<p>საქართველოს ეროვნული ჩემპიონატი. უმაღლესი ლიგა. XIII ტური <br> სამწუხაროა, ძალიან ცუდია, საქართველოს ჩემპიონატის რიგით მატჩებზე მხოლოდ ასამდე მაყურებელი რომ დადის. ასე იყო მცხეთაშიც, სტადიონის ტრიბუნებზე ძირითადად ფეხბურთელების ნათესავ-მეგობრები ისხდნენ. არადა, ამ უნიკალურ მატჩს მეტი ქომაგი დამშვენდებოდა. თუ რატომ, ამაზე - ქვემოთ...</p><p>ჯერ ის ვთქვათ, თუ რატომ ვუწოდეთ მცხეთურ დაპირისპირებას "უნიკალური". საქმე ისაა, რომ მატჩში ერთადერთი კუთხური დაფიქსირდა და ისიც... 90-ე წუთზე. დაგვეთანხმებით, ძალიან იშვიათი შემთხვევაა.</p><p>სანამ მატჩის შედეგის კანონზომიერებასა და "მეტალურგის" დამსახურებაზე დავწერთ, საქართველოს 19-წლამდელთა ნაკრების ნახევარმცველ ოთარ კიტეიშვილზე უნდა ვთქვათ.</p><p>როცა საქმე ახალგაზრდა ფეხბურთელს ეხება, სათქმელს ჩვენში განსაკუთრებული მოზომვა სჭირდება, ეს კარგად ვიცით. და მაინც, ფაქტს ვერსად გავექცევით - მცხეთაში კიტეიშვილი მთელ რიგ ეპიზოდებში სასწაულებს აკეთებდა. ვუყურებდი ამ თამაშს და ვფიქრობდი, რომ ხმები ქართული ფეხბურთის ნაადრევად გარდაცვალების შესახებ გადაჭარბებულია.</p><p>დიდი ტექნიკური არსენალი, მოქმედების ფართო დიაპაზონი, ნატიფი მოძრაობები და პასის კულტურა - კიტეიშვილს ყველაფერი აქვს საიმისოდ, რომ დიდი ფეხბურთი ითამაშოს. ახლა ჯერი მასზეა. მთავარია, ის სენი არ შეეყაროს, მასზე ნიჭიერები და ბევრისშემძლეებიც რომ დაუმუხრუჭებია...</p><p>"მეტალურგმა" დამსახურებულად მოიგო. დუბლი მიითვალა დავით გელაშვილმა. მე-7 წუთზე "დუჩიმ" ვიტელ მცველებსა და მეკარეს დაასწრო, წინ გამოსულ ჯონი შეროზიას თავზე გადაუგდო ბურთი და სტუმრები დააწინაურა.</p><p>გაშვებულმა გოლმა "ვიტ ჯორჯია" გაააქტიურა. მასპინძელთა დამრიგებელმა ზურაბ ბერიძემ გარკვეულ ტაქტიკურ ცვლილებასაც მიმართა - მათე კვირკვიას არყოფნაში ამპლუით მარჯვენა მცველი ლევან საბაძე ნახევარმცველად გაამწესა. კვირკვია კი ვიტელებს მართლაც ძალიან აკლდათ. ის რომ მინდორზე ყოფილიყო, ვეჭვობთ, სულ სხვა თამაში იქნებოდა...</p><p>მე-16 წუთზე "ვიტ ჯორჯია" პენალტს ითხოვდა. საჯარიმოში ელგუჯა ლობჯანიძე დაეცა, თუმცა არბიტრმა ჯენერი ხორავამ თამაშის გაგრძელება ბრძანა.</p><p>ეს იყო და, "მეტალურგს" მცველი შალვა ექვთიმიშვილი დაუშავდა. მის ნაცვლად მინდორზე ლაშა მჭედლიშვილი გამოჩნდა, რომელმაც თავისიანებს ძირითადი ფეხბურთელის არყოფნა არ აგრძნობინა.</p><p>34-ე წუთზე, კიტეიშვილის შესანიშნავი გადაცემის შემდეგ მეკარესთან პირისპირ გასულ გელაშვილს დუბლის შესრულება შეეძლო, თუმცა შორეულ კუთხეში დარტყმული ბურთი ოდნავ ასცდა შეროზიას კარს.</p><p>პირველი ტაიმის დასრულებას 5 წუთი აკლდა, როცა იმავე კიტეიშვილმა მორიგი თვალისმომჭრელი პასით დააჯილდოვა გელაშვილი. ამჯერად, რუსთაველთა ეულ ფორვარდს მიზანმა აღარ უმტყუნა და "მცხეთა პარკზე", პრაქტიკულად, ყველაფერი გაირკვა.</p><p>მეორე ტაიმს "ვიტ ჯორჯია" ორმაგი ცვლილებით შეეგება, მაგრამ ბერიძის გუნდი იმ დღეს საკუთარ თავს არ ჰგავდა. სხვა დროს ბოლომდე მებრძოლი და მოტივირებული "ვეტერინარების" ცნობა შეუძლებელი იყო.</p><p>ერთადერთი რეალური საგოლე მომენტი ვიტელებმა 68-ე წუთზე შექმნეს, როცა კახა კახაბრიშვილის მიერ ძლიერად დარტყმული ბურთი ექსვიტჯორჯიელმა გიორგი ბედიაშვილმა მოიხელთა.</p><p>თამაშის ბედი გადაწყვეტილი ჩანდა და იმასღა ველოდით, შეხვედრა უკუთხუროდ ჩამთავრდებოდა თუ არა. როგორც ზემოთ დავწერეთ, ნავსი 90-ე წუთზე გატყდა...</p><p>რა სჭირს "ვიტ ჯორჯიას"? ამ კითხვას, ალბათ, უკეთ გუნდის სამწვრთნელო შტაბი უპასუხებს. "მეტალურგი" კი ჩვენს რეალობაში გვარიან გუნდად მოჩანს. თუ რუსთაველებს ძველებურად აღარ გაუჭირდათ ფინანსურად, ვინძლო, ევროსაგზურისთვისაც იბრძოლონ...</p><p><span style="color: #3366ff;"><strong>საქართველოს ეროვნული ჩემპიონატი. უმაღლესი ლიგა. XIII ტური</strong></span></p><p>21.11. მცხეთა. "მცხეთა პარკი". 100 მაყურებელი</p><p><em><strong>ვიტ ჯორჯია-მეტალურგი 0:2</strong></em></p><p>გოლები: 0:1 გელაშვილი (7), 0:2 გელაშვილი (40)</p><p><strong>ვიტ ჯორჯია (4-5-1):</strong> შეროზია - თათხაშვილი (46. დანელია), კალანდია, გეთიაშვილი, დავლაშელიძე - საბაძე, მაისურაძე, გახარია (67. დემეტრაშვილი), კურდღელაშვილი, კახაბრიშვილი - ე. ლობჯანიძე (46. ხვისტანი).</p><p>სათადარიგოები: ჩალიგავა, ჩიტიშვილი, ლებანიძე, კუხალეიშვილი</p><p>მწვრთნელი: ზურაბ ბერიძე</p><p><strong>მეტალურგი (4-5-1):</strong> ბედიაშვილი - მიქაუტაძე, ცნობილაძე, ნარიმანიძე, ექვთიმიშვილი (18. მჭედლიშვილი) - ჯოხაძე (64. ალავერდაშვილი), კაკაშვილი, გ. კილასონია (76. ვასაძე), ქავთარაძე, კიტეიშვილი - გელაშვილი.</p><p>სათადარიგოები: ბეგიაშვილი, სიხარულიძე, ბიწკინაშვილი, ტორონჯაძე</p><p>მწვრთნელი: ვარლამ კილასონია</p><p><strong>გაფრთხილება:</strong> კახაბრიშვილი (51), კაკაშვილი (57)</p><p><strong>არბიტრი:</strong> ჯ. ხორავა</p><p><span style="color: #3366ff;"><strong>ბომბარდირები:</strong></span></p><p>ჯ. დვალი (ზესტაფონი) 10</p><p>ი. მოდებაძე (დილა) 7</p><p>გ. პაპუნაშვილი (დინამო თბ) 7</p><p>ო. კვერნაძე (ტორპედო) 7</p><p>ნ. საბანაძე (დინამო თბ) 5</p><p>შ. ლომია (ზუგდიდი) 5</p><p><span style="color: #3366ff;"><strong>მომდევნო მატჩები</strong></span><span style="color: #3366ff;"><strong>:</strong></span></p><p><strong>დ. ყიფიანის სახ. თასი. 1/8-ფინალი. საპასუხო მატჩები</strong><span style="text-decoration: underline;"></p><p>25 ნოემბერი, სამშაბათი</span></p><p>სიონი-ვიტ ჯორჯია (0:1)</p><p>სამტრედია-დინამო (ბთ) (1:4)</p><p><span style="text-decoration: underline;">26 ნოემბერი, ოთხშაბათი</span></p><p>კოლხეთი (ფ)-დილა (0:0)</p><p>დინამო (თბ)-შუქურა (1:1)</p><p>საპოვნელა-სპარტაკი (0:3)</p><p>ტორპედო-მერანი (3:0)</p><p>მეტალურგი-ზუგდიდი (2:0)</p><p>ზესტაფონი-ჩიხურა (0:0)</p><p><strong>უმაღლესი ლიგა. XIV ტური</strong></p><p><span style="text-decoration: underline;">30 ნოემბერი, კვირა</span></p><p>მეტალურგი-სპარტაკი</p><p>დილა-მერანი</p><p>სამტრედია-ჩიხურა</p><p>დინამო (თბ)-გურია</p><p>ზესტაფონი-დინამო (ბთ)</p><p>შუქურა-ტორპედო</p><p>კოლხეთი (ფ)-ვიტ ჯორჯია</p><p>სიონი-ზუგდიდი</p><p><strong>ყოველდღიური სპორტული გაზეთი "ლელო"</strong></p>
ბოლო წუთების ფასი... "დილამ" და "სამგურალმა" მოიგეს, "იბერია 1999"-"გარეჯი" ფრედ დასრულდა
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
ფრე ქუთაისში... და "თელავის" მოგება "გაგრასთან"
"მანჩესტერ იუნაიტედი" ამორიმის შემცვლელად, ინგლისის ნაკრების ყოფილი მწვრთნელს მოიაზრებს
საერთაშორისო აღიარება - საქართველოს ხმა მსოფლიო ველოსპორტის არჩევნებში
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
წიტაიშვილი და აბუაშვილი შეცვლაზე და "მეცის" ფრე "ჰავრთან"
იური ტაბატაძე შეცვალეს - "კადისი" "სეუტასთან" ფრეს დასჯერდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
ფრე ქუთაისში... და "თელავის" მოგება "გაგრასთან"
ლუის ენრიკემ კვარაცხელიას ტრავმაზე კომენტარი გააკეთა
[VIDEO] ლომინაძე და ქოჩორაშვილი შეცვლაზე შევიდნენ - "სპორტინგმა" "ნაპოლიმდე" "ეშტორილს" სძლია
"[VIDEO] ბარსელონასთან" მატჩის წინ ხვიჩამ ტრავმა მიიღო - პსჟ-მ "ოსერს" მცველების გოლებით მოუგო
მიქაუტაძის 73 წუთი - "ვილიარეალმა" "ატლეტიკი" დაამარცხა და ზედიზედ მესამე გამარჯვება მოიპოვა
დავითაშვილი შეცვალეს - "სენტ-ეტიენი" სახლში "გენგამთან" დამარცხდა
პირველი ტაიმის შემდეგ პსჟ "ოსერს" 1:0 ამარცხებს
"ოსერთან" მატჩში პსჟ-ს სასტარტო შემადგენლობა ცნობილია
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ
შოკი "შტურმისთვის" - კიტეიშვილს პირადი მიზეზის გამო სამშობლოში გამგზავრება დასჭირდა
ცხინვალი-ვიტ ჯორჯია 1:0 - ცხინვალის ენდშპილი
რუსთავში "რუსთავი" ბრუნდება - "მეტალურგის" ნაცვლად
ოთარ კიტეიშვილი: წყალი რომ წყალია, ისიც არ გვქონდა!..
მერანი-რუსთავის მატჩი, რომელიც სფფ-მ გარიგებულად მიიჩნია [VIDEO]
ევროპა ლიგა. "შტურმი" კიტეიშვილის გარეშე დამარცხდა - გუგეშაშვილი "პაოკმა" განაცხადში არ შეიყვანა
ვარლამ კილასონია: კლუბი "მეტალურგი", როგორც ასეთი, არც არსებობს!
"შტურმის" მწვრთნელი: კიტეიშვილი ძალიან დაგვაკლდა - მხოლოდ მოედანზე ყოფნითაც კი მეტოქისთვის სახიფათოა
ვიტ ჯორჯია-ცხინვალი 1:4 - ნახევარფინალი რატიფიცირებულია [PHOTO]
5 და მეტი - ქართული გუნდების დიდი ანგარიშით გამარჯვებები ევროთასებზე
"ვიტ ჯორჯია" მწვრთნელის გარეშე დარჩა - ვინ შეცვლის ზურაბ ბერიძეს?
სატრანსფერო კარუსელები - რა შეიცვალა ეროვნულ ლიგა 2-ში?
ვლადიმერ ხაჩიძე "ვიტ ჯორჯიას" მომავალზე: ჯერ არაფერია გადაწყვეტილი
უმაღლესი ლიგის XIII ტურის მიმოხილვა და სიმბოლური ნაკრები
ოდესის "ჩერნომორეცმა" სინჯებზე მყოფი გიორგი რობაქიძე გუნდში დაიტოვა
ᓪᓮᓘᓜᓕᓐᓚᓘᓡ "ᓡᓞᓐᓠᓢᓐᓙᓘ" - ᓡᓞᓐᓠᓘᓜᓒᓔᓑᓨᓘ ᓣᓓᓐᓜᓐᓙᓐᓠᓒᓝ
დაბრუნდება დღეს კიტეიშვილი? - მწვრთნელი სიფრთხილეზე საუბრობს
სამზადისი. ცხინვალის "სპარტაკი": სელექცია გრძელდება
კუთხურიდან ჩახვეული ბურთი, წითელი ბარათები, პენალტები - ე-ლიგა 2-ის პლეი-აუტები დაძაბულად დასრულდა [VIDEO]
კიტეიშვილი დაბრუნდა - "შტურმმა" სტუმრად "ზალცბურგს" მოუგო
ქართველი ფეხბურთელი სინჯებზე "ჩერნომორეცში" იმყოფება
მერანი-რუსთავის ვიდეო, რომელიც სფფ-მ მედიის წარმომადგენლებს გადასცა [VIDEO]
"დილამ" გორში "სამტრედიას" მოუგო და თბილისის "დინამოს" მიუახლოვდა
"გორდა", "მეტალურგი", "რუსთავი"... რუსთავში ახალი საფეხბურთო ცხოვრება იწყება
სანამ მათემატიკური შანსი იქნება, ვიბრძოლებთ - "ვიტ ჯორჯია" თენგიზ კობიაშვილმა ჩაიბარა
საქართველოს თასი. 1/4 ფინალი. საპასუხო მატჩები: ეპიცენტრი თბილისსა და ქუთაისში
"შტურმი" კიტეიშვილი გარეშე სახლში დამარცხდა
51..9% ხელფასებში - რაში დაიხარჯა 2019 წელს ფეხბურთის განვითარების ფონდის ფული?
ელგუჯა ლობჯანიძე: ვეცდები, აწი ისე ვითამაშო, რომ ზლატანი ან "იბრა" დამიძახონ