<p>"შავი ლომი" 2023 წლის რაგბი ევროპის სუპერთასის ჯგუფური ეტაპის დასკვნით შეხვედრას 18 ნოემბერს ლიმასოლში (კვიპროსი), ისრაელის "თელ-ავივ ჰითთან" გამართავს.</p><p>თასის ნახევარფინალში თამაში ორივე გუნდს განაღდებული აქვს. "შავმა ლომმა" პირველ ტურში ესპანური "იბერიანსი" დაამარცხა ბონუსით (თბილისში 39:19), ორი დღის წინ კი ლისაბონში პორტუგალიურ "ლუზიტანუშს" სძლია (22:0) და მაქსიმუმი, 10 ქულა მოაგროვა. ორივე თამაში ბონუსით მოიგო "ჰითმაც" – "ლუზიტანუშთან" ლისაბონში 31:23 და ვალიადოლიდში "იბერიანსთან" 38:20.</p><p>"შავი ლომი" "ჰითს" დამატებითი მაჩვენებლებით სჯობნის და პირველ ადგილს ფრის შემთხვევაშიც ინარჩუნებს. "ცირიონ სთადიუმზე" შეხვედრა საქართველოს დროით 21 საათზე დაიწყება.</p><p><p><p><strong>მზადება პორტუგალიაში</strong></p></p> <p><p><strong></p><p></strong></p></p> "ლუზიტანუშთან" დამაჯერებელი გამარჯვების შემდეგ "შავი ლომი" პორტუგალიაში დარჩა და "ჰითისთვის" მზადებას შეუდგა. გუშინ ბიჭებს აღდგენის დღე ჰქონდათ, ორშაბათი განვლილი თამაშის ანალიზს დაეთმობა, სამშაბათს და ოთხშაბათს კი ძირითადი ვარჯიშები გაიმართება.</p><p>„იყო ალბათობა, რომ "ჰითთან" პარიზში გვეთამაშა. ამიტომ, ტურნე თავიდანვე ასე დავგეგმეთ. ლისაბონში მოვემზადებით, ლიმასოლში ოთხშაბათს გავფრინდებით“ – ამბობს მთავარი მწვრთნელი ლევან მაისაშვილი და "ლუზიტანუშთან" განვლილ შეხვედრას აფასებს:</p><p><p><p>„ისევე, როგორც "შავი ლომი" საქართველოსთვის, "ლუზიტანუში" პორტუგალიის სანაკრებო ბირთვია და კარგად ვიცით, რასაც თამაშობენ. ამ გუნდს ისეთივე ტაქტიკა დავუპირისპირეთ, როგორიც მსოფლიო თასზე პორტუგალიას. ორიენტირებულები ვიყავით კონტაქტის არეში უპირატესობის მოპოვებაზე და მთელი 80 წუთი ვდომინირებდით. მეტოქე შეჯგუფებებში პირწმინდად დავჯაბნეთ და სხვაობა გაცილებით დიდი უნდა ყოფილიყო, თუმცა ბევრი მომენტი ვერ გამოვიყენეთ. აგრესიულები ვიყავით დაცვაში და მეტოქეს ქულის აღების შესაძლებლობა არ მივეცით. მთლიანობაში კმაყოფილი ვარ, რადგან რაც დავგეგმეთ – ბონუსით მოგება – შესრულებულია!“.</p></p></p><p><p><p><strong>ტრავმირებულები</strong></p></p> <p><p></p><p>მომავალი თამაშისთვის ტრავმირებული მოთამაშეებიდან "შავ ლომს", შესაძლოა, ნოდარ ჭეიშვილი და გიორგი ჩხარტიშვილი დაუბრუნდნენ. ოდნავ მოგვიანებით ელიან მირიან მოდებაძის, დემე თაფლაძისა და თენგიზ ზამთარაძის დაბრუნებას. სამწუხაროდ, მიმდინარე სეზონში გუნდს ვეღარ დაეხმარებიან შალვა მამუკაშვილი და მიხეილ გაჩეჩილაძე.</p><p>„ტრავმირებული მოთამაშეთა ნაწილი ეტაპობრივად დაგვიბრუნდება. სამწუხაროდ, გვყავს ისეთები, რომლებისთვისაც ეს სეზონი დასრულდა. აღსანიშნავია, რომ განვლილ თამაშებში "შავი ლომის" შემადგენლოობაში ახალი სახეები მრავლად გამოჩნდნენ და მათი ინტეგრაცია ძალიან კარგად მიმდინარეობს“ – აღნიშნა მაისაშვილმა.</p></p></p><p><p><p><strong>ურთიერთშეხვედრები</strong></p></p> <p><p></p><p>აქამდე "შავ ლომსა" და "ჰითს" ერთმანეთში 5-ჯერ უთამაშიათ. სუპერთასის პირველ გათამაშებაში "ჰითს" ორივე შეხვედრა ბონუსით მოვუგეთ – თბილისში 33:10 და ფეთაჰ თიქვაში 52:28. 2022 წელს ისრაელის გუნდს ჯგუფურ ეტაპზე ვერცერთხელ ვაჯობეთ. თბილისში თამაში ფრედ, 25:25 დასრულდა, თელ-ავივში კი მასპინძლებმა 24:18 მოიგეს. ორიოდე თვეში "ჰითს" უკვე სუპერთასის მეორე გათამაშების ფინალში შევხვდით და „ავჭალაზე“ 29:17 დავამარცხეთ.</p><p>მომავალი მეტოქის შესახებ მაისაშვილი ამბობს:</p><p>„ისინი ყოველ წელს აახლებენ შემადგენლობას. მუდამ ცდილობენ პრობლემური რგოლების უკეთესი მოთამაშეებით გაძლიერებას და შეჯგუფებში წინა წლებთან შედარებით გაცილებით ძლიერად გამოიყურებიან. ისინი უკეთესები არიან შერკინებაში და განვლილ ორ შეხვედრაში მოლით არაერთი ლელო გაიტანეს. ტრადიციულად, არსად წასულა მათი ინდივიდუალიზმი. მგეზავი უნარიანად მართავს თამაშს და კარგი ფეხი აქვს“.</p><p>„თუმცა ამ გუნდს აქვს სისუსტეებიც და თუ სისტემურად გამართულ რაგბის ვითამაშებთ, უპირატესობა აუცილებლად გვექნება. ისიც გასათვალისწინებელია, რომ სუპერთასის მოგების გარდა, ჩვენი მიზანი ჩელენჯ თასისთვის სელექცია და მომზადებაა“.</p></p></p><p><p><p><strong>rugby.ge</strong></p></p> <p><p><strong></p><p></strong></p></p> <p><p><strong> </strong> <p></p></p><br></p>
goga
ოსრაელის გუნდებს რატომ არ უკრძალავენ საერთაშორისო თამაშებში ასპარეზობას?
რაგბის კავშირმა და მაისაშვილმა თანამშრომლობა დაასრულეს
15-ქალას ელიტური მეტოქე
ნიკა ამაშუკელი - ტოკიო, ლონდონი და გენუა
დუბაის დიდი ქამბექი ლიმასოლში | შენგელიას გუნდმა ბოლდუინის მაკაბი დაამარცხა
კვარაცხელიას ტრავმის გამო - პსჟ-მ შეიძლება ბრაზილიელი შემტევი დაიმატოს
ბასილაშვილი მეცის ჩელენჯერს ტრავმის გამო ჩაეხსნა
ისტორიული ზღვარი და დრამატული გამარჯვება - 4000 ქულა თორნიკე შენგელიას ევროლიგაში
მარკის რიდი მატჩის საუკეთესო მოთამაშეა - "ბაჰჩეშეჰირმა" იტალიაში "რომა" გაანადგურა
19-წლამდელებმა შესარჩევში ასპარეზობა სან-მარინოსთან გამარჯვებით დაასრულეს
ლევან კობიაშვილი: მჯერა, რომ ამ გუნდს აქვს რესურსი, დაძლიოს არსებული სირთულეები და კიდევ ერთხელ აჩუქოს ჩვენს ქვეყანას ის ემოციები, რომლებიც ასე ძალიან დაგვაკლდა
შერმადინის "ტენერიფემ" ევროთასის მატჩი "ტელეკომს" თურქეთში დრამატულად მოუგო
CHANGE - ცვლილებების საჭიროება და ცვლილებები რეალური ცვლილებების გარეშე!..
ისევ საფრანგეთში, მაგრამ მე-3 ლიგაში - ბენ იედერი სამშობლოში დაბრუნდა
პრობლემა დე ლაურენტისის მოთხოვნაა - დე ბრუინს "ნაპოლიდან" წასვლა უნდა
"ეს უბრალოდ ფარსია!" - კასანომ რონალდინიო კარიერის განახლების გამო გააკრიტიკა
"იქ ვართ, სადაც ვიმსახურებთ" - შევჩენკომ თქვა, რომ მიზანს ვერ მიაღწიეს, მაგრამ მალდერა ნაკრებში დარჩება
"არანაირი პრობლემა არ იქნება" - სკალონი მესის სამწვრთნელო შტაბში შესაძლო გაწევრიანებაზე
ყაზახებმა ქართველებისთვის კარგად ნაცნობი ჯონ ვან'ტ სხიპი დანიშვნიდან 3 თვეში დაითხოვეს
"საქართველოს ნაკრები კარგად გამოიყურებოდა" - რა თქვა ზაბარნიმ გუშინდელი მატჩის შემდეგ
[PHOTO] ახლო მეგობრები - უკრაინის ნაკრების წევრმა მატჩის შემდეგ საქართველოს ნაკრების ფეხბურთელთან გადაღებული ფოტო გამოაქვეყნა
სვანაძე: ასე გაგრძელება არ შეიძლება - გულშემატკივრების რეაქციას კარგი თამაშით უნდა ვუპასუხოთ
უკრაინელთა მწვრთნელი: საქართველო არაფრითაა უნგრეთზე ან უკრაინაზე სუსტი - აბსურდულ სიტუაციაში გავიმარჯვეთ
როგორი შეფასებები მიიღეს საქართველოს ნაკრების ფეხბურთელებმა უკრაინასთან მატჩში?
სუპერთასი | ოთხი ცვლილებით პირველობისთვის
"შავი ლომი" | ჩელენჯ თასის პირველ ტურში "ოსფრიზმა" გვაჯობა
"შავი ლომი" | 42 მორაგბით ჩელენჯ თასზე
"შავი ლომი" | ლუკა ცირეკიძე მოსამზადებელ ეტაპსა და მომავალ შეხვედრაზე
"შავი ლომი" | თბილისის თასი "ჩიტასთან" გამარჯვებით დავხურეთ
"შავი ლომი" | ბრონკანის სადებიუტო რაზმი ჩელენჯ თასზე
სუპერთასის ფინალი თბილისში!
სუპერთასი. "შავმა ლომმა" წვიმასა და ავდარში "ჰითს" მოუგო
სუპერთასი | ზედიზედ მეორედ ფინალში "ჰითთან"
"შავი ლომი" | ახალი სახეებით "ჩიტასთან"