<p>ეროვნული ლიგა. XXX ტური <br> უაღრესად დრამატული გამოდგა გორში გამართული მატჩი ჩემპიონობისთვის მებრძოლ "დინამოსა" და ეროვნულ ლიგა 1-ში ადგილის შენარჩუნებისთვის მებრძოლ "დილას" შორის.</p><p>თბილისელებმა თავისი მიზნის შესასრულებლად მეტად მნიშვნელოვანი სამი ქულა ცენტრალური მცველის ლაშა თოთაძის დუბლის წყალობით აიღეს.</p><p>რასაკვირველია, განსაკუთრებით ამ ფეხბურთელის მიერ გატანილი მეორე, ანუ გამარჯვების გოლია გამოსარჩევი, როდესაც თოთაძემ საჯარიმო დარტყმისას ძალიან შორიდან - ქვემეხივით გაისროლა და მთელი მატჩის განმავლობაში მშვენივრად მოთამაშე მუჯრიშვილს დიდებული გოლი გაუტანა.</p><p>"დინამომ" დასაწყისიდანვე აქცენტი ბურთის ფლობასა და მოედნის ცენტრში დომინირებაზე გააკეთა, თუმცა "დილა" საკუთარ ნახევარზე ყურადღებით თამაშობდა და მოწინააღმდეგეს საჯარიმოსთან მიახლოების საშუალებას არ აძლევდა.</p><p>სწორედ ამ დროს დაარტყა თოთაძემ პირველად შორეული საჯარიმო დარტყმა, ოღონდ, აქ მუჯრიშვილს არ გასჭირვებია გუნდის გადარჩენა.</p><p>თავის მხრივ, გორელები სწრაფი კონტრიერიშებით აპირებდნენ მოწინააღმდეგის შეწუხებას. სიმწვავეც არ აკლდა მათ მოქმედებას, ერთხელ გოლიც გაიტანეს (ნონიკაშვილი), რომელიც რეფერიმ ჯერ ჩათვალა, თუმცა მერე გააუქმა და ტრიბუნებიდან პასუხად გვარიანი ქოქოლა მიიღო. აქვე აღვნიშნავთ, რომ მსაჯის გადაწყვეტილებებზე ხშირად აპელირებდნენ ორივე გუნდის ფეხბურთელები, მწვრთნელები თუ სამწვრთნელო შტაბები.</p><p>ტაიმის შუალედიდან თამაშის ტემპმა კიდევ უფრო იმატა. ორივე გუნდი სწრაფად ახორციელებდა იერიშებს და ორივე გუნდის კარებთან სახიფათო მომენტებიც ვიხილეთ. ერთხანს "დილამ" დროის არცთუ დიდ მონაკვეთში ზედიზედ რამდენჯერმე მწვავედ უჩხვლიტა "დინამოს". უფრო აქტიური იყო მათი შეტევის მარჯვენა ფლანგი, საიდანაც პედრინიო აწუხებდა თბილისელებს, მე-40 წუთზე კი ისევ ამ ფრთიდან უკვე გიორგი ფანცულაიამ ისარგებლა მცველების შეცდომით, კარგად შეიჭრა საჯარიმოში და ლიტოვჩენკოსაც აჯობა - 1:0.</p><p>მეორე ტაიმში, როგორც მოსალოდნელი იყო, სტუმრებმა მეტი მონდომებით შეუტიეს. ისინი დიდხანს ათამაშებდნენ ბურთს და ეძებდნენ კომბინაციათა დასკვნით ფაზაში უმჯობეს გზას ხეირის სანახავად.</p><p>პარალელურად გიორგი დარასელიას შეგირდები საკუთარი კარის უსაფრთხოებაზე გაათმაგებით ზრუნავდნენ და თან ცდილობდნენ თბილისელების შეცდომებზე ყოფილიყვნენ ჩასაფრებულნი.</p><p>გორელებს დაღლა უფრო ადრე დაეტყოთ. შეცვლების გზით ვითარების სათავისოდ დარეგულირებას დარასელიაც შეეცადა, მაგრამ კახა კაჭარავას გუნდი სულ უფრო დიდ დროს ატარებდა მეტოქის ნახევარზეც და კარის სიახლოვესაც.</p><p>შესაბამისად, იმატა გორელების ოფლისღვრამაც საკუთარი კარის უსაფრთხოებისთვის ზრუნვისას. 69-ე წუთზე დინამოელ ქოჩლაძეს ბრწყინვალე მომენტი შეექმნა, მას უბრალოდ მართებდა გატანა, თუმცა მუჯრიშვილი ამ შეხვედრაში კიდევ ერთხელ გაისარჯა შესანიშნავად.</p><p>ჩანდა, რომ მეტისმეტად უკანდახეულ მასპინძლებს კარის მშრალად შენახვა ძალიან გაუჭირდებოდათ და აქედან გამომდინარე, მოსალოდნელი გოლი კიდეც გავიდა. 82-ე წუთზე ქავთარაძემ პენალტი მოინადირა, ხოლო თოთაძემ მისი რეალიზებისას პირველად გაახარა თავისი ქომაგები - ანგარიშში სხვაობა გათანაბრდა.</p><p>გაშვებული გოლის მერე "დილა" გატყდა. გორელებს უაღრესად უჭირდათ მოწინააღმდეგის შეტევების გაძლება. მიუხედავად ამისა, თითქოს არალოგიკური არ იქნებოდა, რომ ქულა მაინც დარჩენოდათ მასპინძლებს, თუმცა თოთაძე ასე არ ფიქრობდა - გაისროლა და გორელებს ქულის გადარჩენის იმედიც მოუკლა.</p><p><span style="color: #3366ff;"><strong>მატჩის სტენოგრამა</strong></span></p><p>5" - თოთაძემ დაახლოებით 35 მეტრიდან საჯარიმო დარტყმა კარში კი გაგზავნა, მაგრამ მუჯრიშვილმა აიღო.</p><p>11" - ქარდავას შორეული დარტყმული სახიფათო გამოდგა, მაგრამ მუჯრიშვილი ამჯერადაც ზუსტად მოქმედებდა და კუთხურზე მოიგერია ბურთი.</p><p>16" - აბუბაქარის პასს კარგად გამოეხმაურა ნონიკაშვილი და გაიტანა კიდეც, ოღონდ, ხორავამ ჯერ ჩათვალა, შემდეგ თამაშგარედ მიიჩნია და გააუქმა გოლი.</p><p>20" - პედრინიომ სახიფათოდ ჩააწოდა და "დინამო" გადარჩა.</p><p>26" - გიორგი ფანცულაია სწრაფი კონტრშეტევისას პირდაპირ საჯარიმოს ხაზზე წააქციეს. სტუმართათვის მეტად სახიფათო სტანდარტი პედრინიომ მცირეოდენ არაზუსტად შეასრულა.</p><p>39" - დინამოელთა სახიფათო კუთხურისას მიქელთაძემ ვერ შეძლო "დილას" კარის აღება.</p><p>40" - გოლი! სტუმართა მცველებმა დაუშვეს შეცდომა, რის შედეგადაც ბურთი ფანცულაიამ მიიღო, რომელმაც ჩამოიშორა მეურვე და ლიტოვჩენკოს ფეხებშორის გაუტანა - 1:0.</p><p>69" - გორელი მცველების შეცდომამ ქოჩლაძეს მისცა გატანის ჩინებული შანსი, მაგრამ პირისპირ გასულმა გოლკიპერს ვერ აჯობა, ხოლო ქავთარაძემ ვერც მოგერიებულს დაამატა რიგიანად.</p><p>77" - კობოურის შორეული დარტყმა ასცდა მიზანს.</p><p>82" - გოლი! კარის სიახლოვეს ალექსანდრე კვახაძემ ქავთარაძე წააქცია. მსაჯმა უყოყმანოდ დანიშნა პენალტი, რაც თოთაძემ გოლად აქცია - 1:1.</p><p>85" - შულაიას ჩაწოდებული ბურთი მიქელთაძემ მიწაზე დაუშვებლად გაგზავნა კარისკენ და საკმაოდ ეფექტურ გოლსაც გაიტანდა, რომ არა მუჯრიშვილის ჩინებული რეაქცია.</p><p>90+3" - კარიდან დაახლოებით 35 მეტრში დანიშნული საჯარიმო თოთაძემ "ქვემეხივით გაისროლა" კარისკენ და თავის გუნდს 3 ქულა მოუტანა.</p><p><span style="text-decoration: underline;">19.10. გორი. თენგიზ ბურჯანაძე</p><p></span><em><strong>დილა-დინამო (თბ) 1:2</p><p></strong></em>1:0 ფანცულაია (40), 1:1 თოთაძე (83-პენ), 1:2 თოთაძე (90+3)</p><p>დილა (4-5-1): მუჯრიშვილი - აბუბაქარი (46. პაპავა), ფოფხაძე, კვახაძე, მორასი - კირკიტაძე, რაზმაძე, წიქარიძე (76. ფლავიო), პედრინიო, ნონიკაშვილი - ფანცულაია (71. მოდებაძე).</p><p>სათადარიგოები: ბეგაშვილი, ჰეიფორდი, ქარქუზაშვილი, აშორტია</p><p>მწვრთნელი: გიორგი დარასელია</p><p>დინამო (4-5-1): ლიტოვჩენკო - გეგეჭკორი, სალუქვაძე, თოთაძე, კობოური - შულაია (90. კუცია), ზარია (66. ქოჩლაძე), კიტეიშვილი, ქარდავა, მიქელთაძე - ქავთარაძე.</p><p>სათადარიგოები: რევიშვილი, მიშენკო, ლილუაშვილი, ალიუ, ნინუა</p><p>მწვრთნელი: კახა კაჭარავა</p><p>გაფრთხილება: კვახაძე (82), შულაია (89)</p><p>არბიტრი: ჯ. ხორავა</p><p>(იბეჭდება მცირე ცვლილებით)</p><p><strong>ყოველდღიური სპორტული გაზეთი "ლელო"</strong></p>
Dragonfly
მიმოხილვაში რომ მოუსმინე ამ მწვრთნელის მატჩის შემდგომ კომენტარს ეს თუ ასე ელაპარაკება ფეხბურთელებს კიდევ კარგად თამაშობენ მაშინ
Max Kurtis
მეკარეები :-) სისწრაფეები :-) ან დინამო ან დილა :-)
გია
თუ თვლი რომ დინამოს მოაგებინეს ალბატ გორელთა მეკარემ პირველ რიგში
gori 2
დილას ეს შეხვედრა არ წაუგია - წ ა ა გ ე ბ ი ნ ე ს ! გუცაევი დიდი ფეხბურთელი იყო და ცოტათი სიმულიანტი. "დინამოს" დღევანდელი თავდამსხმელები კი - ცოტათი ფეხბურთელები არიან და ამასთან დიდი სიმულიანტები. ყველაფერი "ზემოთ" წყდებაა? გვინდა კი ესეთი ჩემპიონიი???
sircxvili
უნიჭოდ დადგმული სპექტაკლი....
Jango
gio გინდ დააყენე ,გინდა დააწვინე,ჩემპიონი შეიძლება იყოს ან სამტრედია ან დინამო,ტორპედო ამისათვის არაა მზად,ეს მოცემულობაა რომლის დანახვაც ბევრს არ უნდა. რატომ სამტრედია? იმიტომ რომ ისეთი ფეხბურთელები ჰყავს ახლა რომ თუკი არავის გაუშვებს მაშინ გაისად ზაფხულისათვის სუპერ შეთამაშებული კლუბი იქნება. ეგაა რომ მენეჯმენტი ჰყავს არაპროფესიონალი და ფული აკლია ცოტა. რატომ დინამო? იმიტომ რომ რესურსი აქვს ყველანაირი გაძლიერების და 500 000 ლარად არაა ნაყიდი... რატომ არა ტორპედო? იმიტომ რომ რაც ახლა არიან ამაზე მეტი არ იქნებაინ თუ არ გაძლიერდნენ ძალიან მნიშვნელოვნად, რის გაკეთებასაც მისი მეპატრონე რომელმაც ასე იაფად იყიდა კლუბი, გაკეთებას არ აპირებს,გამკეთებლი გააკეთებდია რადგან როგორც სამტრედისი მაგალიტზე აღმონდა 3-4 თევში კლუბის საევროპოდ შეთამაშება ვერა და ვერ ხდება ქართულ პიორბებში,ეს აქსიომაა უკვე. ეგაა და ეგ.
gio
იმედია დინამო მოიგებს მაგრამ რომც ვერ მოიგოს არა მგონია ტორპედომ წინ გაუშვას. პირად მე სამტრედიის ჩემპიონობას ეჭვს ქვეშ დავაყენებდი
Jango
თუ სამტრედიამ ვერ მოუგო დინამოს 23-ში,მაშინ დინამოს ჩემპიონობა უკვე გადაწყვეტილი საქმეა.იმედი ვიქონიოთ რომ სამტრედიელები (მხოლოდ ფეხბურთელებზე და მწვრთნელზე ვამბობ) შეეცდებიან მოგებას. ჰო აქვე დესერტად დავაყოლებ,ტორპედოსაც წაგებას ვუსურვებ მომავალ ტურში.
gio
ეგ სირცხვილი კი არა ამ პატარა ბიჭების გმირობაა.
bibo
რატო იწყება მიმოხილვა 38 ე წუთიდან და რატო არ იწყება მე-14 ე წუთიდან დაინახოს ხალხმა თამაშგარე იყო და 100% იანი გოლი არ ჩაუთვალეს დილას, მარა უბედურებაა ისაა რო არასდროს არაფერი არ გვეშველება. მაგიტომ არის ბატონებო რომ ევრო სარბიელზე შედეგი 0 რომ გვაქვს.
დინამო
ამ გუნდით რომ დინამო 1 ადგილზეა დიდი სირცვხილია! :( ფიფიას რას ერჩით აქ მაინც პირველზეა და ევროპაში ამინც ვერაფერს აკეთებს და ტყუილად რტო ხრჯოს ფული, ლოგიკურია სავსებით :(
ბოლო წუთების ფასი... "დილამ" და "სამგურალმა" მოიგეს, "იბერია 1999"-"გარეჯი" ფრედ დასრულდა
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
ფრე ქუთაისში... და "თელავის" მოგება "გაგრასთან"
არისაბალაგა შეიძლება ფაბრეგასის გუნდში გადაბარგდეს
დუდუ დადიანის მემორიალზე ნახევარფინალისტები დაწყვილდნენ
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
Le Parisien-ი კვარაცხელიას ტრავმის შესახებ ინფორმაციას ავრცელებს
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
იური ტაბატაძე შეცვალეს - "კადისი" "სეუტასთან" ფრეს დასჯერდა
ლოჩოშვილმა ტრავმა მიიღო - "ნიურნბერგი" სახლში "ჰერტასთან" განადგურდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" გიულერის თაობაზე ორი კლუბი დაუკავშირდა - "სამეფო კლუბმა" გადაწყვეტილება მიიღო
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
[VIDEO] სათადარიგოთა სკამიდან შევიდა და ყველაზე შედეგიანი იყო - შერმადინის მაგარი მატჩი "რეალთან"
ფრე ქუთაისში... და "თელავის" მოგება "გაგრასთან"
ლუის ენრიკემ კვარაცხელიას ტრავმაზე კომენტარი გააკეთა
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ
"უოტფორდმა" ჩიქოვანის ტრანსფერი დეტალების გარეშე დაადასტურა
ლევან სალუქვაძე: ამ სიტუაციას არ უნდა მოჰყვეს ზედმეტი დაძაბვა
[VIDEO] ლორიას საოცრება - "დინამოს" მეკარემ "იბერიასთან" შეხვედრაში ბრწყინვალე "სეივი" შემოგვთავაზა
ქართველი მეკარე ესპანურ გუნდში გადავიდა
იმერული დერბი თბილისში "სამტრედიამ" საეჭვო პენალტით მოიგო [VIDEO]
იმედია, ყველა არ გავარდება - დღეს ქართულ კლუბებს განმეორებითი მატჩები აქვთ
ლეგიონის უქმეები: ჯანოს დებიუტი და გოლები რუსეთში, ირანში, ალბანეთსა და ლიეტუვაში [VIDEO]
ოთხიდან ოთხივე გავარდა - რა ვიხილეთ ქართული გუნდებისგან ევროტურნირებზე?
ლაშა თოთაძე "დინამოს" დაემშვიდობა და კარიერას ირანში გააგრძელებს
"2026 წლიდან, 10 წლის თავზე, დიდი ძალისხმევის შედეგად, სამართლიანობა იზეიმებს და "დინამო თბილისს" ექნება დაფინანსების სხვადასხვა წყარო" - რომან ფიფიას განცხადება
ეროვნული ლიგის XVII ტურის სიმბოლური ნაკრები Sportall.ge-ს ვერსიით
საბრძოლო ანგარიშებით საპასუხო მატჩებში - კონფერენს ლიგის მეორე რაუნდის პირველი შეხვედრების მიმოხილვა
რა გეგმა აქვს შუსტერს? - დღეს 2 ქართული კლუბი ითამაშებს
"დილამ" კვლავ მოიგო, "დინამო თბილისი"-"სამგურალი" ფრედ დასრულდა
დღეს სამი ქართული კლუბი ითამაშებს - წაგებით დავიწყეთ...
"უოტფორდმა" ჩიქოვანი "შარლერუაში" გაანათხოვრა
"სამტრედიამ" ახალწვეულების პრეზენტაცია მოაწყო
ლეგენდების მატჩი | დინამო V აიაქსი