<p>სუპერლიგა: "დინამო" "ოლიმპთანაც" დამარცხდა და ლიდერობა დაკარგა <br> “დინამო თბილისს” ჩავარდნა აქვს. 2018 წელს გამართული 3 მატჩიდან საქართველოს მოქმედმა ჩემპიონმა ყველა წააგო, რაც სუპერლიგაში ლიდერობის დაკარგვად დაუჯდა. ირაკლი ხოშტარიას გაწვრთნილი დინამოელები დღეს თბილისის ოლიმპიურ სასახლეში “ოლიმპს” შეხვდნენ და უხეიროდ ჩატარებული ბოლო პერიოდის გამო მატჩი 9 ქულით – 58:67 დათმეს.</p><p>ეს გახლდათ დინამოელთა ზედიზედ მე-3 მარცხი – ხოშტარიას გუნდმა 8 იანვარს “მგზავრებთან”, 12 იანვარს – “ბათუმთან” და დღეს “ოლიმპთან” წააგო. არადა, მოქმედ ჩემპიონს თითქოს არაფერი ემუქრებოდა. დინამოელებმა მეტოქის წინააღმდეგობა დაძლიეს და მესამე პერიოდის ბოლოსთვის 8 ქულით დაწინაურდნენ – 47:39.</p><p>“ოლიმპის” მოთამაშეებმა გადამწყვეტ პერიოდში ძალიან მოინდომეს, მათ დინამოელთა შეცდომებიც დაეხმარათ და სუპერლიგის უპირატესობიდან 2 წუთში აღარაფერი დარჩა. ამერიკელი ლეგიონერის – მორის ჰილის, მერაბ ბოქოლიშვილის, რევაზ როგავას და ახალწვეული ჰამედ ალის შედეგიანობით “ოლიმპმა” ხელჩასაჭიდი ლიდერობა მოიპოვა, რომელიც თამაშის ბოლომდე ისე შეინარჩუნა, ვითარება არც დაძაბულა. გამარჯვებულებს 26 ქულით მორის ჰილმა ულიდერა. ბოქოლიშვილის ანგარიშზე 14 ქულა დაგროვდა, ხოლო რევაზ როგავამ ოლიმპელებს 10 ქულა და 5 პასი შესძინა. “დინამოში” 13 ქულით და 11 მოხსნით ილია ლონდარიძე გამოირჩა. 14 ქულა ლაველ ბოიდის ანგარიშზეა.</p><p>ლეონიდ ივატინისა და დავით როგავას გაწვრთნილმა ოლიმპელებმა უმნიშვნელოვანესი გამარჯვება იზეიმეს. მათ ახლა 9 მოგება და 5 მარცხი აქვთ და ანალოგიური შედეგის მქონე “რუსთავთან” ერთად ლიდერების – “ქუთაისისა” და “დინამოს” ზურგსუკან არიან. რაც შეეხება ლიდერს, ის დღევანდელი მატჩის შემდეგ შეიცვალა. დაკარგული ქულებით პირველ ადგილზე 3 წაგების მქონე “ქუთაისია”, ხოლო დინამოელებმა ჩემპიონატში მე-4 მარცხი დღეს განიცადეს და მეორე ადგილზე გადაინაცვლეს.</p><p>სუპერლიგის მორიგი მატჩები 19 იანვარს – რუსთავსა და ქუთაისში გაიმართება. ქვემო ქართლში სათამაშოდ “მგზავრები” ჩავა, ხოლო იმერეთს დღევანდელი მატჩის ტრიუმფატორი “ოლიმპი” ესტუმრება.</p><p>მატჩისშემდგომი კომენტარები:</p><p><strong>ირაკლი ხოშტარია – „დინამოს“ მთავარი მწვრთნელი:</strong></p><p>„ფაქტია, რომ ბოლო თამაშები ჩავაგდეთ. სამწუხაროდ, ზედიზედ წაგებები გრძელდება, თუმცა ახლა ჩვენი ამოცანაა, ზუსტად გავაანალიზოთ, რა არის ამის მიზეზი. მთელი სეზონი წინაა და მთავარია, კარგად მოვემზადოთ შემდეგი თამაშებისთვის. რთული პერიოდი გვიდგას, მაგრამ, იმედი მაქვს, გამოვასწორებთ თამაშს და შევძლებთ, ვიყოთ ისევ ლიდერებში.“</p><p><strong>დავით როგავა – „ოლიმპის“ მწვრთნელი:</strong></p><p>„პირველ რიგში, მინდა, დიდი მადლობა გადავუხადო ბიჭებს ამ თამაშისთვის. რაც შეეძლოთ, ყველაფერი გააკეთეს. „დინამო“ მიმდინარე სუპერლიგის ფავორიტია და ვიცოდით, რომ რთული თამაში გვექნებოდა. გარდა ამისა, გვაკლია სასტარტო ხუთეულის სამი მოთამაშე, ასევე ახალგაზრდა მოთამაშეები და მიუხედავად ამისა, ბიჭებმა ყველაფერი გააკეთეს. ვეცდებით, მომდევნო თამაშებისთვისაც სათანადოდ მოვემზადოთ.“</p><p><strong>მომზადებულია GBF.GE-ს მიხედვით</strong></p>
დუდუ დადიანის მემორიალზე ნახევარფინალისტები დაწყვილდნენ
დუდუ დადიანის მემორიალის 24-ე გათამაშება ოლიმპიურ სასახლეში დაიწყო
ასაკობრივი ჩემპიონატების მონაწილე გუნდებთან სამუშაო შეხვედრა გაიმართა
იამალი ოქტომბერში საქართველოს წინააღმდეგ ვერ ითამაშებს? - "ბარსელონამ" ესპანეთის ფეხბურთის ფედერაციას მიმართა
არისაბალაგა შეიძლება ფაბრეგასის გუნდში გადაბარგდეს
დუდუ დადიანის მემორიალზე ნახევარფინალისტები დაწყვილდნენ
ბოლო წუთების ფასი... "დილამ" და "სამგურალმა" მოიგეს, "იბერია 1999"-"გარეჯი" ფრედ დასრულდა
პსჟ-სთან მატჩამდე "ბარსელონამ "სოსიედადი" დაამარცხა და გალიდერდა
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
Le Parisien-ი კვარაცხელიას ტრავმის შესახებ ინფორმაციას ავრცელებს
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
იური ტაბატაძე შეცვალეს - "კადისი" "სეუტასთან" ფრეს დასჯერდა
ლოჩოშვილმა ტრავმა მიიღო - "ნიურნბერგი" სახლში "ჰერტასთან" განადგურდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" გიულერის თაობაზე ორი კლუბი დაუკავშირდა - "სამეფო კლუბმა" გადაწყვეტილება მიიღო
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ
"ბათუმმა" "დინამო" დაამარცხა და სუპერლიგაში გალიდერდა
"ქუთაისმა" "ოლიმპი" ისევ ბოლო წამებზე დაამარცხა
თსუ-მ "დინამო" დაამარცხა და სუპერლიგის პირველი წრე პირველ ადგილზე დაასრულა
"ქუთაისმა" ფინალური სერია გამარჯვებით გახსნა
ოლიმპმა ქუთაისი დაამარცხა და სუპერლიგის ლიდერს გაუთანაბრდა
"ქუთაისი 2010" საქართველოს ჩემპიონი მეორედ გახდა
თასის გათამაშების პირველი მეოთხედფინალისტები "დინამო" და "ოლიმპი" არიან
"ცხუმ-აფხაზეთმა" "დინამოს" სძლია და ჩემპიონის ტიტულს "რუსთავთან" დაიცავს
"კავკასიამ" და "რუსთავმა" იმარჯვეს და სუპერლიგის ლიდერ "ოლიმპს" გაუთანაბრდნენ
სუპერლიგის ტური "ქუთაისისა" და "დინამოს" გამარჯვებით დასრულდა
საქართველოს თასის გათამაშება დაიწყო
"ქუთაისმა" "ოლიმპს" კვლავ მოუგო და სუპერლიგის ჩემპიონობას მიუახლოვდა