<p>დიდი 10. XVIII ტური <br> საქართველოს სარაგბო ჩემპიონატში მოვლენები ისე განვითარდა, რომ ბოლო ტურის შეხვედრებს ბევრი რამ უნდა გადაეწყვიტა. აქეთ რეგულარული გათამაშების გამარჯვებულის ვინაობა იყო გამოსავლენი, იქით კი აუტსაიდერის, რომელიც უმაღლეს ლიგას დაემშვიდობებოდა.</p><p>სანამ უშუალოდ მატჩზე ვისაუბრებდეთ, უნდა ვთქვათ, რომ ბოლო შეხვედრებს ბევრი მითქმა-მოთქმა მოჰყვა. წინა ტურში "ყოჩებსა" და "არმაზს" შორის დაფიქსირებული საყაიმო შედეგი 17:17 ბევრმა საეჭვოდ მიიჩნია. გამოითქვა მოსაზრება, რომ ეს ორი გუნდი შეთანხმებით მოქმედებდა. ამ გზით თავად უმაღლეს ლიგაში დარჩენას ლამობდნენ, ქვედა ლიგაში გასტუმრებას კი "ბარატს" უპირებდნენ.</p><p>ბოლო ტურის წინ ისეთი ვითარება იყო, რომ "ყოჩებს" ლიგაში დასარჩენად "არმიასთან" მოგება სჭირდებოდა. უმჯობესი იყო, ამას პრემიალური ქულით თუ მოახერხებდა. თანაც, "ყოჩები" უმაღლეს ლიგაში იმ შემთხვევაში დარჩებოდნენ, თუ ქუთაისურ დერბიში ჩემპიონობისთვის მებრძოლი "აია" "ბაგრატს" დაამარცხებდა. თუკი მოვლენები ზემოაღნიშნული სცენარით განვითარდებოდა, უმაღლესი ლიგის დატოვება "ბაგრატს" მოუწევდა...</p><p>მოკლედ, ძალიან სახათაბალო ვითარება იყო შექმნილი და ამიტომაცაა, რომ ამ ორ შეხვედრაში დაფიქსირებულ შედეგებს ბევრი ეჭვის თვალით უყურებს. "არმიასთან" "ყოჩების" გალაღება - 14:47, ცალკე თემაა. აი, "ბაგრატი"- "აიას" მატჩს კი გულშემატკივრები არაერთგვაროვნად აფასებდნენ. ზოგის აზრით, "აიამ" კონკურენტებისგან განწირული თანაქალაქელი "ბაგრატი" არ გასწირა და ლიდერობის დათმობის ფასად ლიგაში ადგილი შეუნარჩუნა.</p><p>ზოგიერთი კი მიიჩნევს, რომ "ბაგრატმა" (რომელსაც მეორე წრეში შეხვედრა არ ჰქონდა მოგებული) მისთვის უმნიშვნელოვანეს, ფინალის ტოლფას მატჩში ყველაფერი ჩადო და უმაღლეს ლიგაში ადგილი დიდი ბრძოლის შედეგად შეინარჩუნა.</p><p>რაიმეს დაბეჯითებით მტკიცება ძალიან რთულია და დასკვნების გამოტანა თქვენთვის მოგვინდვია.</p><p>შეხვედრა "ბაგრატის" აქტიურობით დაიწყო და რეზო ჯინჭველაშვილმა საკმაოდ შორი მანძილიდან ზუსტი საჯარიმო დარტყმით ნომინალური მასპინძლები დააწინაურა - 3:0. მე-14 წუთზე აუტის მოგების შემდეგ, ბაგრატელებმა ჯინჭველაშვილს სივრცე გაუსუფთავეს და მანაც ზუსტი არეკნით ანგარიში 6:0 გახადა.</p><p>ტაიმის ბოლოს "აიამ" მძლავრად შეუტია. ბექა სხულუხიას შეგირდებმა, რომლებიც ბაკურ გოშაძის სინბინის გამო მოედანზე 14 კაცით იყვნენ დარჩენილნი, რამდენჯერმე შეაჩერეს მათი შეტევა, მაგრამ "სტუმრებმა" თავისი მაინც გაიტანეს. მათი მრავალფაზიანი იერიში გიორგი აბრამიძემ დააგვირგვინა, რომელმაც ბურთი ლელოში ძელებთან ახლოს დაამიწა. გიორგი ბაბუნაშვილმა ლელო გარდასახა და "აია" წინ გაიყვანა -7:6.</p><p>მატჩის მეორე ნახევარში ბაბუნაშვილმა საჯარიმო დარტყმით სხვაობა კიდევ უფრო გაზარდა - 10:6. ქუთაისელთა მგეზავს მოგვიანებით კიდევ ერთხელ მიეცა ჯარიმიდან "ბაგრატის" დასჯის შესაძლებლობა, მაგრამ ზუსტად ვერ დაარტყა.</p><p>"ბაგრატმა" გავარდნის საფრთხე იგრძნო და მძლავრად შეუტია. მრავალფაზიანი იერიშის შემდეგ ზვიად ოდიშარია მარჯვენა ფრთაზე მეურვეებს გაექცა და ბურთი ლელოში დაამიწა. ჯინჭველაშვილმა მახვილი კუთხიდან გარდასახვა ვერ გამოიყენა - 11:10.</p><p>მატჩის მიწურულს "ბაგრატი" რთულ მდგომარეობაში აღმოჩნდა. "აიამ" პირდაპირ კარის წინ საჯარიმოს დარტყმის უფლება მოიპოვა. ბაბუნაშვილმა ძალზე ხელსაყრელი პოზიციიდან ააცილა და სწორედ ამ ეპიზოდმა გამოიწვია გარკვეული ეჭვები. თუმცა, "აიას" ვეტერანები და გულშემატკივრები ბაბუნაშვილის მიერ გაცუდებულ საჯარიმოსა და "აიას" მარცხს ფსიქოლოგიურ ფაქტორს მიაწერენ.</p><p>"ამ შეხვედრას ბევრი რამ უნდა გაერკვია და მორაგბეები დიდი ფსიქოლოგიური წნეხის ქვეშ იყვნენ. გიორგი ბაბუნაშვილს კარგად ვიცნობ, მას დიდი ხნის მანძილზე ვავარჯიშებდი და ვიცი, რომ ძალად ბურთის აცილებას არ იკადრებდა. ალბათ, ეს შეცდომა სტრესული სიტუაციის გამო მოუვიდა.</p><p>თუ გახსოვთ, ანალოგიური ერთ-ერთ პორტუგალიელ მორაგბეს დაემართა საქართველოს ნაკრებთან შეხვედრაში, როცა ჩვენი გუნდი სტუმრად ორი ქულით იგებდა და ბოლო წუთზე პორტუგალიელებმა საჯარიმოს დარტყმის უფლება მოიპოვეს. მაშინ პორტუგალიელმა თითქმის ასეთივე პოზიციიდან ააცილა.</p><p>შორს ვარ იმ აზრისგან, რომ "აიამ" "ბაგრატს" რაიმე დაუთმო. ამ გუნდების პირველი ტურის შეხვედრა გავიხსენოთ. ბოლო წამებზე სალელოვე შეტევისას ფრუიძეს ხელიდან ბურთი რომ არ გავარდნოდა, იმ შეხვედრაშიც "ბაგრატი" იმარჯვებდა" - აღნიშნა ჩვენთან საუბარში ვეტერანმა მორაგბემ, <strong>დიმა ფულარიამ</strong>.</p><p>ასეა თუ ისე, "აიამ" მოგების შანსი ხელიდან გაუშვა, ლიდერობა დაკარგა, მესამე საფეხურამდე დაქვეითდა და ჩემპიონობისთვის უფრო რთული და გრძელი გზით მოუწევს ბრძოლა. "ბაგრატმა" კი ამ მოგებით უმაღლეს ლიგაში ადგილი შეინარჩუნა.</p><p><span style="color: #3366ff;"><strong>დიდი 10. XVIII ტური</strong></span></p><p><em><strong>ბაგრატი-აია 11:10</strong></em></p><p><span style="text-decoration: underline;">ბაგრატი (15-9)</span> ს.კვერნაძე, ოდიშარია, კუხიანიძე (ჯ.ბალანჩივაძე), თუთბერიძე, საკანდელიძე, ჯინჭველაშვილი, გოშაძე; (1-8) ასათიანი (ბოგვერაძე), კობახიძე, ნ.ბალანჩივაძე (ჭელიძე), კიკვაძე (არჩვაძე), კენჭაძე, ჩიქვინიძე (იობიძე), გუდაძე, თხელიძე (ქარჩხაძე)</p><p>ლ: ოდიშარია. ს, ა: ჯინჭველაშვილი</p><p>სინბინი: გოშაძე, ოდიშარია</p><p><span style="text-decoration: underline;">აია (15-9)</span> ძნელაძე, კიკვაძე (ლაღაძე), ჩხიკვაძე, ირემაძე (ლომსიანიძე), აბრამიძე, გ.ბაბუნაშვილი, როხვაძე (თუთბერიძე); (1-8) რატიაშვილი (ერემეიშვილი), გ.ტორაძე, წაქაძე (ხარებავა), მ.ბაბუნაშვილი (ჩიტეიშვილი), შალამბერიძე, რევიშვილი (ხანთაძე), დანგაძე, მღებრიშვილი (ვარდანიძე)</p><p>ლ: აბრამიძე ს. გ: ბაბუნაშვილი</p><p><span style="text-decoration: underline;">არბიტრი:</span> თენგიზ გვირჯიშვილი.</p><p><span style="color: #3366ff;"><strong>სხვა მატჩები</strong></span></p><p><em><strong>ლელო-ლოკომოტივი 37:10</p><p>არმაზი-ჯიქი 18:58</p><p>აკადემია-ბათუმი 17:34</p><p>არმია-ყოჩები 14:47</p><p></strong></em></p><p><span style="color: #3366ff;"><strong>სატურნირო მდგომარეობა </strong></span></p><p>ა გ თ მ ფ წ ბ ქ პ</p><p>1. ჯიქი 18 12 1 5 +204 61 11</p><p>2. ბათუმი 18 12 2 4 +186 59 7</p><p>3. აია 18 13 0 5 +126 59 7</p><p>4. ლელო 18 11 3 4 +114 58 8</p><p>5. ლოკომოტივი 18 10 2 6 +86 51 7</p><p>6. აკადემია 18 9 0 9 0 42 6</p><p>7. არმია 18 8 0 10 -78 37 5</p><p>8. ბაგრატი 18 4 0 14 -303 22 6</p><p>9. არმაზი 18 3 1 14 -168 19 5</p><p>10. ყოჩები 18 3 1 14 -167 19 5</p><p><span style="color: #3366ff;"><strong>პლეი ოფი</strong></span></p><p><span style="text-decoration: underline;">23 აპრილი </span></p><p>ლელო-ლოკომოტივი</p><p>აია-აკადემია</p><p><span style="color: #3366ff;"><strong>შესარჩევი ფინალი</strong></span></p><p><span style="text-decoration: underline;">30 აპრილი</span></p><p>ჯიქი-ბათუმი</p><p>(იბეჭდება მცირე ცვლილებით)</p><p><strong>ყოველდღიური სპორტული გაზეთი "ლელო"</strong></p>
glaxuna
ქოცობა შეიჭრაა რაგბშიც ?! ანუ ცბიერება,ცინიზმი,უპასუხისმგებლობა,ნეპოტიზმი,დაუდევრობა,კარიერიზმი,არაკომპეტენტურობა... ძ ა ლ ი ა ნ სამწუხაროა!
irakli81
ეჰ რაგბშიც დაიწყო მაიმუნობები. თუ ასე გაგრძელდა აქაც იგივე მოხდება რაც ფეხბურთს ჭირს და გულშემატკივარს დაკარგავენ
Crocobet დიდი 10-ის ახალი სეზონის დაწყებამდე დარჩა 4 დღე!
crocobet დიდი 10-ის ფინალი | სამი წლის შემდეგ - "ბათუმი" საქართველოს ჩემპიონია!
დიდი 10 | ბათუმი 33:21 ხარები
პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა
პირველი ტაიმის შემდეგ საქართველოს ნაკრები ბულგარეთს 2:0 ამარცხებს
მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო
კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია
ოფიციალურად: "კოლოსმა" ზურაბ რუხაძე წარადგინა
ტიაგო მოტამ შესაძლოა, ბუნდესლიგის ბინადარი გუნდი ჩაიბაროს
როდრიმ მისი აზრით "ოქროს ბურთის" ორი ფავორიტი დაასახელა
"სექსის დროს არ მინახავს, არ იცოდა, რომ კამერებზე წვდომა მქონდა..." - როგორ გაიგო ღალატის შესახებ არგენტინელი ვარსკვლავის მეგობარმა გოგონამ
ფრენკ ლამპარდი შესაძლოა, სამუშაოდ პრემიერ ლიგაში დაბრუნდეს
ქოჩორაშვილი: აქამდე სწორედ იმიტომ მოვედით, რომ არასდროს ვნებდებით
ევრობასკეტის მთავარი სენსაცია - სერბეთის ნაკრები ფინეთთან დამარცხდა და ტურნირს გამოეთიშა
"შავი ლომი" "ძებრესთან" დამარცხდა
ლუქსემბურგის ახალგაზრდული ნაკრების ავტობუსი გზაში გადატრიალდა
გატუზო თავის სტიქიაშია - ზოგს წაუთაქა, ზოგს სილა გააწნა
დუე და დემბელე ლაზარეთში, ლუის ენრიკე საოპერაციო მაგიდაზე - რა ხდება პსჟ-ში?
ბულგარელთა მწვრთნელი: შეგვიძლია ის დანაკლისი აღმოვფხვრათ, რაც ჩვენი და საქართველოა ნაკრების ფეხბურთელების ხარისხს შორისაა
დავითაშვილი: ასეთები ხდება, მთავარია, ახლა არ გავიმეოროთ
სანიოლი: ისე ხდება, როგორც სკოლაში - გვირჩევნია ახალ ტაქტიკაზე ახლავე გადავეწყოთ
ანრის გაუთანაბრდა - მბაპე საფრანგეთის ნაკრებში ყველა დროის რეკორდისკენ მიდის
მატჩის დღე - ქართველებსა და ბულგარელებს ცუდად დაწყებულის გამოსწორება სურთ!
დიდი 10. "აიამ" "ბაგრატს" 10 ლელო გაუტანა
დიდი 10. IX ტური: "აკადემიამ" "ბაგრატი" დაამარცხა
დიდი 10: "ლოკომოტივმა" "აია" დაამარცხა და ჩემპიონი გახდა [VIDEO]
"იუნკერები" დიდ 10-ში აღზევდა, "ბაგრატი" კი ლიგაში დარჩა
დიდი 10. III ტური: "ხარების" ეპოპეა გრძელდება
დიდი 10: "ლოკომოტივმა" ქუთაისში "აიას" 4 ლელო გაუტანა
შესანიშნავი ქვეყანა, ადამიანები რაგბით სულში - ირლანდიელების შეფასება საქართველოში მოგზაურობის შემდეგ
რაგბის დასავლეთ აკადემიას ნუგზარ ძაგნიძის სახელი მიენიჭა
დიდი 10: "ლელო-სარასენსი" - "ბაგრატი" 33:5
ქუთაისელები საქართველოს საუკეთესო გუნდი გახდნენ
უხვქულიანი რკენა ქუთაისში
დიდი 10-ის ფინალი - ისტორია მეორდება