<p>კონგოს ჩემპიონატში ვითამაშებთ, მაგრამ არა საქართველოს ლიგაშიო! <br> ...გუნდების განაცხადებში ისეთი გვარები ამოვიკითხეთ, გეგონებათ, საქართველოს ჩემპიონატის მონაწილეები არიან - ლორთქიფანიძე, ანჯაფარიძე, ჯალიაშვილი, ბენიძე, ჭკადუა, გაგუა, პაჭკორია, კვეკვესკირი, ნარმანია, ფაჩულია, ქუთელია, მატკავა, კვარაცხელია, მარღანია, ფარულავა, აბაკელია, ჩერქეზია...</p><p>...მაგრამ ისინი რუსებისგან ოკუპირებული აფხაზეთის ჩემპიონატში მონაწილე გუნდების ფეხბურთელები არიან. თქვენ წარმოიდგინეთ, საკუთარი გიორგი ზარია, თემურ გადელია და ზარანდიაც კი ჰყავთ.</p><p>ცხადია, აფხაზეთში ფეხბურთი ძალიან უყვართ, თავიანთ ჭიას ახარებენ და წლეულს საკუთარ პირველობას 25-ედ ატარებენ. 20 მარტს, აფხაზეთში XXIV საფეხბურთო ჩემპიონატი დაიწყო, რომელშიც 10 კლუბი მონაწილეობს: ოჩამჩირის "ერცაჰუ", "გაგრა", გუდაუთის "რიწა", აგუძერას "სპარტაკი", გალის "სამურზაყანო", ახალი ათონის "ათონი", ტყვარჩელის "შახტიორი", სოხუმის გუნდები - "დინამო", "აბაზგი" და "ნართი".</p><p>17 მარტს კი სუპერთასიც გათამაშდა და მას "ათონი" დაეუფლა, რომელმაც სოხუმის "ნართი" 2:1 დაამარცხა.</p><p><p><div style="text-align: center;"><span style="color: #ff0000;"><strong>დიდი ჩიხი</strong></span></div></p> ახლახან, აფხაზეთს რუსეთის საფეხბურთო კავშირის პირველი ვიცე-პრეზიდენტი, ნიკიტა სიმონიანი სტუმრობდა და სეპატარისტული რეჟიმის მმართველს, რაულ ხაჯიმბას შეხვდა.</p><p>"შარშან, აფხაზეთში არაღიარებული ქვეყნების მსოფლიოს ჩემპიონატი ჩატარდა და კარგი იქნებოდა, ჩვენს გვერდით ყოფილიყავით", - ასე მიმართა ხაჯიმბამ სტუმარს.</p><p>შეგახსენებთ, რომ შარშან სოხუმსა და გაგრაში CONIFA-ს (არაღიარებულ ქვეყნებსაც აქვთ თავიანთი "ფიფა") ეგიდით არაღიარებული ქვეყნების მსოფლიოს ჩემპიონატი გაიმართა, რომელშიც აფხაზეთმა გაიმარჯვა. ფინალში მათ "პენჯაბს" მოუგეს 6:5.</p><p>სპეციალურად ამ ტურნირისთვის სოხუმის სტადიონი გაარემონტეს, მაგრამ ცხადია, ეს დიდ ფეხბურთთან ზიარების ილუზია იყო. რეალურად კი, აფხაზური ფეხბურთი ჩიხშია და იზოლაციიდან თავის დაღწევას ვერ ახერხებს. ისინი საქართველოს ჩემპიონატზე უარს ამბობენ, რუსეთის ჩემპიონატში გამოსვლის უფლებას უეფა და ფიფა არ აძლევთ, აქედან გამომდინარე, მათ ჩემპიონატში გამარჯვებულს არანაირი სტიმული და ევროსაგზურის მოპოვების შანსი არ აქვს.</p><p>სამწუხაროდ, აფხაზებს საქართველოსთან ურთიერთობა არ სურთ და ისეთივე პოზიციას აფიქსირებენ, როგორიც წლების წინათ ცხინვალში გამომავალ გაზეთში ეწერა - "კონგოს და სპილოს ძვლის ნაპირების ჩემპიონატში ვითამაშებთ, მაგრამ არა - საქართველოს უმაღლეს ლიგაში".</p><p>მაგრამ ერთია ნათქვამი და მეორე - რეალურად რას ფიქრობენ, მით უფრო, ბოლო წლებში, როცა ცნობილი გახდა რუსებისა და სომხების მიმართ აფხაზების უკმაყოფილება. მაგრამ ჯერ საქართველოს ხმამაღლა ვერ ახსენებენ და ვინ იცის, ამასობაში რამდენი ნიჭიერი ბავშვი იკარგება...</p><p><p><div style="text-align: center;"><span style="color: #ff0000;"><strong>ცხინვალს ევროპით აიმედებენ</strong></span></div></p> სამაჩაბლოში მოკალათებული სეპარატისტების თავს კიდევ უფრო რთული მდგომარეობაა. ისედაც მცირე მოსახლეობის მქონე რეგიონიდან 50 ათასამდე ქართველის გამოდევნის შემდეგ მაქსიმუმ 15 ათასი ადამიანი დარჩა და აფხაზებისგან განსხვავებით, საკუთარ ჩემპიონატსაც ვერ ატარებენ. ამის გამო, ცხინვალის "სპარტაკი" ვლადიკავკაზში ორგანიზებულ ოსეთის ჩემპიონატში მონაწილეობს.</p><p>აფხაზეთში გამართული არაღიარებული ქვეყნების მსოფლიო ჩემპიონატის შემდეგ მსგავსი "მასშტაბური" ტურნირის მასპინძლობის იდეა აფხაზებმა ოსებსაც ჩააწვეთეს და რუსების თანადგომით, 2017 წელს, ოსებს ცხინვალში, CONIFA-ს ეგიდით, არაღიარებულთა ევროპის ჩემპიონატის ჩატარება სურთ. იქ იმდენ ხალხს ელიან, ცხინვალის სტადიონზე შეკრებილი პოლიტფანების ხმა გორის ტრასამდე მისწვდება...</p><p>ამ ეგრეთ წოდებული ევროპის ჩემპიონატის წილისყრა ჟენევაში წლეულს შედგა, ტურნირში კი რეიტინგის მიხედვით 8 საუკეთესო გუნდი დაუშვეს: ევროპელი სეპარატისტების მოქმედი ჩემპიონი პადანია (იტალია), ჩრდილოეთ კვიპროსი, აფხაზეთი, სეკეის მხარე (რუმინეთი), ლაპლანდია (ფინეთი), მენის კუნძული (დიდი ბრიტანეთი/ირლანდია), ფრანგული ნიცას ნაკრები და ოქსიტანია (საფრანგეთი).</p><p>ეს უკანასკნელი აღმოსავლეთ სომხეთის ნაცვლად ითამაშებს. CONIFA-ს ვიცე პრეზიდენტის, დიმიტრი ფაღავას ცნობით, სომხები ჩაფრენას თურქეთიდან აპირებდნენ, მაგრამ ამ ქვეყნის ხელისუფლებამ გუნდს უსაფრთხოების გარანტია ვერ მისცა და მონაწილეობას ამის გამო ვერ ახერხებენ.</p><p>თუ კიდევ რომელიმე ნაკრები ვერ გაემგზავრება "ევროპაზე", სტარტზე არიან სამხრეთ ოსეთი და ეგრეთ წოდებული - დონეცკის სახალხო რესპუბლიკა. ანუ ტურნირი ცხინვალშიც რომ ჩატარდეს, "სამხრეთ ოსეთი" მაინც განზე იქნება.</p><p><p><div style="text-align: center;"><span style="color: #ff0000;"><strong>ვის სჭირდება ეს ცირკი?</strong></span></div></p> დიდი ფიქრი არ სჭირდება იმის მიხვედრას, რომ CONIFA-ს უპირველესი მხარდამჭერი რუსეთია, რადგან ამ ორგანიზაციის ეგიდით მუნდიალებისა და ევროპის ჩემპიონატების უპირველეს ორგანიზატორებად ბოლო წლებში საქართველოსგან მოწყვეტილი აფხაზეთი და ეგრეთ წოდებული სამხრეთ ოსეთი, ასევე ყარაბაღი (რომელსაც აღმოსავლეთ სომხეთად ახსენებენ) გახლავთ.</p><p>საერთოდ, რუსეთი 2013 წელს დაფუძნებულ CONIFA-ს სათავისოდ და მისგან წაქეზებული სეპარატისტების გასაბითურებლად მშვენივრად იყენებს. ამ ორგანიზაციის ეგიდით ჩატარებული ტურნირები რუსეთისთვის დააახლოებით ისეთივე მოდელია, როგორც არქიფო სეთურის იმედის გვირაბი და ჩვენს აფხაზ და ოს ძმებს აბრიყვებს - ფიფასა და უეფაში დღეს თუ არა, ხვალ მაინც გაგაწევრიანებთო...</p><p>2015 წელს, უნგრეთმა არაღიარებულთა ევროპის ჩემპიონატს უმასპინძლა, რადგან რუმინეთში სეკეის მხარე უნგრელებით არის დასახლებული. მაგრამ აფხაზეთისა და ე.წ. სამხრეთ ოსეთის დელეგაციები არ შეუშვეს. ქვეყანაში შესვლის შემთხვევაში უნგრეთის ხელისუფლება მათ დელეგაციებს ბითუმად დაკავებით დაემუქრა, ხოლო CONIFA-ს - ტურნირის ჩაშლით.</p><p>ამან სეპარატისტების დე ფაქტო მმართველები განარისხა და უნგრეთის ხელისუფლებას ბრალი წაუყენა - სპორტის პოლიტიზაციას ცდილობთო. არადა, ამ ცირკის ზურგსუკან სწორედაც პოლიტიკა დგას.</p><p>(იბეჭდება მცირე ცვლილებით)</p><p><strong>ყოველდღიური სპორტული გაზეთი "ლელო"</strong></p>
Gura
გამოვაცხადოთ საქართველოს ჩემპიონატი ღია ჩემპიონატად. დასაწყისში მონაწილეობაზე უარს გვეტყვიან, შემდეგ გარკვეულ პირობებს წააყენებენ (ამაზე უნდა ვიმსჯელოთ). ეს მათ ინტერესებშიც შედის და ჩვენს ინტერესებშიც. რუსეთი თუ არ ჩაერევა, იქნებ რამე გამოვიდეს.
ნოდიკო
როდის მივლენ ესენი კონგოს დონემდე
"ადამიანი, რომელსაც ჩემს ცხოვრებასა და კარიერაზე უდიდესი გავლენა ჰქონდა, აღარ არის" - 64 წლის ასაკში "ვალენსიას" ლეგენდარული მეკარე გარდაიცვალა
"ასე რთულია. გუნდში 9 ახალი ტვინი მყავს" - კონტემ "ნაპოლის" მარცხის მიზეზებზე ისაუბრა
"ასე არ შეიძლება" - "კაირათის" მწვრთნელი მეკარისთვის გადაცემული საჩუქრით უკმაყოფილოა
"ლორიენთან" მატჩში პსჟ-ს შემადგენლობა ცნობილია
"ვალენსიამ" შეიძლება "რეალის" ყოფილი ვარსკვლავი უფასოდ დაიმატოს
დე ბრუინს ბელგიაში ოპერაცია გაუკეთეს
"რეალს" "ტოტენჰემის" მცველის დამატება სურს
უპირებენ თუ არა გათავისუფლებას სლოტს - ფაბრიციო რომანო "ლივერპულის" მწვრთნელის მომავალზე
"რეალთან" წაგების შემდეგ – "ბარსელონას" უჩვეულო გეგმა ფინანსურ სარგებელამდე
უდიდესი სენსაცია პარიზში - ალკარასმა ნორისთან წააგო
[VIDEO] "გოლდენ სტეიტი" სეზონს მაგრად იწყებს - "უორიორსმა" "კლიპერსი" მარტივად დაამარცხა
სპალეტი "იუვენტუსს" უახლოვდება - "ნაპოლის" ყოფილი მწვრთნელი საქმეში მალე დაბრუნდება
დიდი როტაციით "ლორიენთან" - იქნება ხვიჩა სასტარტოში?
"სამგურალის" ზედიზედ მეხუთე მოგება
"ნაპოლიმ" "ლეჩესთან" მძიმე გამარჯვება მოიპოვა
გოჩოლეიშვილი უნიღბოდ დაბრუნდა - "ჰამბურგმა" თასზე ზივზივაძის "ჰაიდენჰაიმს" მოუგო
ოდიკაძე ევროპის ჩემპიონ-პრიზიორია - მან სამივე სინჯის მედალი მოიპოვა
"ზაბარნი იხრჩობა და თავდაჯერებულობას კარგავს" - ფრანგული მედია უკრაინელს აკრიტიკებს
უბედური შემთხვევა - "ინტერის" მეკარემ ავტომობილით 81 წლის მამაკაცი გაიტანა
"ნაპოლი" ლეონარდო სპინაცოლას ახალ კონტრაქტს გაუფორმებს
"ბაიერნი" 23 წლის კოსოვოელი ფორვარდის დამატებას აპირებს
კიდევ ერთი ვარიანტი - "იუვენტუსი" შესაძლოა, ლორან ბლანმა ჩაიბაროს
დღეს "კვარა" თუ მბაიე? - 4 საგოლე პასით დაწყებულს მიქაუტაძე გააგრძელებს
ეს საქართველოსთვის სასარგებლოა - ჩეფერინი უეფას პრეზიდენტად დარჩენას აპირებს
THE GUARDIAN: უეფას პრეზიდენტის პოსტზე შეიძლება ჩეფერინი კობიაშვილმა შეცვალოს
"ეს ყველაფერი როგორ გავიგო?" - გვარდიოლა აღშფოთებულია
CONIFA-ს ე.წ. ევროპის ჩემპიონატზე სეპარატისტები ერთმანეთს დაერივნენ
უეფას მიერ რუსეთის 17-წლამდელთა ნაკრების საერთაშორისო ტურნირებზე დაშვებას ბოიკოტი მოჰყვა
დე ლაურენტისი: ფეხბურთი ავადაა - ოსიმენის ტრანსფერი?
სოხუმელი სეპარატისტები ე.წ. მსოფლიოს ჩემპიონატის სამასპინძლოდ ემზადებიან [VIDEO]
დე ფაქტო აფხაზეთი ConIFA-ს მსოფლიოს 2016 წლის ჩემპიონატს უმასპინძლებს
"ფეხბურთი საუდის არაბეთთან დავთმეთ" - ბლატერი ფიფას აკრიტიკებს
სოხუმი არაღიარებული ქვეყნების 2016 წლის მსოფლიო ჩემპიონატს უმასპინძლებს
აირევა მონასტერი - უეფა ევროტურნირების სრულ რეფორმას გეგმავს
გარიცხეთ რუსეთი და მოკვეთეთ ირანი - უკრაინელები უეფასა და ფიფას მიმართავენ
კიდევ უფრო მკაცრი წესები რასიზმის წინააღმდეგ - ინფანტინოს ინიციატივა
საჩივარი არ დაკმაყოფილდა - რუსები საერთაშორისო ტურნირებიდან კვლავ მოკვეთილები იქნებიან
აშშ დაეხმარა. ისრაელს არ მოკვეთენ - რუსეთი დაბრუნებას ითხოვს
აფხაზი ფეხბურთელები საქართველოს საგარეო საქმეთა სამინისტროს "დამარცხებას" ცდილობენ