<p>ბაქოს "ინტერის" 36 წლის ქართველი ფეხბურთელი პარალელურად გერმანიის ავტორიტეტულ სკოლაში სპორტულ მენეჯმენტს სწავლობს <br> აზერბაიჯანის ჩემპიონატის წინა ტურში ბაქოს "ინტერის" ქართველმა ლეგიონერმა <strong>ალექსანდრე იაშვილმა</strong> ისეთი შედევრი შეასრულა, მერე ინტერვიუ რომ ვთხოვეთ, გვითხრა - ამ გოლს ჩემს საუკეთესო ათეულში შევიტანდიო.</p><p>არადა, 1993 წლის 2 ნოემბრის შემდეგ იაშვილს, საკლუბო თუ სანაკრებო დონეზე, 180 გოლი აქვს გატანილი.</p><p>ქართველი თავდამსხმელი აზერბაიჯანში სათამაშოდ ამ სეზონის დასაწყისში წავიდა და გერმანულის მერე იქაურ პირობებთან შეგუება ცოტა რომ გაუჭირდა, "ინტერის" მწვრთნელის, <strong>კახა ცხადაძის</strong> ინიციატივით განხორციელებულ ტრანსფერს ალმაცერად შეხედეს.</p><p>იაშვილი კი ნელ-ნელა ისე ათამაშდა, კრიტიკოსებს სალაპარაკო მოუსპო და როგორც მოსალოდნელი იყო, ლეგიონერებით გაძეძგილ აზერბაიჯანის ჩემპიონატში 36 წლის ქართველი ერთ-ერთი საუკეთესოა...</p><p>- თავიდან, როცა არჩევანი აზერბაიჯანის სასარგებლოდ გავაკეთე, ვიცოდი, რომ აქ ბუნდესლიგა არ დამხვდებოდა და ამიტომ ბაქოში ყოველმხრივ მომზადებული ჩამოვედი, - გვითხრა იაშვილმა ინტერვიუს დასაწყისში, - ცხადია, უცხო ქვეყანასთან, უცხო გარემოსთან ადაპტაციამ გარკვეული დრო წაიღო, მაგრამ ახლა უკვე ყველაფერი კარგადაა, ნორმალურ ფორმაში ვარ და, რაც მთავარია, გუნდიც თამაშიდან თამაშამდე სულ უფრო უკეთ გამოიყურება.</p><p><strong>- სეზონის დასაწყისში ადგილობრივი პრესა მაინცდამაინც არ გწყალობდათ...</strong></p><p>- ...და არც მიკვირდა. კრიტიკას ადეკვატურად აღვიქვამ და ამას გერმანიის მერე შეჩვეული ვარ. ნორმალურია, როცა ბუნდესლიგაში ნათამაშები ფეხბურთელისგან აზერბაიჯანში სხვებზე მეტს ითხოვენ.</p><p><strong>- როგორია თქვენი შთაბეჭდილება აზერბაიჯანის ჩემპიონატზე? საქართველოსთან შედარებაც არ შეიძლებაო, ამბობენ...</strong></p><p>- სამწუხაროდ, ასეა. აზერბაიჯანის ჩემპიონატში ძალიან დიდი ფული ტრიალებს, მაღალი დონის ფეხბურთელები ჩამოჰყავთ. აქ არის 5-6 ისეთი გუნდი, რომელსაც ისეთი პირობები აქვს, ცნობილ ევროპულ კლუბებსაც რომ შეშურდებათ.</p><p>აგერ, ახლახან "ყარაბაღმა" ბელგიის ჩემპიონ "ანდერლეხტისგან" ერთბაშად 4 ფეხბურთელი ინათხოვრა, "გაბალამ" კი პორტუგალიიდან რუსი ლეგიონერი მარატ იზმაილოვი მიიწვია. ჩამოჰყავთ არგენტინელი და ბრაზილიელი ფეხბურთელები და წარმოიდგინეთ, ზოგიერთი მათგანი ძირითადშიც ვერ ხვდება. აზერბაიჯანის ჩემპიონატის რეგლამენტით, თითოეული გუნდის სასტარტო შემადგენლობაში 4 ადგილობრივი ფეხბურთელი მაინც უნდა იყოს.</p><p><strong>- აზერბაიჯანის ჩემპიონატში დიდი ფული ტრიალებსო, თქვით, მაგრამ ფაქტია - ნაკრებს მაინც დიდი არაფერი ეტყობა...</strong></p><p>- სხვათა შორის, ისეთი შედეგი, როგორიც აზერბაიჯანის ნაკრებს ბოლო შესარჩევში ჰქონდა, მის ისტორიაში საუკეთესოა - გუნდმა ჯგუფში 9 ქულა მოიპოვა. არ ვიცი, აქამდე აზერბაიჯანის ნაკრები როგორ თამაშობდა, თუმცა ბაქოში ყველა ამბობს, რომ ნაკრების პროგრესი აშკარაა და მალე შეიძლება მსოფლიოს ან ევროპის ჩემპიონატზე მოხვედრის პრეტენზიაც გაუჩნდეთ.</p><p><strong>- ამას წინათ თქვით, რომ შესაძლოა, სეზონის ბოლოს კარიერას წერტილი დაუსვათ. უკვე იცით, რას გააკეთებთ საფეხბურთო კარიერის დასრულების შემდეგ?</p><p></strong>- ჯერჯერობით ფეხბურთისგან სიამოვნებას ვიღებ და ახლა ზუსტად ნამდვილად ვერ ვიტყვი, რა იქნება ამ სეზონის მერე. ისე კი, ცხადია, რომ ასაკიდან გამომდინარე, მომავალზე ახლა უფრო ხშირად ვფიქრობ. დიდი ალბათობით, ისევ ფეხბურთში დავრჩები.</p><p>გერმანიაში სპორტულ მენეჯმენტს ვსწავლობ, თან იმ სკოლაში, რომელიც თითქმის ყველა გერმანული კლუბის მენეჯერმა დაამთავრა. isp - ფრიად ავტორიტეტული სკოლაა. სწავლა ოქტომბერში დავიწყე და 18 თვის შემდეგ დავასრულებ.</p><p><strong>- რა მოხდა აზერბაიჯანის ჩემპიონატის წინა ტურში, "რევანთან" მატჩის დროს? ამბობენ, ლაშა სალუქვაძემ მეტოქე გუნდის მწვრთნელსა და ფეხბურთელებს უხამსი ჟესტი უჩვენაო...</strong></p><p>- არაფერი მსგავსი! "ინტერისთვის" ძალზე მნიშვნელოვანი შეხვედრა იყო და ბოლო წუთზე გატანილი გოლით რომ მოვიგეთ, ბუნებრივია, ყველას ძალიან გაგვიხარდა. გაუხარდა ლაშასაც, რომელმაც ემოცია ვერ დამალა და მერე ამას კუდი გამოაბეს - მეტოქეს შეურაცხყოფა მიაყენაო. სინამდვილეში კი, როგორც გითხარით, მსგავსი არაფერი მომხდარა - სალუქვაძემ ჩვენი გოლი აღნიშნა, ეს იყო და ეს. დისკვალიფიკაციაზე ლაპარაკიც არ ყოფილა.</p><p><span style="font-size: x-small;"><span style="color: #ff0000;"><strong>იხილეთ</strong></span>: <a href="/fexburti/qarthuli-fekhburthi/legionerebi/60543-sicruis-tyveobashi-qarthvelebi-azerbaijanuli-mediis-samizneshi.html" target="_blank">სიცრუის ტყვეობაში: ქართველები აზერბაიჯანული მედიის სამიზნეში</a> </span></p><p><span style="font-size: x-small;"><span style="color: #ff0000;"><strong>იხილეთ:</strong></span> <a href="/fexburti/qarthuli-fekhburthi/legionerebi/60447-qarthvelebi-cud-dgheshi-mamedovma-lasha-saluqvadzis-gasalakhad-gaitsia-video.html" target="_blank">ქართველები ცუდ დღეში: მამედოვმა ლაშა სალუქვაძის გასალახად გაიწია [VIDEO]</a></span></p><p><strong></p><p>- "რევანთან" მატჩში იშვიათი სილამაზის გოლიც გაიტანეთ...</strong></p><p>- ვერ ვიტყვი, რომ ჩემს კარიერაში ყველაზე ლამაზი გოლი გავიტანე, მაგრამ ამ გოლს ჩემს საუკეთესოთა ათეულში ადგილს კი მივუჩენდი.</p><p><p><div style="text-align: center;"><span style="font-size: x-small;"><span style="color: #ff0000;"><strong>იხილეთ ვიდეო</strong></span></span></p><p><a href="/mtavari/video.html?view=video&video=3579" target="_blank"><img src="pictures/artimages/image16/e85bb7e02ba7099baeec93115d25fe54.jpg" border="0" alt="Sportall.Ge" title="ლეგიონის უქმეები: ალექსანდრე იაშვილის ზღაპრული გოლი [VIDEO]" width="200" height="159" /></a></div></p> <strong>- ...და ყველაზე მნიშვნელოვანი რომელი გოლია?</strong></p><p>- პირველი გოლები, რომლებიც თბილისის "დინამოში", "ფრაიბურგსა" და საქართველოს ნაკრებში თამაშისას გავიტანე. ახლაც გუშინდელივით მახსოვს, "დინამოს" მაისურით გატანილი პირველი გოლი - 1993 წლის 2 ნოემბერს, თელავის "კახეთთან", თბილისში. საქართველოს ნაკრებში კი თავი პირველად 1996 წელს, მალტის ტურნირზე, მასპინძელთა კარში გატანილი გოლით გამოვიჩინე, ხოლო "ფრაიბურგში" თამაშისას პირველად "ბოხუმს" გავუტანე. ის თამაში 2:1 მოვიგეთ. ბუნდესლიგაში ახალგადასულები ვიყავით და ელიტაში ეს ჩემი პირველი გოლი იყო. მნიშვნელობიდან გამომდინარე, სამივე გოლი ჩემთვის ძალიან ძვირფასია.</p><p><em>(იბეჭდება მცირე ცვლილებით)</em></p><p><strong>ყოველდღიური სპორტული გაზეთი "ლელო"</strong></p>
აბურჯანია კარიერას საუდის არაბეთში გააგრძელებს
ხარატიშვილი ჩეხურ კლუბში გადავიდა
გადრანი "კაირატიდან" "ბეითარში" გადავიდა
ქართველი მსაჯები სომხეთისა და ირლანდიის მატჩს განსჯიან
"ფენერბაჰჩეს" დომენიკო ტედესკო ჩაიბარებს
ნიკოლოზ ბასილაშვილი ჩინური ტურნირის პირველივე წრეში დამარცხდა
"ნოტინგემმა" ეშპირიტუ სანტუ გაათავისუფლა - მოურინიო მისი შეცვლის ერთ-ერთი მთავარი კანდიდატია
"მარტო უნდა დავტოვოთ" - სკალონის ჰკითხეს, ითამაშებს თუ არა მესი 2026 წლის მსოფლიო ჩემპიონატზე
"სამწუხაროდ, ესპანეთში მას არ აფასებენ" - დე ლა ფუენტემ საკუთარი გუნდის ფეხბურთელი გამოარჩია
„Milan Junior Camp ჩვენი ახალგაზრდა ფეხბურთელებისთვის უდიდესი შესაძლებლობაა“ - გიორგი ფოფხაძე
უთავმოყვარეო და მშიშარა უწოდეს - სანტუშს აზერბაიჯანის ნაკრების დატოვება მაინც მოუწია
პსჟ ბარკოლასთან კონტრაქტის გაგრძელებაზე მოლაპარაკებას აწარმოებს
რატომ მოვიგეთ და როდის გავიმარჯვებთ "არმოსაგებში" - ბავშვებო, ისწავლეთ ხვიჩასგან!..
საქართველოს ნაკრებს ევრობასკეტზე მიღწეული ისტორიული შედეგისთვის მთავრობა ფულადი პრემიის სახით 3 მილიონ ლარს გადასცემს
"ამას ფეხბურთთან საერთო არაფერი აქვს" - "ბაიერნის" პრეზიდენტმა "ნიუკასლი" გააკრიტიკა
"ალბათ ამ პასუხს ნაკლებად ელოდით" - გვარდიოლამ დაასახელა ფეხბურთელი, რომლის "სიტიდან" გაშვებასაც ყველაზე მეტად ნანობს
"რუსეთის საფეხბურთო ნაკრებს სათადარიგოთა სკამზეც კი სუპერვარსკვლავები ჰყავს" - "რეალისა" და ესპანეთის ნაკრების ყოფილი მწვრთნელი
მე-6 ტიტული დიდი სლემის ტურნირზე - კარლოს ალკარასი აშშ-ის ღია პირველობის გამარჯვებულია
[PHOTO] არდა გიულერის ემოციები ესპანეთთან განადგურების შემდეგ
[VIDEO] შერჩათ თურქებს იამალი? - ესპანელი კურიოზულ სიტუაციაში აღმოჩნდა
"წავაგეთ ნაკრებთან, რომელმაც კალათბურთის თამაში 12 თვის წინ დაიწყო" - რას წერენ ფრანგი გულშემატკივრები საქართველოსთან მარცხის შემდეგ?
შენგელია: გასაკვირია ჯიკიჩი ევროლიგის გუნდს რომ არ წვრთნის
[VIDEO] ესპანეთმა თურქეთი გააბითურა - საქართველოს ნაკრები მეორე ადგილზეა
"ვიცი, რომ "რეალის" ფანია, მაგრამ ამ ორ გუნდს უფრო მოუხდებოდა" - კახა ცხადაძემ ხვიჩა კვარაცხელიაზე ისაუბრა
კვარას შეუძლია "რეალში" ან "ბარსელონაში" ითამაშოს, ის ამისთვის მზადაა - ლაშა სალუქვაძე
ბაქოს "ნეფთჩის" ფანები კახა ცხადაძესა და ზაურ სვანაძეს ახსენებენ...
ერთხელ ბაქოში... სად გაგვასწრო მეზობელმა ფეხბურთში
"საქართველოში მიაჩნიათ, რომ..." - ლაშა სალუქვაძემ "დინამო"-"ნეფტჩის" მატჩის შესახებ ისაუბრა
ალექსანდრე იაშვილი: ყველას დავანახეთ, რომ შეგვიძლია ასეთ გუნდებთან თამაში და მათი დამარცხება
აზერბაიჯანელებმა მთავარი მწვრთნელის პოსტი ოლეგ ბლოხინს შესთავაზეს - უკრაინელის პასუხი ცნობილია
soccer.ru: რუსეთის ჩემპიონატის 10 ყველაზე რეიტინგული ქართველი - ბრწყინვალეები, ჩემპიონები, ბომბარდირები, სიმბოლო და ჯარისკაცი
იაშვილი: მიზანია ვიბრძოლოთ პლეი-ოფის საგზურისთვის, მინიმუმ მეორე ადგილისთვის
"თუ ეს სიტუაცია დიდ ხანს გაგრძელდება, დიდ პრობლემად იქცევა" - რა თქვა სანიოლმა თურქეთთან და ბულგარეთთან მატჩების წინ
ოფიციალურად: ცხადაძე აზერბაიჯანულ გუნდს გაწვრთნის
ლაშა სალუქვაძე: ხვიჩას შეუძლია დიდ გუნდში ითამაშოს
"კაპიტნისა და ვიცე-კაპიტნის საკითხი ჯერ არ გადამიწყვეტია" - ვილი სანიოლის პრესკონფერენცია
ზაურ სვანაძე: კარგ ქართველ ფეხბურთელზე უარის ვინ იტყვის, მაგრამ...
ველით სისტემის შეცვლას - ვილი სანიოლი და საქართველოს ნაკრები სომხეთისთვის ემზადებიან
"ყინული დაიძრა, დარწმუნებული ვარ, რომ ახლო მომავალში ბევრი ქართველი ითამაშებს ევროპაში" - კახა ცხადაძე
ლაშა სალუქვაძე: ხვიჩა რუსეთში თავს ცუდად გრძნობდა
[ლეგიონი] ხიზანიშვილმა გამარჯვების გაიტანა, კვეკვესკირს ხელი გაარტყეს [VIDEO]
კვეკვესკირის როლი გასახდელში დიდია... ეს კონკურენციაა... ბათუმში კარგი საფარი იქნება - სანიოლისა და იაშვილის პრესკონფერენცია
"რუსთავმა" თურქულ შეკრებაზე წასაყვანი 26 ფეხბურთელი დაასახელა
"მგონია, რომ ახალგაზრდულ ევროპის ჩემპიონატზე კვარაცხელიას უთამაშებლობის მიზეზი ეს ზეწოლა იყო" - ცხადაძე ხვიჩასა და U21 ნაკრებზე
კახა ცხადაძე ყაზახეთის პრემიერლიგაში დაბრუნდა
ბაქოს "ინტერმა" ზაურ სვანაძეს ერთწლიანი კონტრაქტი შესთავაზა
ზაურ სვანაძემ და ბაქოს "ინტერმა" ახალი კონტრაქტი გააფორმეს