crocobet დიდი 10 | ყაზბეგი 17:36 ბათუმი

მოქმედმა ჩემპიონმა ‘ბათუმმა’ crocobet დიდი 10-ის მესამე ტურში სტეფანწმინდის ‘ყაზბეგი’ 36:17 დაამარცხა და ახალი სეზონის სტარტზე ზედიზედ მესამე გამარჯვება მოიპოვა, მათგან ორი ბონუს-ქულით.   თბილისში, &bdquo;ავჭალაზე“ გამართულ შეხვედრაში ნომინალურმა მასპინძლებმა სამი ლელო გაიტანეს, თუმცა ზღვისპირელებისგან ექვსი მიიღეს. შედეგად, ‘ბათუმმა’ აქტივს 5 ქულა შემატა და ჯამში 14-ით პირველ ადგილზე აღზევდა, ‘ყაზბეგი’ კი ერთადერთი გუნდია, რომელსაც 3 თამაშის შემდეგ ჯერჯერობით ქულა არ აუღია.   ძლიერ ქარში გამართული შეხვედრის დებიუტში ანგარიში სტუმრებმა გახსნეს. სტეფწმინდელებმა მოედნის ცენტრში ბურთზე კონტროლი დაკარგეს, ის კავეკინი ტამბუმ აიტაცა და სიჩქარე აკრეფილ ოთარ მეტრეველს დროული გადაცემა გაუკეთა, მან კი ლელომდე 50 მეტრი ირბინა. ‘ყაზბეგი’ პირველ ტაიმში ზურგქარში თამაშობდა და კობა ირემაშვილმა 40 მეტრიდან ჯარიმით სცადა ჩამორჩენის შემცირება, მაგრამ მიზანმა უმტყუნა, მერე კი ლაშა გედეხაურს არეკნი გაუცუდდა.   ტაიმის შუაში სტეფანწმინდელთა შეტევებმა შედეგი გამოიღო. ფორვარდების რამდენიმე დარტყმის შემდეგ ლუკა დვალიშვილმა ბურთი ხაზზე გაიტანა, გიორგი ნავროზაშვილმა 5-მეტრიანთან ხაზი სუფთად გაჭრა და მისი ლელო ირემაშვილმა გარდასახა. ‘ბათუმმა’ ლიდერობა 32-ე წუთზე მეტრეველის მეორე ლელოთი დაიბრუნა. ზურა ნინიძის კარგი თამაშის შემდეგ ბურთი მარცხენა ფრთაზე ჩათამაშდა, სადაც მას მეტრეველი ელოდებოდა და ალამთან ლელო ნახტომში გაიტანა. ტაიმის ბოლოს ‘ყაზბეგის’ ლეგიონერი სირილო ლოვოკურო სინბინით დაისაჯა, რითაც ზღვისპირელებმა იქვე ისარგებლეს ნუკრი ფერსელიძის ლელო ბუბა ნოზაძემ გარდასახა - 7:17.   მეორე ტაიმის დასაწყისში ჯერ კიდევ კაცნაკლულმა ‘ყაზბეგმა’ 5-მეტრიანი დერეფნიდან მოლით შეუტია, მისი ჩაქცევის შემდეგ ბურთი ნიკა ბაბუნაშვილზე გავიდა და ძალისმიერი ლელოთი ჩამორჩენა შეამცირა, თუმცა თამაში რომ განახლდა მასპინძლები შეცდნენ და საკუთარ 5-მეტრიანთან მეტოქის შერკინება მიიღეს. იქიდან ბურთი მოკლე ფრთაზე ზურა ნინიძეზე გავიდა და მისი ლელო ბუბა ნოზაძემ რთული პოზიციიდან გარდასახა.   სინბინიდან დაბრუნებულმა ლოვოკურომ 4 წუთში მაღალი ბოჭვისთვის მეორე ყვითელი ბარათი მიიღო და ‘ყაზბეგი’ 20 წუთით კაცნაკლული დარჩა. ‘ბათუმმა’ 5-მეტრიანთან შერკინება ირჩია, ბურთი მარჯვენა ფრთაზე ჩაათამაშა და რომა მახათაძემ ლელო გაიტანა, ხოლო ნოზაძემ რთული გარდასახვა კვლავ უნაკლოდ შეასრულა.   სტეფანწმინდელები არ გატყდნენ, 59-ე წუთზე კიდევ ერთი მოლი ააგორეს, მას გოჩა ფიცხელაური მოწყდა და მასპინძელთა მესამე ლელო გაიტანა. ‘ბათუმს’ ბონუს-ქულის ასაღებად ლელოს გატანა ჭირდებოდა და მიზანს 68-ე წუთზე უწია - გიორგი მარგალიტაძის კარგი თამაშის შემდეგ მახათაძემ დუბლი შეასრულა. გარდასახვა ძელმა აისხლიტა და ‘ბათუმმა’ 36:17 იმარჯვა. მატჩის საუკეთესო მოთამაშე ოთარ მეტრეველი გახდა.   Rugby.ge

კოფე გნებავთ?

მოხევეები და რაგბი. დდდდ)))))) გუნდიც კი ყოლიათ. )))))))))))

დიდი 10 | არმია 23:19 ლელო

დიდი 10 | ბათუმი 14:14 ხარები

დიდი 10 | ბათუმი 32:20 გორი

ლუის ენრიკემ "მარსელთან" მატჩში შემადგენლობა დაასახელა

"რეალის" მეკარე შეიძლება "ტოტენჰემში" გადავიდეს

"ბაიერნმა" მეკარე იჯარით "საუთჰემპტონში" გაუშვა

იქნება თუ არა მსუბუქი ტრავმის შემდეგ დღეს ხვიჩა ძირითადში - ფრანგული მედიის ვარაუდი

[VIDEO] ზურაბ მუსელიანმა "პარალიმნის" სათასო მატჩი მოაგებინა!

[VIDEO] "ნაპოლი" "ვერონასთან" ფრეს დასჯერდა

[VIDEO] მექვაბიშვილის სუპერგოლი თურქულ გუნდთან სპარინგში

ტიტე კალანდაძემ ევროპის ჩემპიონატისთვის შემადგენლობა დაასახელა

"უდინეზემ" კოლუმბიელი შემტევი შეიძინა

ზურაბ საკანდელიძისა და მიხეილ ქორქიას მემორიალი 9-15 იანვარს დიღმის არენაზე ჩატარდება

"მომთხოვნი და პირდაპირი ვარ" - "ჩელსის" ახალმა მწვრთნელმა საკუთარი თავი დაახასიათა

კვარაცხელია სრული კომპლექტისთვის! - კიდევ ერთი აზიური ფინალი

1000 ქულიანთა კლუბში - გასპერინიზე წინ მხოლოდ ორი მწვრთნელია

"რეალის" დიდი დანაკლისი - მბაპე სუპერთასზეც არ იქნება

შემცვლელი მალევე იპოვნეს - "სტრასბურგს" კვლავ ინგლისელი გაწვრთნის

60 000-იან სტადიონზე ფრანგი ფანები არ იქნებიან - ქუვეითში გასამართი პსჟ "მარსელის" სუპერთასის მატჩის უცნაური დეტალები

[VIDEO] შენგელიას ბრწყინვალე მატჩი ევროლიგაზე - ქართველმა "ბარსელონას" "მაქაბისთან" ულიდერა

ამჯერად მწვრთნელი არ იქნება - ერიკ ტენ ჰაგს ახალი სამსახური აქვს

[PHOTOS] "როდესაც, თითქმის შიშველი ხარ" - უკრაინელი სპორტსმენის თამამმა ფოტოებმა საზოგადოება აღაფრთოვანა

ოფიციალურად: ნეიმარმა "სანტოსთან" კონტრაქტი გაახანგლძრივა და მუნდიალზე წასვლის იმედი აქვს