<p>საქართველოს ფუტსალის ლიგა XIV ტურით განახლდა <br> ევროპის 2018 წლის ჩემპიონატის შესარჩევი ეტაპის ძირითადი რაუნდის მატჩებით გამოწვეული პაუზის შემდეგ, რომელშიც საქართველოს ფუტსალის ეროვნულმა ნაკრებმა ისტორიული შედეგი დააფიქსირა და პლეი-ოფში თამაშის უფლება მოიპოვა, საქართველოს ფუტსალის ლიგა XIV ტურით განახლდა.</p><p>13 აპრილს თბილისის ოლიმპიურმა სასახლემ ორ შეხვედრას უმასპინძლა.</p><p>პლეი-ოფისთვის მებრძოლი მფკ "მგლები" გათამაშების ერთ-ერთ აუტსაიდერს, მფკ იბსუს დაუპირისპირდა და მიუხედავად "სტუდენტთა" მედგარი წინააღმდეგობისა, 6:1 იმარჯვა. უკვე მერამდენედ, "მტაცებლებს" ზურაბ ძაგანიამ ულიდერა, რომელმაც ამჯერად ჰეთ-თრიკით გამოიჩინა თავი.</p><p>საოცრად დრამატული გამოდგა ამავე დღეს გამართული კიდევ ერთი შეხვედრა, რომელშიც გათამაშების ერთ-ერთი ფავორიტი "სტუ-თელასი" მფკ "აფხაზეთს" დაუპირისპირდა და მიმდინარე სეზონში პირველად იყო მარცხთან ასე ახლოს, თუმცა...</p><p>მატჩის პირველი ნახევარი "აფხაზეთის" ფეხბურთელების სრული უპირატესობით წარიმართა და ტაიმი მათივე გამარჯვებით, 6:1 (!!!) დასრულდა, მაგრამ როგორც შემდგომ გაირკვა, "ენერგეტიკოსებისთვის" არც ხუთბურთიანი "ფორა" აღმოჩნდა დაუძლეველი ბარიერი. მათ მეორე ტაიმში მეტოქეს თავიანთი თამაში მოახვიეს თავს, რასაც "აფხაზეთის" ფეხბურთელების მხრიდან დაცვაში უსუსური თამაშიც დაერთო და საბოლოოდ 7:6 "თელასის" სასარგებლოდ.</p><p>გადამწყვეტი გოლი მატჩის დასრულებამდე 7 წამით ადრე დანიშნულ 6-მეტრიან დარტყმას მოჰყვა, რომელიც ამ მატჩში საუკეთესო გიორგი სოზაშვილმა აქცია გოლად და პირად "პოკერთან" ერთად გუნდს სამი ქულა მოუტანა.</p><p><span style="color: #ff0000;"><strong>13.04.2017. ქ. თბილისი. საქართველოს ფუტსალის ლიგა. XIV ტური</strong></span></p><p><strong>მფკ მგლები - მფკ იბსუ 6:1 (1:1)</strong></p><p>გოლები: 14:23’ მამაცაშვილი (0:1), 14:42’ ქსოვრელიშვილი (1:1), 25:22’ ძაგანია (2:1), 34:02’ მაჭარაშვილი (3:1), 36:19’ ძაგანია (4:1), 36:52’ ძაგანია (5:1), 37:37’ მახარობლიშვილი (6:1)</p><p>გაფრთხილება: 32:28’ მელანაშვილი (მგლ)</p><p><strong>მფკ სტუ-თელასი - მფკ აფხაზეთი 7:6 (1:6)</strong></p><p>გოლები: 0:23’ ქეშელაშვილი (0:1), 06:58’ ქეშელაშვილი (0:2), 08:00’ კორღალიძე (0:3), 10:22’ ღუღუნიშვილი (0:4), 12:33’ ხარაიშვილი (0:5), 13:49’ სოზაშვილი 6მ (1:5), 18:23’ ნადირაძე (1:6), 23:07’ ნადირაძე ს.კ (2:6), 23:30’ სოზაშვილი (3:6), 27:44’ სოზაშვილი (4:6), 31:51’ ასათიანი (5:6), 35:51’ ჭუმბურიძე (6:6), სოზაშვილი 6მ (7:6)</p><p>გაფრთხილება: 16:23’ ჩუთლაშვილი (აფხ)</p><p>XIV ტურის კიდევ ორი შეხვედრა 18 აპრილს, ბათუმის სპორტულ-ახალგაზრდული ცენტრის დარბაზში გაიმართა.</p><p>"დინამო ბათუმმა" სატურნირო ცხრილის ერთპიროვნულ ლიდერს, მფკ "ტატიშვილს" უმასპინძლა. "მედიკოსებმა" შეხვედრა მათთვის სასურველი სცენარით წარმართეს და ყოველგვარი გართულების გარეშე, 5:2 დაამარცხეს მეტოქე.</p><p>ნამდვილი საფეხბურთო დრამა და საოცარი სანახაობა იხილა გულშემატკივარმა ბსუ-სა და მფკ "თბილისის" დაპირისპირებაში. მატჩი გარდამავალი სათამაშო და ტერიტორიული უპირატესობით წარიმართა. მეორე წუთიდან მოყოლებული, როდესაც ვასილ მარუაშვილმა მორიგი "გოლი-შედევრით" დააწინაურა სტუმრები, გუნდებმა არაერთხელ "გაცვალეს ანგარიში".</p><p>ცალკე საუბრის თემაა ორივე კართან შექმნილი გამოუყენებელი საგოლე მომენტები, რომლებიც ხან შემტევთა სინდისზე იყო, ხანაც მეკარეები ყოჩაღობდნენ. ამ მხრივ უდავოდ შეუდარებელი იყო "თბილისის" მეკარე ბაკურ სანიკიძე, რომელმაც არაერთ მნიშვნელოვან ეპიზოდში იხსნა თავისიანები.</p><p>განსაკუთრებით დაძაბული შეხვედრის მეორე ნახევარი გამოდგა - დავით ჯალაღანიამ 23-ე წუთზე დააწინაურა "ბათუმელი სტუდენტები", 4:3, თუმცა ამის შემდეგ "დედაქალაქელებმა" უმალვე მოახერხეს "დაკარგულის დაბრუნება" და 38-ე წუთამდე სამჯერ (!!!) ფლობდნენ ორბურთიან უპირატესობას, რის შემდეგაც მასპინძლებმა ხუთზე შეტევა გადაწყვიტეს და გიორგი მამულაძეს ერთი წუთიც არ დასჭირდა წონასწორობის აღსადგენად - 8:8 და თითქოს მატჩიც ასეთივე ანგარიშით უნდა დასრულებულიყო, მაგრამ ბსუ-ს ფეხბურთელებმა კვლავ განაგრძეს მეხუთე მოთამაშით იერიშები, რა დროსაც ფატალური შეცდომა დაუშვეს და თბილისელთა კაპიტანმა ილია რეხვიაშვილმა მატჩის დასრულებამდე ერთი წამით ადრე გამარჯვების გოლი გაიტანა - 8:9.</p><p>მის გარდა, დუბლით და ბრწყინვალე თამაშით გამოირჩნენ ოთარ კუხალეიშვილი და ნიკოლოზ ღუდუშაური. ამ გამარჯვებით "დედაქალაქელებმა" მნიშვნელოვანი სამი ქულა მოიპოვეს და საუკეთესო ოთხეულში მოხვედრის რეალურ შანსსაც ინარჩუნებენ.</p><p><span style="color: #ff0000;"><strong>18.04.2017. ქ. ბათუმი. საქართველოს ფუტსალის ლიგა. XIV ტური</strong></span></p><p><strong>დინამო (ბთ) - მფკ ტატიშვილი 2:5 (0:3)</strong></p><p>გოლები: 01:06’ კაკაბაძე (0:1), 07:12’ ლუკავა (0:2), 14:46’ სიგუნავა (0:3), 24:40’ თოთლაძე (0:4), 30:35’ გალოიანი (1:4), 38:10’ სილაგავა (1:5), 38:59’ მ.დოლიძე (2:5)</p><p>გაფრთხილება: 23:27’ დ.დოლიძე (დინ), 38:38’ მ.დოლიძე (დინ)</p><p><strong>მფკ ბსუ (ბთ) - მფკ თბილისი 8:9 (3:3)</strong></p><p>გოლები: 01:48’ მარუაშვილი (0:1), 03:38’ ნადარაია (1:1), 04:43’ ბროლაძე (2:1), 09:47’ კუხალეიშვილი (2:2), 10:39’ ღუდუშაური (2:3), 17:14’ გაბუნია (3:3), 22:56’ ჯალაღანია (4:3), 23:22’ კუხალეიშვილი (4:4), 23:44’ კირთაძე (4:5), 24:47’ რეხვიაშვილი (4:6), 25:30’ ნადარაია (5:6), 31:52’ თურმანიძე (5:7), 32:52’ ფუტკარაძე (6:7), 37:08’ ღუდუშაური (6:8), 38:03’ მამულაძე (7:8), 38:56’ მამულაძე (8:8), 39:59’ რეხვიაშვილი (8:9)</p><p>გაფრთხილება: 12:29’ ბერიძე (ბსუ), 20:00’ მახარაძე (ბსუ), 20:00’ ღუდუშაური (თბ), 32:52’ ჭელიძე (თბ)</p><p><span style="color: #ff0000;"><strong>ბომბარდირები:</strong></span></p><p>ლაშა სიგუნავა (ტატიშვილი) – 27, სერგი მაჭარაშვილი (მგლები) – 25, ზურაბ ლუკავა (ტატიშვილი) – 22</p><p>ჩემპიონატის პარტნიორები და მხარდამჭერები არიან: "სილკ უნივერსალი", სპორტული ბრენდი "SALLER", "წყალი მარგებელი", იურიდიული ჯგუფი "ერისთავი და პარტნიორები", "ტატიშვილის სამედიცინო და სპორტული რეაბილიტაციის ცენტრი".</p><p>მედიაპარტნიორები: რადიოები, "თანამგზავრი 92,3", "იმედი", JAKO FM, "კომერსანტი"; ვებპორტალები, sportall.ge, worldsport.ge, sportstar.ge, adjarasport.com, mysports.ge, geosports.ge, გაზეთი "ლელო" და სპორტული ჟურნალი "ათიანი".</p><p><span style="color: #808080;"><strong>სპორტული სააგენტო SBM-ის პრესსამსახური / sbm.ge</strong></span></p>
"კონკურენცია ძალიან მაღალია, შეცდომის დაშვების უფლება არ გვაქვს" - ანჩელოტიმ ნეიმარის ნაკრებში არგამოძახების მიზეზებზე ისაუბრა
"ლივერპული" პრემიერლიგის "გალაქტიკოსი" გახდა" - ჯეიმი კარაგერი
შესარჩევიდან ჩემპიონთა ლიგაზე - რას უნდა ველოდოთ ამ შვიდი გუნდისგან?
საქართველოს ნაკრებს ევრობასკეტზე მიღწეული ისტორიული შედეგისთვის მთავრობა ფულადი პრემიის სახით 3 მილიონ ლარს გადასცემს
"ამას ფეხბურთთან საერთო არაფერი აქვს" - "ბაიერნის" პრეზიდენტმა "ნიუკასლი" გააკრიტიკა
"ალბათ ამ პასუხს ნაკლებად ელოდით" - გვარდიოლამ დაასახელა ფეხბურთელი, რომლის "სიტიდან" გაშვებასაც ყველაზე მეტად ნანობს
"რუსეთის საფეხბურთო ნაკრებს სათადარიგოთა სკამზეც კი სუპერვარსკვლავები ჰყავს" - "რეალისა" და ესპანეთის ნაკრების ყოფილი მწვრთნელი
პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა
მამუკელაშვილი: შემიძლია ვემბანიამას მივწერო - საფრანგეთს მასთან ერთდაც მოვუგებდით
[VIDEO] დუბლი 2 წუთში - ტაბატაძე "კადისის" ფანების საყვარელი მოთამაშე ხდება
"მადლობა საბერძნეთს" - გოგა ბითაძე სოციალურ ქსელში პოსტს აქვეყნებს [PHOTO]
პირველი ტაიმის შემდეგ საქართველოს ნაკრები ბულგარეთს 2:0 ამარცხებს
მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო
კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია
ოფიციალურად: "კოლოსმა" ზურაბ რუხაძე წარადგინა
ტიაგო მოტამ შესაძლოა, ბუნდესლიგის ბინადარი გუნდი ჩაიბაროს
ონანა კარიერას სავარაუდოდ, თურქეთში განაგრძობს
როდრიმ მისი აზრით "ოქროს ბურთის" ორი ფავორიტი დაასახელა
"სექსის დროს არ მინახავს, არ იცოდა, რომ კამერებზე წვდომა მქონდა..." - როგორ გაიგო ღალატის შესახებ არგენტინელი ვარსკვლავის მეგობარმა გოგონამ
ფრენკ ლამპარდი შესაძლოა, სამუშაოდ პრემიერ ლიგაში დაბრუნდეს
მოულოდნელი ამბავი - ზიდანი სამწვრთნელო საქმიანობას შესაძლოა, თურქეთში დაუბრუნდეს
ქოჩორაშვილი: აქამდე სწორედ იმიტომ მოვედით, რომ არასდროს ვნებდებით
მატჩის დღე - ქართველებსა და ბულგარელებს ცუდად დაწყებულის გამოსწორება სურთ!
ფუტსალის ლიგა 2016/17: 12 ივნისს ჩემპიონის ვინაობა გაირკვევა!
ფუტსალის ლიგა 2016/17: აირჩიე საუკეთესო გოლი!
ფუტსალის ლიგა 2016/17: "სტუ-თელასი" საქართველოს ჩემპიონია! [PHOTO]
ფუტსალის ლიგა 2016/17: ფავორიტები სერიაში დაწინაურდნენ!
ფუტსალის ლიგა 2016/17: დღეს ფინალური სერია იწყება!
9 ივნისს, ფუტსალის ლიგის ფინალური ეტაპის განმეორებითი შეხვედრები გაიმართება [VIDEO]