ავსტრალიის ღია პირველობა: მარიას თრილერი და დიდი სენსაცია კაცების ბადეში

დელ პოტრო შინ გაუშვეს ავსტრალიის ღია პირველობაზე დასრულდა მეორე წრე და გაირკვა ყველა მეთექვსმეტედფინალისტი.სათამაშო დღე გამორჩეული იყო ბევრი საინტერესო მომენტით. დღის მოვლენად კი შეიძლება მოვნათლოთ 42-გრადუსიანი სიცხე, რის გამოც ორგანიზატორებმა ადგილობრივი დროით 14 საათზე ორი მთავარი კორტი მოძრავი სახურავით გადახურეს, დანარჩენ მოედნებზე კი მატჩები 16 საათისთვის გადადეს. მოგვიანებით მელბურნში გაწვიმდა და ამ მიზეზით შეხვედრების განახლება კიდევ ორი საათით გადაიდო. ამიტომაც სათამაშო დღე ღამის ორ საათამდე გაგრძელდა.დღის მატჩიძალიან რთული გამარჯვება მოიპოვა 16 იანვარს რუსმა მარია შარაპოვამ, რომელიც მსოფლიოს 44-ე ჩოგანს, იტალიელ კარინ კნაპს ხვდებოდა. მარია მხოლოდ მეორე ტურნირს ატარებს ხუთთვიანი პაუზის შემდეგ და სათამაშო პრაქტიკა აკლია, რაც კარგად გამოჩნდა გუშინდელ მატჩში. შეხვედრა 40-გრადუსიან სიცხეში სამი საათი და 28 წუთი გაგრძელდა. ორგანიზატორებმა კორტის გადახურვა მაშინ მოიფიქრეს, როცა მესამე სეტი იწყებოდა."მე მოვიგე პირველი სეტი, ბრეიკი შევასრულე და წინ გავედი მეორეში. უბრალოდ, მომდევნო გეიმის მოგება მჭირდებოდა", - დანანებით აღნიშნა მატჩის შემდეგ შარაპოვამ.მეორე პარტიის წაგების შემდეგ რუსს სამი მატჩბოლი ჰქონდა 5:4-ზე, მაგრამ კნაპმა ჯერ ხაზზე დასვა ბურთი მარცხნიდან დარტყმით, მეორე ჯერზე ბრწყინვალე ფორჰენდი შეასრულა, მესამე მატჩბოლზე კი შარაპოვამ ბადეს მოარტყა ბურთი. იტალიელმა ანგარიში გაათანაბრა - 5:5. ბრძოლა ძალიან დაძაბული იყო და კნაპი ბევრით არაფრით ჩამოუვარდებოდა მეტოქეს.და მაინც, მე-17 გეიმში შარაპოვამ ბრეიკი გააკეთა, რის შემდეგაც შეინარჩუნა საკუთარი მოწოდება და მესამე რაუნდში ფრანგ ალიზ კორნეზე გავიდა - 6:3, 4:6, 10:8.დღის სენსაციაავსტრალიის ღია პირველობას არ შეიძლება ეწოდოს ხუან მარტინ დელ პოტროს საყვარელი ტურნირი. არგენტინელი მელბურნში არასოდეს გასულა მეოთხედფინალზე შორს, მაგრამ არც ისე მომხდარა, რომ მეორე წრის მატჩი წაეგოს მსოფლიოს 62-ე ჩოგანთან.მაგრამ 16 იანვარს ასეთი რამ მოხდა. მეხუთე ნომრად განთესილმა ოთხსაათიანი მარათონი დათმო ესპანელ რობერტო ბაუტისტა-აგუტთან - 6:4, 3:6, 7:5, 4:6, 5:7. ეს არის ჯერჯერობით ყველაზე დიდი სენსაცია მამაკაცთა ბადეში.ფავორიტთა გასეირნებაიოლად მოიგეს თავიანთი მატჩები რაფაელ ნადალმა და როჯერ ფედერერმა. ესპანელმა მხოლოდ რვა გეიმი დაუთმო 17 წლის ავსტრალიელ ტანასი კოკინაკისს. ფედერერმა კი ბრწყინვალე სტილში მოუგო პირველი ორი სეტი ბლაჟ კავჩიჩს, მესამეში ოდნავ მოუკლო, მაგრამ მაინც სძლია მეტოქეს ტაი-ბრეიკზე.ძალიან ახლოს იყო ერთი სეტის წაგებასთან ენდი მარეი. ის ფრანგ ვენსან მიიოსთან მესამე სეტს 1:5-ს აგებდა, მაგრამ სეტბოლი მოიგერია და შემდეგ ზედიზედ 23 (!) გათამაშება თავის სასარგებლოდ დაასრულა.დღის მებრძოლიფრანგმა ჟილ სიმონმა, რომელიც ჯერ კიდევ შაბათს ტრავმირებული კოჭის გამო ყავარჯნებით გადაადგილდებოდა, ავსტრალიის ღიაზე ზედიზედ მეორე ხუთსეტიანი მატჩი მოიგო. ორი დღის წინ მან დანიელ ბრანდსთან 16:14 იმარჯვა მეხუთე სეტში, თანაც, იმ თამაშში ჟილმა შვიდი მატჩბოლი მოიგერია. ახლა კი 3 საათი და 53 წუთი ბრძოლის შემდეგ დაამარცხა ავსტრალიის ღიას ყოფილი ფავორიტი მარინ ჩილიჩი - 4:6, 7:6, 6:7, 6:1, 6:2.სიმონმა მოიგო მეორე პარტია, რომელშიც ჩილიჩი ორჯერ აწვდიდა სეტზე, მესამეში კი 0:5-დან 6:5 დაწინაურდა...ახლა სიმონი 1/16-ფინალში თანამემამულე ჟო-ვილფრიდ ცონგას შეხვდება.დღის ციფრიწინა დღეს ამერიკელმა სერენა უილიამსმა ავსტრალიის ღია პირველობაზე მოგებათა რიცხვი 60-მდე აიყვანა. 16 იანვარს კი ერთგვარი იუბილე ჰქონდა როჯერ ფედერერს - სლოვენიელ ბლაჟ კავჩიჩთან მოგება 70-ე იყო შვეიცარიელისთვის "მელბურნ-პარკის" კორტებზე.დღის კურიოზიდღის კურიოზიც "დიდი სლემის" ტურნირების 17-გზის გამარჯვებულს უკავშირდება. საქმე ისაა, რომ ავსტრალიის ღიას ორგანიზატორებმა ფედერერის მატჩი არა ცენტრალურ კორტზე, არამედ მნიშვნელობით მეორე მოედანზე დანიშნეს. არადა, აქამდე როჯერს ზედიზედ 63 მატჩი ჰქონდა ჩატარებული როდ ლეივერის სახელობის ცენტრალურ კორტზე."ბოლოს მეორე კორტზე ათი წლის წინ ვითამაშე, - იხსენებს ფედერერი. - ამიტომაც გასახდელიდან ადრე გამოვედი, რათა მოედნამდე მისასვლელი გზა არ ამრეოდა და მატჩზე დროულად გამოვცხადებულიყავი".სამაგიეროდ, დაიბნენ ფედერერის მეუღლე მიროსლავა და მისი გუნდის სხვა წევრები. მატჩის დაწყებამდე რამდენიმე წუთით ადრე ისინი როდ ლეივერის კორტზე მივიდნენ და მოგვიანებით მიხვდნენ, რომ მეორე კორტზე უნდა გადასულიყვნენ, საითკენაც გზა ნავიგატორის დახმარებით გაიკვლიეს."მომეწონა აქ თამაში, რადგან ეს კორტი დიდად არ განსხვავდება როდ ლეივერის არენისგან. პუბლიკაც კარგად იქცეოდა და ატმოსფეროც სასიამოვნო იყო", - არ გაუწყრა ორგანიზატორებს ფედერერი.II წრეკაცებირაფაელ ნადალი (ესპ, 1)-ტანასი კოკინაკისი (ავსტრა) 6:2, 6:4, 6:2; გაელ მონფილსი (საფ, 25)-ჯეკ სოკი (აშშ) 7:6(2), 7:5, 6:2; დონალდ იანგი (აშშ)-ანდრეას სეპი (იტა, 24) 654, 2:6, 6:3, 4:6, 7:5; კეი ნიშიკორი (იაპ, 16)-დუშან ლაიოვიჩი (სერ) 6:1, 6:1, 7:6(3); მილოშ რაონიჩი (კან, 11)-ვიქტორ ჰანესკუ (რუმ) 7:6(9), 6:4, 6:4; გრიგორ დიმიტროვი (ბულ, 22)-იენ ჰსუნ ლუ (ტაივ) 6:3, 6:3, 7:6(11); ბენუა პერი (საფ, 27)-ნიკ კირგიოსი (ავსტრა) 6:7(5), 6:7(5), 6:4, 6:2, 6:2; რობერტო ბაუტისტა აგუტი (ესპ)-ხუან მარტინ დელ პოტრო (არგ, 5) 4:6, 6:3, 5:7, 6:4, 7:5; ენდი მარეი (ბრიტ, 4)-ვენსან მიიო (საფ) 6:2, 6:2, 7:5; ფელისიანო ლოპესი (ესპ, 26)-მიხაელ ბერერი (გერ) 6:4, 7:6(6), 6:4; სტეფან რობერი (საფ)-მიხალ პრსიეჟნი (პოლ) 7:6(3), 6:1, 6:7(3), 6:1; მარტინ კლიჟანი (სლოვაკ)-ბლაჟ როლა (სლოვენ) 6:4, 6:3, 5:7, 7:6(2); ჟო-ვილფრიდ ცონგა (საფ, 10)-ტომას ბელუჩი (ბრა) 7:6(6), 6:4, 6:4; ჟილ სიმონი (საფ, 18)-მარინ ჩილიჩი (ხორ) 4:6, 7:6(3), 6:7(5), 6:1, 6:2; თეიმურაზ გაბაშვილი (რუს)-ფერნანდო ვერდასკო (ესპ, 31) 7:6(1), 3:6, 2:6, 6:4, 6:4; როჯერ ფედერერი (შვეიც, 6)-ბლაჟ კავჩიჩი (სლოვენ) 6:2, 6:1, 7:6(4).ქალებიელენა იანკოვიჩი (სერ, 8)-აიუმი მორიტა (იაპ) 6:2, 6:0; კურუმი ნარა (იაპ)-მაგდალენა რიბარიკოვა (სლოვაკ, 32) 6:4, 6:3; ზარინა დიასი (ყაზ)-მარინა ერაკოვიჩი (ზელ) 6:4, 6:0; სიმონა ჰალეპი (რუმ, 11)-ვარვარა ლეპჩენკო (აშშ) 6:4, 0:6, 6:1; კარლა სუარეს ნავარო (ესპ, 16)-გალინა ვოსკობოევა (ყაზ) 7:6(2), 3:6, 8:6; დომინიკა ციბულკოვა (სლოვაკ, 20)-სტეფანი ფოგელი (შვეიც) 6:0, 6:1; ალიზ კორნე (საფ, 25)-კამილა ჯორჯი (იტა) 6:3, 4:6, 6:4; მარია შარაპოვა (რუს, 3)-კარინ კნაპი (იტა) 6:3, 4:6, 10:8; აგნიეშკა რადვანსკა (პოლ, 5)-ოლგა გოვორცოვა (ბლრ) 6:0, 7:5; ანასტასია პავლიუჩენკოვა (რუს, 29)-მენდი მინელა (ლუქ) 6:2, 6:2; გარბინ მუგურუსა (ესპ)-ანა შმიედლოვა (სლოვაკ) 6:3, 6:3; კაროლინ ვოზნიაცკი (დან, 10)-კრისტინა მაკჰეილი (აშშ) 6:0, 1:6, 6:2; სლოუნ სტივენსი (აშშ, 13)-აილა ტომლიანოვიჩი (ხორ) 3:6, 6:2, 7:5; ელინა სვიტოლინა (უკრ)-ოლივია როგოვსკა (ავსტრა) 6:4, 7:5; ივონ მოისბურგერი (ავსტრია)-ბოიანა იოვანოვსკი (სერ, 33) 3:6, 6:3, 6:2; ვიქტორია აზარენკა (ბლრ, 2)-ბარბორა ზახვალოვა (ჩეხ) 6:1, 6:4.ყოველდღიური სპორტული გაზეთი "ლელო"ასევე იხილეთ:<a href="/sport/individualuri-sakheobebi/chogburthi/59453-avstraliis-ghia-pirveloba-serenas-rekordi-da-rafteris-dabruneba.html" target="_blank">ავსტრალიის ღია პირველობა: სერენას რეკორდი და რაფტერის დაბრუნება</a>

თრილერი ცინცინატიზე - საბალენკამ რადუკანუ დაამარცხა

ერთი ნაბიჯი ტურნირის ძირითად ბადემდე - ბასილაშვილი ცინცინატის მასტერსის კვალიფიკაციის ფინალშია

სინერმა უიმბლდონზე ალკარასის დომინაცია დაასრულა - იანიკმა მეოთხე დიდი სლემის ტიტული მოიგო

Geo Team: არის პირადი კონტრაქტი - ჩაკვეტაძის "ვალენსიაში" ტრანსფერი ბოლომდეა მისაყვანი

17-წლამდე ვაჟთა ნაკრები საწვრთნელ შეკრებას იწყებს

სიგუა შვეიცარიაში გუნდს გამოიცვლის

15-წლამდე გოგონათა ნაკრები განვითარების თასისთვის ემზადება

"ტოპ გუნდის წინააღმდეგ ჩვენგან ასეთი დომინაცია დიდი ხანია არ მინახავს" - ფერდინანდი "არსენალთან" მარცხის შემდეგ

ლიდერის შთამბეჭდავი მოგება; "გაგრას" გამარჯვება ბათუმში; ათკაციანი "თელავის" ფრე ქუთაისში

[VIDEO] კვერნაძე შევიდა, გაიტანა და "ფროზინონე" 1/16-ფინალში გაიყვანა

"ნანტთან" მატჩში პსჟ-ს სასტარტო შემადგენლობა ცნობილია

"მეცი" სახლში "სტრასბურგთან" დამარცხდა - წიტაიშვილმა შეუცვლელად ითამაშა

"ვალენსია" ჩაკვეტაძის ტრანსფერზე "უოტფორდს" დაუკავშირდა

"სტრასბურგთან" მატჩში წიტაიშვილი სასტარტოშია, აბუაშვილი - სათადარიგოა

საქართველოს ნაკრები ევრობასკეტისთვის მზადებას ჩეხეთთან 2 მატჩით დაასრულებს

"ლევერკუზენმა" შესაძლოა, "იუნაიტედის" ყოფილი მცველი დაიმატოს

"თუ ფეხბურთელს წასვლა უნდა, უნდა წავიდეს" - პეპ გვარდიოლამ ედერსონ მორაეშზე ისაუბრა

"მან მხოლოდ კრივი იცის, მე მომავალი ჩემპიონი ვარ" - არმან ცარუკიანი

"წელს ჩვენი მთავარი მიზანი ეს იქნება" - რა თქვა ლუის ენრიკემ "ნანტთან" მატჩამდე?

"რეალში" ფიქრობენ, რომ ახალი იამალი შეიძინეს, მაგრამ..." - ლევანდოვსკიმ "ბლანკოსზე" ისაუბრა

"იცით, პსჟ-ში თამაშის დროს ბონუსს რაში იღებდა?" - ბრიტანელმა მწვრთნელმა ნეიმარზე შოკისმომგვრელი დეტალი გაამხილა

ხამზატ ჩიმაევი UFC-ის საშუალო წონის ახალი ჩემპიონია

"დინამო თბილისი": სამი გოლი, სამი ქულა

აშშ-ის ღია: სუპერმატჩი ახლოვდება

როგორ გამოიყურება მარია შარაპოვას მდიდრული სახლი [VIDEO+PHOTO]

აშშ-ის ღია: ფედერერი-ნადალი არ იქნება

როდის დაბრუნდება შარაპოვა? - მარიამ ვარჯიში დაიწყო

ნადალი: როდესაც მესიმ ექსტრა-ტაიმში გაიტანა, ცრემლები წამომივიდა

ნოვაკ ჯოკოვიჩი US Open-ის გამარჯვებული გახდა [VIDEO]

ირვინგის ჩელენჯერზე ნიკოლოზ ბასილაშვილი თეიმურაზ გაბაშვილს დაუპირისპირდება

ინდიან უელსის ტურნირი: ხუან მარტინ დელ პოტრომ როჯერ ფედერერი შეაჩერა

"ბატონო ნადალ, ფოტო შეიძლება?!" - ფედერერმა გულშემატკივრებთან საუბარში სასაცილო ისტორია გაიხსენა

მაგიური ჯოკოვიჩი - ნოვაკი 2028 წლის ოლიმპიადაზე თამაშს გეგმავს

კარიერადასრულებული ორსული შარაპოვა რუსეთის სახელით ასპარეზობისთვის დაიჩაგრა?! - ლონდონში უცნაური ამბავი მოხდა

ნადალი: "რეალის" ფანი ვარ, მაგრამ მესი რონალდოზე უკეთესია [VIDEO]

ყველა დროის ყველაზე ხანგრძლივი პირველობა მამაკაცებსა და ქალებშიც - ჯოკოვიჩმა ისტორიული მიღწევა დააფიქსირა

მარია შარაპოვა: კარიერის დასრულებას მივუახლოვდი, მაგრამ...

გინდოდათ შარაპოვასთან მესიჯობა? ახლა ეს შესაძლებელია

ფედერერის შემდეგ ნადალიც - ჩოგბურთიდან რაფაც მიდის

დღეს შანხაიში: ბასილაშვილი VS დელ პოტრო

ჩოგბურთის ერთ-ერთმა სექსსიმბოლომ კარიერა დაასრულა!

"მადლობა, რომ იყავი მაგალითი კორტსა და მის მიღმა" - დელ პოტრო ფედერერს დაემშვიდობა