრა, თუმცა ქართველმა ამით ისარგებლა და მეტოქე დოჰიოდან, იორიკირით გადაიყვანა.

ქართველის გამარჯვების შემდეგ ოსაკას ტანვარჯიშის არენაზე იქუხა ოვაციებმა და ტოჩინოშინს საიმპერატორი ისრები გადაეცა.

ტოჩინოშინს ჯამში ამ ბაშოზე 10 გამარჯვება და 5 მარცხი დაუგროვდა. ქართველი სეკიტორის მთავარი პრობლემა ამ

ბაშოზე ტრავმა იყო, რომლის გამო გამაყუჩებლებით უწევდა ასპარეზობა.

ჰარუ ბაშოს გამარჯვებული მონღოლი იოკუძუნა კაკარიუ გახდა 13 გამარჯვებით და 2 მარცხით, ერთ-ერთი მარცხიც ტოჩინოშინთან იწვნია.

რაც შეეხება გაგამარუს, ჯურიო ლიგის ბოლო შეხვედრაში იორიკირით დამარცხდა ლიგის მეთორმეტე ნომერ ტაკანოივასთან. თეიმურაზ ჯუღელმა ეს ბაშო რვა გამარჯვებით და შვიდი მარცხით დაასრულა. მის დადებით ბალანსს კი აუცილებლად მოჰყვება რაღაცა სახის დაწინაურება.

ტეგები:

ტოჩინოშინი

გაგამარუ

ჰარუ ბაშო

ავტორი : გალაქტიონ ესაკია

შეაფასეთ სტატია:

მკითხველის კომენტარები / 17 /

თარიღის მიხედვით

მოწონებების მიხედვით

საბოლოო ცხრილი რომ გამოაქვეყნოთ არ იქნება?

aburjga

გამოხმაურება

26 მარტი 2018 22:32

არ დაუკარგავს ტიტული, მე მგონი მოემატა თუ არ ვცდები ამ მოგებით!!!

გიორგი

გამოხმაურება

26 მარტი 2018 12:45

ლევანი მართლაც საოცრად გამოვიდა ამ ბაშოზე.ნეტავ წოდების მოსამატებლად ეს შედეგი ეყოფა?

სოსო

გამოხმაურება

25 მარტი 2018 21:21

კი, ნახევარი საფეხურით წაიწევს და დასავლეთის ნაცვლად აღმოსავლეთის სეკივაკე გახდება, მომდევნო ტიტულს - ოძეკობას კი ახლა, სავარაუდოდ, არ მისცემენ, რადგან მხოლოდ ერთი ტურნირი იჭიდავა სეკივაკეს რანგში. ეს ალბათ მაშინ მოხდება, მომდევნო ბაშოზე თუ ისევ მინიმუმ 10 მოგებას დააგროვებს. ოძეკობის მინიჭების ზუსტი წესები არ არსებობს, თუმცა პრაქტიკაში ასეა: ბოლო 3 ტურნირზე დაგროვილი მოგებები უნდა იყოს მინიმუმ 33 45-დან და აქედან მინიმუმ 10 უნდა ჰქონეს ბოლო ტურნირზე. ლევანს 10 მოგების შემთხვევაში დაუგროვდება 14+10+10=34 მოგება, მაგრამ ეს მაინც არ არის გარანტია. ითვალისწინებენ სხვადასხვა სიტუაციას: ტურნირის მოგებას, იოკოძუნას დამარცხებას, სუმოს ხარისხს, კეთილსინდისიერ ბრძოლას და ა.შ. ეს ყველაფერი ლევანს აქვს და წესით, მომდევნო ბაშოზე უნდა გახდეს ოძეკი

მერაბი

26 მარტი 2018 12:36

გმადლობთ მეგობრებო.პასუხი ამომწურავია.

სოსო

26 მარტი 2018 12:24

მომდევნო 2 ბაშოზე 23 გამარჯვება ჭირდება ჯამში, რომ წოდება მოუმატონ

26 მარტი 2018 11:41

სეკივაკედან უფრო ზევით ანუ ოძეკობამდე რომ დაწინაურდე საჭიროა სანიაკუში ზედიზედ სამ ბაშოზე 33 და მეტი მოგება დააგროვო მხოლოდ ამ შემთხვევაში ხდები ოძეკი.ან კიდევ ერთი შანსი ჰქონდა ეს ტურნირიც რომ მოეგო უთუოდ ოძეკი გახდებოდა

sumo

26 მარტი 2018 00:21

ყველა გამოხმაურება

გამარჯობათ, დიდად ვერ ვერკვევი ამ სპორტში და იქნებ გამარკვიოთ, დაკარგა ტიტული ტოშინოჩინიმ?

anti

გამოხმაურება

25 მარტი 2018 21:07

On, შემდეგ ბაშოზე 10 მოგებაც საკმარისი უნდა იყოს. მაშინ დაუგროვდება 14+10+10=34 ქულა და ორივე დაუწერელი კანონიც შესრულდება: დააგროვებს 33-ზე მეტ მოგებას და აქედან 10 ექნება ბოლო ბაშოზე. თუმცა ოძეკობის მინიჭების 100%-იანი გარანტია არ არსებობს

მერაბი

26 მარტი 2018 12:46

სულ რამოდენიმე ბაშოა, იანვრის თვეში ტიტული ამ ასტან არაფერშუაშია, აქ არის წოდებაში დაწინაურება ან დაქვეითება, რომ არ დაქვეითდეს მინიმუმ 8 გამარჯვება ჭირდებოდა, შემდგომ 2 ბაშოზე 23 მოგება თუ დაუგროვდა წოდებას აუწევენ

26 მარტი 2018 11:40

დადებითი ბალანსი რომ აჩვენა უკვე მაშინ შეინარჩუნა ტიტული, შემდეგ ორ ბაშოზე 22 მოგება თუ ექნება გახდება ოძეკი

გიორგი

26 მარტი 2018 10:55

არა,არ დაუკარგავს.პირიქით.მას დადებითი ბალანსი ჰქონდა და მისი რეიტინგი უფრო აიწევს,თუმცა ეყოფა თუ არა,უფრო მაღალ ტიტულს,ამას გადაანგარიშება სჭირდება.რაც შეეხება იმპერატორის თასს,ის ამ კონკრეტულ ბაშოზე გათამაშდა და ლევანმა გამარჯვებულის წოდება ვერ შეინარჩუნა.გამარჯვებული კაკურიო გახდა.

სოსო

26 მარტი 2018 09:54