<p>საქართველოს ჩემპიონატში "ლოკომოტივი" უკვე 10 მატჩია, ვერ ახერხებს "ტორპედოს" დამარცხებას... <br> შაბათს, 1 აპრილს, საქართველოს ჩემპიონატი განახლდება და წინდაწინ უნდა ვთქვათ, რომ ჩვენს გუნდებს ურთულესი პერიოდი ეწყებათ! თავად განსაჯეთ: აპრილის თვეში ეროვნულ ლიგაში 6 ტურია დაგეგმილი, პლუს - თასის მერვედფინალებიც!</p><p>ანუ, 30 დღის განმავლობაში 7 ოფიციალური მატჩის ჩატარება ნამდვილად არ უნდა იყოს იოლი საქმე.</p><p>თუმცა, ნურც ის დაგვავიწყდება, რომ ეროვნულ ლიგაში მოასპარეზე გუნდების თითქმის აბსოლუტურმა უმრავლესობამ ("შუქურასა" და "კოლხეთის" გარდა), ზამთრის მოსამზადებელ პერიოდში ნაყოფიერი უცხოური შეკრება გაიარა და, აქედან გამომდინარე, გადატვირთულ გრაფიკზე საწუწუნოც არავის უნდა ჰქონდეს.</p><p>თუმცა, გარკვეული დისკომფორტი, შესაძლოა, მაინც შეექმნათ გარკვეულ გუნდებს, მით უფრო, რომ კალენდრის თანახმად, ხვალიდან 13 აპრილის ჩათვლით, ოთხი ტური უნდა გაიმართოს. სამაგიეროდ, კლიმატური პირობების გაუარესებას არ ელოდებიან ჩვენი სინოპტიკოსები და იმედი დავიტოვოთ, რომ ამ საგაზაფხულო გამძლეობის ტესტს ჩვენი გუნდები წარმატებით დაძლევენ.</p><p>ოღონდ, ისიც უნდა ვთქვათ, რომ ეროვნულ ლიგაში მოასპარეზე 10 გუნდიდან რამდენიმესთვის ყოველ მესამე-მეოთხე დღეს თამაშის ჩატარება პრობლემა არ უნდა იყოს. ეს კი, უპირველეს ყოვლისა, ეხებათ იმ გუნდებს, მეტ-ნაკლებად გრძელი სათადარიგოთა სკამი რომ აქვთ...</p><p>ახლა კი, IV ტურის მატჩებზეც ვთქვათ, მით უფრო, რომ თითქმის ყველა დაპირისპირება დიდ ინტერესს იწვევს...</p><p><p><div style="text-align: center;"><span style="color: #ff0000;"><strong>ლოკომოტივი-ტორპედო</strong></span></div></p> ორივე გუნდს საქართველოს სხვადასხვა ნაკრებში არაერთი ფეხბურთელი ჰყავდა მივლინებული და, აქედან გამომდინარე, ორივე გუნდის მთავარ მწვრთნელს, <strong>გიორგი დევდარიანსა</strong> ("ლოკომოტივი") და <strong>კახა ჩხეტიანს</strong> ("ტორპედო") ეს სანაკრებო პაუზა, საწვრთნელი პროცესის დროს, გარკვეულ დისკომფორტსაც შეუქმნიდა.</p><p>..."ლოკომოტივმა" სეზონი ზედიზედ ორი მოგებით დაიწყო, "ტორპედომ" კი პირველ ორ ტურში მხოლოდ 1 ქულა მოიპოვა; თუმცა, ამის მერე სიტუაცია რადიკალურად შეიცვალა: ქუთათურებმა ჩემპიონატშიც მოიგეს პირველი მატჩი (თანაც - დამაჯერებლად) და სათასო შეხვედრაც.</p><p>აი, "ლოკომოტივმა" კი, ზედიზედ ორი დედაქალაქური "დერბი" წააგო (ჯერ - ჩემპიონატში, მერე - თასზე).</p><p>ცალკე საინტრიგო თემაა ამ გუნდებს შორის ურთიერთდაპირისპირებათა ისტორიაც: საქართველოს ჩემპიონატში "ლოკომოტივი" უკვე 10 მატჩია, ვერ ახერხებს "ტორპედოს" დამარცხებას...</p><p><p><div style="text-align: center;"><span style="color: #ff0000;"><strong>დილა-საბურთალო</strong></span></div></p> ამ გუნდებს შორის ურთიერთდაპირისპირებათა ისტორია დიდ პერიოდს არ მოიცავს - შაბათის მატჩი მხოლოდ მეხუთე იქნება ამ გუნდებს შორის; თუმცა, წინა ოთხივე პაექრობას მეტად და მეტად ემოციური ფონი ახლდა ხოლმე: გაძევებებით, საკამათო სიტუაციებით, ცალკეული ფეხბურთელების გაბრწყინებებით და ასე შემდეგ...</p><p>ახალ სეზონში "დილამ" პირველი მატჩი წინა ტურში მოიგო, თუმცა ეს გასვლითი შეხვედრა იყო და ეროვნული ლიგის ერთადერთი უცხოელი სპეციალისტი, <strong>ზივ არიე</strong> (ისრაელი), ალბათ, ყველა ღონეს იხმარს, რომ რაც შეიძლება მალე შეძლოს და პირველი საშინაო გამარჯვება მოიპოვოს.</p><p>თუმცა, ამ ტურში ეს ძნელი იქნება: "კოლხეთთან" მატჩს თუ არ ჩავთვლით, "საბურთალო" ამ ახალ სეზონში მშვენივრად გამოიყურება და <strong>გიორგი ჭიაბრიშვილის</strong> გუნდსაც, ჩვენი აზრით, რეალურად შეუძლია ევროტურნირების საგზურისათვის იბრძოლოს.</p><p><p><div style="text-align: center;"><span style="color: #ff0000;"><strong>შუქურა-კოლხეთი</strong></span></div></p> IV ტურის წინათქმის შესავალშიც ვახსენეთ, რომ მხოლოდ ორმა გუნდმა ვერ შეძლო ამ ზამთარს მოსამზადებელი პერიოდის სრულფასოვნად ჩატარება. მიზეზი, რაღა თქმა უნდა, ფინანსური პრობლემებია და, აქედან გამომდინარე, ამ ორივე გუნდს, სხვებისაგან განსხვავებით, შედარებით მოკრძალებული მიზნებიც უნდა ჰქონდეს.</p><p>თუმცა, რაც ეს სეზონი დაიწყო, ვერც "შუქურაზე" და ვერც "კოლხეთზე" ვერავინ იტყვის, რომ აუტსაიდერობისათვის არიან განწირულნი! და ეს, იმის მიუხედავად, რომ "შუქურას" ჯერ მოგება არა აქვს, "კოლხეთი" კი, ასევე ცხრილის ქვედა ნაწილში იმყოფება.</p><p>ყველაფერს თავი რომ დავანებოთ, მეტოქეთა ფაქტორიც ხომ გასათვალისწინებელია: <strong>გია გურულის</strong> დამოძღვრილი "შუქურას" მოწინააღმდეგეები ხომ ამ ჩემპიონატის ფავორიტები იყვნენ, ისე როგორც <strong>გელა სანაიას</strong> ხელმძღვანელობით მოასპარეზე "კოლხეთს" მოუწია ერთიმეორეზე ძლიერ მეტოქეებთან პაექრობამ.</p><p>...დაბოლოს, ამ წყვილის კიდევ ერთ "თავისებურებაზეც": ურთიერთდაპირისპირების ისტორიაში, ფაქტობრივად, სრული თანაფარდობაა!</p><p><span style="color: #3366ff;"><strong>ეროვნული ლიგა. IV ტური</strong></span></p><p><span style="text-decoration: underline;">1 აპრილი </span></p><p>თბილისი. მიხეილ მესხი (სათ). 14:45</p><p><strong>ლოკომოტივი-ტორპედო</strong></p><p>ურთიერთშეხვედრები</p><p>30: +7 =8 -15, 22:38</p><p>დისკვალიფიკაცია</p><p>დავით ხურცილავა (ტორპედო)</p><p>გორი. თენგიზ ბურჯანაძე. 16:30</p><p><strong>დილა-საბურთალო</strong></p><p>ურთიერთშეხვედრები</p><p>4: +2 =1 -1, 6-4</p><p>სამტრედია. ეროსი მანჯგალაძე. 14:00</p><p><strong>შუქურა-კოლხეთი</strong></p><p>ურთიერთშეხვედრები</p><p>6: +2 =2 -2, 9-10</p><p>დისკვალიფიკაცია</p><p>ომარ გოგონაია (კოლხეთი)</p><p><span style="text-decoration: underline;">2 აპრილი</span></p><p>ზესტაფონი. დავით აბაშიძე. 17:30. LIVE I არხზე</p><p><strong>ჩიხურა-დინამო (ბთ)</strong></p><p>ურთიერთშეხვედრები</p><p>8: +4 =2 -2, 9-5</p><p>სამტრედია. ეროსი მანჯგალაძე. 15:00</p><p><strong>სამტრედია-დინამო (თბ)</strong></p><p>ურთიერთშეხვედრები</p><p>33: +5 =3 -25, 20:80</p><p>დისკვალიფიკაცია</p><p>ოთარ კიტეიშვილი, გია ჩადუნელი (ორივე - დინამო).</p><p>(იბეჭდება მცირე ცვლილებით)</p><p><strong>ყოველდღიური სპორტული გაზეთი "ლელო"</strong></p>
გოგი ქუთაისელი
ტორნადო მოდის დასავლეთიდან რომ შეაჩეროს ლოკომოტივის ექსპრესი!
კოტე
მიმოხილვაა, ქვას გლიჯავს. ან გუნდებში რა ხდება, იკითხეთ, ან ვინმეს დაურეკეთ, რამე ისეთი მაინც დაწერეთ, მკითხველმა რომ არ იცის. ოთახიდან გაუსვლელად კალენდრის და განრიგის აღწერაა ჟურნალისტიკა, ტუ მთელი წელი იმის შესახებ წერა, შეკრება ვინ გაიარა და ვინ არა?
torpedo miyvarxarrrrrrr
ტორპედოოო წინ.. დღეს მხოლოდ და მხოლოდ მოგება. სხვა შედეგი ჩვენთვის მიუღებელია... ჩვენმ ვართ ტორპედოოო და ამით ყველაფერი ნათქვამია..
ოფიციალურად: "კოლოსმა" ზურაბ რუხაძე წარადგინა
საქართველოს ახალგაზრდული ნაკრების ფეხბურთელი უკრაინულ კლუბში გადავიდა
თემურ ქეცბაიამ შესაძლოა, ქართული გუნდი ჩაიბაროს - მან "ანორთოსისში" დაბრუნებაზე უარი თქვა
პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა
პირველი ტაიმის შემდეგ საქართველოს ნაკრები ბულგარეთს 2:0 ამარცხებს
მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო
კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია
ოფიციალურად: "კოლოსმა" ზურაბ რუხაძე წარადგინა
ტიაგო მოტამ შესაძლოა, ბუნდესლიგის ბინადარი გუნდი ჩაიბაროს
როდრიმ მისი აზრით "ოქროს ბურთის" ორი ფავორიტი დაასახელა
"სექსის დროს არ მინახავს, არ იცოდა, რომ კამერებზე წვდომა მქონდა..." - როგორ გაიგო ღალატის შესახებ არგენტინელი ვარსკვლავის მეგობარმა გოგონამ
ფრენკ ლამპარდი შესაძლოა, სამუშაოდ პრემიერ ლიგაში დაბრუნდეს
ქოჩორაშვილი: აქამდე სწორედ იმიტომ მოვედით, რომ არასდროს ვნებდებით
ევრობასკეტის მთავარი სენსაცია - სერბეთის ნაკრები ფინეთთან დამარცხდა და ტურნირს გამოეთიშა
"შავი ლომი" "ძებრესთან" დამარცხდა
ლუქსემბურგის ახალგაზრდული ნაკრების ავტობუსი გზაში გადატრიალდა
გატუზო თავის სტიქიაშია - ზოგს წაუთაქა, ზოგს სილა გააწნა
დუე და დემბელე ლაზარეთში, ლუის ენრიკე საოპერაციო მაგიდაზე - რა ხდება პსჟ-ში?
ბულგარელთა მწვრთნელი: შეგვიძლია ის დანაკლისი აღმოვფხვრათ, რაც ჩვენი და საქართველოა ნაკრების ფეხბურთელების ხარისხს შორისაა
დავითაშვილი: ასეთები ხდება, მთავარია, ახლა არ გავიმეოროთ
სანიოლი: ისე ხდება, როგორც სკოლაში - გვირჩევნია ახალ ტაქტიკაზე ახლავე გადავეწყოთ
ანრის გაუთანაბრდა - მბაპე საფრანგეთის ნაკრებში ყველა დროის რეკორდისკენ მიდის
მატჩის დღე - ქართველებსა და ბულგარელებს ცუდად დაწყებულის გამოსწორება სურთ!
გიორგი პაპუნაშვილმა და კიდევ ოთხმა ფეხბურთელმა "ტორპედო" დატოვა
შუქურა-დილა 0:0 - მარტო ბრძოლა რომ კმაროდეს...
"თუ ხვიჩა "რუბინში" ამას გააკეთებდა, "ნაპოლიში" არავინ წაიყვანდა" - გია გურული კვარაცხელიას შესახებ
დევდარიანი, ფრუიძე თუ ისევ ჭიაბრიშვილი? - მწვრთნელის ვარიანტები "საბურთალოსთვის"
მჭედლიძესთან ერთად 2 ფეხბურთელი წავიდა, არის შევსებაც - ქუთაისის "ტორპედოში" სიახლეებია
კახა ჩხეტიანი ეროვნულ ლიგას დაუბრუნდა
გელა სანაია: ზღვისპირეთში ბევრი ტალანტი იკარგება
ზივ არიე გორის "დილას" დაემშვიდობა და სამუშაოდ ისრაელში დაბრუნდა
ექსკლუზივი: ცხადაძე "დინამოდან" წავიდა, მას ჭიაბრიშვილი ცვლის? - "ლოკომოტივის" ყოფილი მწვრთნელი პირველ კომენტარს Sportall-თან აკეთებს
გიორგი დევდარიანი: ღირსეული წაგებებით დავიღალეთ, მე ოპტიმიზმის საფუძველს ვერ ვხედავ
"ხვიჩას ვუყურებ და ვტკბები... მისთვის ვარსკვლავური სენის შეყრა? მგონია, რომ..." - დევდარიანმა კვარაცხელიას შესახებ ისაუბრა
ქობულეთის "შუქურა" გიორგი დარასელიამ ჩაიბარა
გორის "დილაში" მთავარ მწვრთნელად გიორგი დარასელია ბრუნდება?
ეროვნული ლიგა. VIII ტურის წინ: როცა ყველა ფავორიტია
გადაწყდა: ფოთის "კოლხეთს" უკრაინელი ალექსანდრ შტელინი გაწვრთნის
ჭიაბრიშვილი: ძალიან მოტივიერებულები ვართ და ვალდებულნი ვართ, "პაიდეს" ბარიერი გავიაროთ
"მე და ჩემმა ოჯახმა საკმაოდ რთული პერიოდი გავიარეთ" - გიორგი ჭიაბრიშვილი გულზე ჩატარებული ოპერაციის შემდეგ სამუშაო პროცესს დაუბრუნდა
"თელავი" გიორგი დეკანოსიძეს ჩააბარეს
"ორი მატჩის შემდეგ ნული ქულა გვაქვსო, მაგრამ იცით, რა არის მთავარი შედეგი?!" - გია ჭიაბრიშვილი ეროვნულ ნაკრებზე საუბრობს
გორის "დილას" დირექტორი: აუცილებლად გავძლიერდებით!
"შევარდენს" ახალი მთავარი მწვრთნელი ჰყავს
გიორგი ბუხაიძე: კლუბთან კონტრაქტი ამომეწურა და არ ვიცი ჯერჯერობით სად წავალ
"არ ვართ ისეთი პროფესიონალები, საკუთარ თავს მაქსიმუმი რომ მოვთხოვოთ"
დილა-ლოკომოტივი 0:2 - მოგებაზე ძვირფასი 3 ქულა [VIDEO]
დევდარიანი: კვარაცხელია ორფაზიანი მოთამაშეა; ავხსნი, რას ვგულისხმობ...
კახა ჩხეტიანმა "ტორპედო" დატოვა
გიორგი დარასელია: შეიძლება ფეხბურთელებს ეს ზედმეტ ტვირთად დააწვეთ
გელა სანაიამ "შევარდენი" დატოვა - ახალი თავკაცის ვინაობა ჯერჯერობით უცნობია
"ბოდიში! ასე არ შეიძლება... ვიღებ პასუხისმგებლობას..." - ჭიაბრიშვილი "პაიდესთან" მარცხის შემდეგ
გელა სანაია: ნაკრებით ფეხბურთის მშენებლობის დაწყება წარმოუდგენელია
"პირველ მატჩში გარკვეული წნეხით ვითამაშეთ..." - რა თქვა ჭიაბრიშვილმა "პაიდესთან" განმეორებითი მატჩის წინ
გიორგი დევდარიანი: ჩვენ ვცდებით, როცა ვამბობთ, რომ ჩემპიონატის დონემ აიწია
ოფიციალურად - ჩხეტიანი "ტორპედოში" დაბრუნდა
10 გამორჩეული მოქმედი ქართველი მწვრთნელი - ვინ არის საუკეთესო?
ქუთაისის "ტორპედო" 20 მაისს ახალ მწვრთნელს წარადგენს
ეროვნული ლიგა. VI ტურის წინ: ტურიც უფავორიტო და სეზონიც