- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ვლადიმირ ვაისი: ნაკრების ფეხბურთელები მაკედონიაში, ლატვიაში რომ გადავლენ...
<p>საქართველოს ნაკრების მთავარმა მწვრთნელმა ვლადიმირ ვაისმა გადაცემა "სპორტი 360"-ში რამდენიმე საინტერესო თემაზე ისაუბრა <br> საქართველოს ნაკრების მთავარმა მწვრთნელმა ვლადიმირ ვაისმა გადაცემა "სპორტი 360"-ში რამდენიმე საინტერესო თემაზე ისაუბრა.</p><p>გთავაზობთ მთლიან ინტერვიუს, რომელიც "პირველი არხის" ეთერში გავიდა.</p><p><strong>- 23 და 25 იანვარს საქართველოს ნაკრები უზბეკეთთან და იორდანიასთან ორ ამხანაგურ მატჩს გამართავს. გუნდში ბევრი დებიუტანტია, ძირითადად ეროვნული ჩემპიონატიდან. როგორი შთაბეჭდილება დაგრჩათ პირველი ვარჯიშის შემდეგ და ექნებათ თუ არა ამ ფეხბურთელებს შანსი, რომ ოფიციალურ მატჩებშიც მოხვდნენ ნაკრების განაცხადში?</strong></p><p>- კარგი ამხანაგური მატჩები გველის. შანსი იმ ფეხბურთელებს მიეცემათ, რომლებმაც თავი ეროვნულ ჩემპიონატში გამოიჩინეს, სამტრედიიდან, საჩხერიდან, თბილისის "დინამოდან" და ქუთაისის "ტორპედოდან". მათ საკუთარი შესაძლებლობები უნდა გამოავლინონ, თუ უნდათ, რომ მთავარ ნაკრებში მოხვედრის პრეტენზია ჰქონდეთ. ისედაც ცოტა ამხანაგურ მატჩს ვატარებთ. წინ საკვალიფიკაციო ეტაპი გველოდება, ამიტომ ეს ჩვენთვის, მწვრთნელებისთვისაც კარგი გამოცდაა, რადგან ასეთ მატჩებში ყოველთვის შეიძლება ფეხბურთელმა კარგი შთაბეჭდილება მოახდინოს და გუნდისთვის მომავალში მეტი სარგებელი მოიტანოს.</p><p><strong>- თქვენი აზრით, რომელი პოზიციაა ყველაზე პრობლემატური საქართველოს ნაკრებში და სად გვჭირდება შევსება ყველაზე მეტად?</p><p></strong>- ყველაზე პოზიციაზე გვჭირდება გაძლიერება. რაღაც განსაკუთრებულს ველოდი მოლდოვასთან, როცა დავინახე, რომ სტადიონზე 50 ათასი ადამიანი იყო მოსული, მაგრამ ჩვენ ვერ ვითამაშეთ ისე, როგორც ირლანდიასა და უელსში.</p><p>ყველას გვინდოდა, არ ვამბობ, რომ ბიჭებს არ მოუნდომებიათ, თუმცა ემოციებთან, პასუხისმგებლობასთან გამკლავება ვერ მოვახერხეთ და ვერ მოვიგეთ. ეს ძალიან არასასიამოვნო მომენტი იყო, არასასიამოვნო სიურპრიზი, როგორც ქომაგისთვის და ჟურნალისტებისთვის, ასევე ჩემთვისაც.</p><p>იმას ვამბობ, რომ ყველა პოზიციაზე უნდა მოვუმატოთ. ფეხბურთელებმა ბევრი უნდა იმუშაონ კონცენტრაციისა და ოსტატობის ასამაღლებლად, რაც შედეგებზეც აუცილებლად აისახება.</p><p><strong>- თითქმის ერთი წელია საქართველოს ნაკრებში მუშაობთ, ჩაატარეთ 4 ოფიციალური და რამდენიმე ამხანაგური მატჩი. რა წარმოდგენა შეგექმნათ ქართულ ფეხბურთზე?</strong></p><p>- როდესაც ეს თანამდებობა ჩავიბარე, ნანახი მქონდა საქართველოს ნაკრების რამდენიმე თამაში და ვთქვი, რომ გუნდს დიდი პოტენციალი აქვს. ქართველი ფეხბურთელები ძალიან ნიჭიერები არიან. ეს მხოლოდ ოქრიაშვილს, მჭედლიძეს, ყაზაიშვილს და ანანიძეს არ ეხება. დიდი გამოცდილება აქვთ კანკავასა და კაშიას. საბოლოო ჯამში კი ახალგაზრდული გუნდია, მაგრამ ჩვენ არ შეგვიძლია ვისაუბროთ, რომ გვაქვს პოტენციალი, ტალანტი, ტექნიკა და ასე გრძელდებოდეს მუდმივად. ეს აუცილებლად უნდა აისახოს შედეგებზე.</p><p>დარწმუნებული ვარ, წელს ჩვენ უკეთესი შედეგი გვექნება, ვიდრე შარშან გვქონდა. აქვე აღვნიშნავ, რომ ჩვენ აშკარად მოვუმატეთ და ეს გულშემატკივარზეც აისახა და მოლდოვასთან სტადიონი შეივსო. ანუ ხალხმა დაინახა, რომ სწორი გზით მივდივართ და გამოჩნდა, რომ უელსთან და ირლანდიასთან ჩვენმა შრომამ შედეგი გამოიღო. თუმცა ფეხბურთი ხშირად ასეთია, ყოველთვის არ გაგიმართლებს. არ აქვს მნიშვნელობა, მე ვიქნები მწვრთნელი თუ ვინმე სხვა, ფაქტია, რომ ამ გუნდს აქვს პოტენციალი და შესაძლებელია შემდეგ შესარჩევებში ჯგუფიდან გასასვლელად ბრძოლა.</p><p><strong>- საქართველოში ჩამოსვლამდე სლოვაკეთის ნაკრებში მუშაობდით და მსოფლიოს ჩემპიონატზე მოახერხეთ გასვლა. სლოვაკეთი, ისევე, როგორც საქართველო, არ არის მსოფლიო ფეხბურთის გრანდი. რა განსხვავებებსა და მსგავსებას ხედავთ ამ ორ გუნდს შორის და რა არის საქართველოსთვის საჭირო იმავე შედეგის მისაღწევად?</strong></p><p>- თავიდან დაახლოებით იგივე სიტუაცია იყო. მაშინაც მძიმედ დავიწყეთ, პირველი თამაში საბერძნეთთან წავაგეთ, შემდეგ კი ბედნიერი ეპოქა დაიწყო. ზედიზედ მოვუგეთ ირლანდიასა და პოლონეთს. მსოფლიოს ჩემპიონატზეც გავედით, მაგრამ ამაზე ლაპარაკი აღარ მინდა, ჯობია კარგ მოგონებად დარჩეს, ეს უკვე ისტორიაა.</p><p>ვისურვებდი, რომ იგივე განმეცადა საქართველოს ნაკრებთან ერთადაც, თუმცა ეს ადვილი არ იქნება. მაშინდელი სლოვაკეთის ნაკრების ფეხბურთელები ევროპულ ტოპ-კლუბებში, ტოპ-ჩემპიონატებში თამაშობდნენ: "ლივერპულში", "ნაპოლიში", ჩემი შვილი "მანჩესტერ სიტიში" იყო, უმრავლესობა რეგულარულად თამაშობდა რუსეთის პრემიერლიგაში. საქართველოსა და სლოვაკეთის ნაკრებებს შორის განსხვავება სწორედ ესაა.</p><p>მუდმივად ვესაუბრებოდი ფეხბურთელების აგენტებს, ვთხოვდი, რომ ჭკვიანური ტრანსფერები განეხორციელებინათ, ისე კი არა, როგორც აქ, ნაკრების ფეხბურთელები მაკედონიაში, ლატვიაში და სხვა მსგავს ჩემპიონატებში რომ გადავლენ, რომელიც საქართველოს ჩემპიონატს არაფრით აღემატება. ამაზეც სერიოზული მუშაობაა საჭირო. თუ თავიანთ კლუბებში ფეხბურთელები მუდმივად სკამზე ისხდებიან, ნაკრები ვერასოდეს მიაღწევს წარმატებას.</p><p>მაგალითად, ლევან მჭედლიძე. ის ბედნიერია თავის კლუბში, მას ენდობიან, ათამაშებენ. თუ ასე იქნებიან ანანიძე, ყაზაიშვილი და სხვებიც, მაშინ შეიძლება საქართველო შევადაროთ არა მარტო სლოვაკეთს, არამედ ჩეხეთსაც, რუსეთს, სხვებსაც და დარწმუნებული ვარ, წარმატებასაც მივაღწევთ.</p><p><strong></p><p>- საქართველოს ნაკრების მიერ ჩატარებული შეხვედრებიდან იქმნება შთაბეჭდილება, რომ გუნდი მხოლოდ ეპიზოდურად ახერხებს მაღალი დონის ფეხბურთის ჩვენებას. ამას მხოლოდ ფიზიკურ კონდიციებს ვერ დავაბრალებთ, რადგან ზოგჯერ გუნდი პირველ ტაიმში გამოიყურება უკეთ, ზოგჯერ კი მეორეში. რატომ ხდება ასე?</strong></p><p>- მაგალითად, ირლანდიაში პირველი ტაიმი კარგად ჩავატარეთ, მეორე ვერა. უელსთან პირიქით მოხდა. პირველი ტაიმი ცუდი იყო, მეორე ძალიან კარგი. მართლაც რთული გასარკვევია, ეს ფიზიკური პრობლემაა თუ ფსიქოლოგიური. ეს ყველაფერი ერთმანეთთანაა დაკავშირებული, რაღაც ბალანსი უნდა ვიპოვოთ. თუმცა იმავეს გავიმეორებ, თუ ფეხბურთელებს კლუბებში სტაბილური სათამაშო დრო არ ექნებათ, მაშინ ისინი სარგებელს ვერც ნაკრებს მოუტანენ. მაგალითად, საბა კვირკველია უკვე ნახევარი წელია "რუბინის" სათადარიგოთა სკამზეა. ის მაინც კარგად თამაშობს, მაგრამ პრაქტიკის უქონლობა წინსვლაში ხელს უშლის. მას გაცილებით მეტი შეუძლია. ეს სხვებსაც ეხებათ. ასეთი ნიუანსები ახდენს გავლენას თამაშის მიმდინარეობაზე. ასევე, ჩვენი მთავარი პრობლემა საგოლე მომენტების რეალიზებაა. საკვალიფიკაცო ეტაპის მატჩებში ბევრი მომენტი შევქმენით. მათი ნახევარიც რომ გამოგვეყენებინა, ახლა 6-7 ქულა გვექნებოდა. მეტი კონცენტრაციაა საჭირო, მეტი სათამაშო პრაქტიკა კლუბებში და დარწმუნებული ვარ, შედეგიც დადებითი იქნება.</p><p><strong>- როდესაც ნაკრებში მუშაობა დაიწყეთ, ტაქტიკური სქემა შეცვალეთ, ერთი პერიოდი გუნდი სამი მცველით და ორი განაპირა მცველით თამაშობდა. 4-2-3-1 სისტემა თქვენთვის ზოგადად <strong>კომფორტული, </strong> აპრობირებული ტაქტიკაა თუ გადაწყვეტილება ნაკრებში არსებული რესურსიდან გამომდინარე მიიღეთ?</strong></p><p>- მე აქამდე არასოდეს მითამაშია სამი მცველით, თუმცა ის ვარიანტი, რომლითაც გუნდს კახა ცხადაძე ათამაშებდა, კარგია გარკვეული გუნდების წინააღმდეგ. თუ მოწინააღმდეგის შესაძლებლობებს კარგად გააანალიზებ, ეს ტაქტიკაც შეიძლება ეფექტური გამოვიდეს. არ გამოვრიცხავ, რომ ეს ტაქტიკა მომავალ თამაშებშიც გამოვიყენოთ. უელსთან თამაშის წინ სწორედ ასეთ სქემაზე ვფიქრობდი, რომ სწრაფი ფლანგელებისთვის სივრცეები მაქსიმალურად შეგვეზღუდა. მწვრთნელმა არა მხოლოდ თავისი გუნდის, არამედ მოწინააღმდეგის ძლიერ მხარეზეც უნდა იფიქროს.</p><p>მე ჯერჯერობით ყველა მატჩში 4-2-3-1 ტაქტიკით დავიწყე, ესპანეთთან მატჩის გარდა, სადაც უფრო დაცვითი შემადგენლობით გამოვედით და ამან შედეგიც მოგვიტანა, მაგრამ საბოლოოდ გამოჩნდა, რომ ეს სქემა გოლების გასატანად არ იყო იდეალური. ამიტომ კიდევ ვიფიქრებთ, ამ შეკრებასაც გამოვიყენებთ რამდენიმე ტაქტიკური სქემის გამოსაცდელად და შემდეგ შევაფასებთ ყველაფერს.</p><p>წინ სერბეთთან თამაშია. ჯგუფიდან გასვლის რაღაც მათემატიკური შანსები გვაქვს, მაგრამ ეს რეალობისგან მაინც შორსაა. ამის მიუხედავად, ბოლომდე ვიბრძოლებთ, რომ მომავალ შესარჩევში უკეთეს კალათაში მოვხვდეთ.</p><p><strong>- მიმდინარე სეზონში საქართველოს ჩემპიონატი ახალი ფორმატით ჩატარდება. მოგწონთ თუ არა ეს სიახლე და რა სარგებლობის მოტანა შეუძლია ნაკრებისთვის?</strong></p><p>- არ ვიცი, მხოლოდ დრო გვიჩვენებს ამ გადაწვეტილების სისწორეს. ძალიან კარგია, 16-გუნდიანი ჩემპიონატიდან რომ 10-გუნდიანი ჩემპიონატი გაკეთდა, რადგან 16-გუნდიანი არ შეესაბამებოდა ქართული ფეხბურთის დღევანდელ მდგომარეობას.</p><p>ფეხბურთელების რაოდენობა უმაღლეს ლიგაში შემცირდება, მაგრამ ხარისხით ამაღლდება და მეტი საინტერესო და დაძაბული თამაში იქნება.</p><p><strong>- საქართველოს ნაკრებთან კონტრაქტით კიდევ ერთი წელი გაკავშირებით. რამდენად კმაყოფილი ხართ თქვენი მუშაობით და რა არის საჭირო იმისთვის, რომ თქვენმა შრომამ დადებითი შედეგი მოიტანოს?</strong></p><p>- მე, როგორც მწვრთნელი და როგორც ადამიანი, მთელი ცხოვრება რაღაცას ვსწავლობ. აქ ყოფნის პერიოდში დიდი გამოცდილება მივიღე, კარგი ურთიერთობა ჩამომიყალიბდა ყველასთან, მათ შორის გულშემატკივართან და ჟურნალისტებთან, მაგრამ მხოლოდ ჯერჯერობით, რადგან ყველაფერი შედეგებზეა დამოკიდებული. ნახევარ წელიწადში სასწაულის მოხდენა შეუძლებელია, ეს ცხადია. ვნახოთ, როგორ განვითარდება მოვლენები. მე მომწონს საქართველო. თუ ჩემი მუშაობა დამაკმაყოფილებლად შეფასდება, დავრჩები, თუ არა და, ნაკრებს და ფეხბურთის ფედერაციას, რომელიც ბევრ კარგ საქმეს აკეთებს, მხოლოდ წარმატებებს ვუსურვებ. ახლა მხოლოდ თამაშებზე ვარ კონცენტრირებული, ჯერ ამხანაგურებზე, შემდეგ სერბეთთან და მოლდოვასთან.</p><p>სექტემბერში კი ვნახოთ, რა იქნება. ასეთია მწვრთნელის ცხოვრება. მთავარი შემფასებელი მაინც გულშემატკივარია. სწორედ მათ რეაქციაზეა ყველაფერი დამოკიდებული.</p><p><a href="/fexburti/qarthuli-fekhburthi/erovnuli-nakrebi/100311-saqarthvelos-nakrebs-danaklisi-aqvs-vaisis-gankargulebashi-19-fekhburtheli-darcha.html" target="_blank"><span style="color: #0000ff;">- საქართველოს ნაკრებს დანაკლისი აქვს - ვაისის განკარგულებაში 19 ფეხბურთელი დარჩა</span></a></p>
-
lasha
მარტივია.. ვინც იძახის რომ 16 გუნდიანი ჩემპიონატი ჯობიაო ეს იმ გუნდის გულშემატკივარია რომელიც იმ ათ გუნდში ვერ ხვდება და16 გუნდში მოხვედრის შანსი კი აქვს ...(თავისი გუნდი უყვარს საერთო ინტერესი კიდია) და ვინც ვაისის არაპროფესიონალიზმზე რამეს იტყვის მან ან ფეხბურთი არ იცის ან უბრალოდ კობიაშვილი არ ევასება (მიუხედავად იმისა რო მეც ვფიქრობ ცხადაძე ვაის ჯობდა ამ ეტაპზე ეს კაცი ყველაზე კაი ვარიანტია )
-
დემე
ვაისს მოლდოვასთან ქულის დაკარგვა(კიდევ კარგი რომ არ წავაგეთ) მთლიანად შენს სინდისზეა და ნუ გვაბოლებ
-
nika
სწორს ამბობს. ნაკრების ფეხბურტელები რო მაკედონიასჰი და ლატვიასჰი წავლენ სატამასჰოდ, იმ ნაკრებიტ როგორ უნდა მოხვდე მსოფლიოზე.
-
romandro
ისეთი ადამიანი რომელსაც ჩვენს 16-ტი გუნდიან ჩემპიონატის რამოდენიმე თამაშზე იყოს დანასწრები და ერკვევოდეს ცოტა მაინც ფეხბურთში და ამბობდეს ესე უფრო ვითარდებოდა ჩვენი ჩემპიონატიო, ვიდრე 10-გუნდიანი იქნებაოო. ესეთი ადამიანების არმესმის,და არც თვითონ გვიხსნიან სად დაინახეს 16-გუნდიან ჩემპიონატში განვითარება?
-
luk
იმენა აზრზე არ ხართ რა! აი ნახავთ 10 გუნდიც ბევრია ჩვენი ვაჟკაცებისთვის!
-
Tb
ახლა გინდოდათ მსოფლიოზე გასვლა? ცოტა რეალურად იფიქრეთ. ეს კაცი პროფესიონალია. როგორც ქეცბაია. ხალხი კი იმას აფასებს როგორც თვითონ აზროვნებს. ანუ ცხადაძეს
-
haha
სამწუხაროა რომ ბევრი ტყემალზე ზის და ბალს ათოხლავებს. ვინც ფიქრობთ რომ საქართველომ ეხლა მსოფლიოზე უნდა/შეუძლია გავიდეს, გთხოვთ სასწრაფოდ ჩაეწეროთ ფსიქოთერაპევტთან. ხოლო ვინც ფიქრობთ, რომ 16 გუნდა ჩემპიონატმა არ დააკონტროლა/დაასამარა ქართული ფეხბურთი ნურსად ნუ ჩაეწერებით, აზრი არ აქვს. თქვენ ისედაც ბედნიერი ხართ.
-
Emre
და რითია ცუდი 10 გუნდიანი? იყოს 10 და გამართული არ ჯობია?? თუ ის უკეთესია წვალებ წვალებით რო ამთავრებენ გუნდები ჩემპიონატს?
-
valderrama
ჯანგო-ს. და რა თქვა არალოგიკური?რაც მეტია გუნდი, მით უფრო მეტია იქ უხარისხო ფეხბურთელი. და პირიქით. ხომ არ შეიძლება ყველაფერზე კრიტიკა და ეგრევე გაშვების მოთხოვნა
-
Jango
ეს კაცი ახლავე გასაშვებია, რომ ამბობს კარგია 16 კლუბიანის ნაცვლად 10 კლუბიანი ჩემპიონატი იქნება და რომ კლუბების და ფეხბურთელების ნაკლებობა მათ ხარისხს აწევსო. ვოვა მაგარი პროფანი ყოფილხარ. ჩვენ 2017 ში ვნახავთ ქართული ფეხბურთის სამაგალითო დასამარებას, ამის გარანტია უკვე გვეძლევა.
-
გულშემატკივარი იღებს იმას რასაც იმსახურებს
უკვე მომავალ შესარჩევზე ალაპარაკდა
"ბარსელონას" იამალის საქართველოს ნაკრებთან სათამაშოდ გაშვება არ უნდა
"საქართველოს ნაკრები სამაგალითოა" - ამბობს სომხეთის ეროვნული გუნდის ყოფილი კაპიტანი
თბილისური მატჩი ბოლო აღმოჩნდა - ილიევს ბულგარეთის ნაკრებიდან უშვებენ
არისაბალაგა შეიძლება ფაბრეგასის გუნდში გადაბარგდეს
დუდუ დადიანის მემორიალზე ნახევარფინალისტები დაწყვილდნენ
ბოლო წუთების ფასი... "დილამ" და "სამგურალმა" მოიგეს, "იბერია 1999"-"გარეჯი" ფრედ დასრულდა
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
Le Parisien-ი კვარაცხელიას ტრავმის შესახებ ინფორმაციას ავრცელებს
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
იური ტაბატაძე შეცვალეს - "კადისი" "სეუტასთან" ფრეს დასჯერდა
ლოჩოშვილმა ტრავმა მიიღო - "ნიურნბერგი" სახლში "ჰერტასთან" განადგურდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" გიულერის თაობაზე ორი კლუბი დაუკავშირდა - "სამეფო კლუბმა" გადაწყვეტილება მიიღო
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
[VIDEO] სათადარიგოთა სკამიდან შევიდა და ყველაზე შედეგიანი იყო - შერმადინის მაგარი მატჩი "რეალთან"
ფრე ქუთაისში... და "თელავის" მოგება "გაგრასთან"
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ
ჩემპიონთა ლიგის ახალი ფორმატის ლიდერები, აუტსაიდერები, ორი ქართველი დღეს და მთავარი ინტერესი "რეალის" მიმართ
დღეს - "შახტარის" ქართველების მატჩი და კაშია, კანკავა, ვაისი კიტეიშვილის წინააღმდეგ!..
ბულგარელთა მწვრთნელი: კვარაცხელია ფანტასტიკურია, ახლა ამ დონის ფეხბურთელები არ გვყავს
ხიზანიშვილი: საუკეთესო გაგნიძე იყო - კაშიამ ართამაშის გადაწყვეტილება ისე მიიღო, როგორც უნდა მიეღო
[VIDEO] ესპანეთმა თურქეთი გააბითურა - საქართველოს ნაკრები მეორე ადგილზეა
"საქართველოს ნაკრები სამაგალითოა" - ამბობს სომხეთის ეროვნული გუნდის ყოფილი კაპიტანი
[VIDEO] ვაისი მსაჯს შეუვარდა, შეაგინა და მოედნიდან ძლივს გაიყვანეს - "სლოვანს" 16 წლის თავდამსხმელმა გაუტანა
"საუკეთესო გუნდია, რაც კი ოდესმე მინახავს" - ვაისი "სიტისთან" მარცხის შემდეგ
Geo Team: "სლოვანს" გაგუას დამატება სურს - ტრანსფერის ინიციატორი ვლადიმირ ვაისია
ჩემპიონთა ლიგის ახალი ფორმატი, ორი გარანტირებული ადგილი ქართველებს და მესამის შანსი...
რატომ მოვიგეთ და როდის გავიმარჯვებთ "არმოსაგებში" - ბავშვებო, ისწავლეთ ხვიჩასგან!..
"ბარსელონას" იამალის საქართველოს ნაკრებთან სათამაშოდ გაშვება არ უნდა