<p>შესანიშნავი თამაშით განაახლა სეზონი ახალგაზრდა მორაგბეებით დაკომპლექტებულმა ქუთაისის "აიამ", რომლის მეტოქეც ინგლისელი, სამხრეთაფრიკელი და ახალზელანდიელი ლეგიონერებით გაძლიერებული "ბათუმი" იყო <br> შესანიშნავი თამაშით განაახლა სეზონი ახალგაზრდა მორაგბეებით დაკომპლექტებულმა ქუთაისის "აიამ", რომლის მეტოქეც ინგლისელი, სამხრეთაფრიკელი და ახალზელანდიელი ლეგიონერებით გაძლიერებული "ბათუმი" იყო.</p><p>მატჩი საკმაოდ ძლიერი ქარის ფონზე მიმდინარეობდა, რამაც თამაშში გარკვეული კორექტივები შეიტანა, თუმცა საბოლოო შედეგზე გავლენა არ ჰქონია.</p><p>პირველ ტაიმში ზურგის ქარი სტუმართა მხარეს იყო, მაგრამ მათ ეს ბუნებრივი უპირატესობა ვერ გამოიყენეს. ბესიკ ხამაშურიძისა და კობა გიორგაძის გუნდმა თავიდანვე მოიპოვა უპირატესობა და სწრაფი ლელოთი დაწინაურდა.</p><p>მასპინძლებმა მრავალფაზიანი შეტევა განახორციელეს, ჯერ მარაო გაშალეს, შემდეგ მოლით მიაწვნენ, ქუთაისელთა მარჯვენაფლანგელ ბექა ტორაძისკენ კარგი გადაცემა გააკეთეს, ისიც უკანახაზელებს ხელიდან დაუძვრა და "აია" დააწინაურა - 5:0. რიონისპირელთა ახალგაზრდა მგეზავმა გიორგი ბაბუნაშვილმა გარდასახვა ვერ გამოიყენა.</p><p>თამაში კვლავ ბათუმელთა ნახევარზე მიმდინარეობდა. ქუთათურები მწყობრად და ლამაზად უტევდნენ, თანაც მეტოქეზე ნაკლებ შეცდომებს უშვებდნენ. მათი გარჯა სულ მალე მეორე გატანილ ლელოში აისახა. რამდენიმეფაზიანი შეტევა გიორგი ჯავახიამ დააგვირგვინა, ბაბუნაშვილმა კი გარდასახვით ანგარიში 12:0 გახადა.</p><p>ამის შემდეგ ბათუმელებიც გააქტიურდნენ და ზედიზედ ორჯერ ჯარიმის დარტყმის უფლება მოიპოვეს. ზღვისპირელთა მგეზავმა ზვიად ოდიშარიამ ორივე საჯარიმო ზუსტად დაარტყა და ანგარიში შეამცირა - 12:6. სტუმრების უპირატესობა დიდხანს არ გაგრძელებულა. "აია" ყველა კომპონენტში სჯობდა მეტოქეს და 34-ე წუთზე კიდევ ერთხელ შეაღწია მეტოქის ლელოში. მასპინძელთა მრავალფაზიანი და ძალისმიერი შეტევის შემდეგ ბურთი "აიას" მღლეტელმა ბადრი დანგაძემ იგდო ხელთ და მესამე ლელო გაიტანა - 17:6.</p><p>მატჩის მეორე ნახევარში ქარი უკვე მასპინძელთა სასარგებლოდ ქროდა და ისედაც კარგად მოთამაშე ქუთაისელებმა მთლად გაილაღეს. ბათუმელებს განსაკუთრებით მასპინძელთა ახალგაზრდა გარემარბების - გიორგი ფრუიძის, ბექა ტორაძისა და ფულბეკ ზურაბ ძნელაძის შეჩერება უჭირდათ.</p><p>სტუმრებმა, რომელთა ლეგიონერებმაც თავი ვერაფრით დაგვამახსოვრეს, 20 წუთი კიდევ გაუძლეს მეტოქეს, შემდეგ კი დაღლაც დაეტყოთ და "აიასთვის" წინააღმდეგობის გაწევაც ვეღარ შეძლეს. 61-ე წუთზე ზურაბ ძნელაძემ ზღვისპირელებს ხაზი გაუჭრა, დიდი სიჩქარე აკრიფა და ბურთი ძელებს შორის დაამიწა.</p><p>ბაბუნაშვილის ნაცვლად მოედანზე შესულმა რეზო ჯინჭველაშვილმა ხელსაყრელი პოზიციიდან გარდასახვა ზუსტად დაარტყა.</p><p>მატჩის დასრულებამდე მასპინძლებმა კიდევ ორი ლელო მიითვალეს. ლამაზად გათამაშებული მარაოს შემდეგ გიორგი ფრუიძე შეიჭრა ჩათვლის მოედანში და ჯინჭველაშვილმაც ზუსტად გარდასახა. ბოლო წუთზე კი, მოლით შეტევისას სტუმრებმა ტორაძე ვერ შეაკავეს და მანაც თავისი მეორე ლელო გაიტანა.</p><p>ჯინჭველაშვილი გარდასახვისას კვლავ ზუსტი იყო და საბოლოო ანგარიშიც დააფიქსირა - 41:6. ბრწყინვალე სტილში გამარჯვებასთან ერთად, "აიამ" პრემიალური ქულაც მიითვალა და ლიდერებს წამოეწია.</p><p><em><strong>აია-ბათუმი 41:6</strong></em></p><p>აია (15-9) ძნელაძე, ბ. ტორაძე, ფრუიძე, ირემაძე, კვერნაძე, ბაბუნაშვილი (ჯინჭველაშვილი 62.), თ. თუთბერიძე (ზ. თუთბერიძე 75.); (1-8) რატიაშვილი, სალდაძე (გ. ტორაძე 55.), ულუმბელაშვილი (ჩხიკვაძე 64.), შალამბერიძე, ჯავახია (ჩიტეიშვილი 46.), რევიშვილი, დანგაძე, ყურაშვილი (ლოსაბერიძე 55.)</p><p>6 ლ: ბ. ტორაძე (2), ჯავახია, დანგაძე, ძნელაძე, ფრუიძე 4გ: ბაბუნაშვილი, ჯინჭველაშვილი (3). ს: ბაბუნაშვილი</p><p>სინბინი: თ. ირემაძე</p><p>ბათუმი (15-9) ჰემპსონი, გოგიტიძე, რუქი (ოქროპირიძე 55), ხონელიძე, ევგენიძე, ოდიშარია (ვენი 74), შამულო; (1-8) სულაბერიძე (ხოჭოლავა 45), გიგაშვილი, კაიკაციშვილი (ბერიძე 47), ნიუვენჰეიზერი, ხელაძე (კორტავა 45), ცირეკიძე (ალიქაძე 45), კეიკოჰობსი, გუგუშვილი</p><p>2 ს: ოდიშარია</p><p>მსაჯი: გიორგი ამირხანაშვილი</p><p><strong>საქართველოს ჩემპიონატი</p><p></strong><em>ა გ თ მ ფ წ ბ ქ</p><p></em>1. ლელო 12 9 0 3 +171 44</p><p>2. აია 12 9 0 3 +112 41</p><p>3. არმია 12 8 1 3 +142 41</p><p>4. ლოკომოტივი 12 9 0 3 +72 40</p><p>5. ყოჩები 12 7 1 4 +35 34</p><p>6. ჯიქები 13 5 2 6 +49 31</p><p>7. არმაზი 11 4 0 4 -13 30</p><p>8. ხარები 13 2 0 11 -167 11</p><p>9. აკადემია 12 1 0 11 -178 8</p><p>10. ბათუმი 11 1 0 10 -223 6</p><p><strong>XIII ტური</p><p></strong>ყოჩები-არმაზი, აია-ჯიქები, არმია-ლოკომოტივი, ლელო-ბათუმი, აკადემია-ხარები.</p><p><em>აიას დამაჯერებელი გამარჯვება (იბეჭდება მცირე ცვლილებით)</em></p><p><strong>ყოველდღიური სპორტული გაზეთი "ლელო"</strong></p>
ფინალის დღე | საქართველოს დ. ყიფიანის სახელობის თასი | ყველაფერი სუფთა ფურცლიდან იწყება...
ქართველი მსაჯების საერთაშორისო დანიშვნები
რჩება თუ მიდის - მაიამის "ინტერის" დირექტომა სუარესის მომავალზე ისაუბრა
"ბრიუგემ" ჰეიენი გაათავისუფლა და მთავარ მწვრთნელად კლუბის ყოფილი დამრიგებელი დანიშნა
თუ "სიტისთან" წააგებენ - "რეალში" ალონსო შესაძლოა, მადრიდული გუნდის კიდევ ერთმა ყოფილმა ფეხბურთელმა ჩაანაცვლოს
სესკს გრანდები აქტიურად აკვირდებიან - ფაბრეგასმა შესაძლოა, ყოფილი გუნდი ჩაიბაროს
სტუმარ-მასპინძლის როქი პირეოსში ქართველი მსაჯ-კომისრის გარეშე არ ჩაივლის
[საქართველოს ჩემპიონატი 2025] პლეი ოფების დროა!
"გალათასარაი" აღარ ხუმრობს - ოსიმენი თანამემამულესთან ერთად შეუტევს?
ჩელენჯ თასი | 140 წლის "ქონოთთან" გალვეიში
[VIDEO] კვერნაძის დუბლი იტალიაში - "ფროზინონე" სერია A-სკენ მიიწევს
"კვარაცხელია ბრენდი "K" - ბრწყინვალე ქართველი კოშმარი მეტოქისთვის" - ფრანგული მედია ხვიჩაზე
[სიმბოლური ნაკრები. ეროვნული ლიგა. ბოლო ტური] დამაჯერებელი და სრულიად კანონზომიერი...
[VIDEO] 39 წლის ჰალკის საოცარი გოლი ბრაზილიის ჩემპიონატში
ჩაბი ალონსო: ჯერ დაკარგული არაფერი არ არის
"ის კაცი კი არა გველი და ეშმაკია" - იაია ტურემ პეპ გვარდიოლას შესახებ ისტორია გაიხსენა
სუპერლიგის მე-7 ტური "ბათუმმა" "რუსთავის" ძლევით დახურა
"მომავალ წელს კლუბში მინიმუმ 20 მილიონი ლარის ინვესტირება მოხდება" - ტარიელ ხეჩიკაშვილმა "იბერიას" სამომავლო გეგმებზე ისაუბრა
ლიდერებმა სალაჰის მხარი დაიჭირეს - "ლივერპულის" ფეხბურთელები სლოტის გათავისუფლებას ითხოვენ
[VIDEO] სანდროს მორიგი კარგი მატჩი და ეფექტური ჩატენვები - "ტორონტო" ზედიზედ მესამედ დამარცხდა
თსუ-მა "ბათუმი" დამაჯერებლად დაამარცხა და საქართველოს სუპერთასს დაეუფლა
"შავი ლომი" | ორი ცვლილება "ბათუმთან"
საქართველოს სარაგბო ჩემპიონატი: ახალი კალენდარი, ძველი გუნდები
სარაგბო ჩემპიონატის პირველი ეტაპი "ლელოსია"
სუპერთასი | თელ-ავივი ქართულ გუნდებს არ სწყალობს
ოთარ ქორქიას სახელობის სუპერთასი "ბათუმმა" მოიგო
ნიაზ მამრიკიშვილი: "ბათუმს" სხვებმა რომ მიბაძონ, საამისოდ სერიოზული თანხებია საჭირო
დიდი 10: "ლოკომოტივმა" "აია" დაამარცხა და ჩემპიონი გახდა [VIDEO]
საქართველოს სარაგბო ჩემპიონატის XIII ტური: "ბათუმს" ლეგიონმაც ვერ უშველა
დიდი 10: "ლოკომოტივმა" ქუთაისში "აიას" 4 ლელო გაუტანა
შესანიშნავი ქვეყანა, ადამიანები რაგბით სულში - ირლანდიელების შეფასება საქართველოში მოგზაურობის შემდეგ
რაგბის დასავლეთ აკადემიას ნუგზარ ძაგნიძის სახელი მიენიჭა
სუპერლიგის სადებიუტო მატჩში "ვსა-BASKETBALL"-მა "ბათუმი" 80:72 დაამარცხა
ქუთაისელები საქართველოს საუკეთესო გუნდი გახდნენ
დიდი 10-ის ფინალი - ისტორია მეორდება
საქართველოს სარაგბო ჩემპიონატი: "ხარებმა" "ჯიქები" მოიგერიეს
სუპერთასი | "შავი ლომი" აღმოსავლეთში, "ლუზიტანუში" დასავლეთში