U20. საქართველოს მორაგბეთა ნაკრებმა ფიჯი დაამარცხა

საქართველოს 20-წლამდე მორაგბეთა ნაკრებმა სამხრეთ აფრიკაში საერთაშორისო სერიის პირველ მატჩში ფიჯი  29:23 დაამარცხა.   ვიტო კოლელიშვილის გუნდმა პირველი ტაიმი 12:20 წააგო, შეხვედრის მეორე ნახევარში კი მეტოქე დაჯაბნა და გაიმარჯვა. "უმცროსი ბორჯღალოსნებიდან" ლელო დათა არობელიძემ, გიორგი ზაზაძემ, ლევან ეზიეშვილმა და გაბრიელ რაზმაძემ დადეს. თემურ ძოძუაშვილმა სამი გარდასახვა და ერთი საჯარიმო ზუსტად შეასრულა.   საქართველოს 20-წლამდელთა ნაკრები 26 მაისს ჩილეს, ხოლო 30 მაისს მასპინძელ სამხრეთ აფრიკას დაუპირისპირდება.   სამხრეთ აფრიკა. ქეიფთაუნი. &bdquo;სიტი პარკი“  საქართველო - ფიჯი 29:23 საქართველო ხაზი: 15. დათა არობელიძე, 14. ლუკა ტაბატაძე, 13. დათა ახვლედიანი, 12. ლეონიდე სალდაძე, 11. ავთანდილ ზვიადაძე, 10. მათე მახარაძე, 9. თემურ ძოძუაშვილი; შერკინება: 1. აჩი ნოზაძე, 2. დავით არჩვაძე, 3. ლევან ეზიეშვილი, 4. გიორგი მეფარიშვილი, 5. ნიკოლოზ ჩხორთოლია, 6. გიორგი არძენაძე, 7. ლუკა ნარსია (კაპ.), 8. გიორგი ზაზაძე. მარქაფა: 16. გიორგი აღნიაშვილი, 17. დაჩი ჭელიძე, 18. გაბრიელ რაზმაძე, 19. თორნიკე ტორაძე, 20. პაატა ჩაკვეტაძე; 21. გოგა უშვერიძე, 22. დემეტრე დევდარიანი, 23. ნიკა ხალვაში.

გულშემატკივარი

პირველი ტაიმის წაგების მიუხედავად ბიჭებმა და მწვრთნელებმა შესაბამისი დასკვნები გამოიტანეს და სასარგებლო დარიგებები მისცეს ახალგაზრდა მორაგბეებს,აშკარა და ანგარიშზეც აისახა! გასაგებია გულისწყვეტა,მეტიდამეტი გვსურს,გეთანხმებით,წარმატებები შრომით და მაღალი პასუხისმგებლობით მიიღწევა! 26მაისს ჩილესთან უკეთესი იქნება, ვიდრე ფიჯისთან იყო. რაც შეეხება მწვრთნელებს,პროფესიული რაგბიდან მოვიდნენ,სადაც მაღალ დონეზე თამაშობდნენ, ეს ბიჭებიც იმუშავებენ საკუთარ კარიერაზე და სასურველ შედეგებსაც დადებენ! წარმატებები მორაგბეებს, მწვრთნელთა გუნდს, გულშემატკივრეს:წარმატებები შრომით მიიღწევა! დაველოდოთ!
555

ქართველ მწვრთნელთა კვალიფიკაცია დაბალია.
.

ძლიერი ქარი ძალიან უშლიდა ხელს ორივე მხარეს,მაგრამ მაღალ ბურთებზე,შეიძლება ითქვას,რომ ფიჯელებმა გვაჯობეს.კარში დარტყმებში,ჩვენ აღმოგვაჩნდა უპირატესობა,აუტებში კი,ორივე მხარე დაახლოებით ერთნაირად სცოდავდა.შერკინებაში ჩემთვის მოულოდნელად,თავიდან ფიჯელებმა გვაჯობეს და მხოლოდ ბურჯების შეცვლის შემდეგ მოვიპოვეთ უპირატესობა.დაცვაში ორივე მხარე უამრავ შეცდომებს უშვებდა.ისინი ჩვენ ძალისმიერ შეტევას ვერაფერს უხერხებდნენ,ჩვენ კი,მათ სწრაფ ,ხელდახელ შეტევებთან აღმოვჩნდით,სრულიად უსუსურები.საბოლოო შედეგი,მე მგონი,მაინც ფიზიკურმა მომზადებამ განსაზღვრა.დაიღალნენ, ბოლოს,როცა სჭირდებოდათ,რამდენიმე შესაძლებლობის მიუხედავად,ბოლო შეტევა გააფუჭეს და დამარცხდნენ.როცა ძლიერი ქარი უბერავს და შენ მაინც ძლიერ და მაღალ დარტყმას აკეთებ ფეხით,რომელსაც ბურთი უკან ატრიალებს და ჰკარგავ ბურთს,დამრტყმელი კი უნდა მიხვდეს,რომ ბურთი უფრო დაბალი ტრაექტორიით დაარტყას.ამას ვერც ჩვენი დამრტყმელი ხვდებოდა და რატომღაც,არც მწვრთნელებმა უკარნახეს.ყოველ შემთხვევაში,თამაშის მიხედვით ასე ჩანდა და თუ მორაგბე მითითებას არ ასრულებდა,ეგ სხვა ამბავი და პრობლემაა.ფიჯელებმა თავისი შეტევა გვაჩვენეს,აი ბიჭებო,ხელით თამაში ასე უნდაო.ჩვენებმა ძალისმიერი შეტევები ასე უნდაო და ახლა,ვინ მეტს ისწავლის მეტოქეებისაგან ჩატარებული გაკვეთილისაგან,მათ ბიჭობაზე და მწვრთნელების მარიფათზეა დამნოკიდებული.ფაქტია,რომ ორივე მხარეს ზღვა სამუშაო და პრობლემები აქვს,ორივე მხარე,ბოლოსკენ პრაგმატულ ამოცანებზე გადავიდა გამარჯვებისათვის იბრძოდა.მერჩია ისევ განვითარებისათვის ეთამაშათ,მაგრამ გამარჯვების სურვილიც გასაგებია და მწვრთნელებს ვერ გაამტყუნებ.კარგ დასაწყისს ხომ დიდი მნიშვნელობა აქვს.ვულოცავ ბიჭებს ამ გამარჯვებას და ვფიქრობ,ჩილესთანაც უპირატესობა გვექნება.აი მესამე თამაში კი,აფრიკელებთან,ნამდვილი ხორცსაკეპი იქნება და იქ გამოჩნდება,დღეისთვის სად ვართ.საკუთარ მოედანზე აფრიკელები,ალბათ სრული ძალით დაგვეძგერებიან და არც ჩვენები დაიზოგავენ თავებს.გამარჯვებით დავიწყეთ და მომდევნო მატჩებშიც წარმატებებს ვუსურვებ ჩვენ ნაკრებს,მაგრამ იმ დიპლომისა არ იყოს,უდიპლომო სასიძოში რომ ეუბნება,შემოქმედებითი თამაში,მაინც საჭიროა ბიჭებო.ხომ ნახეთ,შეტევაში როგორ მოდიოდნენ და ჩვენ რატომ არ შეგვიძლია ასე არასტანდარტული პასებით თუ მოძრაობებით თამაში?ამ ასაკში,შედეგი მნიშვნელოვანია,მაგრამ არა მთავარი და მწვრთნელები მათი ტექნიკური უნარების განვითარებაზე უფრო მეტს თუ იმუშავებენ და ამის გამო,დღეს თუნდაც უარესი შედეგები ექნებათ,ამას უკუსვლად და წარუმატებლობად ნუ ჩავთვლით.მთავარია,ეროვნული ნაკრებისთვის უფრო მომზადებული შევსება გაიზარდოს საიმდროოდ გახდნენ ძლიერები.

20 წ. | ვინ მოდის საქართველოში - შოტლანდია

20 წ. | ვინ მოდის საქართველოში - ფიჯი

20 წ. | "უმცროსმა ბორჯღალოსნებმა" მსოფლიოსთვის დასკვნითი შეკრება დაიწყეს

სუპერთასი 2026 | მატჩების თარიღები ცნობილია

„აი, რატომ მიყვარს FIFA-ს მსოფლიო თასი“ - McDonald’s საქართველომ FIFA World Cup 2026-ის კამპანია დაიწყო

20 წ. | ვარსკვლავთცვენა თბილისისა და ქუთაისის სარაგბო სტადიონებზე

აზარი: ფავორიტად რომ არ მიგვიჩნევენ, უფრო მშვიდად თამაშის საშუალებას მოგვცემს

კიდევ ერთი ქართველი UFC-ში - ჩოხელი სადებიუტო ბრძოლას 21 ივნისს გამართავს

20 წ. | ვინ მოდის საქართველოში - შოტლანდია

საქართველოს ქალთა ნაკრებმა მეოთხე მატჩის წააგო. ხუთივე გოლი ბერძნებმა გაიტანეს - ორი საკუთარ კარში

[VIDEO] ახალგაზრდულმაც წააგო, თან მოლდოვასთან 3 გოლი გაუშვა

20 წ. | ვინ მოდის საქართველოში - ფიჯი

"შავი ლომი" | შეცვლილი შემადგენლობით "სუზუკი გრიქასთან"

მოურინიოს "რეალის" მწვრთნელად 10 ივნისს წარადგენენ

კაზემირო და მესი ერთად - ბრაზილიელი მაიამის "ინტერში" გადადის

3 წელი საუდის არაბეთში ყოფნის შემდეგ - კესი სავარაუდოდ, იტალიაში დაბრუნდება

ზაბარნი შესაძლოა, პრემიერ ლიგას დაუბრუნდეს - უკრაინელით ყოფილი მწვრთნელი ინტერესდება

კიდევ 1 სეზონი დარჩა - ჟირუ მომავალ სეზონშიც "ლილში" ითამაშებს

თოფურია "რეალის" მწვრთნელად მოურინიოს დანიშვნას მოუთმენლად ელის

ყველა დროის ყველაზე ძვირადღირებული ტრანსფერი? - ამ ზაფხულს შესაძლოა, რეკორდი მოიხსნას

შეთანხმება აქედანვე სურთ - "ბარსელონაში" მომავალ მწვრთნელად ფაბრეგასის ხილვა უნდათ

"რეალში" პეპეც ბრუნდება - პორტუგალიელი მოურინიოს დაეხმარება

ალისონი "ლივერპულში" დარჩა - ცნობილია, მუშაობს თუ არა "იუვენტუსი" მამარდაშვილის ტრანსფერზე

20 წ. | "უმცროსმა ბორჯღალოსნებმა" მსოფლიოსთვის დასკვნითი შეკრება დაიწყეს

20 წ. | მესამედ მოქმედ მსოფლიო ჩემპიონთან

20 წ. | როტაციით ჩილესთან

20 წ. | სამხრეთაფრიკულ სერიას ფიჯისთან ჯახით ვიწყებთ

U20. საქართველოს მორაგბეთა ნაკრები სამხრეთ აფრიკასთან დამარცხდა

20 წ. | ვარსკვლავთცვენა თბილისისა და ქუთაისის სარაგბო სტადიონებზე