<p>"ბორჯღალოსანთა" სამწვრთნელო შტაბმა 2018 წლის რაგბი ევროპის ჩემპიონატის დასკვნითი, ფინალური მატჩისთვის 23-კაციანი შემადგენლობა დაასახელა.</p><p><strong><span style="color: #3366ff;">ორი თასი</span></strong></p><p>18 მარტს <strong>მილტონ ჰეიგის</strong> შეგირდებს "დინამო არენაზე" ორი თასი აქვთ დასაბრუნებელი. შარშან ბუქარესტში, რუმინეთმა მინიმალური სხვაობით იმარჯვა (8:7) და "ბორჯღალოსნებთან" 7-მატჩიანი მოუგებელი სერია შეწყვიტა, რითაც რაგბი ევროპის ჩემპიონის ტიტული და ჩვენს შორის საზიარო ანთიმოზ ივერიელის სახელობის თასი თავისთან დაიტოვა.</p><p>შარშანდლამდე, უკანასკნელი 6 წლის განმავლობაში (2011-2016) ეს ორივე თასი საქართველოში იზამთრებდა და ახლა "ბორჯღალოსნების" უმთავრესი მიზანი მათი შინ დაბრუნებაა.</p><p>ამისათვის ერთი მარტივი გზა არსებობს - თამაშის მოგება. ეს ერთადერთი გზაა "ანთიმოზ ივერიელის" თასის შინ დასაბრუნებლად. საქართველო და რუმინეთი, საზიარო თასისთვის 2002 წლიდან იბრძვიან და დღემდე "ბორჯღალოსნებმა" ის 10-ჯერ, ხოლო რუმინელებმა 6-ჯერ მოიგეს. საკუთარი გულშემატკივრის წინაშე "ბორჯღალოსნები" მოედანზე ორივე თასის დაბრუნებისთვის იბრძოლებენ!</p><p><ul> <li><a href="/ragbi/erovnuli-nakrebi/116482-milton-heigi-da-giorgi-nemsadze-tituli-dasabrunebelia-erthad-vimgheroth-saqarthvelos-himni.html" target="_blank" style="font-size: 12.16px;"><strong><span style="color: #0000ff;">მილტონ ჰეიგი და გიორგი ნემსაძე: ტიტული დასაბრუნებელია, ერთად ვიმღეროთ საქართველოს ჰიმნი!</p><p></span></strong></a></li> <li><a href="/ragbi/erovnuli-nakrebi/116484-rumineltha-thavkaci-saqarthvelos-nakrebthan-thamashebs-yovelthvis-gansakuthrebuli-mnishvneloba-aqvs.html" target="_blank" style="font-size: 12.16px;"><strong><span style="color: #0000ff;">რუმინელთა თავკაცი: საქართველოს ნაკრებთან თამაშებს ყოველთვის განსაკუთრებული მნიშვნელობა აქვს</span></strong></a></li> </ul></p><p><strong><span style="color: #3366ff;">ნაცადი შემადგენლობით</span></strong></p><p>გასულ შაბათს კრასნოდარში რუსეთთან 29:9 მოგების შემდეგ, ჰეიგმა შემადგენლობაში ერთი ცვლილება განახორციელა.</p><p>პირველ ხაზში <strong>ანტონ ფეიქრიშვილის</strong> ნაცვლად ბრუნდება ბურჯი <strong>ლევან ჩილაჩავა</strong>. ის <strong>მიხეილ ნარიაშვილსა</strong> და <strong>შალვა მამუკაშვილს</strong> შეუწყვილდება. წლევანდელ რაგბი ევროპაზე ამ სამეულმა ორი თამაში დაიწყო - გერმანიასთან და ესპანეთთან. პირველი ხაზის მარქაფაში ის სამეულია, რომლებმაც კრასნოდარში ითამაშეს - <strong>ბადრი ალხაზაშვილი</strong>, <strong>კახა ასიეშვილი</strong> და <strong>გიორგი მელიქიძე</strong>.</p><p>უცვლელი დარჩა შერკინების მეორე და მესამე ხაზი. გუნდის კაპიტან <strong>გიორგი ნემსაძეს</strong> კვლავ <strong>ნოდარ ჭეიშვილი</strong> შეუწყვილდება, ფლანკერები <strong>კოკი თხილაიშვილი</strong> და <strong>ვიტო კოლელიშვილი</strong> არიან, ხოლო შერკინების შემკვრელი <strong>ლაშა ლომიძეა</strong>.</p><p>უცვლელი დარჩა ღერძი და უკანა ხაზი. 9-10 ნომრებზე შესაბამისად <strong>ვასილ ლობჟანიძე</strong> და <strong>ლაშა ხმალაძე</strong> იდგებიან; ცენტრში <strong>გიორგი კვესელაძე</strong> და <strong>დავით კაჭარავა</strong>, ხოლო ფრთებზე <strong>ანზორ სიჭინავა</strong> და <strong>სოსო მათიაშვილი</strong>.</p><p>ფულბეკი <strong>მერაბ კვირიკაშვილია</strong> 18-ში თავის 110-ე კეპს მოიხვეჭს და მსოფლიოს მასშტაბით, ნაკრების კვართით ჩატარებული მატჩების რაოდენობით 25-ე პოზიციამდე აღზევდება. ამავე სიაში 28-ე ადგილზე დაწინაურდება კაჭარავა, რომელსაც "მეკოზე" ერთით ნაკლები კეპი აქვს.</p><p>მეორე ხაზის მარქაფაში <strong>შალვა სუთიაშვილია</strong>, მესამე ხაზს <strong>მიხეილ გაჩეჩილაძე</strong> გააძლიერებს, 9 ნომერზე <strong>გელა აფრასიძე</strong> შევა, ხოლო ხაზში <strong>ლაშა მალაღურაძე</strong> და <strong>ალექსანდრე თოდუა</strong>.</p><p><strong><span style="color: #3366ff;">სტატისტიკა, თამაშები და ქულები</span></strong></p><p>რუმინეთს პირველად 20 წლის წინ (1998), დუბლინში (ირლანდია) 1999 წლის მსოფლიო თასის შესარჩევში ვეთამაშეთ და გამარჯვება მეტოქეს დარჩა (27:23), 2000 წლიდან კი, "სტეჟარს" რაგბი ევროპის ჩემპიონატზე რეგულარულად ვხვდებით.</p><p>სტატისტიკას თუ გადავხედავთ, ურთიერთშეხვედრების პირველ ნახევარში უპირატესობა მეტოქის მხარეს იყოს. პირველ 9 წელიწადში, 2006 წლამდე, 7-ჯერ გამარჯვება მეტოქეს დარჩა, ჩვენ კი მხოლოდ 2-ჯერ ვიმარჯვეთ - 2001 წელს ბუქარესტში 31:20 და 2005 წელს ეროვნულზე 20:13.</p><p>2007 წლიდან სიტუაცია რადიკალურად შეიცვალა და რუმინეთი 9-ჯერ დავამარცხეთ, ერთი შეხვედრა ფრედ დავასრულეთ, ორი თამაში კი მეტოქის სასარგებლოდ დასრულდა.</p><p>"სტეჟარს" სარეკორდო სხვაობით 2016 წელს, "დინამო არენაზე" მოვუგეთ. ბორჯღალოსნებმა გაიტანეს ერთი მატჩისთვის რეკორდული - 6 ლელო, თავად ლელო არ მიუღიათ და ლამაზ სტილში, 38:9 იმარჯვეს. საქართველომ რუმინეთთან ყველაზე მნიშვნელოვანი გამარჯვება 2011 წლის მსოფლიო თასზე, პამერსთონში (ახალი ზელანდია) მოიპოვა - 25:9, რაც იმ დროისთვის სარეკორდო სხვაობა იყო.</p><p>სულ რუმინეთი 21 შეხვედრიდან დავამარცხეთ 11-ჯერ, ხოლო ერთი მატჩი ფრედ დასრულდა. ლელოთა თანაფარდობა 34/30-ზეა ჩვენს სასარგებლოდ, ქულების - 392:356.</p><p><img src="pictures/artimages/original/1f0e992a90fc9911e6ea6d63c959bc20.jpg" border="0" alt="Sportall.Ge" title="საქართველო VS რუმინეთი - ორივე თასის დასაბრუნებლად!" /></p><p><strong>მომზადებულია rugby.ge-ს მიხედვით</strong><br></p>
დიდი ბრიტანეთიდან.
ვფიქრობ დროა ანთიმოზ ივერიელის სახელობის თასის ბოლო გათამაშება ჩატარდეს სტეჟართან და ამაგვარ სახელობის თასის გათამაშება ორი გუნდისთვის რაგბის უფრო მაღალ დონეზე ჩავატაროთ მომავალში,თუ კი დაგვთანხმდებიან,ვთქვათ ექვსი ერის ან სხვა ქრისტიანული ქვეყნის ,მუხის ფოთლებზე უფრო ძლერი გუნდთაგანი ,ვთქვათ,სამყურებთან ან წითელ ურჩხულებთან ,ან ფირუზისფერებთან,ან ვოლაბებთან თუნდაც პუმა ,ოლბლექსთან,უფრო წაგვადგება დონის ასამაღლებლად. ...შევთავაზოთ ორი მატჩის ჩატარება ამგვარ გუნდებს წლის განმავლობაში,ორივე ქვეყნის სახსრებით,საერთაშორისო რაგბის ფედერაციების მიღმა ან შეთანხმებით მათთან კომერციული დივიდენდებით ყველასათვის,ვცადოთ,რას ვკარგავთ.....მცდელობით.ნებისმიერი ცდა,ბედის მონახევრეა და უმოქმედობა კი გარდაცვლაა არაფრობაში.
გვაქვს თუ არა რეგრესი? - "ბორჯღალოსნების" მიერ გამართული ივლისის ტესტების შეჯამება
მეცხრე ადგილი მსოფლიო ჩემპიონატზე - საქართველომ შოტლანდია დაამარცხა
მარცხი მოსალოდნელი შედეგით - საქართველოს ნაკრები სამხრეთ აფრიკასთან დამარცხდა
პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა
პირველი ტაიმის შემდეგ საქართველოს ნაკრები ბულგარეთს 2:0 ამარცხებს
მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო
კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია
ოფიციალურად: "კოლოსმა" ზურაბ რუხაძე წარადგინა
ტიაგო მოტამ შესაძლოა, ბუნდესლიგის ბინადარი გუნდი ჩაიბაროს
როდრიმ მისი აზრით "ოქროს ბურთის" ორი ფავორიტი დაასახელა
"სექსის დროს არ მინახავს, არ იცოდა, რომ კამერებზე წვდომა მქონდა..." - როგორ გაიგო ღალატის შესახებ არგენტინელი ვარსკვლავის მეგობარმა გოგონამ
ფრენკ ლამპარდი შესაძლოა, სამუშაოდ პრემიერ ლიგაში დაბრუნდეს
ქოჩორაშვილი: აქამდე სწორედ იმიტომ მოვედით, რომ არასდროს ვნებდებით
ევრობასკეტის მთავარი სენსაცია - სერბეთის ნაკრები ფინეთთან დამარცხდა და ტურნირს გამოეთიშა
"შავი ლომი" "ძებრესთან" დამარცხდა
ლუქსემბურგის ახალგაზრდული ნაკრების ავტობუსი გზაში გადატრიალდა
გატუზო თავის სტიქიაშია - ზოგს წაუთაქა, ზოგს სილა გააწნა
დუე და დემბელე ლაზარეთში, ლუის ენრიკე საოპერაციო მაგიდაზე - რა ხდება პსჟ-ში?
ბულგარელთა მწვრთნელი: შეგვიძლია ის დანაკლისი აღმოვფხვრათ, რაც ჩვენი და საქართველოა ნაკრების ფეხბურთელების ხარისხს შორისაა
დავითაშვილი: ასეთები ხდება, მთავარია, ახლა არ გავიმეოროთ
სანიოლი: ისე ხდება, როგორც სკოლაში - გვირჩევნია ახალ ტაქტიკაზე ახლავე გადავეწყოთ
ანრის გაუთანაბრდა - მბაპე საფრანგეთის ნაკრებში ყველა დროის რეკორდისკენ მიდის
მატჩის დღე - ქართველებსა და ბულგარელებს ცუდად დაწყებულის გამოსწორება სურთ!
რაგბი ევროპა | რუმინეთთან სამი სიახლით
საქართველოს რაგბის ეროვნული ნაკრები, სულ რაღაც, ერთ თვეში თბილისში ირლანდიის ნაკრებს ხვდება!
საქართველოს ნაკრებმა რუმინეთი დაჯაბნა და დამაჯერებელი გამარჯვება მოიპოვა [VIDEO]
რაგბი ევროპა | პირველი თბილისური ფინალისთვის მზადება დაიწყო
ჯორჯიის შტატი მსოფლიო თასზე საქართველოს მორაგბეთა ნაკრებს უქომაგებს - ოფიციალური განცხადება
დემეტრე დევდარიანი - „მჯერა, ამ გუნდით ყველაფრის მიღწევა შეგვიძლია“
რაგბი ევროპა | რუმინეთთან ფინალისთვის
"არ ვითხოვთ ფულს, ვითხოვთ შესაძლებლობას" - ლევან მაისაშვილი
სავსე ტრიბუნების დროა!
რაგბი ევროპა | რუმინეთთან ავჭალაში
საქართველო ირლანდიას მასპინძლობს - პირველი შეხვედრა თბილისში!
"ბორჯღალოსნებმა" რუმინეთი დიდი ანგარიშით დაამარცხეს და რაგბი ევროპის ჩემპიონატის ფინალში ითამაშებენ! [VIDEO]
"ბორჯღალოსნები" გერმანიის ნაკრებს პირველი ტაიმის შემდეგ ამარცხებენ