<p>"ზესტაფონისა" და "მარგვეთი 2006"-ის მენეჯმენტს შორის მიღწეული შეთანხმების თანახმად, "მარგვეთი" საშინაო მატჩებს "ზესტაფონის" ბაზაზე ჩაატარებს <br> ამიერიდან ზესტაფონის "მარგვეთი 2006" მშობლიურ ქალაქში ითამაშებს. "ზესტაფონისა" და ამ კლუბის მენეჯმენტს შორის მიღწეული შეთანხმების თანახმად, "მარგვეთი" საშინაო მატჩებს "ზესტაფონის" ბაზაზე ჩაატარებს. ის საქართველოს რანგით მესამე ლიგაში თამაშობს და პირველი შეხვედრა უკვე მოიგო - საშინაო კედლებში 2:1 დაამარცხა ზუგდიდის "ოდიში 1919"...</p><p>გულშემატკივრები გახარებულები არიან და მიაჩნიათ, რომ ეს კონსესუსი კარგად აისახება ზესტაფონური ფეხბურთის მომავალზე.</p><p>"ლელო" "მარგვეთისა" და "ზესტაფონის" წარმომადგენლებს ელაპარაკა.</p><p>დავიწყოთ "მარგვეთის მწვრთნელ <strong>მალხაზ ღონღაძით</strong>, ვინც, პირდაპირ შეიძლება ითქვას, ცოცხალი ლეგენდაა ადგილობრივი ფეხბურთისთვის. წლების განმავლობაში იყო ზესტაფონური "მარგვეთის" ლიდერთაგანი, აქტიური სათამაშო კარიერის დასრულების შემდეგ კი ხელი მწვრთნელობას მიჰყო:</p><p>"დღევანდელი დღით ძალიან ბედნიერი ვარ. ჩვენი გულშემატკივრების წინაშე ვითამაშეთ. მოხარული ვარ, რომ ასეთი დამოკიდებულებაა ზოგადად. მთავარი ის არის, რომ ფეხბურთი დაბრუნდა ზესტაფონში. ის არც ჩემია და არც ვინმესი კონკრეტულად. ის მთელი ზესტაფონის არის.</p><p>დიდი ბედნიერებაა ჩვენთვის, რომ "ზესტაფონის" ბაზაზე ვთამაშობთ და ვვარჯიშობთ. დამიჯერეთ, ვარჯიშსაც კი ვერ ვგეგმავდი იმ უბრალო მიზეზის გამო, რომ არ ვიცოდი, სად უნდა გვევარჯიშა. ახლა ეს პრობლემა მოხსნილია და ვარჯიშთან ერთად შინაც ვთამაშობთ. "ზესტაფონის" ბაზაზე ძალიან კარგი მინდორია. მადლობა ყველას, ვინც ამ საკითხის მოგვარებაში მიიღო მონაწილეობა".</p><p>"მარგვეთის" მენეჯერი <strong>მამუკა მდინარაძე</strong> ამბობს:</p><p>"მოხარულები ვართ იმ შეთანხმების გამო, რომელიც შედგა "ზესტაფონის" და ჩვენი კლუბის მენეჯმენტს შორის. დღეს მაყურებელმა ძალიან გაიხარა ჩვენი გამარჯვებით. ვეცდებით, ჩვენი გულშემატკივარი მომავალშიც გავახაროთ.</p><p>ჩვენ გარკვეული თანხის გადახდის სანაცვლოდ ვივარჯიშებთ და ვითამაშებთ "ზესტაფონის" ბაზაზე. რაც შეეხება რანგით მესამე ლიგას, აქ არაერთი ისეთი ფეხბურთელია, თავის დროზე უმაღლეს ლიგაში რომ უთამაშია. ძალიან დაძაბული პირველობა გველის ყველა დონეზე. ჩვენ გვინდა წინ ვიაროთ, მაგრამ ეს უნდა მოხდეს გეგმაზომიერად და არა - ფორსირებულად. ძალიან კარგი თაობა მოდის და დადგება დრო, ეს ბიჭები აუცილებლად დაწინაურდებიან მთავარ გუნდში".</p><p>"ზესტაფონის" პრესსამსახურის ხელმძღვანელი <strong>სერგო ფუტკარაძე</strong>:</p><p>"საფეხბურთო კლუბი "მარგვეთი 2006" შექმნის დღიდან სწორედ ჩვენს კუთვნილ, ეგრეთ წოდებული "ფეროს" ხელოვნურსაფარიან სტადიონზე ვარჯიშობდა და თამაშობდა აბსოლუტურად უსასყიდლოდ. ეს ყველაფერი გრძელდებოდა შარშანდლამდე, სანამ ფეხბურთის ფედერაციის საშეჯიბრო განყოფილებამ სტადიონის ავარიული მდგომარეობის გამო არ აგვიკრძალა იქ მატჩების ჩატარება.</p><p>ჩვენ გადავწყვიტეთ, რომ "ფეროს" სტადიონზე ჩავატაროთ სამუშაოები. ჩვენი საბოლოო ჩანაფიქრი ითვალისწინებდა იქ ბუნებრივი საფარის დაგებას. გუნდი, რომელშიც 80 პროცენტი ჩვენი კლუბის აღსაზრდელია, ასეთ მდგომარეობაში რომ იყო, არც ჩვენთვის იყო სასიამოვნო.</p><p>მინდა გითხრათ, რომ ჯერ კიდევ გასული წლის ზაფხულში მათ ჩვენგან მიიღეს შეთავაზება იმასთან დაკავშირებით, რომ ჩვენ მზად ვიყავით, ბავშვთა ყველა გუნდს იქ ევარჯიშა აბსოლუტურად უსასყიდლოდ. ჩვენ მაშინვე განვუმარტეთ კოლეგებს "მარგვეთიდან", რომ ამ ინფრასტრუქტურის მოვლა დაკავშირებულია ხარჯებთან და საჭირო იქნებოდა გარკვეული საზღაურის გადახდა.</p><p>გარკვეული ფიქრის შემდეგ მათ გადაწყვიტეს, რომ ჩვენი შეთავაზება სწორი და მისაღები იყო. დღეს ჩვენ შეთანხმებულები ვართ. მინდა, "მარგვეთს" წარმატებები ვუსურვო".</p><p>(იბეჭდება მცირე ცვლილებით)</p><p><strong>ყოველდღიური სპორტული გაზეთი "ლელო"</strong></p>
555
მინდორი დაუტმეტ? მგონი მარტალს ამბობენ დადო კერცხი ერტმა?
sakavrieli
რამდენ გაჭირვებულს უნდა მიხედო ქვეყანაზე?
ოფიციალურად: "კოლოსმა" ზურაბ რუხაძე წარადგინა
საქართველოს ახალგაზრდული ნაკრების ფეხბურთელი უკრაინულ კლუბში გადავიდა
თემურ ქეცბაიამ შესაძლოა, ქართული გუნდი ჩაიბაროს - მან "ანორთოსისში" დაბრუნებაზე უარი თქვა
"საქართველოს ნაკრები სამაგალითოა" - ამბობს სომხეთის ეროვნული გუნდის ყოფილი კაპიტანი
"ოქროს ბურთი" როდრის და დემბელეს - მაშ ვინისიუსს რაღა? - რეალი აღშფოთებულია
ქართველი მსაჯები სომხეთისა და ირლანდიის მატჩს განსჯიან
"ფენერბაჰჩეს" დომენიკო ტედესკო ჩაიბარებს
ნიკოლოზ ბასილაშვილი ჩინური ტურნირის პირველივე წრეში დამარცხდა
ჯიკიჩი ევრობასკეტის საუკეთესო მწვრთნელის პრიზისთვის იბრძვის - როგორ შეგიძლიათ მისცეთ ხმა საქართველოს ნაკრების დამრიგებელს
თბილისური მატჩი ბოლო აღმოჩნდა - ილიევს ბულგარეთის ნაკრებიდან უშვებენ
"ნოტინგემმა" ეშპირიტუ სანტუ გაათავისუფლა - მოურინიო მისი შეცვლის ერთ-ერთი მთავარი კანდიდატია
"მარტო უნდა დავტოვოთ" - სკალონის ჰკითხეს, ითამაშებს თუ არა მესი 2026 წლის მსოფლიო ჩემპიონატზე
"სამწუხაროდ, ესპანეთში მას არ აფასებენ" - დე ლა ფუენტემ საკუთარი გუნდის ფეხბურთელი გამოარჩია
საქართველო - ფინეთი. ორივე ნაკრების გულშემატკივართა დესანტი რიგისაკენ მიემართება
აბურჯანია კარიერას საუდის არაბეთში გააგრძელებს
U21 | საქართველო V ჩრდილოეთ ირლანდია - მატჩისწინა ვარჯიში წყალტუბოში
ხარატიშვილი ჩეხურ კლუბში გადავიდა
„Milan Junior Camp ჩვენი ახალგაზრდა ფეხბურთელებისთვის უდიდესი შესაძლებლობაა“ - გიორგი ფოფხაძე
უთავმოყვარეო და მშიშარა უწოდეს - სანტუშს აზერბაიჯანის ნაკრების დატოვება მაინც მოუწია
პსჟ ბარკოლასთან კონტრაქტის გაგრძელებაზე მოლაპარაკებას აწარმოებს
რატომ მოვიგეთ და როდის გავიმარჯვებთ "არმოსაგებში" - ბავშვებო, ისწავლეთ ხვიჩასგან!..
"ამას ფეხბურთთან საერთო არაფერი აქვს" - "ბაიერნის" პრეზიდენტმა "ნიუკასლი" გააკრიტიკა
"ალბათ ამ პასუხს ნაკლებად ელოდით" - გვარდიოლამ დაასახელა ფეხბურთელი, რომლის "სიტიდან" გაშვებასაც ყველაზე მეტად ნანობს
[დღის თემა] სკ "ზესტაფონის" მიმართვა სფფ-ს: აღადგინეთ სამართალი!
სასიამოვნო სიახლე: "ზესტაფონმა" ეროვნული ლიგისკენ 1 ნაბიჯი გადადგა
ჩიხი: ინვესტორი მზადაა, "ზესტაფონში" 8-ციფრიანი თანხით მოვიდეს, მაგრამ...
"ზესტაფონი": პლუს გიორგი ვასაძე, მინუს ალექსი ბენაშვილი
"ზესტაფონისა" და "დინამოს" ექსფეხბურთელი "პორტუში" გადადის
მსაჯის შეურაცხყოფისთვის ოქრიაშვილი გააძევეს - "სამგურალმა" "საბურთალოს" მოუგო [VIDEO]
"მარგვეთი 2006": მცირე პერიოდში ეს ძალიან სერიოზული პროგრესია...
"პასუხისმგებლობა არა მხოლოდ კობიაშვილმა, აღმასკომმაც უნდა იტვირთოს!"
"ზესტაფონი" VS სფფ - მზად ვართ, პრო ლიგა 2-ში ვითამაშოთ!
ჯაბა დვალთან ერთად - "ზესტაფონი" წინსვლისთვის ბრძოლას იწყებს
"ზესტაფონი" საფეხბურთო აკადემიას თბილისში ხსნის
საქართველოს თასის გათამაშება დაიწყო
"ზესტაფონი": ჩვენი კლუბი დღესაც ელის ფეხბურთის ფედერაციის ვერდიქტს
იყო 50 000 ლარი, გახდა... 49 ლარი - საკრებულომ "ზესტაფონს" გადასახადი შეუმცირა