- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ამ გუნდმა თავისი მოღვაწეობა დაასრულა - მისი გადახალისების დრო დადგა
<p><p><p>მოდით, საქართველოს ნაკრებზე ვისაუბროთ ყოველგვარი მიკიბ-მოკიბვისა და იწილო-ბიწილოს გარეშე.</p></p></p><p><p><p>ისევ დამარცხდა ჩვენი გუნდი და არის უქულოდა და უგოლოდ. მართალი გითხრათ, მთლად ასეთ სტარტს ევროპის ჩემპიონატის საკვალიფიკაციო ეტაპზე არ ველოდი: ვთვლიდი, რომ შვეიცარიასთან ფრე საუცხოო შედეგი იქნებოდა, ხოლო ირლანდიასთან უნდა მოგვეგო.</p></p></p><p><p><p>რა თქმა უნდა, ოპტიმიზმის საფუძველს მეც და ბევრსაც ერთა ლიგაზე "ჯვაროსანთა" წარმატებული ასპარეზობა გვაძლევდა. ადრე ასეთ გუნდებსაც ვერ ვუგებდით და როგორც გამოჩნდა, ნამეტანი მოვინდომეთ, რეალობას მოვწყდით. აქ მხოლოდ ორივე მატჩის წაგებაში არაა საქმე, არამედ თამაშის ხარისხში, უფრო სწორად, უხარისხობაშია. 180 წუთის მანძილზე სულ 3 ნაღდი საგოლე მომენტი გვქონდა და რომც აგვეღო 1 ან 2 ქულა, ეს თვისობრივად არაფერს არ წყვეტდა, რადგან ამ გუნდმა ამოწურა თავისი შესაძლებლობები. მიუხედავად იმისა, რომ ძალიან ნიჭიერი თაობა არ მოდის, მაინც საჭიროა გუნდის გადახალისების პროცესის დაწყება და შესარჩევი ციკლის ამისათვის გამოყენება. დასაკარგი რაღაა - რაც დასაკარგი იყო, უკვე სტარტზევე დავკარგეთ.</p></p></p><p><p><p>საქართველოს ნაკრების მწვრთნელმა ვლადიმირ ვაისმა ირლანდიასთან შემტევი შემადგენლობა დააყენა და ისევ არაფერი არ გამოვიდა. წავაგეთ საშუალოზე დაბალი კლასის გუნდთან, რომელიც ადრეც მუდამ გვამარცხებდა. სასტარტო შემადგენლობაში მხოლოდ ერთი რამ მეჩვენა უცნაურად - დავით ხოჭოლავას მარცხენა მცველად დაყენება. ყველა გამოდის იმ შესაძლებლობებიდან, რაც მას გააჩნია და ვაისმა მიიჩნია, რომ უთამაშებელ გიორგი ნავალოვსკის და ახალგაზრდა ლევან ხარაბაძეს ხოჭოლავას ვარიანტი სჯობდა, მაგრამ ეს ლამის ორმეტრიანი ბიჭი არაა ამპლუით გარემარბი და მისი კომპლექციის ფეხბურთელს არ შეუძლია ამ პოზიციისთვის საჭირო და აუცილებელი სამუშაოს შესრულება.</p></p></p><p><p><p>რატომღაც გაცილებით მეტს მოველოდი ოთარ კიტეიშვილისგან, რომელსაც ბურთი უნდა დაეჭირა და გუნდისთვის ედირიჟორა. იგივეს ვიტყვი გიორგი ქვილითაიაზეც. მას შვეიცარიასთან უკეთესად გარჯას ვერც მოვთხოვდით, ვინაიდან უფრო სიღრმიდან უწევდა თამაში, დუბლინში კი არაერთი ბურთი ჩაკიდა ჩვენმა ნაკრებმა საჯარიმოში და ვერც ერთხელ ვერ დაარტყა კარში.</p></p></p><p><p><p>დანარჩენმა ყველამ გვაჩვენა ის, რისი შესაძლებლობაც ჰქონდა. ჩამოვყვეთ. ნაკრებში ყოფნის პერსპექტივისათვის ყველას ასაკს მივუთითებ. თქვენის ნებართვით დუბლინში დაყენებული სასტარტო შემადგენლობით დავიწყოთ.</p></p></p><p><p><p><strong>გიორგი ლორია. 33 წლის.</strong> თუ თამაში წაუვიდა, სასწაულების მოხდენა შეუძლია (ალბათ, გახსოვთ ესპანეთთან მატჩი, მთელი სტადიონი რომ მის სახელს სკანდირებდა), მაგრამ ხანდახან გასაოცარ შეცდომებს უშვებს. არასტაბილურია. მეკარისთვის მისი ასაკი ოქროს ხანადაც შეიძლება ჩაითვალოს. საქმე ისაა, რომ გიორგის ალტერნატივა არც გაგვაჩნია. ვაისმა გაშვებულ გოლში დადანაშაულა. ცოცხალი კედლის დაყენებისთვის საკმაო დრო ჰქონდა, რამეთუ იმ მომენტში მოედანზე ჩოგბურთის ბურთები გადაყარეს და თამაში რამდენიმე წუთით შეწყდა. სხვადასხვა რაკურსით ვნახეთ ეს მომენტი და ძნელი სათქმელია, რამდენად სწორად აღმართა ცოცხალი კედელი. მაგალითად, ამ სურათზე ჩანს, რომ დარტყმის მომენტში შონ დაფმა საბა კვირკველია გასწია და კოლინ ჰურიჰანმა ბურთი იქ გააძვრინა.</p></p></p><p><p><p><img src="pictures/artimages/original/ecad70cb69eed2352d41153fc799721d.jpg" border="0" alt="Sportall.Ge" title="ამ გუნდმა თავისი მოღვაწეობა დაასრულა - მისი გადახალისების დრო დადგა" /></p></p> <p><p><strong></p><p></strong></p></p> <p><p><strong>ლევან კაკაბაძე. 23 წლის. </strong>აშკარად საინტერესო ფეხბურთელია, მაგრამ ბურთს ხშირად ზედმეტად ათრევს, აწვალებს, რასაც სახიფათო კონტრიერიშები მოჰყვება. ისე, მისი გამოყენება უფრო ნახევარდაცვაში იქნება უპრიანი.</p><p><strong> </strong></p></p> <p><p><strong></p><p></strong></p></p> <p><p><strong>გურამ კაშია. 31 წლის. </strong>ცალსახად მოუკლო. არადა, მისი ასაკისთვის ეს ჯერ ადრეა. ერთი რამ უნდა აღინიშნოს და ზოგიერთი შეიძლება არ დამეთანხმოს. MLS-ი რასაც წარმოადგენს, თავადაც იცით, იქ კარიერის დასასრულს მიდიან ფეხბურთელები, მით უმეტეს "სან ხოსე" იქ ერთ-ერთი ყველაზე სუსტი გუნდია და ეს ყველაფერი მის სათამაშო ფორმას დაეტყო.</p></p> <strong></p><p></strong> <p><p><strong>საბა კვირკველია. 27 წლის. </strong>გასულ, საჩემპიონო სეზონში მოსკოვის "ლოკომოტივში" გაცილებით უკეთ ასპარეზობდა. ახლა თითქოს უფრო მძიმედ თამაშობს, პოზიციას კარგავს, სტანდარტულებისას ადრე მეტოქის საჯარიმოში უკეთ მოქმედებდა. ეტყობა, რუსეთის ჩემპიონატში მოტივაცია დაკარგა. გავრცელდა ინფორმაცია, რომ მისი სამსახურით "ვესტ ჰემია" დაინტერესებული. თუ ეს მართალია, ასაკიდან გამომდინარე, ეს მისთვის პრემიერლიგაში გადასვლის უკანასკნელი შანსია და უნდა გამოიყენოს, თორემ წინააღმდეგ შემთხვევაში რეგრესი გაუგრძელდება.</p></p> <strong></p><p></strong> <p><p><strong>დავით ხოჭოლავა. 26 წლის. </strong>უკრაინულმა პრესამ ბევრი აკრიტიკა და ამას sportall.ge-მ სპეციალური წერილიც მიუძღვნა. შემდეგ ზედიზედ სამჯერ შეიყვანეს უკრაინის ტურის სიმბოლურში. ნაკრების მატჩებში თუ არაფერი განსაკუთრებული არ გაუკეთებია, სხვებისგან განსხვავებით, არც არაფერი არ გაუფუჭებია.</p></p></p><p><p><p> <p></p></p> <p><p><strong>ჯაბა კანკავა. 33 წლის.</strong> შრომობს თავდაუზოგავად და სტაბილურია. საკუთარ შესაძლებლბებს მაქსიმალურად ავლენს.</p><p><strong>ნიკა კვეკვესკირი. 26 წლის.</strong> იგივე ითქმის მასზეც. უკეთეს გუნდში პროგრესირების საშუალება მიეცემა.</p><p><strong>ოთარ კიტეიშვილი. 23 წლის.</strong> როგორც ზემოთ მოგახსენეთ, დუბლინურ მატჩში ბურთი ვერ დაიჭირა და გუნდს ვერ ულიდერა. თავის წარმოსაჩენად ჩინებული შესაძლებლობა ვერ გამოიყენა.</p><p><strong>ვაკო გვილია. 24 წლის.</strong> ირლანდიასთან გოლი უნდა გაეტანა. უეჭველი. ხელს არავინ უშლიდა, დრო და სივრცე ჰქონდა. მერე საჯარიმოდან ბურთი ჩაწოდებისას ყველას და ყველაფერს გადააცილა, გადაცემებს არაზუსტად და ზედმეტად ძლიერად ასრულებდა.</p><p><strong>ვატო არველაძე. 21 წლის.</strong> დებიუტი ძალიან რთულ მატჩში მოუწია. ერთია კარგად ასპარეზობა პოლონეთის ექსტრაკლასაზე და მეორე ევროპის ჩემპიონატის შესარჩევ ტურნირზე.</p><p><strong>გიორგი ქვილითაია. 25 წლის.</strong> უკეთაც შეუძლია თამაში. ტრავმებმა და "გენტში" მუდმივად სათადარიგოთა შორის ყოფნამ მის სათამაშო ფორმაზე უარყოფითად იმოქმედა. რა ჩვენი საქმეა, მაგრამ "რაპიდიდან" არ უნდა წასულიყო. რას იზამ, ყველაფერს ცხოვრებაში და ფეხბურთში ზუსტად ვერ გათვლი.</p><p><strong>ვაკო ყაზაიშვილი. 26 წლის.</strong> ძალიან, ძალიან ადრე გადავიდა ამერიკულ ლიგაში. მისი უკეთესი თამაშებიც და ლამაზი გოლებიც გვახსოვს და საკუთარი თავის აჩრდილს დაემსგავსა.</p><p><strong>თორნიკე ოქრიაშვილი. 27 წლის.</strong> გავრცელდა ინფორმაცია "ანორთოსისში" გადადისო. თუმცა, ჯერ ეს ოფიციალურად არ დადასტურებულა. მასზე ბევრს არაფერს არ ვიტყვი. თუ სურს კარიერა არ დაასრულოს, ამ ბოლო შანსის გამოყენება მართებს.</p><p><strong>ჯანო ანანიძე. 26 წლის.</strong> თუ ტრავმის მიღების შიშით ასევე გააგრძელა თამაში, "სპარტაკშიც" არ დააბრუნებენ. საერთოდ, მის მიმართ გულშემატკივარს გადაჭარბებული მოლოდინი აქვს. ამაში დასარწმუნებლად საკმარისია "კრილია სოვეტოვის" თუნდაც ერთ შეხვედრას უცქიროთ. ჯერჯერობით ასეა და ღმერთმა ქნას, სიტუაცია გამოსწორდეს.</p><p><strong>ჯიმი ტაბიძე. 23 წლის.</strong> სხვისი არ ვიცი და პირადად მე მიმაჩნია, რომ შვეიცარიასთან მატჩში ჩვენს გუნდში საუკეთესო იყო და არამარტო იმისათვის, რომ ტვინის შერყევით 24-დან 62-ე წუთამდე ითამაშა. კარგად ერთვებოდა შეტევებში და თამაშს ამწვავებდა, ენერგიულია და თავდაუზოგავი.</p><p><strong>მწვრთნელი - ვლადიმირ ვაისი.</strong> ადრეც ვთქვი, ძალიან მაღალი კლასის სპეციალისტად არ მიმაჩნია. უჭირს თამაშის გადაწყობა, გარისკვას ერიდება, ზედმეტად ფრთხილობს, შეცვლებს აგვიანებს. გასაგებია, არაა 90 წუთი სათამაშოდ ოქრიაშვილი მზად, მაგრამ 85-ე წუთზე მისი შეყვანა რაღაა?</p><p>თუმცა, საქართველოს ნაკრებს და ქართულ ფეხბურთს მარტო ვლადიმერ ვლადიმერის ძე რომ უჭირდეს, ჩვენზე ბედნიერი არავინ იქნებოდა და მაგ პრობლემას როგორმე უპრობლემოდ მოვაგვარებდით. აქ პრობლემა ქართული ფეხბურთის სისტემაშია. მისი სრული რეორგანიზაციაა საჭირო. ამ ქვეყანაში ადრე თუ გვიან ყველაფერი გამოსწორდება ფეხბურთის გარდა. სპორტის სხვა სახეობებშიც იქნება წინსვლა. რამდენიმე ჩვენი კალათბურთელი ამერიკის ახალგაზრდულ ლიგაში ურიგოდ არ ასპარეზობს, გოგა ბითაძე NBA-ს კარზე უკაკუნებს, მორაგბეებიც წინ მიიწევენ და იმდენი ლეგიონერი გვყავს მარტო საფრანგეთში, რომ მალე შეიძლება სამი სრულფასოვანი ნაკრები ჩამოვაყალიბოთ. აი, ფეხბურთი კი რა მდგომარეობაშიც იყო, იმ და უარეს მდგომარეობაშია.</p></p></p><p><p><p>აქ დამნაშავენი არ არიან ცალკეული პერსონები, ეს სისტემაა სრულად დასანგრევი და თავიდან ასაშენებელი, თორემ გავა კიდევ საუკუნე და იგივე ვითარება იქნება. მავნე სისტემას არ შეუძლია ჯანსაღი ნაყოფი გამოიღოს, ის თაობიდან თაობას ჯაჭვური რეაქციით გადაეცემა და ასე გაგრძელდება უსასრულოდ. თუმცა, ეს ზოგადი საუბარია, სხვა საუბრის თემაა და კონკრეტიკას დავუბრუნდეთ.</p><p>ეს შესარჩევი ციკლი ჩაგდებულია და არის ჩინებული ვარიანტი ექსპერიმენტებისთვის, შემადგენლობის გაახალგაზრდავებისთვის. არჩევანი აქაც არაა დიდი და გადასარავი, მაგრამ რაც გაგვაჩნია, ისიც უნდა იქნეს გამოყენებული: გიორგი ხარაიშვილი, ლუკა ზარანდია, გიორგი არაბიძე და ა.შ.</p><p>და კიდევ. ვაისი საქართველოში წლიწადში ორჯერ რამდენიმე დღით ჩამოდის ნაკრების თამაშებისას, შორეული ნათესავივით მოგვინახულებს და დაიკარგება. მას უნდა დაევალოს გარკვეული პერიოდის აქ გატარება (დავალებაც არ სჭირდება, ამას თავად, პირადი ინიციატივით უნდა აკეთებდეს), ეროვნული ლიგის მატჩებზე სიარული, ფეხბურთელებზე დაკვირვება, ეს წესით მის კონტრაქტში ცალკე პუნქტადაც უნდა იყოს შეტანილი.</p></p></p><p><p><p>საჭიროა დაესწროს და დააკვირდეს ასაკობრივი ნაკრებების შეხვედრებს, იაროს ლეგიონერების თამაშებზე, გრძნობდეს ქართული ფეხბურთის მაჯისცემას და არ უნდა ბრაზდებოდეს კრიტიკაზე.</p></p></p><p><p><p>ვიცი, ეს საკმაოდ რთულია საკლუბო კალენდრის გამო, მაგრამ იქნება მეორე ნაკრები შეიქმნას და ამხანაგური მატჩები გამართოს. ახლა მოქმედების და არა პრობლემების მიჩუმათების დროა და ფეხბურთის ფედერაციამ რაღაც უნდა მოიმოქმედოს, თორემ საფეხბურთო უძრაობის ხანა დაგვიდგა - კლუბები ისედაც არასოდეს არ ვარგოდნენ და ნაკრების პერსპექტივაც შეიძლება დაგვისამარდეს.</p></p><br></p>
"საქართველოს ნაკრები სამაგალითოა" - ამბობს სომხეთის ეროვნული გუნდის ყოფილი კაპიტანი
თბილისური მატჩი ბოლო აღმოჩნდა - ილიევს ბულგარეთის ნაკრებიდან უშვებენ
რატომ მოვიგეთ და როდის გავიმარჯვებთ "არმოსაგებში" - ბავშვებო, ისწავლეთ ხვიჩასგან!..
ბერნალს 382 დღე გაუცდა და "ბარსელონამ" კონტრაქტი გაუხანგრძლივა
კონტე: "მილანთან" დავმარცხდით და არა რომელიმე აუტსაიდერთან
"მანჩესტერ იუნაიტედი" ამორიმის შემცვლელად, ინგლისის ნაკრების ყოფილი მწვრთნელს მოიაზრებს
საერთაშორისო აღიარება - საქართველოს ხმა მსოფლიო ველოსპორტის არჩევნებში
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
წიტაიშვილი და აბუაშვილი შეცვლაზე და "მეცის" ფრე "ჰავრთან"
იური ტაბატაძე შეცვალეს - "კადისი" "სეუტასთან" ფრეს დასჯერდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
ფრე ქუთაისში... და "თელავის" მოგება "გაგრასთან"
ლუის ენრიკემ კვარაცხელიას ტრავმაზე კომენტარი გააკეთა
[VIDEO] ლომინაძე და ქოჩორაშვილი შეცვლაზე შევიდნენ - "სპორტინგმა" "ნაპოლიმდე" "ეშტორილს" სძლია
"[VIDEO] ბარსელონასთან" მატჩის წინ ხვიჩამ ტრავმა მიიღო - პსჟ-მ "ოსერს" მცველების გოლებით მოუგო
მიქაუტაძის 73 წუთი - "ვილიარეალმა" "ატლეტიკი" დაამარცხა და ზედიზედ მესამე გამარჯვება მოიპოვა
დავითაშვილი შეცვალეს - "სენტ-ეტიენი" სახლში "გენგამთან" დამარცხდა
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ
ჩემპიონთა ლიგის ახალი ფორმატის ლიდერები, აუტსაიდერები, ორი ქართველი დღეს და მთავარი ინტერესი "რეალის" მიმართ
დღეს - "შახტარის" ქართველების მატჩი და კაშია, კანკავა, ვაისი კიტეიშვილის წინააღმდეგ!..
როგორი შეფასებები მიიღეს საქართველოს ნაკრების ფეხბურთელებმა ბულგარეთთან მატჩში?
ბულგარელთა მწვრთნელი: კვარაცხელია ფანტასტიკურია, ახლა ამ დონის ფეხბურთელები არ გვყავს
ხიზანიშვილი: საუკეთესო გაგნიძე იყო - კაშიამ ართამაშის გადაწყვეტილება ისე მიიღო, როგორც უნდა მიეღო
[VIDEO] ესპანეთმა თურქეთი გააბითურა - საქართველოს ნაკრები მეორე ადგილზეა
"საქართველოს ნაკრები სამაგალითოა" - ამბობს სომხეთის ეროვნული გუნდის ყოფილი კაპიტანი
[VIDEO] ვაისი მსაჯს შეუვარდა, შეაგინა და მოედნიდან ძლივს გაიყვანეს - "სლოვანს" 16 წლის თავდამსხმელმა გაუტანა
"საუკეთესო გუნდია, რაც კი ოდესმე მინახავს" - ვაისი "სიტისთან" მარცხის შემდეგ
Geo Team: "სლოვანს" გაგუას დამატება სურს - ტრანსფერის ინიციატორი ვლადიმირ ვაისია
ჩემპიონთა ლიგის ახალი ფორმატი, ორი გარანტირებული ადგილი ქართველებს და მესამის შანსი...
რატომ მოვიგეთ და როდის გავიმარჯვებთ "არმოსაგებში" - ბავშვებო, ისწავლეთ ხვიჩასგან!..