<p>ჰარი კეინის ნაკრებში გამოძახება გადაწყვეტილია <br> <strong><span style="font-size: x-small;">* მუნდიალის მერე ინგლისის ნაკრებმა ექვსიდან ექვსი მატჩი მოიგო.</p><p>ჰარი კეინს ინგლისის ნაკრებში ვიხილავთ. როი ჰოჯსონი მას ლიტვასთან და იტალიასთან გასამართი მატჩებისთვის გამოიძახებს. ეს 67 წლის სპეციალისტმა წინასწარ დაადასტურა.</p><p></span></strong></p><p>21 წლის ფორვარდს ამ სეზონში 35 მატჩში 23 გოლი აქვს გატანილი და მართლაც საუცხოოდ გამოიყურება. მან უკვე "ტოტენჰემის" გულშემატკივრების გულები მოიგო. კეინს ცოტ-ცოტა ყველაფერი აქვს - სისწრაფე, დარტყმა, პასი, ტექნიკა, დრიბლინგის უნარი, თავით თამაში; ჯარიმებსაც ასრულებს და თავდაჯერებულ-შემართულიც არის; რაც მთავარია, ქარიზმატულიც. იმავე აზრზეა "დეზების" ყოფილი ფეხბურთელი დენი მერფი:</p><p>"იგი ძალიან ახალგაზრდაა და უკვე ძალიან მძლავრი. კეინი უბრალოდ კი არ უნდა გამოიძახონ ნაკრებში, არამედ მის გარშემო უნდა ააწყონ ნაკრები. ამ ბიჭის თამაშში სუსტ წერტილს ვერ ვხედავ". მერფი დიდწილად მართალია, მაგრამ ჰოჯსონს არც მისი და არც ვინმე სხვისი მითითება არ სჭირდება, გამოცდილი მწვრთნელი თავადაც მშვენივრად ხედავს ყველაფერს.</p><p>"ყველაფერი, რასაც შეიძლება ცენტრფორვარდში ეძებდე, ამ ბიჭშია თავმოყრილი. ეკუთვნის თუ არა ამ წუთას ადგილი ნაკრებში? რა თქმა უნდა, ეკუთვნის" - განაცხადა ჰოჯსონმა.</p><p>ჩარლი ოსტინს რამდენიმე მატჩია აღარ გაუტანია, მაგრამ კეინის მსგავსად, პრემიერლიგაში 13 გოლი აქვს და საუკეთესო ადგილობრივი გოლეადორის სტატუსს იყოფს ჰარისთან. ვინ იცის, ისინი ასევე ერთად მოხვდნენ ნაკრების შემადგენლობაში და მხარდამხარ ითამაშონ.</p><p>ჰოჯსონს ძალინ მოსწონს საიდო ბერაჰინოც და როგორც ჩანს, ბურუნდული ფესვების მქონე ინგლისელს ისევ მისცემს შანსს. "ვესტ ბრომვიჩის" თავდამსხმელი მანქანის ნასვამ მდგომარეობაში მართვისას კი დააკავეს, მაგრამ ჰოჯსონი მის დასჯას არ აპირებს, საკითხი დახურულიაო, აღნიშნა და დაამატა, კეინი და საიდო ერთნაირად იმსახურებენ შანსსო.</p><p>არ დავჩაგროთ დენი ინგსიც, რომელსაც ასევე დიდი პროგრესი აქვს. "ბარნლის" 22 წლის ფორვარდმა ბოლო 7 მატჩში 5-ჯერ გაიტანა და რამდენიმე გუნდის ყურადღება მიიქცია. "ამ ბიჭზე დაკვირვება უნდა გავაგრძელოთ, ძალიან პერსპექტიულია" - ბრძანა ჰოჯსონმა, რაც იმას ნიშნავს, რომ ამ ეტაპზე ინგსს ნაკრებში, ალბათ, არ დაუძახებენ, მაგრამ იგი ჩანიშნულია.</p><p>არ დაგვავავიწყდეს, რომ მისტერ როის ნაკრებში ადგილი დანიელ სტარიჯისთვის, დენი უელბეკისა და უეინ რუნისთვისაც მისაჩენი აქვს. ისე, ინგლისის ნაკრების კაპიტანი კლუბში კლასიკურ საყრდენ ნახევარმცველად აქციეს, მაგრამ ჰოჯსონი ამბობს, რომ მას ძველებურად თავდამსხმელად გამოიყენებს. რუნის ინგლისის ბოლო 6 მატჩში 6 გოლი აქვს გატანილი, სულ კი 46 და ყველა დროის ბომბარდირთა დავაში სერ ბობი ჩარლტონამდე ოდენ 3 ბურთიღა აშორებს.</p><p>"არ მიმაჩნია, რომ უეინის ნახევარდაცვაში თამაშის საჭიროება გვაქვს და ამ პოზიციაზე იგი საუკეთესოდ გამოგვადგება. თუმცა მომავალში ვინ იცის? მე არასოდეს ვამბობ არასოდესს. იგი გოლეადორია და მეტოქის საჯარიმოს ახლოს ვართ მის ხილვას მიჩვეულნი.</p><p>საკვალიფიკაციო ეტაპებზე ის ჩვენი საუკეთესო მეგოლეა. სულ ცოტა აკლია იქამდე, რომ ინგლისის ყველა დროის საუკეთესო ბომბარდირი გახდეს და ვიმედოვნებ, იგი გააგრძელებს კიდეც გატანას, - გვეუბნება ჰოჯსონი. - თუ ინგლისის ღირსებას იცავ, ორი ქუდის ტარებას მაინც უნდა იყო მიჩვეული. მზად უნდა იყო, რომ ერთი სახლში დატოვო და მეორე დაიხურო.</p><p>თუ ეს არ შეგიძლია, ჩემთვის და ჩემი აზრით, ნაკრებისთვის სასარგებლო ვერ იქნები. ასეა საქმე ინგლისის ნაკრებში, ხოლო ჩემი საქმე ახლა ის არის, რომ ინგლისს კარგად ჰქონდეს საქმე" - აი, ასეთი იგავ-არაკით დაასრულა ამ თემაზე საუბარი ჰოჯსონმა.</p><p>სხვა თემებს რაც შეეხება, ბერაჰინოსი არ იყოს, ინგლისელთა წინამძღოლი არც ჯეკ უილშირზე ჩანს გაბრაზებული. "არსენალის" ნახევარმცველი ღამის კლუბების ხშირი სტუმარია და ხან სიგარეტით ხელში უღებენ სურათს, ხან სიგარით, ხან ჩიბუხით, ხან ჩილიმით.</p><p>23 წლის ფეხბურთელი დაიცვა არსენ ვენგერმაც, იგი მწეველი არ არის და ძალიან წუხს იმის გამო, რაც მოხდა, მეტს აღარ იზამსო. უილშირს სანერვიულო პერიოდი ჰქონია და ცხოვრებისეულ პრობლემებს დაალაგებს და ყველაფერი კარგად იქნებაო, დაგვარწმუნა ფრანგმა. ჰოჯსონმა კი უილშირზე დასმულ შეკითხვას მშვიდად და აუღელვებლად უპასუხა, ამ თემაზე სასაუბროდ არა მგონია დრო მქონდეს, როდესაც მე ჯეკს ვხედავ ხოლმე, ჩვენ მატჩი გვაქვს მოსაგები და ამაზე ვლაპარაკობთო.</p><p>რასაკვირველია, არც "ლივერპულური დესანტი" დატოვა პრესამ უყურადღებოდ და ჰოჯსონს, პირველ რიგში, რაჰიმ სტერლინგზე ჰკითხა აზრი, რაზეც ასეთი პასუხი მოვისმინეთ - "სტერლინგი უფრო და უფრო ყალიბდება და სოლიდური ფეხბურთელი დგება". აი, 19 წლის ტალანტ ჯორდან აიბს კი კი ჯერ დაცდა მოუწევს.</p><p>შეგახსენებთ, რომ ევრო 2016-ის საკვალიფიკაციო ჯგუფში ინგლისს 4-დან 4 მოგება აქვს და უახლოეს მდევრებს 6 ქულით უსწრებს. მსოფლიოს ჩემპიონატის მერე ჰოჯსონის ბიჭებმა ორი ამხანაგურის გამართვა მოასწრეს და ის შეხვედრებიც მოიგეს, ანუ ზედიზედ 6 გამარჯვება, ბურთების სხვაობით - 15:2.</p><p>27 მარტს ინგლისი შესარჩევის მატჩში უმასპინძლებს ლიტვას, ხოლო 31 მარტს ამხანაგურად ესტუმრება იტალიას.</p><p><strong>ყოველდღიური სპორტული გაზეთი "ლელო"</strong></p>
ონანა კარიერას სავარაუდოდ, თურქეთში განაგრძობს
ფრენკ ლამპარდი შესაძლოა, სამუშაოდ პრემიერ ლიგაში დაბრუნდეს
"დარწმუნებული ვარ, "მანჩესტერ იუნაიტედი" მომდევნო 10 წელიწადში პრემიერლიგას მოიგებს" - მაიკლ ოუენი
პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა
პირველი ტაიმის შემდეგ საქართველოს ნაკრები ბულგარეთს 2:0 ამარცხებს
მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო
კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია
ოფიციალურად: "კოლოსმა" ზურაბ რუხაძე წარადგინა
ტიაგო მოტამ შესაძლოა, ბუნდესლიგის ბინადარი გუნდი ჩაიბაროს
როდრიმ მისი აზრით "ოქროს ბურთის" ორი ფავორიტი დაასახელა
"სექსის დროს არ მინახავს, არ იცოდა, რომ კამერებზე წვდომა მქონდა..." - როგორ გაიგო ღალატის შესახებ არგენტინელი ვარსკვლავის მეგობარმა გოგონამ
ფრენკ ლამპარდი შესაძლოა, სამუშაოდ პრემიერ ლიგაში დაბრუნდეს
ქოჩორაშვილი: აქამდე სწორედ იმიტომ მოვედით, რომ არასდროს ვნებდებით
ევრობასკეტის მთავარი სენსაცია - სერბეთის ნაკრები ფინეთთან დამარცხდა და ტურნირს გამოეთიშა
"შავი ლომი" "ძებრესთან" დამარცხდა
ლუქსემბურგის ახალგაზრდული ნაკრების ავტობუსი გზაში გადატრიალდა
გატუზო თავის სტიქიაშია - ზოგს წაუთაქა, ზოგს სილა გააწნა
დუე და დემბელე ლაზარეთში, ლუის ენრიკე საოპერაციო მაგიდაზე - რა ხდება პსჟ-ში?
ბულგარელთა მწვრთნელი: შეგვიძლია ის დანაკლისი აღმოვფხვრათ, რაც ჩვენი და საქართველოა ნაკრების ფეხბურთელების ხარისხს შორისაა
დავითაშვილი: ასეთები ხდება, მთავარია, ახლა არ გავიმეოროთ
სანიოლი: ისე ხდება, როგორც სკოლაში - გვირჩევნია ახალ ტაქტიკაზე ახლავე გადავეწყოთ
ანრის გაუთანაბრდა - მბაპე საფრანგეთის ნაკრებში ყველა დროის რეკორდისკენ მიდის
მატჩის დღე - ქართველებსა და ბულგარელებს ცუდად დაწყებულის გამოსწორება სურთ!
"ბოს, თქვენ ერთ-ერთი საუკეთესო ინგლისელი მწვრთნელი ხართ, თქვენ ქვეყანა გააერთიანეთ!" - კეინი საუთგეიტს დაემშვიდობა
"ბელინგემს ნაკრებში არავინ ემეგობრება და პატივს არ სცემენ" - The Athletic-ის სენსაციური ინფორმაცია "რეალის" ვარსკვლავზე
"არსენალმა" "ჩელსიდან" სტერლინგი დაიმატა
როგორ ავუხსნა შვილებს, რომ აღარავის ვჭირდები?! - ჯეკ უილშირის სევდა...
"უოტფორდმა" საშველად 74 წლის მწვრთნელს უხმო
ვისენტე გუაიტა "კრისტალ პალასში" გადავიდა
პირველი პროფესიონალური სამწვრთნელო საქმიანობა - ჯეკ უილშირს ინგლისური კლუბი ჩააბარეს
უილშირმა თამაშს თავი დაანება და 3 დღეში მწვრთნელობა დაიწყო
მოლაპარაკება არ შედგა - კიეზას და სტერლინგის გაცვლა გამოირიცხა
"იუვენტუსს" რაჰიმ სტერლინგის დამატება სურს - "ჩელსი" ინგლისელის გასაყიდად მზადაა
ჟოზე მოურინიო: ბოლომდე მჯეროდა გამარჯვების
დღეს ტუხელს ინგლისის ნაკრების მწვრთნელად წარადგენენ
როი ჰოჯსონი: მეოთხე გოლის ჩათვლა არ შეიძლებოდა, რადგან იქ აშკარად ხელით თამაში იყო
"მანჩესტერ იუნაიტედმა" და "ჩელსიმ" შესაძლოა, ფეხბურთელები გაცვალონ
გაბრიელ ჟეზუსის შემდეგ "სიტის" კიდევ ერთი ფორვარდი ტოვებს
"ჩელსიმ" ამ ზაფხულს 269 მილიონი დახარჯა - ტუხელმა გუნდი სრულად დააკომპლექტა
დღეს ფინალია! ესპანეთი ფავორიტია, თუმცა... შურისძიება ბათუმის გამო?!
ჯეკ უილშირი კვლავ ტრავმირებულია
ესპანეთი ჩემპიონია, მოიგო, ვისაც უნდა მოეგო - მიქაუტაძე "ოქროს ბუცის" მფლობელი გახდა! [VIDEO]
"გადაღლილობამ ფინალის წაგებაში თავისი როლი ითამაშა" - საუთგეიტი ესპანეთთან მარცხის შემდეგ
"ნორვიჩს" ჯეკ უილშირი გაწვრთნის
"არსენალის" ყოფილმა ფეხბურთელმა კარიერა 30 წლის ასაკში დაასრულა
რობერტო კარლოსი: ამ მწვრთნელმა ბოლო მომიღო, ფეხბურთის არაფერი ესმოდა
"კრისტალ პალასი" "ლილის" მცველის სანაცვლოდ 20 მილიონს იხდის