<p>მთელი მსოფლიო გაფაციცებით აკვირდებოდა ბოლო დროს კონმებოლის ზონაში განვითარებულ მოვლენებს <br> მთელი მსოფლიო გაფაციცებით აკვირდებოდა ბოლო დროს კონმებოლის ზონაში განვითარებულ მოვლენებს.</p><p>არგენტინა არ იტირებს ...რადგან მას ჰყავს მესი.</p><p>იყო დიდი საფრთხე, რომ ლიონელ მესი მუნდიალის გარეშე დარჩებოდა, მისმა არგენტინამ ბეწვის ხიდზე გაიარა, მაგრამ არ ჩავარდა - მსოფლიოს ერთ-ერთი საუკეთესო ფეხბურთელი 2018 წლის ჩემპიონატს არ დააკლდება...</p><p><p><div style="text-align: center;"><span style="color: #3366ff;"><strong>შვება</strong></span></div></p> საინტერესო ისაა - რომ არა ლეო მესი, დიდი ალბათობით, ხორხე სამპაოლის არგენტინა ამ მისიას ვერ შეასრულებდა - უფსკრული არასოდეს ყოფილა ასე ახლოს - კიტოში პირველივე წუთზე ეკვადორის ნაკრები არგენტინასთან რომარიო იბარას გოლით დაწინაურდა.</p><p>ამის მერე დაიწყო ლეოს შოუ - "ბარსელონას" სუპერვარსკვლავმა ჰეთ-თრიკი შეასრულა და პირადად გაიყვანა გუნდი მუნდიალზე, 3:1 და არგენტინამ ტურნირი სულაც მესამე ადგილით დაასრულა ბრაზილიისა და ურუგვაის შემდეგ.</p><p>მესის მეორე გოლი სარეკორდო იყო მუნდიალის შესარჩევი მატჩებისთვის კონმებოლის ზონაში - 30 წლის არგენტინელი გახდა პირველი ფეხბურთელი, ვინც მუნდიალის საკვალიფიკაციო ეტაპზე (კონმებოლის ზონაში) 20 გოლი გაიტანა (მერე ლეომ 21-ეც შეაგდო). აქამდე რეკორდი - 19 გოლი - ერნან კრესპოს ეკუთვნოდა.</p><p>იმავე დღეს მესის "ბარსაში" თანაგუნდელი ლუის სუარესი დაეწია, რომელმაც დუბლი მიითვალა ბოლივიასთან მატჩში (სხვათა შორის, ამ შეხვედრაში ექვსივე გოლი (4:2) ურუგვაელებმა გაიტანეს, მაგრამ ორი - საკუთარ კარში).</p><p><strong>ლიონელ მესი</strong> (არგენტინა): "სრული სიგიჟე იქნებოდა, ჩვენ რომ მსოფლიოს ჩემპიონატზე ვერ მოვხვედრილიყავით. არა მარტო ჩემთვის, არამედ მთელი არგენტინისთვის. ასეთ სიტუაციაში ყოფნას არ ვიმსახურებდით. ეკვადორთან თავიდან ვაგებდით, მაგრამ შევძელით თამაშის შემობრუნება. ჩვენში უკვე ეჭვი ეპარებოდათ... დღეს ჩვენთვის დიდი დღეა, რუსეთში შეხვედრამდე".</p><p>სხვათა შორის, ლა პლატაში ერთი საათით გადასწიეს ირლანდიური ჯგუფის, U2-ს კონცერტი, რომ ხალხს არგენტინის ნაკრების თამაშისთვის ეყურებინა. კონცერტზე ჯგუფის ლიდერმა ბონომ მესი ღმერთს შეადარა.</p><p>მატჩის შემდეგ ხავიერ მასკერანომ განაცხადა, რომ 2018 წლის მუნდიალის შემდეგ ნაკრებიდან მიდის.</p><p><p><div style="text-align: center;"><span style="color: #3366ff;"><strong>ვინ გაიწირა?</strong></span></div></p> ვინ და... ჩილე. სწორედ ჩილე იყო მე-3 ადგილზე ბოლო ტურის წინ, მაგრამ ხუთგზის მსოფლიოს ჩემპიონ ბრაზილიას სტუმრობდა. ხუან ანტონიო პიცის გუნდი გაბრიელ ჟეზუშმა დაღუპა, რომელმაც დუბლი შეასრულა, სანამ საქმეში "სიტის" ფორვარდი ჩაერთვებოდა, კოპა ამერიკას ჩემპიონებს ბარსელონელმა პაულინიომ გაუტანა - 3:0. მატჩის შემდეგ ჩილელთა ლიდერმა არტურო ვიდალმა ეროვნული ნაკრებიდან წასვლის შესახებ გამოაცხადა.</p><p>ბოლო ტურის წინ სამ-ნახევარ საგზურზე 6 გუნდი აცხადებდა პრეტენზიას. ჩილეს გარდა, ბორტს მიღმა დარჩა პარაგვაის ნაკრებიც, რომელმაც შინ 0:1 წააგო აუტსაიდერ ვენესუელასთან. პერუს ნაკრები მე-5 ადგილზე გავიდა და ახლა პლეი-ოფი ელის ახალი ზელანდიის გუნდთან.</p><p><p><div style="text-align: center;"><span style="color: #3366ff;"><strong>ფალკაო დიდ სკანდალში</strong></span></div></p> სამხრეთამერიკულ მედიაში დიდი სკანდალი აგორდა პერუსა და კოლუმბიის მატჩის გამო. ეს შეხვედრა 1:1 დასრულდა და პერუმ პლეი-ოფი გაინაღდა, კოლუმბიამ კი - მუნდიალი. მედიის ცნობით, კარგად გამოჩნდა, რომ კოლუმბიელთა თავკაცმა ხოსე პეკერმანმა რადამელ ფალკაოს შეატყობინა, როგორ მიმდინარეობდა მატჩები ბრაზილიასა და პარაგვაიში. ამის მერე რადამელი მივიდა პერუელებთან, პირზე ხელი მიიფარა და რაღაც უთხრა - მედიის აზრით, კოლუმბიელმა ფორვარდმა მეტოქეს შესთავაზა, თამაში მშვიდად ჩაემთავრებინათ, რაც მოხდა კიდეც.</p><p><p><div style="text-align: center;"><span style="color: #3366ff;"><strong>გოლი-მოჩვენება</strong></span></div></p> კონმებოლიდან კონკაკაფზე გადავინაცვლოთ, სადაც ასევე ბოლო ტურის მატჩები იყო - პანამის ნაკრებმა მუნდიალზე უკვე გასული კოსტა რიკა 2:1 დაამარცხა და ზონიდან მესამე საგზური მოიპოვა (მექსიკისა და კოსტა რიკის შემდეგ). დიდი აჟიოტაჟი გამოიწვია მასპინძელთა პირველმა გოლმა - პანამა 0:1-ს აგებდა, როცა გაბრიელ ტორესმა გაიტანა, თუმცა გამეორებაზე კარგად გამოჩნდა, რომ სინამდვილეში ბურთს არ გადაუკვეთია კარის ხაზი. ჰონდურასელი მსაჯი ვალტერ ლოპეს რამოსი შეცდა.</p><p>მატჩის შემდეგ პანამაში დასვენების დღე გამოცხადდა და ქვეყანა დიდი ზეიმისთვის ემზადება.</p><p>აი, ასე სკანდალურად გავიდა პანამა მუნდიალზე, ჰონდურასის ნაკრები პლეი ოფს ავსტრალიასთან ითამაშებს, ხოლო აშშ-ის გუნდი მსოფლიოს ჩემპიონატს დააკლდება.</p><p><em><strong>ბრაზილია-ჩილე 3:0</p><p></strong></em>გოლები: 1:0 პაულინიო (55), 2:0 გაბრიელ ჟეზუში (57), 3:0 გაბრიელ ჟეზუში (93)</p><p>ბრაზილია (4-1-4-1): ედერსონი - დანი ალვეში, მარკინიოსი, მირანდა, ალექს სანდრო - კაზემირო - კოუტინიო (87. ფირმინო), პაულინიო, აუგუსტო (82. ფერნანდინიო), ნეიმარი (85. ვილიანი) - გაბრიელ ჟეზუში</p><p>ჩილე (4-3-1-2): ბრავო - ისლა, მედელი, ხარა, ბოსეჟური - ფუენსალიდა (63. პუჩი), არანგისი (46. პულგარი), პ. ერნანდესი (77. პარედესი) - ვალდივია - ვარგასი, ა. სანჩესი</p><p><em><strong>ეკვადორი-არგენტინა 1:3</p><p></strong></em>გოლები: 1:0 იბარა (1), 1:1 მესი (12), 1:2 მესი (20), 1:3 მესი (62)</p><p>არგენტინა (3-4-3): რომერო - მერკადო, მასკერანო, ოტამენდი - სალვიო (90. ფასიო), პერესი, ბილია, აკუნია მესი, ბენედეტო (76. იკარდი), დი მარია (84. პარედესი)</p><p><em><strong>პარაგვაი-ვენესუელა 0:1</p><p></strong></em>გოლი: 0:1 ერერა (84)</p><p>გაძევება: გომესი (89. პარაგვაი), უოკერი (89. ვენესუელა)</p><p><em><strong>პერუ-კოლუმბია 1:1</p><p></strong></em>გოლები: 0:1 ხ. როდრიგესი (56), 1:1 გერერო (76)</p><p>კოლუმბია (4-4-2): ოსპინა - არიასი, მურილიო, დ. სანჩესი, ფაბრა - კუადრადო, აგილარი, კ. სანჩესი, ხ. როდრიგესი (85. ხარა) - ფალკაო (90. მორენო), საპატა (73. ბარიოსი)</p><p><em><strong>ურუგვაი-ბოლივია 4:2</p><p></strong></em>გოლები: 0:1 გ. სილვა (24-საკ. კარში), 1:1 კასერესი (39), 2:1 კავანი (42), 3:1 ლ. სუარესი (60), 4:1 ლ. სუარესი (76), 4:2 გოდინი (79-საკ. კარში)</p><p>ურუგვაი (4-3-1-2): მუსლერა - კასერესი, ხიმენესი, გოდინი, გ. სილვა (77. მ. პერეირა) - ბენტანკური, ვესინო, ვალვერდე (60. როდრიგესი) - დე არასკაეტა (77. ლოდეირო) - ლ. სუარესი, კავანი</p><p>თ მ ფ წ ბ ქ</p><p>1. ბრაზილია 18 12 5 1 41-11 41</p><p>2. ურუგვაი 18 9 4 5 32-20 31</p><p>3. არგენტინა 18 7 7 4 19-16 28</p><p>4. კოლუმბია 18 7 6 5 21-19 27</p><p>5. პერუ 18 7 5 6 27-26 26</p><p>6. ჩილე 18 8 2 8 26-27 26</p><p>7. პარაგვაი 18 7 3 8 19-25 24</p><p>8. ეკვადორი 18 6 2 10 26-29 20</p><p>9. ბოლივია 18 4 2 12 16-38 14</p><p>10. ვენესუელა 18 2 6 10 19-35 12</p><p>ბომბარდირები: 10 - ედინსონ კავანი (ურუგვაი); 7 - ფელიპე კაისედო (ეკვადორი), გაბრიელ ჟეზუში (ბრაზილია), ლიონელ მესი (არგენტინა), ალექსის სანჩესი (ჩილე).</p><p><em><strong>ჰონდურასი-მექსიკა 3:2</p><p></strong></em>გოლები: 0:1 პერალტა (17), 1:1 ელისი (34), 1:2 ველა (39), 2:2 ოჩოა (54-საკ. კარში), 3:2 კიოტო (60)</p><p><em><strong>პანამა-კოსტა რიკა 2:1</p><p></strong></em>გოლები: 0:1 ვენეგასი (36), 1:1 გ. ტორესი (53), 2:1 რ. ტორესი (88)</p><p><em><strong>ტრინიდადი-აშშ 2:1</p><p></strong></em>გოლები: 1:0 ო. გონსალესი (17-საკ. კარში), 1:1 ჯონსი (37), 2:1 პულიშიჩი (47)</p><p>თ მ ფ წ ბ ქ</p><p>1. მექსიკა 10 6 3 1 16-7 21</p><p>2. კოსტა რიკა 10 4 4 2 14-8 16</p><p>3. პანამა 10 3 4 3 9-10 13</p><p>4. ჰონდურასი 10 3 4 3 13-19 13</p><p>5. აშშ 10 3 3 4 17-13 12</p><p>6. ტრინიდადი 10 2 0 8 7-19 6</p><p>(იბეჭდება მცირე ცვლილებით)</p><p><strong>ყოველდღიური სპორტული გაზეთი "ლელო"</strong></p>
გიორგი
არგენტინაში ბევრი მოსაწევი აქვთ...
მაია
ლეო არის სუპერ ვარსკვლავი, თვითონ არის ძალიან თავდაბალი და არა მგონია გულშემატკივრების მხრიდან ასეთი შეფასება მოეწონოს.
....
რათქმა უნდა მესი კარგი ფეღბურთელია მაგრამ გაღმერთება უდიდესი ცოდვაა მეცოდებიან ვინც იზიარებს რედაქტორის აზრს
NIKOLA
რა ჩვრები გაიყვანა რუსულ მუნდიალზე ამ კაცმა,რომ არა ლეო არგენტინაც საქართველოს ნაკრების ბედს გაიზიარებდა,არგენტინელებმა ამკაცს ძეგლი უნდა დაუდგან,..ჩვენ კი ძეგლი უნდა დაუდგატ ლეოს ქარტველ სეხნია პიდერაციაში, ვაისს და გეგუჩაძეს
მსქროლავი ტროლი
რა მაგის პასუხია და ვაისს უთქვამს - 11-ვე თუ არა, ასე 7-8 მესი მეც რომ მყოლოდა, პლეი ოფში მაინც გავაღწევდიო... კიდევ კარგი არ გვყვანან, თორემ ვაისის გაღმერთებას ვერ გადავურჩებოდით...
ჩვენთვის კარგად ნაცნობი ნაკრები მუნდიალზე გავიდა - 2026 წლის მსოფლიო ჩემპიონატზე ისტორია გადაიწერება
ფარერების ნაკრებმა ზედიზედ მესამე გამარჯვება მოიპოვა და მუნდიალზე გასვლის შანსს ინარჩუნებს
ისრაელის გამო "საფეხბურთო ცივი ომი" დაიწყო - საქმეში აშშ-ის სახელმწიფო დეპარტამენტი ჩაერია
"ლორიენთან" მატჩში პსჟ-ს შემადგენლობა ცნობილია
"ვალენსიამ" შეიძლება "რეალის" ყოფილი ვარსკვლავი უფასოდ დაიმატოს
დე ბრუინს ბელგიაში ოპერაცია გაუკეთეს
"რეალს" "ტოტენჰემის" მცველის დამატება სურს
უპირებენ თუ არა გათავისუფლებას სლოტს - ფაბრიციო რომანო "ლივერპულის" მწვრთნელის მომავალზე
"რეალთან" წაგების შემდეგ – "ბარსელონას" უჩვეულო გეგმა ფინანსურ სარგებელამდე
უდიდესი სენსაცია პარიზში - ალკარასმა ნორისთან წააგო
[VIDEO] "გოლდენ სტეიტი" სეზონს მაგრად იწყებს - "უორიორსმა" "კლიპერსი" მარტივად დაამარცხა
სპალეტი "იუვენტუსს" უახლოვდება - "ნაპოლის" ყოფილი მწვრთნელი საქმეში მალე დაბრუნდება
დიდი როტაციით "ლორიენთან" - იქნება ხვიჩა სასტარტოში?
"სამგურალის" ზედიზედ მეხუთე მოგება
"ნაპოლიმ" "ლეჩესთან" მძიმე გამარჯვება მოიპოვა
გოჩოლეიშვილი უნიღბოდ დაბრუნდა - "ჰამბურგმა" თასზე ზივზივაძის "ჰაიდენჰაიმს" მოუგო
ოდიკაძე ევროპის ჩემპიონ-პრიზიორია - მან სამივე სინჯის მედალი მოიპოვა
"ზაბარნი იხრჩობა და თავდაჯერებულობას კარგავს" - ფრანგული მედია უკრაინელს აკრიტიკებს
უბედური შემთხვევა - "ინტერის" მეკარემ ავტომობილით 81 წლის მამაკაცი გაიტანა
"ნაპოლი" ლეონარდო სპინაცოლას ახალ კონტრაქტს გაუფორმებს
"ბაიერნი" 23 წლის კოსოვოელი ფორვარდის დამატებას აპირებს
კიდევ ერთი ვარიანტი - "იუვენტუსი" შესაძლოა, ლორან ბლანმა ჩაიბაროს
დღეს "კვარა" თუ მბაიე? - 4 საგოლე პასით დაწყებულს მიქაუტაძე გააგრძელებს
თითქმის ნახევარი სტანდარტებიდან - სულ რამდენი გოლი გავიდა მუნდიალზე
მესიმ "ინტერ მაიამისთან" კონტრაქტი გაახანგრძლივა
მესის ჰეთ თრიქი და 2 საგოლე პასი - "ლა პულგას" ბენეფისი ბოლივიასთან [VIDEO]
დი მარიამ სანაკრებო კარიერა დაასრულა
მესიმ კარიერაში ყველაზე სწრაფი გოლი გაიტანა - არგენტინამ გაიმარჯვა
[VIDEO] აქ სიტყვები ზედმეტია - მესის ჰეთ-თრიქი და საგოლე პასი "ნეშვილთან"
ფიფამ გულშემატკივართა ვერსიით მუნდიალის სიმბოლური ნაკრები შეადგინა
"როცა გულის შეტევით საავადმყოფოში ვიწექი, მესის ქმედებით გაოგნებული დავრჩი" - კასილასმა აქამდე უცნობი ისტორია გაიხსენა
ინციდენტი მუნდიალის ფინალში: Pussy Riot-ი მოედანზე, დაკითხვა და შეურაცხყოფა [VIDEO]
ლეგენდარული მენოტი გარდაიცვალა - მან თბილისის "დინამოს" ევროპის უძლიერესი გუნდი უწოდა
მსოფლიოს 2018 წლის ჩემპიონატის ულამაზესი ფანები [PHOTO]
"თუ ის წავა, "ბარსელონაში" დავბრუნდები" - მესის კატალონიური გრანდის მაისურით კვლავ ვიხილავთ?
დიდ კაცთან პატარა კაცსა, როდის გასვლია მართალი? - ანუ მსოფლიოს ჩემპიონატი ჩამთავრდა
მესი: ჯერ არვიცი ვითამაშებ თუ არა მუნდიალზე, გადაწყვეტილებას ამის შემდეგ მივიღებ
მსოფლიო ჩემპიონატის "სასწაული": ირანში სტადიონზე ქალები შეუშვეს [PHOTO]
[VIDEO] მესი გაჩერებას არ აპირებს - არგენტინელმა "ნეშვილს" დუბლი შეუსრულა
ვან გაალი: არგენტინის მსოფლიო ჩემპიონობა დაგეგმილი იყო
საგიჟეთი, 83 წუთის დაგვიანებით დაწყებული მატჩი, ტრავმის გამო ატირებული მესი და ლაუტაროს გამარჯვების გოლი [VIDEO]