ქართული ფეხბურთისთვის უმნიშვნელოვანესი თვე, რომელიც ისტორიულად უნდა ვაქციოთ - ფსიქოლოგიური ბარიერები მოხსნილია!..

ზაფხული დადგა და 2023 წლის ივნისი საფეხბურთოდ ძალიან დატვირთული გვაქვს. თუკი შარშან "ერთა ლიგის" მჭიდრო კალენდარში ვიყავით ჩართულნი, ახლა საქართველოს ეროვნულ ნაკრებს ევროპის ჩემპიონატის შესარჩევ ეტაპზე ორი რთული გასვლითი მატჩი აქვს, რასაც კონტინენტის 21-წლამდელთა ჩემპიონატი ეჯაჭვება. ასეთი მნიშვნელოვანი და მრავალფეროვანი დღეები დიდი ხანია, რაც არ გვქონია...ზაფხულის პირველი თვე სათამაშოდ იდეალურად ნამდვილად არ მიიჩნევა. სანაკრებო შეხვედრები მუდმივად ამ პერიოდშია, როცა გადატვირთული საკლუბო სეზონის შემდეგ მოთამაშეებს გონების გარკვეული ნაწილი მაინც შესვენებისკენ გაურბის. საქართველოს ნაკრების ისტორიასაც თუ გადავხედავთ, ივნისში დადებითი შედეგებით ნამდვილად არ გამოვირჩევით. უკანასკნელ წლებში ეს ტენდენცია, გარკვეულწილად, შეიცვალა. ჩვენი ლეგიონერების საკმაო ნაწილს წარმატებული სეზონი ჰქონდათ და ამა თუ იმ ქვეყანაში ჩემპიონობასაც გაუსინჯეს გემო.<img src="pictures/artimages/original/84c5d17df92b33e64c6cf229b9d13166.jpg" border="0" alt="Sportall.Ge" title="ქართული ფეხბურთისთვის უმნიშვნელოვანესი თვე, რომელიც ისტორიულად უნდა ვაქციოთ - ფსიქოლოგიური ბარიერები მოხსნილია!.." />ორივე ნაკრების მთავარმა მწვრთნელმა შემადგენლობები უახლოეს დღეებში უნდა დაასახელოს. ესპანეთის ეროვნული გუნდის ჩვენს ჯგუფში მოხვედრამ ის გამოიწვია, რომ ვილი სანიოლის ბიჭები ივნისში ვერ ისვენებენ, ამასობაში კი ამან ახალი დილემა წარმოშვა - ფეხბურთელები (2000 წლის 1-ელი იანვრიდან დაბადებულებს), რომელთაც ახალგაზრდულ ჩემპიონატზე მონაწილეობაც შეუძლიათ, როგორ უნდა გადანაწილდნენ. აქ უამრავი ფაქტორი შემოდის. მართალია, შესარჩევი ეტაპი არ გაგვივლია, თუმცა რამაზ სვანაძეს გარკვეული ბირთვი ჰყავს გამოკვეთილი, რომელთაც თბილისში ჩასატარებელ სატურნირო მატჩებში გამოიყენებს. ამ გუნდის ჯგუფური ეტაპის წინ და მით უმეტეს, შეხვედრებს შორის გაძლიერება კი რისკის მომტანი შეიძლება იყოს. გარდა ამისა, ეროვნულ ნაკრებსა და მის დამრიგებელს კონტინგენტზე ყოველთვის უპირატესი უფლება აქვთ. ვნახოთ, ეს საკითხი როგორ გადაწყდება. მხოლოდ გიორგი გოჩოლეიშვილის მაგალითი რომ მოვიყვანოთ - ის 21-წლამდელების ერთ-ერთი ლიდერია, ამავდროულად კი, "შახტართან" ერთად უკრაინის ჩემპიონი სანიოლის სქემასაც მშვენივრად მოერგო.<img src="pictures/artimages/original/ca9f585b6cad2d8c25f3cf2dbd63e86c.jpg" border="0" alt="Sportall.Ge" title="ქართული ფეხბურთისთვის უმნიშვნელოვანესი თვე, რომელიც ისტორიულად უნდა ვაქციოთ - ფსიქოლოგიური ბარიერები მოხსნილია!.." />მოგეხსენებათ, საქართველოს ნაკრებმა შესარჩევი ეტაპი ნორვეგიასთან საშინაო (1:1) ფრით დაიწყო. ორივე გასვლითი მატჩი რთული იქნება, უახლოეს მეტოქეებთან სტუმრად, როგორც წესი, გვიჭირს. კვიპროსის ნაკრები და თემურ ქეცბაია ქართველებთან, მინიმუმ, ქულას აუცილებლად დაგეგმავენ. კარგ ხასიათზეა შოტლანდიის მთავარი გუნდი, რომელმაც შესარჩევი ეტაპი კარგად დაიწყო. ვილი სანიოლის გასვლით მატჩებზე ჩვენს ნაკრებთან კარგად ადაპტირებული ტაქტიკა გააჩნია, როცა უფრო მეტი აქცენტი კონტრშეტევებსა და სისწრაფის ფაქტორის გამოყენებაზეა. ხვიჩა კვარაცხელია ამ საქმეს მშვენივრად უძღვება.<img src="pictures/artimages/original/a42c5db3a2ab29fc4e899b2e3ef2d144.jpg" border="0" alt="Sportall.Ge" title="ქართული ფეხბურთისთვის უმნიშვნელოვანესი თვე, რომელიც ისტორიულად უნდა ვაქციოთ - ფსიქოლოგიური ბარიერები მოხსნილია!.." />არ გვსურს, ჩვენი ბიჭები განსაკუთრებულად დავძაბოთ. პასუხისმგებლობის ნაკლებობას ისინი ისედაც არ განიცდიან, თუმცა ევროპის ჩემპიონატის საშინაო ასპარეზზე ჩატარება მხარდაჭერასთან ერთად, დამატებითი ტვირთიცაა. მთავარია, ყველამ საკუთარი შესაძლებლობების სრულად რეალიზება შეძლოს. პირველი ამოცანა ჯგუფური ეტაპის დაძლევაა. იქნებიან თუ არა 21-წლამდელთა გუნდში, ჩვენს ახალგაზრდებს გარკვეული ფსიქოლოგიური ბარიერები კვარაცხელიას, მამარდაშვილის, მიქაუტაძისა და სხვების ძალისხმევით უკვე მოხსნილი აქვთ. ამ ბიჭებმა შეძლეს, თავი ევროპულ ფეხბურთში დაემკვიდრებინათ, რითაც ეს დერეფანი სხვებისთვისაც გაეხსნათ. ევროფორუმი ისაა, სადაც თავის წარმოჩენის შემთხვევაში, სატრანსფერო აქტივობები იზრდება. გვახსოვს, დანი სებალიოსი "ბეტისში" გამოდიოდა, ესპანეთის ახალგაზრდულ ნაკრებში ბრწყინვალე თამაშის შემდეგ კი ის "რეალში" გადავიდა. ქართველი ფეხბურთელების ნდობის მიმართ ახლა შიშები მოხსნილია. მაგალითად, ახალგაზრდული ნაკრების კაპიტან ანზორ მექვაბიშვილს, რომელიც ტრავმის შემდეგ დაბრუნდა, იტალიური გუნდები აკვირდებიან. თბილისის "დინამოს" ნახევარმცველი ეროვნულ გუნდშიც თამაშობს.<img src="pictures/artimages/original/a051b67e53880444bb7cde4af9f198a8.jpg" border="0" alt="Sportall.Ge" title="ქართული ფეხბურთისთვის უმნიშვნელოვანესი თვე, რომელიც ისტორიულად უნდა ვაქციოთ - ფსიქოლოგიური ბარიერები მოხსნილია!.." />იმედია, ვილი სანიოლის ნაკრები იმ პრობლემებს უფრო მომზადებული შეხვდება, რომლებიც მარტში გამოჩნდა. ამისკენ ნაბიჯები შემადგენლობაშიც გადაიდგმება. დაცვაში ლუკა ლოჩოშვილი უნდა დაბრუნდეს, მინდვრის შუაში კი - ოთარ კიტეიშვილი. "კიტე" ჩვენი ნახევარდაცვის ყველაზე შემოქმედებითი და თანაც, შედეგიანი მოთამაშეა. სამწუხაროდ, მას ბევრი გაუცდა, სეზონის ბოლო კი მშვენიერი აქვს და ყველაფერ ამის გადმოტანას "ჯვაროსნებში" ველით.მნიშვნელოვანი თვე ისტორიული უნდა გავხადოთ, მონდომებითა და სწორი მუშაობით უფრო მეტს შევძლებთ!..

კაკაო

ვალენსია გადაურჩა გავარდნას მამარდა კი არა ისე რომ ვთქვად ამ ბიჭის დამსახურება ძალიან დიდია რომ არ გავარდა ვალენსია მგონი ესეა ყველა თამაშსს უყურე თითქმის ვალენსიას თამაშებს ისედაც მაგრად მევასება ესპანეთის ჩემპიონატი და მართლა ყველაფერი დაანახა საფეხბურთო სამყაროს რომ უძლიერესი ფეხბურთელი და უმაგრესი ადამიანია გენაცვალე გულში გიორგი ღმერთმა ხელი მოგიმართოს ვაჟკაცო ადამიანო ამინ
ზაალი

არაბიძე კიდევ თამაშობს? რომელ გუნდშია. ნაკრებშიო! ღმერთმა ქნას.
ქუთაისელი

ისეთი შთაბეჭდილება მრჩება, თითქოს ყოველ ჯერზე ვთამაშობთ ევროპის და მსოფლიო ჩემპიონატებს, როგორც ძირითადი, ასევე ახალგაზრდული ნაკრებები, და ასარჩევად გვაქვს საქმე. მე მგონია, რომ საქმე ასარჩევად ნამდვილად არ გვაქვს - საქართველოში ტარდება უმნიშვნელოვანესი ტურნირი, პირველად, და კიდევ როდის ჩატარდება კაცმა არ იცის. აქ ცუდად გამოსვლა იქნება ქართული ფეხბურთის და გულშემატკივრების უდიდესი სირცხვილი. ამიტომ აქცენტი უნდა გაკეთდეს ახარგაზრდულზე. კვარა, მამარდაშვილი, მიქაუტაძე, გოჩოლეიშვილი - უფრო მეტად საჭიროები არიან ახალგაზრდულში. თან, იქნებ ახალგაზრდულში უფრო გამოიკვეთოს პრობლემურ პოზიციებზე ვინ შეიძლება ჩაანაცვლოს ძირითადი ნაკრების ფეხბურთელები. იტალიის ჩემპიონი რომ გუნდში გეყოლება, ეს სხვებსაც მოუმატებს მოტივაციას. ფედერაცია, არ შეცდე იცოდე.
!!!

ერთი კურდღელი 21-ივნისს გაიქცევა
kicha

-------------მამარდა----------- კაკაბაძე---კაშია---ლოჩოშვილი---გოჩოლეიშვილი(აზაროვი) კიტე-----გაგნიძე ლობჟანიძე(ზუკა)----ჩაკვე-----ხვიჩა ჟორჟი სათადარიგო: ლორია,გუგეშა, კვირკველია, დვალი, საზანოვი, წიტა, მექვაბიშვილი, აბუ, კვეკვე, ბერიძე, ბუდუ, არაბიძე( თუ მოუმატა ცოტა).
Mr.kostaia

უბრალოდ წარმოვიდგინოთ რომ ნაკრები ატარებს ამხანაგურებს,ოღონდ მონღოლეთის ნაცვლად გვყავს უფრო ძლიერი ნაკრები მოწინააღმდეგედ.როგორ ფიქრობთ,უფრო მეტად არ შეთამაშდებიან ბიჭები? თუ გვინდა მოვხვდეთ სადმე(ევროპაზე,მუნდიალზე),ეს ახალგაზრდული ჩემპიონატი უნდა გამოვიყენოთ დიდი მიზნების მისაღწევად,უფრო მეტად შეთამაშდებიან. თუ ზოგიერთებმა გადწაყვიტეს,რომ უკვე სუპერსთარები არიან და აღარ ეკადრებათ ახალგაზრდულში ბურთის გორაობა? რაც შეეხება გადაღლილობას,ხალხი საკუთარ ჩემპიონატს ევროპას და მუნდიალზე აბამს.თან უმეტესობა სხვადსხვა ტურნირებზე გამუდმებით ბურთაობს,ლიგაზე,უეფაზე და ა.შ. ისინი არ იღლებიან? კი ძალიანაც,მე თუ მკითავთ,მაგრამ სწორად წარმოებული ვარჯიშებით სულმუდამ ფორმაში არიან.ჩვენები??? ჯვარი წერია ყველას,მაგრამ ტრავმიანობის საწინააღმდეგოდ,მხოლოდ სწორი ვარჯიშებია. არავის ეწყინოს(ისე გინდ ეწყინოთ),უნდა ვისწავლოთ საქმისადმი სწორად მიდგომა რასაც ხელს მოვკიდებთ,თუ არა და ყველაფერში უკან უკან წავალთ. ისევ ვაფიქსირებ ჩემს აზრზს,რომ ბიჭებმა უნდა ითამაშონ ახალგაზრდულში. წარმატებები ყველას
მწვრთნელი

კი. ჩაკვეტაძე 1999 -იანია და ვერ ითამაშებს!
???

ჩაკვეტაძე რა შუაშია?
Master

ყველაფერში გეთანხმები მამარდაშვილის გარდა.ლორიას სამი თვეა არ უთამაშია თავის გუნდში და როგორაა მამარდა მიდი დუბლიორი?ლორია გუშინდელი დღეა...ახალგაზრდულ ნაკრებსაც ნორმაკური მეკარეები ყავს
Master

არ სჯობს რეალობას თვალი გავუსწოროთ?პორტუგალია,ჰოლანდია,ბელგიის გარემოცვაში ჯგუფიდან გასვლის შანსი ძალიან მიზერულია,მითუმეტეს ეს სამივე ნაკრები თითქმის სულ თამაშობს ამ ასაკში ევროზე,ჩვენ კი პირველად ვართ...რა გუნდითაც ითამაშა ამხანაგური თამაშები მწვრთნელმა იმ გუნდმა ითამაშოს ევროზე.ვფიქრობ ახლა რო მიასიო კვარა,დავითაშვილი მიქაუტაძე და სხვები უფრო არევს გუნდს და ვერანაირ შედეგს ვერ მიიღებს.ვფიქრობ ერთი გოჩოლეიშვილი უნდა დაემატოს და საზონოვი,მეტი არაა საჭირო.მითუმეტეს კვიპროსში აუცილებლად მოსაგები გვაქვს და უმძიმესი მატჩი გველის შიტლანდიასთან.სადაც არწაგება უკვე შანსს მოგვცემს ვიბრძოლოთ ამ ჯგუფში.
მწვრთნელი

ისე საინტერესო იქნებოდა 21-იანებში, როგორ შეუტევდნენ ბელგიას, პორტუგალიას, ჰოლანდიას, მიქაუტაძე, კვარაცხელია, დავითაშვილი, ჩაკვეტაძე, გაგნიძე, სიგუა, წიტაიშვილი, გოჩოლეიშვილი, აზაროვი, საზონოვი. არა მგონია ცუდი ფეხბურთი ითამაშონ! ჩემი აზრით გულშემატკივარი გაიხარებდა საქართველოში!
შახრუდინი

მართალი ხარ მაგრამ ოლიმპიადაზე მოხვედრა რა მაგარი იქნება წარმოიდგინე)თუმცა ისეთი ძლიერი ჯგუფი გვაქ შეიძლება ვერც გავიდეთ ჯგუფიდან ხვიჩა და ბიჭებთან ერთადაც და ეროვნული ნაკრებიც დაზიანდება.ანუ 2 კურდღლის მადევარი ვერცერთს დავიჭერთ რა….ამიტომ ახალგაზრდულში ითამაშონ ახალგაზდებმა რომლებსაც დასამტკიცებელი აქვთ ბევრი რამ და ეროვნულში მოხვედრა დაიმსახურონ.ძმები ხორხელები კვერნაძე მოისწრაფიშვილი და ა.შ
nk

უსამართლობა იქნებოდა მაგ ბიჭებს, რომ გაეყვანათ ნაკრები ევროპაზე და ამ შემთხვევაში მასპინძლის სტატუსით მოვიპოვეთ ადგილი. შესაბამისად უნდა ვცადოთ რაც შეიძლება ძლიერი ნაკრები გავიყვანოთ ამ უ21 ევროპაზე. ერთი კვარას დასვენებას გავიგებ, თუმცა კვარას დამატებაც ძალიან გაზრდის ჩვებ სამეულში მოხვედრის შანსს.
Mr.kostaia

ბევრ სუპერვარსკვლავს უთამაშია 21-წლამდელებში და შემდგომ ოლიმპიურ თამაშებზე,მესი,აგუერო,ნეიმარი,შემდგომ ოლიმპიური თამაშებისთვის დამატებიან თავიანთი ქვეყნების ნაკრებებს უამრავი სუპერვარსკვლავი,ასე რომ ჩემი აზრით თუ იქნება შესაძლებელი,ახალგაზრდულს დაემატოს ყველა,ვისი დამატებაც იქნება შესაძლებელი ასაკიდან გამომდინარე. იქნებ გაგვივარდეს და სამეულში მოვხვდეთ,ახლა ოლიმპიადაზე თამაში ეს არის არანაკლები პრესტიჟი,ვიდრე ევროპის ან თუნდაც მსოფლიო ჩემპიონატზე ასპარეზობა. ასე რომ მოტივაცია არის, ფინანსურადაც მომგებიანი იქნება,სტადიონებზე ხალხი მივა,თუნდაც მხოლოდ ჩვენი ნაკრების საგულშემატკივროდ,მაგრამ მივა. რა ვიცი მეტი რა ვთქვა,რასაც თვითონ სპორტსმენები,ფედერაცია გადაწყვეტს,ჩვენ ვერაფერს შევცვლით,მხოლოდ შეგვიძლია წარმატებები ვუსურვოთ.
G.LA

ჯგუფიდან გასვლა გაგვიჭირდება. ესპანეთის ამოგდება რაღაც უტოპია მგონია ჯერ ჯერობით ჩვენთვის, შოტლანდია უკვე კარგად დაწინაურდა და ნორვეგიამ აქ ქულა აგვიღო. პლეი ოფიდან გავალთ ამის დიდი იმედი მაქვს. ახლა მთელი ძალები ახალგაზდულზე უნდა იყოს მიმართული. მშვენიერი შანსი მოგვეცა საპრიზო ადგილზე გავიდეთ და თან ოლიმპიადაზეც მოვხვდეთ. ბიჭებმა ახალგაზდულში უნდა გვასახელონ, ეს იქნება დიდი წარმატება და ასევე ქვეყნის რეკლამაც. შემდეგ პლეი ოფიც გაგვიადვილდება და სატურნირო გამოცდილებასაც მიიღებენ ის ბიჭები ვინც პოტენციურად ევროპაზე უნდა გავიდნენ პლეი ოფიდან.
llcl

არავითარი ახალგაზრდული ნაკრები, ვარსკვლავი და ეროვნული ნაკრების ბირთვი ახალგაზრდულში არ უნდა თამაშობდეს, თუნდაც 17 წლის იყოს, ეს არ ხდება ესე არსად, ახალგაზრდულში მოთამაშეებმა კი თავი არ დაზოგონ და თავისი თამაშით დაიმსახურონ ეროვნულში მოხვედრა
დათი

საზონოვი,გოჩოლეიშვილი,მამარდაშვილი,აზაროვი აუცილებლად უნდა გაუშვან ახალგაზრდულში.ვინაიდან მამარდაშვილს ისედაც ლორიას დუბლიორად განიხილავს სანიოლი; ხოლო საზონოვი/გოჩოლეიშვილი/აზაროვის შემცვლელებად შეიძლება ლოჩოშვილი/გიორბელიძე/კაკაბაძე და სხვების გამოყენება. რაც შეეხება ხვიჩას, მიქაუტაძის და დავითაშვილის ახალგაზრდულში გაშვებას - არ მიმაჩნია სწორად შემდეგი გარემოებების გამო: 1) სამივეს დატვირთული სეზონი ქონდა და ორ ნაკრებში ერთდროულად ვერ გამოვლენ; 2) ეროვნული ნაკრები ყოველთვის პრიორიტეტად უნდა დარჩეს; 3) ამათი ახალგაზრდულში მისვლა უპირობოდ ამოაგდებს შემადგენლობიდან იმ სამ კაცს, ვინც აქამდე შეუცვლელი იყო ახალგაზრდულში და აქამდე მოიყვანა - რაც უსამართლო იქნება, უსამართლობს შეგრძნებამ კი შეიძლება გუნდის ერთიანობას და ატმოსფერო/განწყობას შეუშალოს ხელი.
ქომაგი

საქართველოს ნაკრებს უკეთესად შეუძლია თამაში უფრო აგრესიულად და რისკიანად თამაში უნდა დაავალონ მწვრთნელებმა.
მწვრთნელი

კანკავა დააბრუნეთ ნაკრებში! ცენტრში ნაკრებს "დირკა" აქვს დიდი! ჯერ არ ჩანს ისეთი საყრდენი როგორიც ჯაბაა!
qartul ocnebas gaumarjos gubernias gaumarjos

უნდა წავიდნენ 21 წლამდელებში ზურიკო კვარაცხელია მიქაუტაძე მამარდაშვილი გოჩოლეიშვილი . ჩვენ ევროპაზე ისედაც გავალთ ერთა ლიგიდან. თან ნახევარფინალი და ფინალი თბილისშია. ასე რომ აქ სალაპარაკოც არაფერი საით უნდა წავიდნენ. თან გადაიტენება დინამო არენა და ბათუმის სტადიონი თუ მივიდა ნახევარფინალამდე გუნდი მერე ბათუმში ექნება თამაში და ფინალიც ბათუმში.
ამაშია საქმე

ორი კურდღლის მდევარივით არ გამოგვივიდეს.გაუძლებენ ამდენ დატვირთვას?

მონტელა: ვხედავთ, როგორ პროგრესს მიაღწია საქართველოს ნაკრებმა

როგორ ფორმაში ხვდება ხვიჩა სანაკრებო მატჩებს - ბარკოლას მარცხნივ ურჩევნია...

საქართველოსა და თურქეთის მატჩის ყველა ბილეთი გაყიდულია

მიქაუტაძის "ლიონს" ახალი მეკარე ჰყავს

ქართველი მსაჯები ევროპა ლიგის მატჩს მოემსახურებიან

რაშფორდს მიმდინარე სეზონში ტრებლის მოგების სჯერა

ისევ პრემიერ ლიგა თუ ბუნდესლიგა - ჯეკსონს ორი ვარიანტი გამოუჩნდა

"მილანის" ორი ვარიანტი - "როსონერის" შეტევა ვლაჰოვიჩით ან ჰოილუნით გაძლიერდება

[VIDEO] ბასილაშვილმა ბელგიელ მეტოქეს სძლია - ქართველმა წლის ბოლო დიდი სლემი წარმატებულად დაიწყო

ფრე წყალტუბოში: "გარეჯის" თავურები

"უდინეზეში" გოგლიჩიძის დებიუტი შედგა - მისი გუნდი 1/16-ფინალში გავიდა

Geo Team: არის პირადი კონტრაქტი - ჩაკვეტაძის "ვალენსიაში" ტრანსფერი ბოლომდეა მისაყვანი

სიგუას ახალ გუნდში დებიუტი ევროტურნირზე შედგება

17-წლამდე ვაჟთა ნაკრები საწვრთნელ შეკრებას იწყებს

"ნაპოლი" მთავარი თავდამსხმელის გარეშე დარჩა

სიგუა შვეიცარიაში გუნდს გამოიცვლის

"გვარდიოლა ამ ფეხბურთელის დამატებაზე ოცნებობს" - ფაბრიციო რომანო

15-წლამდე გოგონათა ნაკრები განვითარების თასისთვის ემზადება

ტონი კროოსმა ფეხბურთის ისტორიაში საუკეთესო მეკარე დაასახელა

"სიტიმ" იმაზე დიდი ხელფასი შესთავაზა, ვიდრე პსჟ-სგან მოითხოვდა - დონარუმა პრემიერლიგას უახლოვდება

სპერციანს მყიდველების რიგი დაუდგა - სად გააგრძელებს კარიერას სომეხი ფეხბურთელი?

"ტოპ გუნდის წინააღმდეგ ჩვენგან ასეთი დომინაცია დიდი ხანია არ მინახავს" - ფერდინანდი "არსენალთან" მარცხის შემდეგ

კომუნიკაციაში კვარაცხელიაც ეხმარებათ - როგორია ზაბარნისა და საფონოვის ურთიერთობა პსჟ-ში

რამ შეიძლება შეუშალოს ხელი საქართველოს ნაკრების "აჩქარებას" - ვინ არ იქნება შემდეგ მატჩში და რა პრობლემას შექმნის ეს...

"ჯვაროსნების" აღმასვლა და სხვა ცვლილებები ფიფას რეიტინგში

"პირველი ნომერი ალისონი იქნება, მაგრამ... მამარდაშვილს ამ რჩევას მივცემდი!" - "ლივერპულის" ყოფილმა კიპერმა გუნდში მეკარეთა კონკურენციაზე ისაუბრა

მთავარი საქართველოს სიამაყე და ღირსეული გამარჯვება იყო! - ერთი წელი ევროპის ჩემპიონატზე გასვლიდან

მარკ გეჰი მამარდაშვილის თანაგუნდელი გახდება - "ენფილდზე" ჯოვანი ლეონისაც ელოდებიან

U21. რა შემთხვევაში ითამაშებს საქართველოს ნაკრები ევროპის ჩემპიონატის პლეი-ოფში?

ივნისის მატჩებისთვის საქართველოს ნაკრების შემადგენლობა ცნობილია

ახალგაზრდული ნაკრები ნიდერლანდებთან დამარცხდა და შვედეთთან გადამწყვეტი მატჩი ელის [VIDEO]

მეტოქეები ცნობილია - ეროვნული ნაკრები ივნისში ორ ამხანაგურ შეხვედრას გამართავს

[VIDEO] პსჟ-ს კაპიტანმა "ტოტენჰემთან" გამარჯვება ქართულის ცეკვით აღნიშნა

ხომ არ შეიცვალა ენრიკეს დამოკიდებულება ხვიჩას მიმართ და როგორ იქნება ზედიზედ მეორე ლიგა?

მატჩის დღე! კიდევ ერთი ევროპის ჩემპიონატი ქართული ფეხბურთისთვის

"ბორნმუთთან" მატჩში "ლივერპულის" სასტარტო შემადგენლობა ცნობილია

[VIDEO] ალისონის მე-300, სათადარიგო მამარდაშვილი და "ლივერპულის" გამარჯვებით დაწყებული პრემიერლიგა

U21. პლეი-ოფში საქართველოს ნაკრების მეტოქე გაირკვა

სექტემბრის სანაკრებო მატჩები | ინფორმაცია ბილეთების შესახებ

ლუის ენრიკე რევოლუციურ ცვლილებებს აპირებს - იქნება კვარაცხელია სასტარტოში?

ცუდი ამბავი - საბა გოგლიჩიძე ტრავმის გამო ევროპის ჩემპიონატს გამოტოვებს

"ნანტთან" მატჩში პსჟ-ს სასტარტო შემადგენლობა ცნობილია

[VIDEO] ლუის ენრიკეს ექსპერიმენტი და "კვარა" შეცვლაზე - პსჟ-მ "ნანტს" მოუგო

"კრისტალ პალასთან" მატჩში მამარდაშვილი სათადარიგოა

[VIDEO] მამარდაშვილი არ ათამაშეს - "ლივერპული" სუპერთასზე "კრისტალ პალასთან" დამარცხდა

მატჩის დღე! საქართველო VS საფრანგეთი - ახალგაზრდები ჯგუფიდან გასასვლელად