<p>სანაკრებო შეკრების დაწყებამდე საფრანგეთის ტოპ 14-სა და პრო დე2-ში მორიგი ტურის მატჩები გაიმართა.</p><p>"ტულონის" ბურჯმა ბექა გიგაშვილმა ტოპ 14-ის მიმდინარე სეზონში პირველი ლელო გაიტანა, ხოლო გიორგი ჯავახია პრო დე2-ის მე-18 ტურის სიმბოლურ გუნდში მოხვდა.</p><p><strong>ტოპ 14</strong></p><p>ტური "მონპელიესა" და "რასინგ 92"-ის შეხვედრით გაიხსნა და მასპინძლებმა ზედიზედ მეცხრე თამაში დათმეს – მეშვიდე ტოპ 14-ში. "მონპელიე" ამ უსიამოვნო სერიის შეწყვეტასთან ძალიან ახლოს იყო, მაგრამ 78-ე წუთზე ჯარიმა გაუშვა – 22:24. მასპინძელთა ძირითად შემადგენლობაში იყვნენ და შესვენებისას შეცვალეს ბურჯები – მიხეილ ნარიაშვილი და ლევან ჩილაჩავა. მასპინძელთა განაცხადში იყო, თუმცა მოედანზე არ შესულა გელა აფრასიძე.</p><p>გამარჯვებულთა რიგებში ითამაშა ორმა ქართველმა ბურჯმა და ორივე შეცვლაზე შევიდა – გია ხარაიშვილი 48-ე, ხოლო გურამ გოგიჩაშვილი 55-ე წუთზე.</p><p>"ბორდომ" სტუმრად უშუალო კონკურენტი "კლერმონი" მინიმალური სხვაობით, 37:36 დაამარცხა. დაძაბულ მატჩში გადამწყვეტი სტუმართა მიერ ბოლო წუთზე გატანილი ლელო აღმოჩნდა. ჟირონდელთა განაცხადში იყო და თამაშში შესვენების შემდეგ ჩაერთო ლექსო ყაულაშვილი, რომელიც 68-ე წუთზე თავად შეცვალეს.</p><p>მცირედით იმარჯვა "ბრივმაც", რომელიც "ტულონს" მასპინძლობდა. მასპინძელთა სასტარტო შემადგენლობაში იყო ბურჯი ლუკა ჯაფარიძე და ის სოსო ბეკოშვილმა 50-ე წუთზე შეცვალა. პირველიდან 59-ე წუთამდე ითამაშა ვასილ ლობჟანიძემ. განაცხადში იყო, თუმცა თამაშში არ ჩართულა თედო აბჟანდაძე.</p><p>"ტულონის" რიგებში შეცვლაზე 49-ე წუთზე შევიდა ბექა გიგაშილი და 67-ე წუთზე რაქიდან ლელო გაიტანა. ზუსტი გარდასახვის შემდეგ სხვაობა 2 ქულამდე დავიდა, მაგრამ დარჩენილ დროში ანგარიში აღარ შეცვლილა.</p><p>ტურის დასკვნით მატჩში "სტად ფრანსემ" "კასტრს" უმასპინძლა, 29:9 დაამარცხა და ბონუსიც აიღო. პარიზელთა რიგებში 67-ე წუთიდან ითამაშა გიორგი მელიქიძემ.</p><p><strong>პრო დე2</strong></p><p>მე-18 ტური "კოლომიესა" და "ბიარიცის" შეხვედრით დაიწყო, რომლის ბოლო წუთზე სტუმრებმა ლელო გაიტანეს და 20:16 მოიგეს. "კოლომიეს" რიგებში პირველიდან 56-ე წუთამდე ითამაშა ბექა შეყლაშვილმა.</p><p>ორ-ორი ქართველი ლეგიონერი იყო "ბიარიცის" ძირითადსა და თადარიგში. გიორგი ნუცუბიძემ და თორნიკე ჯალაღონიამ პირველიდან 63-ე წუთამდე ითამაშეს; უშანგი ჭეიშვილი შეცვლაზე 56-ე წუთზე შევიდა, ხოლო ლუკა აზარიაშვილი - 63-ეზე.</p><p>"რუანი" "კარკასონს" ეწვია და 9:29 დამარცხდა. თამაში ძირითადში დაიწყეს კარლენ ასიეშვილმა და თამაზ მჭედლიძემ – პირველი 59-ე, ხოლო მეორე 61-ე წუთზე შეცვალეს.</p><p>"გრენობლმა" "ბეზიეს" უმასპინძლა და 34:19 გაიმარჯვა. მატჩი ძირითად შემადგენლობაში დაიწყო და 52 წუთი ითამაშა ილია კაიკაციშვილმა, ხოლო ნიკა ნეფარიძე შეცვლაზე 48-ე წუთზე შევიდა. "ბეზიეს" რიგებში 49-ე წუთზე გამოჩნდა ჟორჟ სალდაძე.</p><p>"მონ-დე-მარსანთან" ბონუსით, 36:6 მოგებულ შეხვედრაში, "ნევერის" რიგებში შეცვლაზე 59-ე წუთიდან ითამაშა გურამ პაპიძემ. სტუმართა შორის პირველი ტაიმი ითამაშა და შესვენებისას შეცვალეს ლაშა მაჭარაშვილი.</p><p>"ვალანს რომანისა" და "ანგულემის" შეხვედრა ფრედ, 25:25 დასრულდა. მასპინძელთა რიგებში პირველიდან 50-ე წუთამდე ითამაშა მირიან ბურდულმა. სტუმართა ძირითად შემადგენლობაში იყო შალვა სუთიაშვილი, რომელიც დაშავდა და 31-ე წუთზე შესაცვლელი შეიქნა. მეორე ტაიმი სრულად ითამაშა ლუკა გოგინავამ.</p><p>"ვანთან" სტუმრად დამარცხდა ზაზა ნავროზაშვილის "პროვანსი" – 7:30. ქართველმა ბურჯმა მეორე ტაიმი სრულად ითამაშა.</p><p>ერთ-ერთ ლიდერ "ოიონას" უმასპინძლა და 22:16 იმარჯვა "ორიაკმა", რომლის შემადგენლობაში ხუთმა ქართველმა ითამაშა და აქედან ოთხმა - ძირითადში. შეუცვლელად გაისარჯა ბექა საღინაძე, 49-ე წუთზე შეცვალეს ლუკა ნიორაძე; გიორგი ქართველიშვილმა მოედანზე 66 წუთი გაატარა და მის ნაცვლად თამაშში ჯემალ შათირიშვილი ჩაერთო; მე-60 წუთზე შეცვალეს მეორეხაზელი გიორგი ჯავახია, რომელიც პირველი ტაიმის მიწურულს სისხლზე 7 წუთით იყო შეცვლილი. ქართველი მეორეხაზელი ტურის სიმბოლურ გუნდში მოხვდა.</p><p><p><p>"მონტობანთან" მცირედით, 23:25 დამარცხდა და ლიდერობა დათმო "პერპინიანმა", რომლის შემადგენლობაში შეუცვლელად ითამაშა 34 წლის ბურჯმა დუდუ ქუბრიაშვილმა. განაცხადში იყო, მაგრამ სათადარიგოთა სკამიდან არ წამომდგარა ვახტანგ ჯინჭარაძე.</p></p></p><p><p><p><strong>rugby.ge</strong></p></p> <p><p><strong></p><p></strong></p></p> <p><p><strong> </strong> <p></p></p><br></p>
ნიკა ამაშუკელი საუკეთესო მსაჯთა ათეულში დაასახელეს
ბაჩუკი ჭუმბაძე - ინგლისური გამოცდილებით ნოემბრის ტესტებისთვის
ქართველები ევროტურნირების ფინალში
ჩაბი ალონსო: ჯერ დაკარგული არაფერი არ არის
სუპერლიგის მე-7 ტური "ბათუმმა" "რუსთავის" ძლევით დახურა
წიტაიშვილის 68 წუთი და "მეცის" ზედიზედ მესამე წაგება
გოჩოლეიშვილი შეცვლაზე შევიდა - "ჰამბურგმა" "ვერდერს" მოუგო
"ქასიმფაშას" მწვრთნელად არველაძის ნაცვლად ემრე ბეროზოღლუ დანიშნეს
"ეს წარმოუდგენელია!" - "ზაბარნის არყოფნის მიზეზი საფონოვის თამაში იყო?" - ენრიკე ამ კითხვამ გააღიზიანა და ყველაფერი ახსნა
[VIDEO] შავდათუაშვილი და დვალაშვილი ბრინჯაოს მედლებისთვის ბრძოლაში დამარცხდნენ - ტოკიოს გრანდ სლემის მეორე დღე
[VIDEO] "ყველაფერი წინ არის, უფრო ძლიერს მელოდეთ... საქართველოს გაუმარჯოს!" - დვალიშვილმა იანთან ბრძოლის შემდეგ გავრცელებულ მიმართვაში ცრემლები ვერ შეიკავა
"ჯერ მერაბმა ბიჭები ჯაკუზიში წაიყვანოს" - იანმა დვალიშვილის დამარცხების შემდეგ შესაძლო რემატჩზე ისაუბრა
მესის მორიგი ტიტული - მაიამის "ინტერი" ისტორიაში პირველად MLS-ის ჩემპიონია
"შოუს დადგმა ვცადე" - დვალიშვილის პირველი კომენტარი იანთან მარცხის შემდეგ
[VIDEO] მერაბ დვალიშვილი პიოტრ იანთან მსაჯების გადაწყვეტილებით დამარცხდა
ლუის ენრიკე: კვარაცხელია განსხვავებულია, სანახაობრივია, უმაღლესი ინტელექტი აქვს
დავითაშვილმა შეუცვლელად ითამაშა - "სენტ-ეტიენი" "დიუნკერკთან“ დამარცხდა
როგორი შეფასებები მიიღეს პსჟ-ს ფეხბურთელებმა "რენთან" მატჩში?
[VIDEO] "კვარამ" "რენს" თქვენი მოწონებული გაუტანა
[VIDEO] ღვინიაშვილის ბრწყინვალე დებიუტი MMA-ში - "ტაისონამ" მეტოქე 30 წამში დაანოკაუტა
[VIDEO] ალისონს სამი გაუტანეს - "ლივერპული" "ლიდსთან" ფრეს დასჯერდა
"რენთან" მატჩში ლუის ენრიკემ პსჟ-ს შემადგენლობა დაასახელა
როგორია ჩაკვეტაძის მდგომარეობა? - "უოტფორდის" მწვრთნელმა კომენტარი გააკეთა
კიდევ ორი ქართველი "ბარბაროსი" - გიგაშვილი და ნინიაშვილი
ქართველები ევროთასების ფინალში
ოთხი ქართული ლელო ჩელენჯ ქაფზე და საუკეთესო ნინიაშვილი
ლეგიონერები | ორი ლელო და სამნი სიმბოლურში
რაგბი. ლეგიონი: სამი ქართული ლელო ინგლისსა და საფრანგეთში [VIDEO]
ლეგიონერები: სამი ლელო და ორი სიმბოლურში
ლეგიონერები | სამი ლელო ტოპ 14-ის მე-5 ტურში
ლეგიონერები - ქართული ლელოები "ორიაკისთვის"
ლეგიონერები | სამი ლელო საფრანგეთში
გიორგი ჯავახია: ასეთი დონის გუნდების წინააღმდეგ არასდროს მითამაშია
პრო დე2: სათამაშო პრაქტიკა "შემოდგომის ერთა თასამდე