<p>რუსთავის "მეტალურგის" მთავარმა მწვრთნელმა სეზონის განახლებისთვის გუნდის სამზადისსა და მიზნებზე ისაუბრა <br> გაურკვევლობა თუ უსიამოვნო პერსპექტივა უკან დარჩა: რუსთაველ გულშემატკივართა გასახარად, "მეტალურგი" სრულფასოვნად მომზადებული ხვდება მეორე ეტაპის დაწყებას.</p><p>არადა, ზამთრის პაუზის დაწყებამდე "მეტალურგის" ამბიციურ მიზნებზე არც არავინ ლაპარაკობდა: კლუბის გაურკვეველი ფინანსური მდგომარეობის გამო გუნდიდან ხომ 15 ფეხბურთელი წავიდა!</p><p>აი, ასეთი, მართლაც არასახარბიელო "მემკვიდრეობა" დახვდა მშობლიური ქალაქის გუნდის მთავარ მწვრთნელად დანიშნულ ვარლამ კილასონიას, რომელიც ბავშვთა ფეხბურთში წარმატებული მუშაობის შემდეგ "მეტალურგში" ოთხწელიწადნახევრიანი პაუზის მერე დაბრუნდა. საბედნიეროდ, მერე გუნდის ფინანსური მდგომარეობაც მეტ-ნაკლებად გამოსწორდა, "მეტალურგში" 12 ახალი ფეხბურთელიც ჩაირიცხა და, რაც მთავარია, უცხოური შეკრების მოწყობაც მოხერხდა!</p><p>"მეტალურგი" რამდენიმე დღის წინათ დაბრუნდა თურქეთიდან, სადაც ოთხი საკონტროლო მატჩიც ჩაატარა და მეორე ეტაპის დაწყებამდე ამჟამად რუსთავში ემზადება. თუმცა ჩემპიონატის განახლებამდე "მეტალურგს" ერთობ სერიოზული მატჩი ელოდება: 22 თებერვალს, თასის პირველ მეოთხედფინალურ შეხვედრაში "დინამოს" უნდა უმასპინძლოს!</p><p>რუსთაველთა გუნდის ძველ-ახალ მთავარ მწვრთნელს, ვარლამ კილასონიას სწორედ მოახლოებული მატჩებისა და ახლახან დასრულებული თურქული შეკრების შესახებ ვთხოვეთ შთაბეჭდილების გაზიარება...</p><p>- ძალიან ნაყოფიერი შეკრება გამოვიდა. რაც მთავარია, დაგეგმილი თუ ჩაფიქრებული, ყველაფერი შევასრულეთ. ამას გარდა, ძალიან მნიშვნელოვანი იყო ის გარემოებაც, რომ თურქეთში ყოფნის იმ 12 დღის განმავლობაში მართლაც იდეალური ამინდი დაემთხვა და ვარჯიშებისა თუ საკონტროლო მატჩების ჩატარებაც იდეალურ პირობებში გვიხდებოდა.</p><p><strong>- ფეხბურთში "დაუწერელი კანონივით" არის - ზამთრის თუ ზაფხულის მოსამზადებელ შეკრებებზე ფეხბურთელები ტრავმებს ხშირად იღებენ ხოლმე...</strong></p><p>- სამწუხაროდ, ტრავმებს ვერც ჩვენ ავცდით: თურქულ შეკრებაზე სხვადასხვა სახის დაზიანება მიიღეს დობროვოლსკიმ, ტორონჯაძემ, სეფიაშვილმა, მიქაბერიძემ. მაღალი სიცხის გამო რამდენიმე ვარჯიში გაუცდა ჩვენს ახალწვეულ მერაბ გიგაურსაც.</p><p><strong>- ამ ფეხბურთელების ამჟამინდელი მდგომარეობა როგორია?</strong></p><p>- მეკარე კოკა სეფიაშვილი ორ კვირაში თუ დაიწყებს ვარჯიშს, მამუკა ტორონჯაძე - ერთ კვირაში, ბოლო საკონტროლო მატჩის დასაწყისში დაშავებული გიორგი მიქაბერიძე კი ორ-სამ დღეში შემოგვიერთდება. საბედნიეროდ, ყველა დანარჩენი ფეხბურთელი მწყობრშია და ნორმალურ ფიზიკურ კონდიციებში ხვდება სეზონის განახლებას.</p><p><strong>- თურქეთში ჩატარებულ სპარინგებზეც გკითხავთ: რამდენად კმაყოფილი ხართ იმ ოთხ საკონტროლო მატჩში "მეტალურგის" თამაშის ხარისხით?</strong></p><p>- ზოგიერთივით არ დავიწყებ იმის თქმას, რომ, არიქა, ყველა საკონტროლო მატჩი უმაღლეს დონეზე ვითამაშეთ-მეთქი. ისიც მინდა ვაღიარო, რომ რუსეთის "გაზოვიკთან" და მაკედონიურ "ტურნოვოსთან" მაღალი ხარისხის ფეხბურთი ვუჩვენეთ, მით უფრო, რომ ორივე მეტოქე ძლიერი და საკმაოდ ორგანიზებული გუნდი იყო; შედარებით სუსტი მეტოქეები გვყავდა თურქმენეთისა და რუმინული გუნდების სახით, თუმცა ამ შეხვედრებშიც უკმაყოფილო არ დავრჩენილვარ ჩემი შეგირდების ასპარეზობით.</p><p><strong>- თურქული შეკრებისას, საკონტროლო მატჩების მერე თქვენ მიერ გაკეთებულ კომენტარებში ხშირად უჩიოდით "მეტალურგის" მიერ შექმნილი საგოლე მომენტების რეალიზაციის დაბალ ხარისხს...</strong></p><p>- სამწუხაროდ, მართლაც ასე იყო და, იმის მიუხედავად, რომ ასეთი ტიპის შეკრებებზე შედეგს მნიშვნელობა არა აქვს, მაინც საწყენი იყო იმავე თურქმენებთან მარცხი თუ "ტურნოვოსთან" ფრე! ორივე მატჩი ჩვენი დიდი უპირატესობით წარიმართა, მაგრამ თურქმენებთან შეხვედრის მიწურულს მეკარის ბავშვური შეცდომის გამო გავუშვით გოლები. თითქმის იგივე გამეორდა მაკედონიური გუნდის წინააღმდეგაც. თუმცა კიდევ ვიმეორებ, რომ ჩემთვის მთავარი იყო, ყველა ფეხბურთელი საქმეში მენახა და საბოლოოდ დავრწმუნებულიყავი, თუ ვის რა შეუძლია.</p><p><strong>- სეზონის განახლებას "მეტალურგი" უამრავი ახალწვეულით ხვდება და, აქედან გამომდინარე, რამდენად აქტუალურია დღესდღეობით ფეხბურთელების ერთმანეთთან შეთამაშების პრობლემა?</p><p></strong>- ამ თურქული შეკრების ერთ-ერთი მთავარი მიზანი სწორედაც ფეხბურთელების ერთმანეთთან შეთამაშება იყო და ყოველივე ჯერჯერობით იდეალური თუ არ არის, ეს მხოლოდ დროის ამბავია. ანუ, იქიდან მოყოლებული, რაც შევიკრიბეთ, ფეხბურთელებს უფრო და უფრო უადვილდებათ ერთმანეთთან საერთო ენის გამონახვა.</p><p><strong>- გუნდის დაკომპლექტება დასრულებულია?</strong></p><p>- ორი-სამი ძლიერი ფეხბურთელის დამატებაზე უარს ნამდვილად არ ვიტყოდით, მაგრამ, სამწუხაროდ, ამის არც ფინანსები გვაქვს და, ასე რომც არ იყოს, დღესდღეობით ძნელიც არის კვალიფიციური და დაუსაქმებელი ქართველი ფეხბურთელის მოძებნა.</p><p><strong>- ფინანსური მდგომარეობა ახსენეთ და ამ მხრივ გუნდში როგორ არის საქმე?</strong></p><p>- საბედნიეროდ, კვლავაც გვერდში გვიდგას ჩვენი მთავარი დამფინანსებელი, რუსთავის მეტალურგიული ქარხანა. სწორედ ჩვენი მთავარი სპონსორის დახმარებით გადაწყდა კიდეც "მეტალურგის" თურქული შეკრებაზე გამგზავრება და ამისათვის მადლობის მეტი არაფერი გვეთქმის. იგივე შემიძლია ვთქვა რუსთავის მერიასა თუ საკრებულოზეც - ქალაქის ხელმძღვანელობაც მაქსიმალურად ცდილობს, "მეტალურგს" გვერდში დაუდგეს.</p><p><strong>- დაბოლოს, "მეტალურგის" მიზნებზეც...</strong></p><p>- ამ მხრივ, არაფერი შეცვლილა: ჩემპიონატის დარჩენილ ოთხ ტურში ყველა ღონე უნდა ვიხმაროთ, ზედა ექვსეულში რომ მოვხვდეთ. რაც შეეხება თასის გათამაშებას, აქაც ამბიციური მიზნები გვაქვს და ვეცდებით, რაც შეიძლება მეტი ეტაპი გავიაროთ.</p><p><strong>ყოველდღიური სპორტული გაზეთი "ლელო"</strong></p>
ბოლო წუთების ფასი... "დილამ" და "სამგურალმა" მოიგეს, "იბერია 1999"-"გარეჯი" ფრედ დასრულდა
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
ფრე ქუთაისში... და "თელავის" მოგება "გაგრასთან"
დუდუ დადიანის მემორიალზე ნახევარფინალისტები დაწყვილდნენ
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
იური ტაბატაძე შეცვალეს - "კადისი" "სეუტასთან" ფრეს დასჯერდა
ლოჩოშვილმა ტრავმა მიიღო - "ნიურნბერგი" სახლში "ჰერტასთან" განადგურდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" გიულერის თაობაზე ორი კლუბი დაუკავშირდა - "სამეფო კლუბმა" გადაწყვეტილება მიიღო
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
[VIDEO] სათადარიგოთა სკამიდან შევიდა და ყველაზე შედეგიანი იყო - შერმადინის მაგარი მატჩი "რეალთან"
ფრე ქუთაისში... და "თელავის" მოგება "გაგრასთან"
ლუის ენრიკემ კვარაცხელიას ტრავმაზე კომენტარი გააკეთა
[VIDEO] ლომინაძე და ქოჩორაშვილი შეცვლაზე შევიდნენ - "სპორტინგმა" "ნაპოლიმდე" "ეშტორილს" სძლია
"[VIDEO] ბარსელონასთან" მატჩის წინ ხვიჩამ ტრავმა მიიღო - პსჟ-მ "ოსერს" მცველების გოლებით მოუგო
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ
მერანი-რუსთავის მატჩი, რომელიც სფფ-მ გარიგებულად მიიჩნია [VIDEO]
"გორდა", "მეტალურგი", "რუსთავი"... რუსთავში ახალი საფეხბურთო ცხოვრება იწყება
"რუსთავში" რევაზ ძოძუაშვილი იმუშავებს
"რუსთავს" ისევ ახალი მწვრთნელი ჰყავს - ამჯერად უჩა სოსიაშვილი
ეროვნული ლიგა. XIII ტურის წინ: ვარლამ კილასონიას პირველი
ბოლნისის "სიონი" ვარლამ კილასონიამ ჩაიბარა
ეროვნული ლიგის მე-3 წრის საუკეთესოები დასახელდა
"რუსთავს" ვარლამ კილასონია გაწვრთნის
5 და მეტი - ქართული გუნდების დიდი ანგარიშით გამარჯვებები ევროთასებზე
მერანი-რუსთავის ვიდეო, რომელიც სფფ-მ მედიის წარმომადგენლებს გადასცა [VIDEO]
რუსთავში "რუსთავი" ბრუნდება - "მეტალურგის" ნაცვლად
ოთარ კიტეიშვილი: წყალი რომ წყალია, ისიც არ გვქონდა!..