"საქართველოს ნაკრების ფეხბურთელები ვერ ახდენენ საკუთარი თავის 100 %-ით რეალიზებას"

მსოფლიოს ჩემპიონატის განვლილი შესარჩევი ციკლის შეფასება საქართველოს ნაკრების ყოფილ წევრს, ვეტერან ფეხბურთელ ლადო ბურდულს ვთხოვეთ მსოფლიოს ჩემპიონატის შესარჩევი ციკლი უკვე ისტორიის კუთვნილებაა. ახლა წიწილების დათვლის დროა, თუმცა დასათვლელი ბევრი არც არაფერია.საქართველოს ნაკრებმა საკვალიფიკაციო ეტაპი მოგების გარეშე დაასრულა, რასაც სტარტის წინ ბევრი ვერ წარმოიდგენდა. განვლილი ციკლის შეფასება საქართველოს ნაკრების ყოფილ წევრს, ვეტერან ფეხბურთელ ლადო ბურდულს ვთხოვეთ...<div style="text-align: center;">პოზიტივი და ნეგატივი</div> - დავიწყოთ იქიდან, რომ შედეგი მიუღებელია და, შესაბამისად, მხოლოდ ამაზე დაყრდნობითაც შეგვიძლია ვთქვათ, რომ შესარჩევი ციკლი სუსტად ჩავატარეთ. და მაინც, მედალს ყოველთვის ორი მხარე აქვს.უარყოფითთან ერთად, იყო დადებითი მომენტებიც. დადებითით დავიწყებ. რამდენიმე თამაშში, მხოლოდ ფრაგმენტულად, ჩვენ ვნახეთ ისეთი საქართველოს ნაკრები, რომელიც მომავალში გვინდა, რომ ვნახოთ. დადებითი მომენტია ისიც, რომ შესარჩევმა ციკლმა გამოაჩინა რამდენიმე საინტერესო ფეხბურთელი. მაგალითად, ძალიან მომწონს ვაკო გვილიას თამაში...უარყოფითი არის შედეგი და ამით ყველაფერია ნათქვამი. არ ვიქნები ორიგინალური, თუ ვიტყვი, რომ შედეგი ფეხბურთში არის ყველაზე მთავარი და როცა არ არის ეს შედეგი, სხვა ყველაფერი უკანა პლანზე გადადის...აბა, ვკითხოთ გულშემატკივარს, არ ურჩევნიათ - საშინლად ვითამაშოთ ყველა შეხვედრაში და თუნდაც მინიმალური ანგარიშით, 1:0 მოვიგოთ?! ნაკრებსა და კლუბში მთავარი შედეგია.თბილისის აკადემიაში, რომელიც ახლახან ჩამოყალიბდა, ბავშვები გვყავს. ისინი სწავლობენ სწორ ფეხბურთს და ჩვენ მათ ვეუბნებით, რომ შედეგზე არ იფიქრონ, რომ არ დაარტყან ბურთი წინ უმისამართოდ და თუნდაც გოლი გაუშვან. ჩვენ მიზნად გვაქვს, ასე მივიყვანოთ ისინი ასაკობრივ ნაკრებამდე. კარგად ვითამაშეთ და წავაგეთ - ასეთი რამ ფეხბურთში არ არსებობს!<div style="text-align: center;">მთავარი ნაკლი</div> - მთავარ ნაკლად დავასახელებდი იმას, რომ საქართველოს ნაკრების ფეხბურთელები ვერ ახდენენ საკუთარი თავის 100 პროცენტით რეალიზებას. უნდა განვმარტო: არ ვგულისხმობ იმას, რომ ისინი თავს ზოგავენ და ბოლომდე არ იხარჯებიან. ამას გამოვრიცხავ!ვგულისხმობ იმას, რომ როცა დღეს სამ აჩქარებას აკეთებ, ვთქვათ - 100 მეტრზე, ხვალ მეტი უნდა მოსთხოვო საკუთარ თავს და 8-10 აჩქარება გააკეთო. მერე - ჩვენ ხომ ფეხბურთელები ვართ და არა - მორბენლები? სირბილი ერთია და მეორე ის, რომ რაღაც უნდა მოიგონო, კაცი მოატყუო, არაორდინარული პასი მისცე...ბევრი დიდი მწვრთნელისგან მსმენია და რაც ასაკში შევდივარ, მეც ვრწმუნდები, რომ თუ არ შეუძლია ფეხბურთელს კარგად თამაში, ის შემთხვევით კარგად ვერ ითამაშებს. ხომ გვაქვს გამონათებები? ესე იგი, სტაბილურად ასე თამაშიც შეგვიძლია.მაგალითად, როგორც ირლანდიასთან ვითამაშეთ, ისე რომ გვეთამაშა, შედეგი დღეს სხვა იქნებოდა და ვინ იტყოდა, რომ თამაშის ხარისხი იყო ცუდი? ანუ, ისევ მივდივართ სტაბილურობასთან...<div style="text-align: center;">ვაისის შესახებ</div> - სიმართლე გითხრათ, ვაისის მუშაობას ჯერ კიდევ იმ დროიდან ვაქცევ ყურადღებას და მომწონს, როცა ის წარმატებით წვრთნიდა სლოვაკეთის ნაკრებს, მსოფლიოს ჩემპიონატზეც ათამაშა და იტალიის ნაკრების დამარცხების შემდეგ, პლეი ოფშიც გაიყვანა...საქართველოს ნაკრებში მის ვარჯიშებსაც ვესწრები და უნდა გითხრათ, რომ მისი მუშაობა მომწონს. მას არ ჰყავს გუნდში ავტორიტეტები. და რაც ჩვენთვის ძალიან მნიშვნელოვანი ფაქტორია, იცის ფეხბურთელებთან მიდგომა...იმ გამონათებების მიხედვით, რაც წეღან ვახსენე, ვხვდები, რა უნდა ვაისს და საით მიჰყავს გუნდი. მეორე მხრივ, ერთია, რა მომწონს მე და მეორეა შედეგი. ნებისმიერ შემთხვევაში, მომავალ შესარჩევ ციკლში შედეგი უნდა იყოს უკეთესი. ამაზე ორი აზრი არ შეიძლება იყოს. დანარჩენი ფეხბურთის ფედერაციამ უნდა გადაწყვიტოს...<div style="text-align: center;">საუკეთესო და ცუდი მატჩები</div> - გამოვარჩევდი ირლანდიასთან თბილისურ მატჩს. ასევე კარგად ვითამაშეთ კარდიფში, უელსის წინააღმდეგ. კარგი იყო სერბეთთან საშინაო შეხვედრის პირველი ტაიმი... დანარჩენი იყო ჩავარდნა.ჩემი სუბიექტური აზრით, საქართველოს ნაკრებს ამ შესარჩევ ციკლში მეტი შეეძლო.<div style="text-align: center;">რთული მისია</div> - ერთა ლიგა ჩვენი შანსია, მაგრამ მისი ფორმატიდან გამომდინარე, არავის უნდა ეგონოს, რომ იოლი იქნება წარმატების მიღწევა. ფორმატი ისეთია, ბოლომდე დაგვჭირდება ჩვენი რესურსის მობილიზება. ისევ და ისევ სტაბილურობის პრობლემასთან მივდივართ, რომელიც აუცილებლად უნდა დავძლიოთ.ჯერ არ ყოფილა წილისყრა, მაგრამ ჩვენს კალათაში რამდენიმე ისეთი ნაკრებია, რომელსაც სუსტ მეტოქეს ნამდვილად ვერ უწოდებ. გზაც დიდია საბოლოო გამარჯვებამდე.ჯერ ჩვენი ჯგუფის მოგება იქნება საჭირო, მერე კი პლეი ოფში წარმატებით თამაში. დიდი იმედი მაქვს, შევძლებთ ამ შანსის გამოყენებას და ევროპის პირველობაზე გასვლას...<div style="text-align: center;">რესურსი</div> - ჩვენმა ახალგაზრდა ფეხბურთელებმა მეტი უნდა მოსთხოვონ საკუთარ თავს. ძალიან დიდი იმედი მქონდა ახალგაზრდული ნაკრების. ამ თაობას მეც ვაკვირდები და მასზე ყველა დიდ იმედს ამყარებს.ჩემთვის ძალიან მოულოდნელია ის შედეგი, რაც სამი მატჩის შემდეგ გვაქვს...ვფიქრობ და ვერ მიპოვია მიზეზი. ერთადერთი, რაზეც ვჩერდები, ეს არის - ამ მართლაც ნიჭიერმა მოთამაშეებმა ნაადრევად ირწმუნეს, რომ უკვე შემდგარი ფეხბურთელები არიან. მათ ჯერაც აქვთ საკმარისი დრო იმისთვის, რომ საკუთარ თავს ჩაუღრმავდნენ და ღირებულებები გადააფასონ.ქართულ ფეხბურთს მომავალი რომ აქვს, ამაში ვერავინ გადამარწმუნებს. უბრალოდ, ჩვენ ყველამ მაქსიმუმი უნდა მოვთხოვოთ საკუთარ თავს.(იბეჭდება მცირე ცვლილებით)ყოველდღიური სპორტული გაზეთი "ლელო"

ziz

იმისთვის რო გყავდეს ნაკრების 11 ფეხბურთელი, კარგი მოთამაშე უნდა გყავდეს დაახლოები 25-30. იმისთვის რო მიიღო ეს 25-30 უნდა გყავდეს საშუალო 100-150. იმისთვის რო აარჩიო საშუალო 150, წელიწადში უნდა მიიღო 500 კარგი 15-16 წლიანი. ეხლა შევხედოთ რა ხდება ბავშვებში - წადით და ნახეთ ბავშვთა მწვთნელები რა ხალხია, დედას აგინებენ ბავშვებს, "ასნავნოიში დაყენება" არი კორუფციისა და ნეპოტიზმის სავანე!.. ჩვენ რასაც ვხედავთ ნაკრების "სასტავს" არი სამი კატეგორიის ხალხი: 1. მაგარი ნიჭიერები - ბავშვთა მწვრთელი მიხვდა მის ნიჭს და თავის ფაორიტად გაიხადა (გაიზდება და მარჩენსო). 2. მაგარი პატრონიანი და საშუალო ნიჭიერები - სუ "ასნავნოიში" აყენებდენ და ისწავლა/გაითავისა 3. საშუალო ნიჭის- თავგადაკლული მშრომელები - გინებაც აიტანეს, სკამზე ჯდომაც, "ბანძ" გუნდში თამაშიც და მაინც მიაღწიეს თავისას. თან ჩვენ ვხედავთ იმ ნაწილს დაახლოებით 20% რომელიც გადაურჩა ტრავმებს -ეგაა ცალკე თემა, მანდაა მწვთლების კვალიფიკაცია (შტერულად ავარჯიშებენ და ტრავმას იღებს ბავშვი), მანდაა სპორტული მედიცინა-"პატარა ტრავმაა დაიკიდე" და 1 წელში ბავშვი იკარგება. და ბევრი ბავშვი უბრალოდ თავმოყვარეობის გამო ანებებს თავს
გულშემატკივარი

და რა იცით რომ არ იდება ბავშვთა ფეხბურთში ფული,საბედნიეროდ არსებობს მაგარი ადამიანი,რომელიც სწორედ იმ 11-12 წლის ბავშვებს რომლებსაც ლადო წვრთნის, 100%-ით აფინანსებს, ბავშვებს აქვთ საუკეთესო სავარჯიშო პირობები, ჰყავთ მაღალკვალიფიციური მწვრთნელები. ბავშვებს მხოლოდ ის ევალებათ,რომ არ იზარმაცონ, ბევრი იშრომონ და ხარისხიან ფეხბურთელებად ჩამოყალიბდნენ.საქართველოში ღმერთმა გვიმრავლოს ისეთი ადამიანები, როგორიც ბექა ბოლოთაშვილია და მჯერა რომ ქომაგები ქართული ფეხბურთით ისევ ვიამაყებთ!!!
qomagi

lado shenairebma unda avarjishos 10,12 tlis bavshvebi, anu kvelam tavisi sakme unda aketes am kvekanashi, shefasebashi kvela magrebi xart, sakmis ketebashi O.
status quo

მოსაბეზრებელია ამდენი ანალიზი და ჭკუისსწავლება არაფრით გამორჩეული ყოფილი ფეხბურთელებისაგან,საქმეზე გადადით და რამე გააკეთეთ.სსფ-ს პრეზიდენტს საქმისთვის არ სცალია, პარლამენტშია და იქაც რას აკეთებს თვითონაც არ იცის....
Gio

ერთი და იგივე ყოველი შესარჩევის დასრულების შემდეგ, "ჩვენ გვყავს ნიჭიერი ფეხბურთელები მაგრამ მაინც ჩავისვარეთ, შემდეგ შესარჩევში იმედი მაქვს აღარ ჩავისვრით" ამ უაზრო კომენტარებს ხომ ხედავთ რომ "ჩვენი ფეხბურთელები ვერ ახდენენ საკუთარი თავის 100%რეალიზებას " ხო და ეგ ფული ჩადევით ბავშვთა ფეხბურთში,ბავშვებმა 13-14 წლამდე ივარჯიშონ უფასოდ და ძალიან მალე შედეგიც იქნება!! საქართველოს ჩემპიონატის კლუბებს რომ აფინანსებთ მილიონობით და ამ არ შემდგარ მწვრთნელ-ფეხბურთელებს პენსიას რომ უხდით ტყვილად ბავშვთა ფეხბურთი და იფრასტრუქტურა დააფინანსეთ !!!

თუ დღეს კიდევ დამარცხდებიან, ეს ამბავი ბულგარული ფეხბურთის ისტორიაში მეორედ მეოხდება - საქართველოს ნაკრები დღევანდელი მეტოქის კიდევ ერთ მწვრთნელს იმსხვერპლებს?

"მეტოქეს 5 ან მეტი ბურთით მოვუგებთ და ჯგუფში გავასწრებთ? - მოდით, რეალისტები ვიყოთ..." - რას წერს ბულგარული მედია საქართველოსთან მატჩამდე

წლის ბოლო მატჩის დღე სატურნირო მოტივაციის გარეშე!..

მარსელო ბროზოვიჩი შესაძლოა, სერია A-ში დაბრუნდეს

ლუკმენი თურქეთში წავა? - "გალათასარაი" მორიგ ხმაურიან ტრანსფერს გეგმავს

ენდრიკი მეტი სათამაშო დროის გამო "რეალიდან" მიდის - ფრანგულ გუნდთან ყველაფერი შეთანხმდა

რატიშვილი საბერძნეთში, ვართანოვი – რუმინეთში | ქართველები ფიბა ევროპის მატჩებზე

პსჟ მცველს ხელშეკრულებას გაუხანგრძლივებს და გასამრჯელოსაც მოუმატებს

გატუზო: ჭრილობებს ვიშუშებთ, ბოდიშს ვიხდით

"ბორჯღალოსნები" | გადამწყვეტი რკენა წლის ბოლო მატჩში

"ზურაბ ზვიადაურს საპროცესო შეთანხმება გაუფორმდა და საპატიმროს მარტის ბოლოს დატოვებს" - რას აცხადებს ადვოკატი

ჩაკვეტაძე უკვე გუნდთან ერთად ვარჯიშობს

მაკფადენი დაბრუნდა - საქართველოს ნაკრების 24-კაციანი შემადგენლობა ცნობილია

"ბარსელონა" ერიკ გარსიას კონტრაქტს გაუხანგრძლივებს

"მუდამ მსუქანსა და უდისციპლინოს მეძახდნენ, მე გამძლეობის მაგალითი ვარ" - ლუის სუარესი

"მესი თუ რონალდო?" - ლინეკერმა არჩევანი გააკეთა

ეს ნაცნობი დე ლაურენტისია - აურელიო კონტეს ემშვიდობება, თანაც უფასოდ

"იძულებული ვარ, მივმართო საზოგადოებას" - მორაგბე ლაშა ლომიძე მიმართვას ავრცელებს

[VIDEO] ბითაძის 16 წუთი "ჰიუსტონთან" - "ორლანდო" ოვერტაიმში დამარცხდა

ნორვეგიამ იტალიას თამაში შემოუტრიალა და მუნდიალზე გავიდა

შენგელიას 14 ქულა, 7 მოხსნა და გამარჯვება ყოფილ გუნდთან

შერმადინმა ესპანეთის უმაღლეს ლიგაში მე-2000 ბურთი მოხსნა

[VIDEO] მაგიური დუელი ტურინში - სინერმა ალკარასი დაამარცხა

მიქაუტაძემ ვარჯიში დაიწყო და ალბათ, "მალიორკასთან" ითამაშებს

"ისეთები გვითხრა, მზად ვიყავით რუსეთის ნაკრები შეგვეჭამა!" - ლადო ბურდულმა მოჰყვა, როგორ აუმაღლა ივო შუშაკმა მოტივაცია საქართველოს ნაკრების ფეხბურთელებს რუსეთთან მატჩამდე

ნაკრები სოფიაში დანაკლისით ჩავიდა | 17 ნოემბრის განრიგი

ლადო ბურდული: ძალიან არ მსიამოვნებს ამის თქმა, მაგრამ "ყარაბაღი" ფავორიტია...

ლადო ბურდული: შეიძლება, ფეხბურთელებს ეს აღარც ახსოვდეთ...

[სპეციალისტის აზრით] "ჩიხურამ" და "ბათუმმა" კარი როგორმე "მშრალად" უნდა შეინახონ

"ზოგიერთს უნდა ახსოვდეს, რომ ეს საქართველოს ნაკრებია და არა მისი პირადი საკუთრება"

წლის ბოლო მატჩის დღე სატურნირო მოტივაციის გარეშე!..

ქართველები ვარსკვლავთა მატჩში - სავარაუდო შემადგენლობა

სანიოლი: ექსპერიმენტები არ იქნება, მაგრამ საქმეში ყველას ნახვა საჭიროა

კიტეიშვილი: ამ შეკრებაზე მიზანი განსაკუთრებით იგრძნობა