რევაზ ძოძუაშვილი: "ვისოლთან" პრეტენზია არ გვაქვს, მაგრამ "ტორპედოს" რა ეშველება?

ძოძუაშვილის თქმით, ისეთი გუნდის ჩამოყალიბება, რომელიც ქუთაისელ გულშემატკივრებს გაახარებს, ჯერჯერობით შეუძლებელია ქუთაისის "ტორპედოს" ოფიციალურ ვებგვერდთან ინტერვიუში კლუბის პრეზიდენტმა გიორგი პაპიაშვილმა კატეგორიულად უარყო ბოლო დროს გავრცელებული ხმები და განცხადებები იმის შესახებ, რომ კომპანია "ვისოლის" მხრიდან დაფინანსებაში გარკვეული ხარვეზები იყო."იმ დღიდან, როცა გუნდმა მიმდინარე სეზონისთვის მზადება დაიწყო, კლუბის წევრებთან და თანამშრომლებთან გაფორმდა კონტრაქტები და ყველა დეტალზე მოვილაპარაკეთ. ჩვენი მხრიდან არანაირი დარღვევა არ ყოფილა. ხელფასებიც დროულად რიგდება და პრემიებიც. კლუბს არავის წინაშე დავალიანება არ გააჩნია. მე შემიძლია ნებისმიერ პიროვნებას წარვუდგინო ყველა ხარჯის შესაბამისი დოკუმენტი", - ამბობს პაპიაშვილი (<a href="/fexburti/qarthuli-fekhburthi/chempionati/71267-quthaisis-qtorpedosq-prezidenti-bodishi-thu-thbilisis-qdinamosq-ver-vejibrebith-pirobebshi.html" target="_blank">იხილეთ სრულად</a>).ცხადია, კომენტარისთვის რევაზ ძოძუაშვილს დავუკავშირდით:- საკვებიც გვაქვს, ხელფასებიც, პირობებიც და ბაზაც. ნამდვილად ვერ ვიტყვი, რომ "ვისოლი" განზე გადგა და არაფერს გვიკეთებს. მაგრამ საქმე ისაა, რა მიზნები აქვს გუნდს დასახული.ჩვენ გვსურდა სამეულში მოხვედრა და არა ლიგაში დარჩენა. საამისო პირობები კი ნამდვილად არ გვაქვს. ან რა უნდა იყოს სამ თვეში გაკეთებული გუნდი, სადაც მოთამაშეებს ნახევარწლიან კონტრაქტებს ვუფორმებთ და გაურკვეველი მომავალია? ისიც არ ვიცით, დეკემბრის შემდეგ რომელი ფეხბურთელი დარჩება და ვის იმედად უნდა ვიყოთ. კონტრაქტები დაუმთავრდებათ და მეშინია, ისევ ახალი გუნდის აწყობა არ მომიხდეს.სწორედ ეს გაურკვევლობაა გუნდის პირველი მტერი, მოთამაშეებსა და მწვრთნელებს სტრესულ ვითარებაში რომ გვაგდებს. დიახ, ვიტამინები არის, აღდგენებიც და დასვენებაც. მაგრამ უკეთესი პირობებით მეტს მივაღწევთ."დინამო" ჩვენზე ბევრად მდიდარია, მაგრამ ქუთაისში თამაშს თავი შეაკლეს და აგერ, ბათუმის "დინამოსთან" წააგეს. როგორც მითხრეს, გუნდი გამოფიტული ყოფილა. არადა, აღდგენები ხომ ჩვენზე ბევრად უკეთესი აქვთ? გამოდის, ესეც არ ყოფილა საკმარისი და რა გასაკვირია, რომ ჩვენც უკეთესი გვსურს.- თქვენ "ვისოლთან" გაქვთ პრეტენზია?- პრეტენზია კი არ გვაქვს, გაურკვეველ მომავალზე ვდარდობთ. მაგრამ სანამ გუნდში არიან, ერთად მეტი შეგვიძლია.- რას გულისხმობთ?- ბოლო თამაშებია, ვერ ვიგებთ და მრჩება შთაბეჭდილება, რომ ვიღაცის უხილავი ხელი გვებრძვის. მსაჯებთანაც საჭიროა დალაპარაკება და ფეხბურთის ფედერაციასთანაც, თორემ ვეღარ გავიგე, რა ხდება ჩვენს თავს.მეორეცაა - "დინამოს" ფეხბურთელებს ჩვენთან მოგებისთვის პრემიად 5 ათასი ლარი დაუწესეს, ჩვენ კი მხოლოდ 500 ლარი გვქონდა. ცხადია, მეტი მოტივაცია მეტი სტიმულია და ფეხბურთელს სულ სხვაგვარად ათამაშებს.გარდა ამისა, ჩვენ ხელფასის ნაწილს გვირიცხავენ, ნაწილი კი ფედერაციისგან დარიცხულით გაისტუმრეთო.- ყველა ვხედავთ, სხვა გუნდები რა დღეში არიან. ამის ფონზე, "ტორპედოს" ახლა მცირედითაც რომ ეხმარებიან, ესეც შვება უნდა იყოს თქვენთვის... - როგორ არ გვეხმარებიან, მაგრამ ისეთი გუნდის ჩამოყალიბება, რომელიც ქუთაისელ გულშემატკივრებს გაახარებს, ჯერჯერობით შეუძლებელია. სამწუხაროდ, "ვისოლს" ფეხბურთიდან წასვლა სურს და ასეთ პირობებში, ვიმეორებ, მათთან პრეტენზია ნამდვილად არ მაქვს.მაგრამ "ტორპედოს" რა ეშველება? სულ ასეთ გაურკვევლობაში ხომ არ უნდა ვიყოთ? საერთოდ, საით მივექანებით კრიზისში მყოფი გუნდებით?მეორე ამბავიც არის: როცა ხედავენ, რომ გუნდის პრობლემებით რეალურად არავინ ინტერესდება, მერე ასეთი გუნდი იჩაგრება.- ვისგან იჩაგრება? - ვისაც ეს შეუძლია. ბოლო ხუთი ტურია, არ მოგვიგია და თითოეულ ამ შემთხვევაში მსაჯებთან კითხვები მქონდა.- იქნებ დაგვიკონკრეტოთ?- 8 მსაჯი დაიჭირეს და მიკვირს, ეს საკმარისი არ არის? ზოგჯერ ვფიქრობ, ხალხი ვიღაცის დავალებით ხომ არ მუშაობს, რომ "ტორპედო" დაიძიროს? მე არაფერს ვამტკიცებ, მაგრამ ბევრი რამ დასაფიქრებელია.(იბეჭდება მცირე ცვლილებით)ყოველდღიური სპორტული გაზეთი "ლელო"

ZVELI

ვინც ძოძუაშვილს ადვოკატად უდგება მან არ იცის ზოგადათ ქართულ ფეხბურთში, კერძოდ კლუბებში რა სიბინძურეებს აქვს ადგილი და მათ შორის ალბათ მოწინავე ადგილზეა "ტორპედო". კაცი, რომ იტყვის 500 ლარი პრემია საქართველოში მოტივაციას არ იძლევაო, ე. მას ბევრად მეტი აქვს და მაშინ რატომ წუწუნებს. ასეთებს გაძვალტყავებული ხალხის ბიუჯეტიდან ფული არ უნდა მისცე.
^^

იმ 8 მსაჯთან ერთად სხვებიც იყვნენ დასაჭერები მიხიჩ! აი ისინი, რომლებიც რამოდენიმე თამაშში ზედიზედ პირველ ტაიმში რომ აკეთებდნენ ზამენებს ტოტალიზატორის ხათრით და მერე იძახდნენ, მინდოდა და შევცვალეო
axali

ლევან მოშორდიო ეუბნები კაცს რომელსაც იმდენი ტიტული აქვს შენ ვერ დაიმახსოვრებ მაინც რომ გითხრან, შენ თვითონ მოშორდი,, ზრდილობა ისწავლე და დაბრუნდი მერე,, ქართული ფეხბურთი კრიზისშია და ვინმეს მოცილებაზე კი არ უნდა ვილაპარაკოთ აქეთ უნდა მოვიყვანოთ კიდე პროფესიონალები,,, ვედარებით მერე ევროპას და პოლონეთს და გერმანიას გვინდა მოვუგოთ, თვალები გაახილეთ ცოტა, ვისოლს და მილიარდელებს თქვენი დაცვა არ ჩირდება ხალხო,
antibneleti

დაბოღმილი ხალხი მოშორდით პოლიტიკასაც და სპორტსაც და ქვეყანას ეშველება! ნუ გეშინიათ, ბოღმიანებსაც არ გაწირავს საშიმშილოდ ნორმალური სახელმწიფო, "პასობიე" გექნებათ ყველას!
sano

მიხიჩ მართლა მაყუთს ღუნავ?
Fridon

მიხიჩ ჯიგარო, დაანებე წუწუნს თავი - პირველი ტაიმის ზამენებით რომ გაივსე ჯიბეები და სხვაც ახეირე, მაშინ რატომ არ წუწუნებდი. შენ რომ ხარ გუნდის ტრენერი, მასეთი გუნდის დაფინანსებაზე უარის თქმაში, ვისოლს ორივე ხელის აწევით ვეთანხმები
Levanil

წადი და მოშორდი მაგ გუნდს შენი პენსიონერ ფეხბურთელებთან ერთათ...
jora

მაყუთი უნდა რეზოსა
ფეხბურტის მოყვარული

კარგი იქნება ჟურნალიტებამა კლუბისაგან ოფიციალურად მოითხოვოტ,ფეხბურტელებისა და მწვრთნელების ხელფასები,რამდენი ფეხბურტელი იღებს ხელფას.რა იხარჯება კვებაზე.რამდენია პრემია.აგვისტოდან დღემდე რამდენი დღე არის გუნდი შეკრებაზე და ხალხი დაინახავს რამდენად საფუძვლიანია მატი პრეტენზიები.ამოვიდა რა კისრში ამდენი პრეტენზიები.იქნებ თავის თავში დაენახათ ის ნაკლოვანებები რაც ხელს უშლის გუნდს წარმატებებში.
ZVELI

ძოძუაშვილმა შეთქმულების თეორია ჩამოაყალიბა. შენ თვითონ ებრძვი შენს თავს, როცა გუნდი გაავსე პენსიონრებით, როგორც მინდორზე, ისე მინდვრის გარეთ, რა სელექციონერებიც გყავს ის გუნდი მიიღე და სხვას ნუ აბრალებ. წადი ახლა დაისვენე და ჩვენც დაგვასვენე.

ფრე წყალტუბოში: "გარეჯის" თავურები

ლიდერის შთამბეჭდავი მოგება; "გაგრას" გამარჯვება ბათუმში; ათკაციანი "თელავის" ფრე ქუთაისში

"დინამო თბილისი": სამი გოლი, სამი ქულა

მიქაუტაძის "ლიონს" ახალი მეკარე ჰყავს

ქართველი მსაჯები ევროპა ლიგის მატჩს მოემსახურებიან

რაშფორდს მიმდინარე სეზონში ტრებლის მოგების სჯერა

ისევ პრემიერ ლიგა თუ ბუნდესლიგა - ჯეკსონს ორი ვარიანტი გამოუჩნდა

უარი კლუბისგან და ფეხბურთელისგან - ლოკატელი "იუვენტუსში" რჩება

"მილანის" ორი ვარიანტი - "როსონერის" შეტევა ვლაჰოვიჩით ან ჰოილუნით გაძლიერდება

მსოფლიო საკლუბო ჩემპიონატი სრულიად შეიცვლება? - FIFA ახალ ვარიანტზე მუშაობს

ფიქრობს თუ არა კვლავ საქართველოს ნაკრებში თამაშზე - მარადიშვილმა ამ კითხვას უპასუხა

[VIDEO] ბასილაშვილმა ბელგიელ მეტოქეს სძლია - ქართველმა წლის ბოლო დიდი სლემი წარმატებულად დაიწყო

ფრე წყალტუბოში: "გარეჯის" თავურები

"უდინეზეში" გოგლიჩიძის დებიუტი შედგა - მისი გუნდი 1/16-ფინალში გავიდა

Geo Team: არის პირადი კონტრაქტი - ჩაკვეტაძის "ვალენსიაში" ტრანსფერი ბოლომდეა მისაყვანი

სიგუას ახალ გუნდში დებიუტი ევროტურნირზე შედგება

17-წლამდე ვაჟთა ნაკრები საწვრთნელ შეკრებას იწყებს

"ნაპოლი" მთავარი თავდამსხმელის გარეშე დარჩა

სიგუა შვეიცარიაში გუნდს გამოიცვლის

"გვარდიოლა ამ ფეხბურთელის დამატებაზე ოცნებობს" - ფაბრიციო რომანო

15-წლამდე გოგონათა ნაკრები განვითარების თასისთვის ემზადება

ტონი კროოსმა ფეხბურთის ისტორიაში საუკეთესო მეკარე დაასახელა

"სიტიმ" იმაზე დიდი ხელფასი შესთავაზა, ვიდრე პსჟ-სგან მოითხოვდა - დონარუმა პრემიერლიგას უახლოვდება

"რუსთავში" რევაზ ძოძუაშვილი იმუშავებს

ტორპედო VS ჟილინა - სტუმარი ფავორიტია, მაგრამ ვიცით, როგორ მოვუგოთ

საქართველოს უმაღლეს ლიგაში 18 გუნდი იქნება?

ჟერარდ სარაგოსა: საბანაძეს ფეხბურთის თამაში არ უნდა

საქართველო მხოლოდ 5 ქვეყანას უსწრებს - UEFA-მ კლუბების შედეგების მიხედვით, ახალი რეიტინგი გამოაქვეყნა

იმედია, ყველა არ გავარდება - დღეს ქართულ კლუბებს განმეორებითი მატჩები აქვთ

ჟერარდ სარაგოსა: "ტორპედოსნაირი" პირობები ბევრ გუნდს ესპანეთშიც არ აქვს

ოთხიდან ოთხივე გავარდა - რა ვიხილეთ ქართული გუნდებისგან ევროტურნირებზე?

გვყავდა ფეხბურთის არწივები, დღეს კი უმეტესობა ინდაურია - ძოძუაშვილი თბილისის "დინამოს" განადგურებაზე

ძოძუაშვილი: კარგი იქნება ნაკრებში ანჩელოტი, ისე კი ქართველს ვემხრობი

საბრძოლო ანგარიშებით საპასუხო მატჩებში - კონფერენს ლიგის მეორე რაუნდის პირველი შეხვედრების მიმოხილვა

რა გეგმა აქვს შუსტერს? - დღეს 2 ქართული კლუბი ითამაშებს

რევაზ ძოძუაშვილი: სირცხვილია იმაზე საუბარი, რომ მსაჯები ვინმეს ეხმარებიან

რევაზ ძოძუაშვილი: ხელმძღვანელობას და ახალ სპონსორებს უნდოდათ, რომ მთავარ მწვრთნელად დავნიშნულიყავი, მაგრამ...

დღეს სამი ქართული კლუბი ითამაშებს - წაგებით დავიწყეთ...

რევაზ ძოძუაშვილი ტყიბულის "მეშახტეში" იმუშავებს

"ტორპედოს" დირექტორი: კლუბსა და ქომაგებს შორის დაპირისპირება არ არსებობს